Morgunblaðið - 10.03.2001, Blaðsíða 67

MORGUNBLAÐIÐ LAUGARDAGUR 10. MARS 2001 67
Vogaskóla laugardaginn 10. mars kl.
11.00. Foreldrar hvattir til að mæta
með börnum sínum. Fermingar-
fræðslan er kl. 12.00 sama dag og á
sama stað. Prestarnir.
VÍDALÍNSKIRKJA: Messa kl. 11.00.
Sunnudagaskólinn er á sama tíma,
eldri og yngri deild. Sungin verður
gregorísk messa. Organisti er Jóhann
Baldvinsson. Kirkjukórinn leiðir safn-
aðarsönginn. Sr. Friðrik J. Hjartar
þjónar ásamt Nönnu Guðrúnu djákna.
Rúta ekur frá Hleinum kl. 10.40 og til
baka að messu lokinni. Kirkjuganga
er heilsubót og sakramentið er sálu-
bót. Hittumst öll í kirkjunni. Prestarn-
ir.
BESSASTAÐAKIRKJA: Æskulýðs-
guðsþjónusta verður í kirkjunni kl.
14.00. Sunnudagaskólinn verður að
þessu sinni einnig þar kl.14.00. Fjöl-
breyttir efnisliðir verða, þar sem kór-
inn flytur gospeltónlist við undirleik
Kristjáns Guðmundssonar á píanó,
Jóns Rafnssonar á kontrabassa og
Sigfúsar Arnar Óttarssonar á tromm-
ur. Jóhann Baldvinsson, organisti
stjórnar. Æskulýðsfélagið flytur helgi-
leik og nemendur Tónlistarskólans
koma fram. Kirkjukaffi og aðalsafn-
aðarfundur verða að guðsþjónustu
lokinni í hátíðarsal íþróttahússins.
Rúta ekur hringinn á undan og eftir að
venju. Prestarnir.
YTRI-NJARÐVÍKURKIRKJA: Sunnu-
dagaskóli; sunnudaginn 11. mars
kl.11.00. Vilborg Jónsdóttir
leiðir starfið.
NJARÐVÍKURKIRKJA: Sunnudaga-
skóli; sunnudaginn 11. mars
kl.11.00. Ástríður Helga Sigurðar-
dóttir og Tune Solbakke leiða starfið.
KEFLAVÍKURKIRKJA: Aldursskiptur
sunnudagaskóli kl. 11 árd. Undirleik-
ari í sunnudagaskóla: Helgi Már
Hannesson. Guðsþjónusta kl. 14.
Prestur: Ólafur Oddur Jónsson. Kór
Keflavíkurkirkju leiðir söng. Organisti:
Einar Örn Einarsson. Meðhjálpari:
Laufey Kristjánsdóttir.
SELFOSSKIRKJA: Messa og sunnu-
dagaskóli kl. 11. Morguntíð sungin
þriðjudaga til föstudaga kl. 10. For-
eldrasamvera miðvikudaga kl. 11.
Krakkaklúbbur miðvikudaga kl. 14–
14.50. Leshringur kemur saman á
miðvikudögum kl. 18. Sakramentis-
þjónusta að lestri loknum.
ÞORLÁKSKIRKJA: Sunnnudagaskóli
kl. 11:00.Sóknarprestur.
HVERAGERÐISKIRKJA: Sunnudaga-
skóli kl. 11:00. Orgelstund kl. 17:00.
Jörg E. Sondermann leikur Föstutón-
list eftir J.S.Bach o.fl. Sóknarprestur.
SKÁLHOLTSDÓMKIRKJA: Messa
verður sunnudag kl. 14.00. Skál-
holtskórinn syngur. Sóknarprestur.
EGILSSTAÐAKIRKJA: Sunnudaga-
skóli kl. 11. Mánudaginn 12. mars
kyrrðarstund kl. 18.
Sóknarprestur
STÓRÓLFSHVOLSKIRKJA HVOLS-
VELLI: Guðsþjónusta kl. 11:00.
KIRKJUHVOLL: Helgistund sunnu-
daginn 11. mars kl. 10:00. Sóknar-
prestur
BREIÐABÓLSTAÐARKIRKJA Í
FLJÓTSHLÍÐ: Guðsþjónusta kl.
14:00. Sóknarprestur.
EYRARBAKKAKIRKJA: Barnaguðs-
þjónusta kl. 11.00. Messa kl. 14.00.
Sóknarprestur.
BRAUTARHOLTSKIRKJA, á Kjalar-
nesi: Guðsþjónusta sunnudaginn 11.
mars kl. 11 f.h. Gunnar Kristjánsson,
sóknarprestur.
