Morgunblaðið - 10.03.2001, Blaðsíða 20
LANDIÐ
20 LAUGARDAGUR 10. MARS 2001 MORGUNBLAÐIÐ
Árneshreppi - 4. marz gekk veður
í N- og NA-áttir með hvassviðri
og síðan nokkuð hvössum vindi
og mest með snjókomu og stend-
ur enn þótt vindur sé aðeins hæg-
ari.
Snjór hefur varla sést hér í
sveit fyrr en nú, nema sem föl.
En nú er vetur konungur búinn
að sýna sig heldur betur á fjórum
dögum, með djúpa skafla og all-
mikinn snjó á svona stuttum tíma.
Vegurinn var mokaður á fimmtu-
dag innansveitar á milli Gjögurs-
flugvallar og Norðurfjarðar.
Reynt er að halda veginum opn-
um, sérstaklega á mánudögum og
fimmtudögum, en flugdagur er á
fimmtudögum, sem eru nú einu
samgöngurnar, en þetta var
fyrsti alvöru snjómoksturinn í
vetur.
Mikill
snjór á
Ströndum
Morgunblaðið/Jón G. Guðjónsson
Við veðurathugunarstöðina í Litlu-Ávík náði snór langt upp á glugga.
Sauðárkróki - Fjöldi fólks á lands-
byggðinni hefur misst atvinnuna
undanfarnar vikur og mánuði þegar
Íslandspóstur hefur lokað hverri af-
greiðslunni af annarri. Samkvæmt
upplýsingum Póst- og fjarskipta-
stofnunar hefur þetta gerst víða,
svo sem í Vík í Mýrdal, á Reyð-
arfirði, Laugum og Reykjahlíð í
Þingeyjarsýslu, Fagurhólsmýri,
Grenivík, Hrísey, Ólafsfirði, Laug-
arvatni, Flúðum, Hólmavík, Bíldu-
dal, Flateyri og nú síðast á Hofsósi
og Varmahlíð í Skagafirði. Eru þó
einhverjir staðir enn ótaldir þar
sem afgreiðsla og starfsemi póstsins
hefur verið flutt inn á hin ýmsu fyr-
irtæki og stofnanir sem þurfa að
sinna annarri þjónustu. Á þessum
stöðum hafa þó ekki allir misst vinn-
una, einhverjir hafa flust með starf-
seminni í nýja afgreiðslu en við aðra
hefur verið gerður starfslokasamn-
ingur.
Samkvæmt upplýsingum frá
Póstmannafélagi Íslands liggur á
þessari stundu ekki fyrir hversu
margir þeir eru sem missa vinnuna
og hversu margir breyta um vinnu-
stað en þær upplýsingar ættu að
geta legið fyrir fljótlega. Þá mun
Póstmannafélaginu hafa borist sú
tilkynning fyrir rúmu ári að stjórn
Íslandspósts stefndi að því við árs-
lok 2001 að aðeins yrðu 20 póst-
stöðvar á landinu í rekstri félagisns.
Allar þessar breytingar eru gerð-
ar undir merkjum hagræðingar og
sparnaðar, en jafnframt fullyrt að
ekki verði á nokkurn hátt um skerð-
ingu á þjónustu að ræða. Komu þær
upplýsingar fram á fjölmennum
fundi sem haldinn var í félagsheim-
ilinu Höfðaborg á Hofsósi að frum-
kvæði heimamanna en þar sátu fyrir
svörum tveir fulltrúar frá Íslands-
pósti, þeir Áskell Jónsson og Hörð-
ur Jónsson, framkvæmdastjóri
þjónustusviðs.
Í Skagafirði hefur Íslandspóstur
gert samning við Kaupfélag Skag-
firðinga um að afgreiðslurnar í
Varmahlíð og á Hofsósi verði færð-
ar í útibú kaupfélagsins á þessum
stöðum og viðtaka og afhending
sendinga verði hér eftir í höndum
starfsfólks þeirra.
