Morgunblaðið - 10.03.2001, Blaðsíða 4

Fjörur
gengnar
UMFANGSMIKIL leit fer
fram vegna flugslyssins sem
varð þriðjudaginn 6. mars ná-
lægt Vestmannaeyjum. Gengn-
ar verða fjörur frá Dyrhólaey í
austri að Reykjanesvita í
vestri. Leitað verður á bílum,
fjórhjólum, bátum, með gang-
andi mönnum og leitarhundum.
Þá munu björgunarskip Slysa-
varnafélagsins Landsbjargar í
Vestmannaeyjum og Grindavík
leita á sjó.
Ráðgert er að á annað
hundrað manns taki þátt í að-
gerðinni. Leitinni er stýrt af
landsstjórn björgunarsveita, að
beiðni lögreglunnar í Vest-
mannaeyjum og rannsókna-
nefnd flugslysa.
Skíðaleið-
angri frestað
LEIÐANGRINUM Frá
strönd til strandar, sem hefjast
átti í dag, laugardag, hefur ver-
ið frestað vegna óhagstæðra
lendingarskilyrða fyrir flugvél
á Vestfjörðum.
Guðmundur Eyjólfsson
gönguskíðamaður hugðist
fljúga með Ómari Ragnarssyni
á flugvél hans og lenda í fjör-
unni í Hornvík þar sem gangan
átti að hefjast, en ljóst er að
ekki verður unnt að lenda flug-
vélinni vegna vinds. Að sögn
Guðmundar er útlitið gott á
mánudag og þriðjudag og verð-
ur líklega reynt þá. Fyrirhuguð
leið Guðmundar er 600 km löng
og nær frá Hornvík til Vopna-
fjarðar.
FRÉTTIR
4 LAUGARDAGUR 10. MARS 2001 MORGUNBLAÐIÐ
RÍKISSKATTSTJÓRI telur vart
koma til álita að embættið skili árs-
reikningum einkahlutafélaga sem því
hafa verið sendir. Héraðsdómur
Reykjavíkur kvað í fyrradag upp
þann dóm að forráðamenn tveggja
einkahlutafélaga sem ekki höfðu skil-
að ársreikningum og fleiri gögnum
skyldu sýknir teljast í máli sem
ákæruvaldið höfðaði gegn þeim.
„Dómurinn gengur ekki út á að
ólögmætt sé að taka reikningana
heldur byggir hann á því formsatriði
að sú stofnun sem er falið þetta að
lögum sé ekki til heldur hafi það verið
falið embætti ríkisskattstjóra með
reglugerð,“ segir Indriði Þorláksson
ríkisskattstjóri og telur dóminn því
ekki snerta efnisákvæði um skyldu
hlutafélaga til að skila reikningum.
„En dómurinn hefur þau áhrif að
bæta þarf úr og laga framkvæmdina
ef menn una þessum dómi,“ segir rík-
isskattstjóri og bendir á að í því efni
komi til kasta fjármálaráðuneytisins
að ákveða hvort áfrýjað verður eða
ekki. Indriði sagði að embættið myndi
bíða átekta og sjá hvort ný fyrirmæli
bærust. Skylda væri áfram um að
skila ársreikningum en spurningin
væri sú hvaða aðili hefði rétt til að kef-
jast þeirra skila. „Ég sé hins vegar
ekki að dóminum óbreyttum að við
getum gengið eftir þessum skilum.“
Ólafur Ólafsson, formaður yfir-
skattanefndar, segir lítið hafa verið
um að beitt hafi verið sektum vegna
hlutafélaga em ekki hafa skilað árs-
reikningum. Það sé helst vegna
þeirra sem ekki hafa samið ársreikn-
ing yfirhöfuð og taldi hann því ekki að
neinar sektir yrðu felldar niður vegna
þessa nýlega dóms.
Hjá fjármálaráðuneytinu fengust
þær upplýsingar að ekki hefði enn
verið tekin ákvörðun um hvort dómi
Héraðsdóms Reykjavíkur yrði áfrýj-
að.
Ríkisskattstjóri um dóminn í máli BM Vallár
Ekki ástæða til að end-
ursenda ársreikninga
FJÖRUTÍU rússneskir sjóliðar
halda sig í námunda við kjarn-
orkukafbátinn sem hefur brotist
upp í gegnum ísinn einhvers staðar
á norðurheimskautinu. Sumir
þeirra spila fótbolta, aðrir spássera
fram og til baka á ísnum og njóta
ferska loftsins. Stýrimaður kafbáts-
ins skipar sjóliðunum að raða sér
upp því skipstjórinn ætli að ávarpa
þá. Harrison Ford stígur fram og
segir sjóliðunum að Rússland sé
stolt af þeim.
Harrison bíður þolinmóður á
meðan aðstoðarkvikmyndatöku-
mennirnir setja nýja filmurúllu í
vélina og gera sig klára fyrir töku
tvö. Hann þarf ekki nema tvær tök-
ur og svo klifrar hann niður úr kaf-
bátalíkaninu, stígur inn í jeppann
sem bíður eftir honum og flytur
hann heim á hótelið í Gimli.
„Þetta eru senur sem við ætl-
uðum að taka á Íslandi,“ sagði Sig-
urjón Sighvatsson þar sem hann
stóð úti á gaddfreðnu Winnipeg-
vatni ásamt blaðamanni Morgun-
blaðsins og fylgdist með fjölmennu
starfsliði kvikmynda senur fyrir
kafbátamyndina K19 – The Wi-
dowmaker.
