Morgunblaðið - 10.01.2001, Side 40

KIRKJUSTARF
40 MIÐVIKUDAGUR 10. JANÚAR 2001 MORGUNBLAÐIÐ
SAMVERA eldri borgara hefst aft-
ur eftir jólafrí.
Fyrirkomulag samveru eldri
borgara á miðvikudögum í Lang-
holtssöfnuði í vetur er með eftirfar-
andi hætti: Samverustundirnar
hefjast að nýju eftir jólafríið mið-
vikudaginn 10.
janúar. Þær verða frá kl. 11 til kl.
16 eða eins og þær voru í haust. Við
hefjum daginn með spjalli, kaffi-
sopa og heilsupistli, síðan er létt
hreyfing, slökun og kristin íhugun.
Undir orgelspili göngum við kl. 12
til bænagjörðar í kirkjunni. Að
henni lokinni er sameinast yfir
léttri máltíð (500 kr.) í safnaðar-
heimilinu. Kl. 13 verður farið að
spila, þeir sem vilja hlusta á upp-
lestur eða mála á dúka og keramik.
Kaffisopi og smákökur er í boði
kirkjunnar kl. 15.20. Síðast en ekki
síst er söngstund á léttu nótunum
undir styrkri stjórn Jóns Stefáns-
sonar organista. Hægt er að taka
þátt í allri dagskránni eða að hluta
til, ykkar er valið. Eldri borgurum
sem komast ekki að öðrum kosti til
kirkjunnar er boðið upp á akstur
heiman og heim gegn vægu gjaldi
(ferðin kostar 120 krónur). Umsjón
með þessum stundum hefur Svala
Sigríður Thomsen djákni. Verið
hjartanlega velkomin að hafa sam-
band við Svölu í síma 520 1314 eða
862 9162.
Bústaðakirkja. Starf aldraðra í
safnaðarheimili Bústaðakirkju kl.
13.30. Þar verður spilað, föndrað,
sungið, spjallað og boðið upp á
kaffi. Allir velkomnir.
Dómkirkjan. Hádegisbænir kl.
12.10. Léttur málsverður á eftir.
Grensáskirkja. Foreldramorgunn
kl. 10–12. Allar mæður velkomnar
með lítil börn sín. Samvera eldri
borgara kl. 14. Biblíulestur, bæna-
stund, kaffiveitingar og samræður.
TTT-starf (10–12 ára) kl. 16.30.
Hallgrímskirkja. Opið hús fyrir for-
eldra ungra barna kl. 10–12.
Háteigskirkja. Opið hús kl. 10–16 í
Setrinu, neðri hæð safnaðarheim-
ilisins fyrir eldri borgara. Bæna-
stund. Súpa og brauð í hádegi fyrir
200 kr. Upplestur, föndur o.fl. Nán-
ari upplýsingar gefur Þórdís Ás-
geirsdóttir, þjónustufulltrúi Há-
teigssafnaðar, í síma 551 2407.
Kvöldbænir og fyrirbænir í dag kl.
18.
Langholtskirkja. Kyrrðar- og fyr-
irbænastund í kirkjunni kl. 12–
12.30. Fyrirbænaefnum má koma til
sóknarprests og djákna. Eftir
kyrrðarstundina er létt máltíð í boði
í safnaðarheimili kirkjunnar. Opið
hús fyrir eldri borgara kl. 11–16.
Laugarneskirkja. Morgunbænir í
kirkjunni kl. 6.45–7.05.
Neskirkja. Orgelandakt kl. 12.
Reynir Jónasson leikur. Ritningar-
orð og bæn. Starf fyrir 7 ára börn
kl. 14–15. Opið hús kl. 16. Kaffiveit-
ingar. Biblíulestur kl. 17. Umsjón
sr. Frank M. Halldórsson. Bæna-
messa kl. 18. Sr. Frank M. Hall-
dórsson.
Seltjarnarneskirkja. Kyrrðar- og
bænastund kl. 12. Léttur málsverð-
ur á eftir í safnaðarheimilinu. Starf
fyrir 11–12 ára börn kl. 17.
Árbæjarkirkja. Félagsstarf aldr-
aðra. Opið hús í dag kl. 13–16.
Handmennt, spjall og spil.
Fyrirbænaguðsþjónusta kl. 16.
Bænarefnum er hægt að koma til
presta safnaðarins.
Breiðholtskirkja. Kyrrðarstund kl.