SKEIÐFLATARKIRKJA í Mýrdal: Í til-
efni af Æskulýðsdegi þjóðkirkjunnar
2001, verður æskulýðs- og fjölskyldu-
guðsþjónusta í Skeiðflatarkirkju í Mýr-
dal nk. sunnudag, 11. mars, kl.
14:00. Léttir sálmar og söngvar. Org-
anisti verður Kristín Björnsdóttir.
Sóknarprestur.
MÖÐRUVALLAKIRKJA:
Vegna veðurs var guðsþjónustu frest-
að sl. sunnudag um eina viku. Æsku-
lýðsdagurinn verður því haldinn hátíð-
legur fyrir allt prestakallið með
fjölskylduguðsþjónustu í Möðruvalla-
kirkju sunnudaginn 11. mars kl. 11.
Gunnhildur Vala Valsdóttir syngur ein-
söng við undirleik Pavels Panasiouk.
Sara Benediktsdóttir og Sesselía
Ólafsdóttir leika á altflautu og selló.
Hljómsveitin „Ungir stríðsmenn
Krists“ syngur og leikur. Fermingar-
börn flytja bænir og börn úr kirkjuskól-
anum syngja. Mikill almennur söngur.
Mætum öll og njótum samveru í húsi
Guðs.
Sóknarprestur.
FRÉTTIR
Eyja- og Miklaholtshreppi - Norsk-
ur slagverksdúett, Rubbett-Beat,
ásamt Sigurði Floasasyni tónlist-
armanni kom í heimsókn í skólana
á sunnanverðu Snæfellsnesi, Lýsu-
hólsskóla og Laugagerðisskóla.
Það er árlegur viðburður að tón-
listarfólk heimsæki alla nemendur
og flytji tónlist fyrir þá og nú voru
það þessir norsku slagverksmenn.
Nemendur Laugagerðisskóla
urðu hissa þegar búið var að
kynna tónlistarmennina því þá
heyrðist ásláttur og barsmíðar allt
í kringum þá. Allt var notað til að
búa til tónlist, stólar, borð,
gluggar, gólf, ofnar og nemend-
urnir sjálfir. Sigurður Flosason
spilaði með þeim og kynnti tónlist-
ina en það var takturinn sem þeir
voru að kynna fyrir nemendum.
Meðal annars var sambatónlist
leikin, afrókúbönsk tónlist og hipp
hopp. Mest hissa urðu áheyrendur
þegar diskar voru brotnir við það
að búa til tónlist.
Skæð flensa gengur nú hér yfir,
um fjórðungur nemenda skólans
liggur. Fresta verður árshátíð
skólans þar til flensan er gengin
yfir en árshátíðin var fyrirhuguð
15. mars.
Morgunblaðið/Daníel Hansen
Allt var barið þegar Rubbett-Beat-dúettinn birtist í salnum.
Norskur slag-
verksdúett
í heimsókn
SAMTÖK um betri byggð efna til
kynningarfundar í Perlunni sunnu-
daginn 11. mars kl. 15. Hinn 17. mars
nk. verður kosið um framtíð Reykja-
víkurflugvallar í Vatnsmýri. Margir
Reykvíkinga eru ennþá með brenn-
andi spurningar varðandi möguleika
flugvallarsvæðisins undir aðra starf-
semi en flug og þar ætla Samtök um
betri byggð að reyna að bæta úr,
segir í fréttatilkynningu.
Með Perlusýn sunndaginn 11.
mars kl. 15 er ætlunin, á útsýnispalli
Perlunnar, að lýsa fyrir fólki, með
flugvallarsvæðið fyrir framan sig,
þeim möguleikum sem gefast ef flug-
völlurinn yrði fluttur á Löngusker, í
Hafnarfjörð, á Álftanes, út í Engey
eða á einhvern annan stað í nágrenni
Reykjavíkur. Þarna munu Pétur Ár-
mannsson, Anna Jóhannsdóttir og
Örn Sigurðsson fjalla um framtíðar-
borgina sem möguleiki væri að
byggja á flugvallarsvæðinu.
Allt áhugafólk um betra borgar-
samfélag er hvatt til að mæta og taka
þátt í skemmtilegri uppákomu sem
eflaust á eftir að skila miklum og
góðum fróðleik, segir ennfremur.