Íbúar á þjónustusvæðum póst-
húsanna í Varmahlíð og Hofsósi eru
mjög reiðir og telja að öll þjónusta
Íslandspósts verði skert með þess-
um breytingum og bent hefur verið
á að ekki verður lengur unnt að fá
póst í pósthólf, hinsvegar hefur not-
endum þessarar þjónustu verið boð-
ið að fá sinn póst flokkaðan á Sauð-
árkróki og afgreiddan í
afgreiðslunum í Varmahlíð og á
Hofsósi. Þá getur afgreiðsla ábyrgð-
arbréfa og verðsendinga í ýmsum
tilvikum verið í höndum unglinga og
skammtímaafleysingafólks í versl-
unum kaupfélagsins og ljóst að allt
aðgengi að sérhæfðu starfsfólki
pósthúsanna er úr sögunni.
Samkvæmt upplýsingum starfs-
fólk Íslandspósts munu ábyrgðar-
bréf og bögglar verða handskráðir
inn í bók á viðtökustað eins og gert
var á pósthúsum fyrir 1980 en um
tölvuskráningu þessara sendinga
verður ekki að ræða fyrr en á end-
astöð þannig að erfitt getur orðið
um vik að rekja ábyrgðarsendingu
eða böggul sem ekki kemur fram.
Undirskriftum safnað
Vegna þessa alls tóku notendur
póstþjónustunnar á Hofsósi og
Varmahlíðarsvæðunum sig til og
söfnuðu undirskriftum þar sem mót-
mælt var lokun pósthúsanna og
skerðingu á þjónustunni. Á örfáum
dögum söfnuðust rúmlega eitt-
hundrað undirskriftir á Hofsósi en á
fjórum dögum tæplega eitthundrað
undirskriftir í Varmahlíð eða þar til
Kjartan Flosason, fulltrúi frá Ak-
ureyri, óskaði eftir því að listinn
yrði fjarlægður úr afgreiðslunni, að
sögn Önnu Ragnarsdóttur, fyrrver-
andi útibússtjóra í Varmahlíð.
Í viðtölum við ýmsa notendur
póstþjónustunnar, svo sem Valgeir
Þorvaldsson, framkvæmdastjóra
Vesturfarasetursins á Hofsósi, hef-
ur verið bent á að mörg ákvæði
póstþjónustulaga er útilokað að
uppfylla með þessum gjörningi.
Hinsvegar kemur fram hjá Íslands-
pósti að afgreiðslutími á póstinum
verður lengri en áður hefur verið og
sem dæmi má nefna að afgreiðslu-
tími pósts á Hofsósi mun lengjast
um fimm klst. á viku en þá virðast
líka upptaldir þeir þættir sem já-
kvæðir mega teljast. Þá hefur Sig-
ríður Sigurðardóttir, safnvörður í
Glaumbæ, lagt inn bréf til sveitar-
stjórnar þar sem óskað er eftir um-
sögn og úttekt Póst- og fjarskipta-
stofnunar á þjónustuþættinum.
Byggðaráð og sveitarstjórn
Skagafjarðar hafa á fundum sínum
fjallað um þetta mál og gert um það
samþykktir þar sem lýst er áhyggj-
um vegna fækkunar starfa og
minnkandi þjónustu.
Óánægja með lokun tveggja
pósthúsa í Skagafirði
INGIBJÖRG Pálmadóttir, heilbrigð-
is- og tryggingamálaráðherra, hefur
skipað Þröst Óskarsson fjármála-
stjóra í embætti framkvæmdastjóra
Heilbrigðisstofnunarinnar í Ísafjarð-
arbæ í samræmi við tillögu stjórnar
stofnunarinnar. Þröstur er skipaður
frá 15. mars 2001 til næstu fimm ára.
Sex sóttu um starfið, en umsókn-
arfrestur rann út 29. janúar síðastlið-
inn. Sérstök þriggja manna mats-
nefnd, sem metur hæfni umsækjenda
um stöður framkvæmdastjóra
sjúkrahúsa, fór yfir umsóknirnar í
samræmi við 30. grein laga um heil-
brigðisþjónustu nr. 97/1990. Fjórir
umsækjenda uppfylltu skilyrði um
menntun og reynslu í stjórnun.
