Morgunblaðið - 10.03.2001, Blaðsíða 84

MORGUNBLAÐIÐ, KRINGLUNNI 1, 103 REYKJAVÍK, SÍMI 569 1100, SÍMBRÉF 569 1181, PÓSTHÓLF 3040,
ÁSKRIFT-AFGREIÐSLA 569 1122, NETFANG: RITSTJ@MBL.IS, AKUREYRI: KAUPVANGSSTRÆTI 1 LAUGARDAGUR 10. MARS 2001 VERÐ Í LAUSASÖLU 165 KR. MEÐ VSK.
ELDUR kom upp í vélarrúmi vél-
bátsins Sigurbjargar ST-55 þar sem
hann var á netaveiðum skammt
norðvestur af Dritvík á Snæfellsnesi
síðdegis í gær. Fjórum bátsverjum
tókst að slökkva eldinn en báturinn
missti vélarafl og var dreginn til
hafnar á Rifi. Bátsverjarnir meidd-
ust ekki. Sigurbjörg ST-55 er 25
brúttólesta eikarbátur, smíðaður ár-
ið 1971.
Halldór Logi Friðgeirsson skip-
stjóri sagði í samtali við Morgun-
blaðið í gærkvöld að eldurinn hefði
kviknað út frá kabyssuröri í vélar-
rúminu um kl. 16. „Þetta var þó
nokkur eldur og reykur í vélar-
rúmi,“ sagði Halldór Logi. „Við gát-
um fyrst ekkert athafnað okkur fyr-
ir reyk en þegar hann fór að minnka
náðum við að slökkva eldinn.“
Vegna reyksins skiptust bátsverj-
arnir á um að berjast við eldinn með
slökkvitækjum. Halldór Logi telur
að eldurinn hafi logað í um 40 mín-
útur áður en þeim tókst að slökkva
hann. Báturinn missti fljótlega vél-
arafl og rafmagn en talstöðvar virk-
uðu og þeir gátu látið Landhelgis-
gæsluna vita um ástandið um borð.
Brík BA-2 kom fljótlega að og dró
bátinn að Rifi. Esjar SH-75 tók bát-
inn síðan í tog og dró hann inn í
höfnina. Drátturinn gekk vel og var
Sigurbjörg komin til hafnar um kl.
19.45.
Nokkrar skemmdir urðu í vélar-
rúmi og eitthvað af afla í lest bátsins
skemmdist.
Bátur dreginn vélarvana til hafnar á Rifi
Eldur kviknaði í vélarrúmi
Morgunblaðið/Alfons
Ellerti Jósteinssyni, Magnúsi Ómarssyni, Halldóri Loga Friðgeirs-
syni og Sigurði Steindórssyni tókst að slökkva eldinn en erfitt var að
komast að honum vegna mikils reyks í vélarrúmi.
SANNKÖLLUÐ vorblíða lék við
íbúa höfuðborgarsvæðisins í gær
og notuðu margir tækifærið til úti-
veru eins og þetta par sem naut sól-
argeislanna í Öskjuhlíðinni. Blíðan
mun væntanlega áfram gleðja
landsmenn. Á höfuðborgarsvæðinu
er spáð hægri austlægri átt, skýjað
með köflum en þurrt að mestu og
hiti verður á bilinu 2 til 8 stig. Hins
vegar er búist við að norðan- og
austanlands geti orðið vætusamt
og hiti á bilinu 0 til 8 stig.
Morgunblaðið/Þorkell
Vorblíða
leikur við
göngufólk
AÐALFUNDUR Búnaðarbanka Ís-
lands hefst í dag klukkan 14 á Hót-
el Sögu þar sem tekin verður
ákvörðun um hverjir muni skipa
næsta bankaráð. Samkvæmt heim-
ildum Morgunblaðsins verður
Magnús Gunnarsson, fyrrverandi
framkvæmdastjóri SÍF og Vinnu-
veitendasambandsins, næsti for-
maður bankaráðsins og tekur hann
við af Pálma Jónssyni.
Bankaráðið hélt sinn síðasta fund
fyrir aðalfund í gær en þar mun
ekki hafa verið kynnt nein tillaga
um það hverjir eigi að skipa banka-
ráð að loknum aðalfundi í dag. Auk
Pálma sitja nú í bankaráði Þórólfur
Gíslason, sem er varaformaður, S.
Elín Sigfúsdóttir, Haukur Helgason
og Hrólfur Ölvisson. Gert er ráð
fyrir að fleiri breytingar kunni að
verða gerðar á bankaráðinu.
