Morgunblaðið - 10.03.2001, Blaðsíða 29
ERLENT
MORGUNBLAÐIÐ LAUGARDAGUR 10. MARS 2001 29
Innilegar þakklætiskveðjur til þeirra sem sýndu
mér hlýhug með kveðjum og gjöfum á afmælis-
daginn minn 1. mars sl.
Guð blessi ykkur öll.
Stefán Hallgrímsson,
Hrafnistu Hafnarfirði.
FASTEIGNA
MARKAÐURINN
ÓÐINSGÖTU 4. SÍMI 570 4500, FAX 570 4505. OPIÐ VIRKA DAGA KL. 9–17.
Netfang: fastmark@fastmark.is - Heimasíða: http://www.fastmark.is/
Jón Guðmundsson, sölustjóri, lögg. fasteigna- og skipasali.
KJARRHÓLMI 14 – KÓPAVOGI
OPIÐ HÚS Í DAG FRÁ KL. 13-14
Falleg 4ra herb. 90 fm íbúð á 3. hæð, íbúð 0302. Góð stofa, 2 svefnherb.,
endurnýjað flísalagt baðherbergi. Parket á gólfum. Suðursvalir, glæsilegt
útsýni. Þvottah. í íbúð og stór geymsla í kjallara. Sameign í góðu ástandi.
Íbúðin er laus til afhendingar nú þegar. Áhv. byggsj/húsbr. 5,2 millj. Verð
10,9 millj.
ÍBÚÐIN VERÐUR TIL SÝNIS Í DAG, LAUGARDAG, FRÁ KL. 13-14.
VERIÐ VELKOMIN.
BANDARÍSKIR stjórnmálaskýr-
endur hafa undanfarið velt vöngum
yfir heilsu og lífslíkum öldungadeild-
arþingmannsins Stroms Thur-
monds, sem er 98 ára gamall og er
orðinn nokkuð hrumur. Thurmond
er repúblikani og ef hann verður of
heilsuveill til að greiða atkvæði eða
gefur upp öndina gætu demókratar
nefnilega komist í meirihluta í öld-
ungadeildinni.
Repúblikanar og demókratar eiga
nú jafn mörg sæti í öldungadeildinni
og ef atkvæði falla jöfn fer varafor-
setinn Dick Cheney með oddaat-
kvæði. Reglur þingsins kveða á um
að ríkisstjóri viðkomandi ríkis skipi
fulltrúa í öldungadeildina fyrir þing-
mann sem andast og svo vill til að
ríkisstjórinn í Suður-Karólínu, sem
Thurmond er fulltrúi fyrir, er demó-
krati og myndi að öllum líkindum til-
nefna flokksbróður sinn eða -systur.
Þannig gæti atkvæðavægið í öld-
ungadeildinni breyst í 51/49, demó-
krötum í hag. Heilsu
Thurmonds hefur
hrakað nokkuð undan-
farið og hann hefur nú
neyðst til að afsala sér
ýmsum skyldustörfum.
Hann mætir enn í
þingsal til að greiða at-
kvæði, en þarf aðstoð
við gang og oft styðja
hann tveir menn. Að
sögn The New York
Times virðist hann oft
vera „ringlaður“ á
nefndarfundum og
gerir fátt annað en að
lesa spurningar af
spjöldum, sem aðstoð-
armenn hans hafa samið. Blaðið hef-
ur eftir starfsmönnum þingsins að
nánasti aðstoðarmaður hans, Robert
Short, taki allar ákvarðanir fyrir
hans hönd.
Thurmond hefur ennfremur oft
lagst inn á sjúkrahús í Washington
um helgar og það varð
repúblikönum áhyggju-
efni þegar skrifstofa
hans tilkynnti nýlega
að hann myndi draga úr
opinberum skyldustörf-
um og myndi til dæmis
ekki lengur setja fundi
öldungadeildarinnar á
morgnana. Thurmond
var ekki viðstaddur
ræðu George W. Bush
Bandaríkjaforseta í
þinginu í síðustu viku,
en hann hefur að sögn
ekki látið sig vanta við
slík tilefni í áraraðir.