12.10. Tónlist, altarisganga, fyrir-
bænir. Léttur málsverður í safn-
aðarheimilinu eftir stundina.
Kirkjuprakkarar. Starf fyrir 7–9
ára börn kl. 16. TTT-starf fyrir 10–
12 ára kl. 17.15.
Digraneskirkja. Æskulýðsstarf
KFUM&K og Digraneskirkju kl.
20.
Fella- og Hólakirkja. Kyrrðar- og
bænastund kl. 12. Léttur hádeg-
isverður í safnaðarheimilinu eftir
stundina. Opið hús fyrir fullorðna
til kl. 15. Bæna- og þakkarefnum
má koma til Lilju djákna í síma
557 3280. Látið einnig vita í sama
síma ef óskað er eftir keyrslu til og
frá kirkju. Starf fyrir 9–10 ára
stúlkur kl. 15–16. Biblíulestur kl.
17.30 í umsjón sr. Hreins Hjart-
arsonar. Helgistund í Gerðubergi á
fimmtudögum kl. 10.30.
Grafarvogskirkja. Kyrrðarstund í
hádegi kl. 12. Altarisganga og fyr-
irbænir. Boðið er upp á léttan há-
degisverð á vægu verði að lokinni
stundinni. Allir velkomnir. KFUM
fyrir drengi 9–12 ára kl. 16.30–
17.30. Kirkjukrakkar í Engjaskóla
kl. 18–19.
Hjallakirkja. Fjölskyldumorgnar kl.
10–12. Starf fyrir 10–12 ára kl. 17.
Kópavogskirkja. Samvera 8–9 ára
barna í dag kl. 16.45–17.45 í safn-
aðarheimilinu Borgum. TTT-sam-
vera 10–12 ára barna í dag kl.
17.45–18.45 í safnaðarheimilinu
Borgum.
Seljakirkja. Kyrrðar- og bæna-
stund í dag kl. 18. Beðið fyrir sjúk-
um, allir velkomnir. Léttur kvöld-
verður að stund lokinni. Tekið á
móti fyrirbænaefnum í kirkjunni og
í síma 567 0110.
Vídalínskirkja. Foreldramorgnar,
starf fyrir foreldra ungra barna kl.
10–12 í safnaðarheimilinu.
Víðistaðakirkja. Opið hús fyrir
eldri borgara kl. 14–16.30. Helgi-
stund, spil og kaffi.
Hafnarfjarðarkirkja. Kyrrðarstund
kl. 12. Hugleiðing, altarisganga,
fyrirbænir, léttur málsverður á eftir
í Ljósbroti, Strandbergi, kl. 13.
Kletturinn, kristið samfélag.
Bænastund kl. 20. Allir velkomnir.
Landakirkja í Vestmannaeyjum.
Kl. 11 helgistund í Hraunbúðum.
Allir velkomnir. Kl. 12–12.20 kyrrð-
ar- og bænastund í hádeginu. Kl.
14.40–17.20 fyrstu tímar í ferming-
arfræðslu Landakirkju eftir ára-
mót. Kl. 20 opið hús fyrir unglinga í
KFUM&K húsinu 8., 9. og 10.
bekkjar.
Fíladelfía. Bænastund kl. 20. Allir
hjartanlega velkomnir.
Eldri borgarar
í Langholts-
söfnuði athugið
Safnaðarstarf
ÉG VIL ekki tala um nýja öld.
Ég veit bara að börnin mín voru
búin að lifa í eitt ár þegar þau
urðu eins árs. Ef öldin byrjar
núna er ég kannski ári yngri en
ég hélt og það er gott mál.
Hvað sem öldinni líður er kom-
ið nýtt ár. Nú er ólíkt um að litast
og í fyrra, þegar margra metra
háir snjóskaflar voru á hlaðinu
hjá mér og kolófært upp að húsi.
Á aðfangadagskvöld í fyrra vor-
um við hjá börnum okkar og
máttum á jólanótt kafa snjóinn
150 metra heim til okkar, klædd
samfestingi utan yfir sparifötin
og skilja allar jólagjafir eftir. Nú
er öldin önnur í bókstaflegri
merkingu, allt marautt eins og á
sumardegi. Áramótaflugeldarnir
tóku sig vel út þrátt fyrir hálf-
hryssingslegt veður hér á suð-
vesturhorninu og miklu skotið
upp að vanda. Heiman frá mér er
gott útsýni til allra átta og var
allur hringurinn baðaður stjörnu-
ljóma. Mér var hugsað til fólksins
sem fagnaði aldamótum fyrir
einni öld. Það hefði líklega haldið
að það væri komið til himnaríkis
en þó líklega furðað sig á lát-
unum á þeim friðsæla stað.