Heilbrigðisstofnunin í
Ísafjarðarbæ
Þröstur
fram-
kvæmda-
stjóri
Egilsstöðum - Elísabet Bene-
diktsdóttir hefur verið ráðin
sem framkvæmdastjóri Þróun-
arfélags Austurlands. Hún tek-
ur við af Gunnari Vignissyni,
sem gegnt hefur starfinu síðan
árið 1993. Hann mun starfa
áfram hjá Þróunarfélaginu að
uppbyggingu á viðskiptasviði og
stunda jafnhliða endurmenntun.
Elísabet er rekstrarhagfræð-
ingur að mennt. Hún hefur með-
al annars starfað sem verkefn-
isstjóri átaksverkefnis í
atvinnumálum á Egilsstöðum og
Seyðisfirði og sinnti í framhaldi
af því ýmsum verkefnum fyrir
Byggðastofnun á Austurlandi.
Þá var hún forstöðumaður
stofnunarinnar á Austurlandi
frá árinu 1992 til 1998, af-
greiðslustjóri hjá Sparisjóði
Norðfjarðar á Reyðarfirði og nú
síðast rekstrarstjóri Heilbrigð-
isstofnunar Austurlands í
Fjarðabyggð.
Elísabet situr í stjórn NORA,
er varamaður í stjórn Byggða-
stofnunar, í bæjarstjórn Fjarða-
byggðar og formaður atvinnu-
málanefndar þar, auk þess sem
hún hefur unnið að verkefnum
tengdum atvinnumálum kvenna.
Elísabet tekur við starfi fram-
kvæmdastjóra í lok maí næst-
komandi.
Elísabet Bene-
diktsdóttir ráðin
framkvæmdastjóri
Þróunarfélag Austurlands
Leikskólinn
Álfheimar
með eigin
skólanámskrá
Selfossi - Leikskólinn Álfheimar á
Selfossi hefur sett fram námskrá
fyrir starfsemi skólans og er með
henni fylgt eftir nýrri aðalnámskrá
leikskóla frá 1999 en bæjarráð sveit-
arfélagsins Árborgar samþykkti 1.
september 1999 sérstakt átak til
þess að fylgja aðalnámskránni eftir.
Allt starfsfólk leikskólans kom að
gerð námskrárinnar og var hún unn-
in á 50 fundum frá október 1999.
„Það var góður áhugi hjá starfsfólk-
inu, umræður voru mjög gagnlegar
og vinnan við námskrána hefur eflt
starfsfólkið í starfinu hér á leikskól-
anum,“ sagði Ingibjörg Stefánsdótt-
ir, leikskólastjóri leikskólans Álf-
heima, á sérstökum kynningarfundi
vegna útgáfu námskrárinnar.
Námskráin verður kynnt foreldr-
um á sérstökum fundi með þeim en
hún tekur mið af því að leikskólinn sé
fyrsta skólastigið í skólakerfinu og
að leikskólinn annist, að ósk for-
eldra, uppeldi og menntun barna á
leikskólaaldri undir handleiðslu sér-
menntaðs starfsfólks. Í inngangi að
námskránni segir Ingibjörg „For-
senda þess að barn geti unað, dafn-
að, leikið sér og lært er að það njóti
ábyrgrar umönnunar, bæði andlega
og líkamlega.“
Reykholti - Krakkar í hestamannafélaginu Faxa tóku
þátt í vetrarleikum á Hvanneyri um helgina. Í þeirra
flokki var Anna Heiða Baldursdóttir frá Múlakoti í 1.
sæti á hestinum Glitrúnu. Önnur börn á myndinni eru
Sigurborg Hanna Sigurðardóttir í öðru sæti á hestinum
Odda, Kristrún Sveinbjörnsdóttir í þriðja sæti á hest-
inum Hreggviði, Helga Jónsdóttir á Kleópötru og Arn-
ar Freyr Ingvarsson á Stjörnu.
Þetta voru fyrstu leikar vetrarins af þremur, en
keppendur safna inn punktum af öllum leikunum. Einn-
ig var keppt í unglingaflokki, kvennaflokki og karla-
flokki.
Morgunblaðið/Sigríður Kristinsdóttir
Vetrarleikar á Hvanneyri