Fundur
um flug-
vallarmál
í Perlunni
♦ ♦ ♦
OPINN fundur um framtíð Reykja-
víkur með áherslu á Vatnsmýrina og
flugvöllinn verður í dag, laugardag-
inn 10. mars. Fundurinn hefst kl. 15
og lýkur kl. 17. Á fundinum mun
ungt fólk gera grein fyrir sjónarmið-
um sínum. Fundurinn er öllum opinn
og aðgangur ókeypis.
Á meðal þeirra sem flytja stutta
framsögu eru Orri Gunnarsson,
verkfræðinemi við Háskóla Íslands,
Guðjón Erlendsson, arkitekt, Hjalti
Geir Guðmundsson, flugmaður og
Steinunn Vala Sigfúsdóttir, fram-
haldsskólanemi og Ingvar Skúlason,
aðfluttur háskólanemi. Fundarstjóri
er Þóra Arnórsdóttir.
Fundurinn er undirbúinn af
Áhugasamtökum stúdenta um flug-
vallarmálið og skipulag Reykjavíkur
og Félagi framhaldsskólanema í
samvinnu við Reykjavíkurborg.
Ungt fólk ræðir
flugvöllinn og
Vatnsmýrina
♦ ♦ ♦
BANDALAG íslenskra listamanna
hefur sent frá sér eftirfarandi álykt-
un:
„Stjórn BÍL lýsir stuðningi sínum
við baráttu arkitekta fyrir að fá við-
urkenndan siðferðislegan og lög-
verndaðan höfundarrétt að verkum
sínum og að hann verði virtur í sam-
ræmi við lög og reglugerðir, ekki síst
af stjórnvöldum.
Vill BÍL í þessu sambandi nota
tækifærið til að undirstrika þýðingu
þess að höfundarréttur listamanna
sé almennt þannig skilgreindur að
ekki þurfi að koma til deilna eða
dómsmála.“
BÍL styður bar-
áttu arkitekta
♦ ♦ ♦
FERÐAFÉLAG Íslands efnir til
skíðagönguferðar sunnudaginn 11.
mars fyrir áhugasamt skíðafólk en
ekki hefur viðrað vel til skíðaferða á
suðvesturhorninu í vetur. Snjór er
fyrir norðan Ármannsfell og ferðinni
er heitið þangað á sunnudaginn.
Reiknað er með að skíðagangan
sjálf taki 3 – 4 klst. Brottför er frá
BSÍ kl. 10.30 og komið við í Mörkinni
6. Fararstjóri í þessari ferð er Sig-
urður Kristjánsson og farmiðinn
kostar 1.400 krónur.
Skíðagöngu-
ferð við
Ármannsfell
SUNNUDAGSFERÐ Útivistar 11.
mars er um gamla leið meðfram
ströndinni frá Ósabotnum að Bás-
endum og Hvalsneskirkju. Brottför
er kl.10.30 frá Umferðarmiðstöðinni,
BSÍ, en einnig er hægt að koma í rút-
una á leiðinni við kirkjugarðinn í
Hafnarfirði og á Fitjum í Reykja-
nesbæ. Reiknað er með um 4 klst.
göngu. Fararstjóri er Kristján M.
Baldursson.
Gengið verður af veginum út í
Hafnir og liggur leiðin hjá ýmsum
merkisstöðum, t.d. um Djúpavog að
gamla Kirkjuvogi. Síðan er haldið að
Þórshöfn þar sem var sumarsól-
stöðuverslun á fyrri tíð og Gálga-
klettum sem eru tveir klettar suður
frá svonefndum Draughól, nálægt
þar sem radarskermar Varnarliðsins
voru. Göngunni lýkur við Básenda og
Stafnes, en að Básendum var einok-
unarverslun sem eyðilagðist í miklu
flóði 1799 eins og frægt er, en þar má
enn sjá garða og veggjabrot frá þeim
tíma.
Allir eru velkomnir í Útivistar-
ferðir en félagar greiða lægra far-
gjald, í þessa ferð kostar 1.700 kr. f.
félaga og 1.900 kr. f. aðra.
Strandganga
Útivistar að
Básendum
Morgunblaðið/Gísli Sig.
Kirkjan á Hvalsnesi er ein af
fremur fáum steinhlöðnum
kirkjum á Íslandi.
♦ ♦ ♦
UNGMENNAFÉLAG Íslands
(UMFÍ) býður, í samvinnu við Ný-
sköpunarsjóð og Iðntæknistofnun,
upp á nýtt námskeið fyrir leiðtoga og
stjórnendur. Námskeiðið hefur hlot-
ið nafnið Leiðtogaskólinn og er ætl-
að öllum metnaðarfullum leiðtogum
og stjórnendum í félagsstarfi, at-
vinnulífi og sveitarstjórnum, segir í
fréttatilkynningu.