Árið 1981 kom út fyrsta mat-
reiðslubók mín og var hún um
fisk. Sú bók hlaut geysigóðar við-
tökur og margir ræddu við mig
um hana. Flestir sögðu mér að
þeir hefðu prófað tiltekna ýsu-
uppskrift og var það undantekn-
ingarlaust sama uppskriftin og
ekki sú einfaldasta. Hún er á
blaðsíðu 27 og heitir hinu langa
nafni: „Ofnbökuð ýsa með lauk,
eplum, tómötum, beikoni og epl-
um.“ Á þeim árum taldi ég upp í
fyrirsögninni helsta hráefni upp-
skriftarinnar. Ég er löngu hætt
því enda hræddust margir það
sem upp var talið, þó ekki í þess-
ari tilteknu uppskrift – hún var
sú vinsælasta.
Nú tuttugu árum síðar birti ég
hana aftur og vona að sem fyrr
láti lesendur ekki hráefnisfjöld-
ann og fyrirhöfnina aftra sér frá
því að reyna þennan gómsæta
rétt.
Ofnbökuð ýsa
með lauk,
eplum, tómötum,
beikoni og osti
Handa 6
4 lítil ýsuflök (eða 2 stærri klofin)
safi úr ½ sítrónu
salt/pipar
6 sneiðar beikon
3 epli
4 tómatar
1 msk milt sinnep
1 laukur
1 væn grein steinseljugrein
eða 2 tsk þurrkuð
20 g smjör
1 bikar sýrður rjómi
1 tsk karrí
½ tsk paprikuduft
1 msk sítrónusafi
200 g Maríbóostur eða
annar feitur mjólkurostur
1. Roðdragið flökin, skerið úr
þeim öll bein, skolið úr köldu
vatni, þerrið með eldhúspappir,
hellið sítrónusafa yfir flökin,
stráið á þau salti og pipar. Lát-
ið bíða í 10-15 mínútur.
2. Saxið laukinn og steinseljuna.
Bræðið smjörið og sjóðið hvort
tveggja í smjörinu í nokkrar
mínútur. Gætið þess að þetta
brenni ekki. Skerið beikonið
smátt. Afhýðið tómatana og
skerið þá í sneiðar. Afhýðið
eplin, takið úr þeim kjarnann
og skerið í þunnar sneiðar.
3. Smyrjið langt eldfast fat.
4. Leggið beikon á botninn á fat-
inu, síðan fyrsta flakið, þá epla-
sneiðarnar, síðan smyrjið þið
annað flakið með sinnepi og
leggið ofan á, þá tómatana, síð-
an þriðja flakið, leggið lauk/
steinseljuna þar yfir og síðast
fjórða flakið.
5. Hrærið sýrða rjómann með
karrí, paprikudufti og sítrónu-
safa. Smyrjið því yfir.
6. Rífið ostinn eða skerið hann í
sneiðar og leggið ofan á.
7. Bakið í bakarofni við 180g C í
30-40 mínútur. Blástursofn 10-
15g lægri.
Meðlæti: Soðin hrísgrjón og
snittubrauð.
Matur og matgerð
Vinsæl-
asti
ýsurétt-
urinn
Kristín Gestsdóttir
óskar lesendum sínum
og landsmönnum öllum
gleðilegs nýárs.
Þrekhjól sem kemur þér í gott form.
Polar-púlsmælir, stöðugt ástig,
kasthjól, fullkominn tölvumælir.
Stgr. 41.798
kr. 43.998
Stærð: L. 115 x br. 61 x h. 110
ÞREKHJÓL 105p
- ÞREKTÆKJADEILD -
Skeifan 11, sími 588-9890
®
®
RAÐGREIÐSLUR
SPINNING– OG ÞREKHJÓL í mörgum gerðum ásamt mesta úrvali
landsins af allskyns þrek– og æfingatækjum. Aðeins topp-merki.
ÞREKHJÓL
ÞREKHJÓL
sem koma þér í gott form.
Stöðugt ástig. Gott kasthjól.
Fullkomnir tölvumælar.
Mjúk og þægileg sæti.
Verð frá kr. 29.849 stgr.
(Kr. 31.420)