Talsmaður Thur-
monds, Genevieve Erny, reynir að
gera lítið úr þessum vangaveltum en
viðurkennir þó að aðstandendur
hans hafi rætt þann möguleika að
hann flytji á hjúkrunarheimili þar
sem hann fengi aðstoð við daglegar
athafnir.
Vangaveltur um lífslíkur þingmannsins Thurmonds
Gæti komið demó-
krötum í meirihluta
Strom Thurmond
BASKNESKUR lögreglumaður
beið bana og annar særðist í fyrri-
nótt þegar sprengja sprakk í bíl í
bænum Hernani, nálægt San Seb-
astian, í Baskalandi. Talið er að liðs-
menn aðskilnaðarhreyfingar Baska,
ETA, hafi verið að verki.
Yfirvöld sögðu að lögreglumenn-
irnir hefðu verið lokkaðir að bílnum.
Hringt var í lögregluna og sagt að
ungir stuðningsmenn ETA hefðu
efnt til óeirða á götu í Hernani og
þegar lögreglumennirnir komu á
staðinn sáu þeir bíl sem lagt hafði
verið á miðri götunni. Þegar þeir
biðu eftir því að bíllinn yrði dreginn í
burtu sprakk sprengjan.
Tveir vopnaðir menn, sem sögðust
vera félagar í ETA, stálu bílnum
nóttina áður, að sögn lögreglunnar.
Eigandi bílsins fannst keflaður á
sveitavegi um klukkustund eftir
sprenginguna.
27. fórnarlambið á rúmu ári
Leiðtogar spænsku flokkanna for-
dæmdu tilræðið og hvöttu til fjölda-
mótmæla í borgum Spánar gegn
hermdarverkum ETA. Hreyfingin
er talin hafa orðið 27 manns að bana
frá því að hún afnam 14 mánaða
vopnahlé sitt í desember 1999. Vopn-
uð barátta hennar fyrir aðskilnaði
Baskalands hefur kostað 800 manns
lífið frá 1968.
Fremur sjálfgæft er að ETA ráð-
ist á baskneska lögreglumenn. Lög-
reglan í Baskalandi, sem nefnist
Ertzaintza á basknesku, er undir
stjórn basknesku héraðsstjórnarinn-
ar og hefur verið eitt af helstu tákn-
um sjálfstjórnar Baska. Aðeins tíu
baskneskir lögreglumenn hafa beðið
bana í árásum ETA frá því að hér-
aðslögreglan var stofnuð 1982.
Spænska stjórnin hefur sakað
héraðslögregluna um að hafa sýnt
liðsmönnum ETA of mikla linkind en
lögreglan hefur tekið harðar á of-
beldisverkum ETA-manna að und-
anförnu og handtekið nokkra þeirra.
Spænskir fjölmiðlar telja því að
sprengjuárásin í fyrrinótt hafi verið
gerð í hefndarskyni.
Boðað hefur verið til kosninga í
Baskalandi 13. maí og Jaime Mayor
Oreja, fyrrverandi innanríkisráð-
herra Spánar, verður þá í framboði
gegn Juan Jose Ibarretxe, forseta
Baskalands og leiðtoga Þjóðernis-
flokks Baska. Íbúar Baskalands eru
klofnir í afstöðunni til aðskilnaðar;
um helmingurinn styður flokka
baskneskra þjóðernissinna en hinn
helmingurinn er andvígur aðskiln-
aði.
Reuters
Baskneskur lögreglumaður skoðar flak bíls sem eyðilagðist í sprengju-
tilræði í baskneska bænum Hernani í fyrrinótt.
Lögreglumað-
ur beið bana
Madrid. Reuters.
ETA-hreyfingin sökuð um sprengjutilræði