Myndatökurnar á Winnipeg-
vatni stóðu aðeins yfir í tvo daga,
en það spurðist fljótt út að Harri-
son Ford væri væntanlegur til
Gimli seinni daginn. Fjöldi fólks
safnaðist saman í kringum Lake-
shore-hótelið til þess að reyna að
berja stjörnuna augum. Fimm
hundruð ungir karlmenn mættu í
prufu daginn áður en tökur hófust í
von um að fá eitt af þeim fjörutíu
sjóliðahlutverkum sem ráðið var í.
„Ég er nýkominn frá Rússlandi
þar sem við tókum hluta af mynd-
inni,“ sagði Sigurjón sem þrátt fyr-
ir góðan fjallagalla kvartaði undan
kulda í Manitoba.
„Það er ótrúlegt að Íslendingar
skuli hafa sest hér að á sínum tíma
því þetta virðist vera mjög harðbýlt
landsvæði og ólíkt Íslandi.“
„Við ætluðum að mynda þessar
senur á Vatnajökli en svo reyndist
það of flókið, svo við fluttum allar
senurnar sem átti að mynda á Ís-
landi til Kanada.
Við leigðum rússneskan kafbát í
Flórida og drógum hann upp eftir
ströndinni til Halifax þar sem hluti
myndarinnar verður kvikmynd-
aður.
Við ætluðum þá að taka þessar
heimskautasenur á vatni skammt
frá Toronto en ísinn þar var byrj-
aður að bráðna og þá fundum við
Winnipeg-vatn.
Það er skemmtileg tilviljun að
tökurnar sem fram áttu að fara á
Íslandi skuli fara fram í Gimli.“
Harrison Ford
á góðum launum
Myndin mun kosta eitthundrað
milljónir bandaríkjadala en sagt er
að Harrison Ford fái fjórðung af
þeirri upphæð í laun fyrir þá tólf
daga sem hann mun vinna við
myndina. Búið var að byggja eft-
irlíkingu af efsta hluta kafbáts
skammt fyrir utan Gimli og Sig-
urjón og starfslið hans flugu til
Manitoba til þess að mynda í tvo
daga. Sigurjón náði því ekki að
skoða sig um á slóðum Vestur-
Íslendinga í þetta skiptið.
„Við erum með einkavél sem bíð-
ur eftir okkur og um leið og þessum
tökum er lokið pökkum við saman
og fljúgum til Toronto þar sem við
byrjum að mynda í fyrramálið. Ing-
var er kominn til Toronto og bíður
eftir okkur þar. Hans senur verða
teknar upp í Toronto og Halifax.“
Tökur á nýrri kafbátamynd voru fluttar frá Íslandi til Kanada
Harrison Ford á leið í tökur.
Gimli tók við
af Vatnajökli
Sigurjón Sighvatsson er framleiðandi
kafbátamyndar sem nú er verið að taka
upp í Kanada og skartar Harrison Ford
í aðalhlutverki og Ingvari Sigurðssyni
í aukahlutverki. Jón E. Gústafsson
hitti Sigurjón að máli á tökustað.
Morgunblaðið/Jón E. Gústafsson
Sigurjón Sighvatsson við tökur á myndinni K19 í Gimli.
Slasaðist
þegar
hýfing
mistókst
MAÐUR slasaðist á fæti í
vinnuslysi í Höfðahverfi í gær-
morgun og var fluttur með
sjúkrabifreið á slysadeild.
Tildrög slyssins voru þau að
maðurinn var á kranabifreið
með palli og var að hífa 7 tonna
spennistöð af palli bifreiðarinn-
ar. Við það brotnaði stuðnings-
fótur á bifreiðinni, sem var
nærri oltin. Spennistöðinn skall
utan í aðra spennistöð og
stakkst kranabóman í þak
hennar. Ekki var ljóst hversu
alvarleg meiðsli mannsins voru.
Fulltrúi Vinnueftirlits ríkis-
ins var kvaddur til að kanna að-
stæður á vettvangi auk tækni-
deildar lögreglu.
SÓTTHREINSIMOTTUR til varn-
ar gin- og klaufaveiki frá Bretlands-
eyjum hafa ekki aðeins verið settar
upp í landganginum í Leifsstöð held-
ur einnig á Reykjavíkurflugvelli og
varavöllum fyrir millilandaflug á Ak-
ureyri og Egilsstöðum. Samkvæmt
upplýsingum frá embætti yfirdýra-
læknis hefur mottum verið komið
fyrir á Reykjavíkurflugvelli, bæði í
flugstöðinni sjálfri og þar sem ferju-
flugmenn fara í gegn bak við Hótel
Loftleiðir.
Farþegar frá Bretlandseyjum
hafa tekið jákvætt í að stíga á mott-
urnar í Leifsstöð, enda búnir að fá
fræðslu í vélunum með bæklingum
sem yfirdýralæknir lét útbúa. Þá
hefur aðstaða til að sótthreinsa veiði-
útbúnað verið vel nýtt í Leifsstöð.
Ekki hefur verið tekin ákvörðun
um að fleiri farþegar en frá Bret-
landi stígi á motturnar en í fyrra-
kvöld fór yfirdýralæknir fram á það
við hóp Íslendinga, sem kom í leigu-
flugi frá Tyrklandi, að stíga á þessar
mottur. Þar í landi hefur borið á gin-
og klaufaveiki á tilteknum svæðum.
Sótthreinsimottur settar
upp á fleiri flugvöllum