Leiðtogaskólinn verður haldinn
árið 2001 á Selfossi, Stykkishólmi og
við Mývatn. Fjallað er um flest það
sem viðkemur leiðtogum nútímans.
Dæmi um þetta eru málefni eins og
leiðtoga- og stjórnunarstílar, al-
mannatengsl, samskipti, framkoma,
frumkvöðlahugsun, markmiðasetn-
ing, árangursríka stjórnun, virkjun
fólks og svo mætti lengi telja.
Námskeiðið er í tveimur hlutum.
Fyrri hlutinn fer fram í apríl en sá
seinni í október. Hægt er að nálgast
allar nánari upplýsingar hjá UMFÍ.
Námskeið
UMFÍ fyrir
leiðtoga
Á FUNDI nefndar Sameinuðu þjóð-
anna um útrýmingu kynþáttamis-
réttis kom fram að íslensk stjórnvöld
hafa vaxandi áhyggjur af starfsemi
Félags íslenskra þjóðernissinna.
Sendinefnd frá Íslandi gaf nefnd-
inni skýrslu á miðvikudag um hvern-
ig Ísland standist skilyrði sem sett
eru fram í alþjóðlegum sáttmála um
útrýmingu hvers kyns kynþáttamis-
réttis.
Í fréttatilkynningu frá Sameinuðu
þjóðunum segir að Björg Thoraren-
sen, skrifstofustjóri dómsmála- og
löggæsluskrifstofu dómsmálaráðu-
neytisins og formaður íslensku
sendinefndarinnar, hafi sagt að ís-
lensk stjórnvöld hefðu vaxandi
áhyggjur af starfsemi Félags ís-
lenskra þjóðernissinna.
Markmið félagsins sé að Ísland
verði aðeins fyrir Íslendinga. Félag-
ið telji íslenska kynstofninn æðri
öðrum og að þess skuli gætt að aðrir
kynþættir blandist honum ekki.
Félagið sé þó fámennt og yfirleitt
ekki tekið alvarlega.
Í fréttatilkynningunni segir enn-
fremur að ekki sé ljóst hve fjölmenn
samtökin séu eða hvernig skipulagi
þeirra sé háttað. Lögregluyfirvöld
hafi hins vegar hafið rannsókn.
Nefnd Sameinuðu þjóðanna taldi
ástand þessara mála almennt gott á
Íslandi og talsverð framför hefði orð-
ið á síðustu árum í þá átt að tryggja
jafnrétti kynþátta.
Björg Thorarensen lýsti því fyrir
nefndinni að almenningur á Íslandi
gerði sér betur grein fyrir réttindum
sínum en áður. Þá hefði ýmislegt
verið gert til að tryggja það að fólki
væri ekki mismunað á grundvelli
kynþáttar. Þannig væri gert ráð fyr-
ir því í nýrri námskrá leik- og grunn-
skóla að nemendum væri kennt að
sýna öðrum umburðarlyndi og virð-
ingu.
Fundur nefndar SÞ um útrýmingu kynþáttamisréttis
Vaxandi áhyggjur af starfsemi
Félags íslenskra þjóðernissinna
NÝTT námskeið á vegum Greining-
arstöðvar um meðferð hegðunarerf-
iðleika hjá börnum og ungmennum
með þroskafrávik og fatlanir verður
haldið dagana 22. og 23. mars. Á
námskeiðinu er fjallað um hvernig
við skilgreinum hegðun sem vanda-
mál og hvaða þættir skipti þar máli
og hvers vegna börn með þroskafrá-
vik og fatlanir séu líklegri til að sýna
erfiða hegðun en önnur.
Kynntar verða helstu meðferðar-
leiðir og fjallað sérstaklega um lyfja-
meðferð og atferlismeðferð svo og
ýmsar stoðleiðir. Einnig verður farið
í athuganir og skráningar og fyrir-
byggjandi aðgerðir. Auk almennrar
fræðslu munu þátttakendur vinna
verkefni í hópavinnu og taka þátt í
umræðum. Leiðbeinendur eru þau
Sigríður Lóa Jónsdóttir sálfræðing-
ur, Tryggvi Sigurðsson sálfræðingur
og Stefán Hreiðarsson barnalæknir.
Námskeiðið verður haldið í Gerðu-
bergi kl. 9–16 báða dagana og er 16
kennslustundir. Nánari upplýsingar
á www.greining.is.
Námskeið um
meðferð hegð-
unarerfiðleika