Lýsa yfir trausti á bankaráðið
Stjórn Starfsmannafélags Búnað-
arbankans sendi í gær frá sér frá
sér samþykkt, sem gerð var á fundi
stjórnarinnar 9. mars sl. Þar er lýst
fullu trausti á bankaráð Búnaðar-
bankans og stuðningi við störf þess
og „aðgerðir í því ölduróti sem
bankinn hefur þurft að búa við á
undanförnum mánuðum“, eins og
segir í samþykktinni. Beinir stjórn-
in þeirri ósk til allra hluthafa bank-
ans að sem minnstar breytingar
verði gerðar á skipan bankaráðsins
á aðalfundinum í dag.
Aðalfundur Búnaðarbankans
Magnús Gunn-
arsson formað-
ur bankaráðs
SAMKVÆMT heimildum Morgun-
blaðsins hefur aðeins miðað í sam-
komulagsátt í kjaraviðræðum sjó-
mannasamtakanna og Landssam-
bands íslenskra útvegsmanna. Út-
vegsmenn munu hafa fallist á að
ræða frekar hugmyndir sem lagðar
hafa verið fram um tengingu á fisk-
verði í beinum viðskiptum við með-
alverð á fiskmörkuðum. Mikið vant-
ar þó á að samkomulag sé komið um
fiskverðið sem fram til þessa hefur
verið eitt helsta deilumál samnings-
aðila. Fundir verða í kjaradeilunni
um helgina og hefur næsti fundur
verið boðaður klukkan tíu í dag.
Annað helsta deilumálið, sem enn
er óleyst, er mönnun á skipum. Lagt
hefur verið fram frumvarp á Alþingi
um það mál og hafa sjómenn lýst yfir
harðri andstöðu við það. Samgöngu-
ráðherra, sem leggur frumvarpið
fram, hefur enn ekki mælt fyrir mál-
inu. Útvegsmenn leggja mikla
áherslu á að gerðar verði breytingar
á kjarasamningi sjómanna sem
snerta fækkun í áhöfn vegna tækni-
breytinga. Forystumenn sjómanna
hafa neitað að ræða slíkar breyting-
ar meðan frumvarp samgönguráð-
herra liggur óbreytt fyrir þinginu.
Samkvæmt heimildum Morgun-
blaðsins er með öllu óvíst hvort tak-
ist að forðast verkfall þó að miðað
hafi í samkomulagsátt í fiskverðs-
málum. Mikill ágreiningur er enn
um það mál og um önnur mál. Raun-
ar er ekki búið að ganga frá sam-
komulagi um neinn þátt samning-
anna, ekki einu sinni um
slysatryggingar, en útvegsmenn
hafa lýst sig tilbúna til að koma þar
til móts við kröfur sjómanna. Verk-
ffall sjómanna hefst nk. fimmtudag
hafi samningar ekki tekist fyrir þann
tíma.
Á milli 5 og 6 þúsund manns starfa
við fiskvinnslu í landinu, en starf-
semi flestra fiskvinnslustöðva mun
stöðvast fáeinum dögum eftir að
verkfall sjómanna hefst. Verkfallið
nær til um fimm þúsund sjómanna.
Gæti haft víðtæk áhrif
Þórður Friðjónsson, forstjóri
Þjóðhagsstofnunar, telur að hugsan-
legt verkfall sjómanna leiði ekki af
sér mikil efnahagsáhrif, vari það í
skamman tíma, vegna mikillar af-
kastagetu fiskiskipaflotans. Öðru
máli gegni verði verkfall langvinnt.
Þórður telur að mestu áhrifin verði
vegna truflana á loðnuveiðum og
vinnslu og sömuleiðis gæti verkfall
haft áhrif á útflutningsmarkaðina.
Loðnuveiðar standa nú yfir af fullum
þunga og telur Þórður að hugsanlegt
verkfall geti orðið til þess að allt að
150–200 þúsund tonn af loðnu veidd-
ust ekki, sem eru 1–2 milljarðar í út-
flutningsverðmæti. Hann tekur þó
fram að alls ekki sé tryggt að allur
þessi afli veiddist þó að ekki komi til
verkfalls. Þá segir Þórður að verk-
fallið geti haft neikvæð áhrif á salt-
fiskútflutninginn, en saltfiskmarkað-
ir séu einmitt mjög sterkir á þessum
tíma.
Hreyfing komin á viðræður í kjaradeilu sjómanna og útvegsmanna
Útvegsmenn fallast á
að ræða verðtengingu
 Markaðir/42
HÓPUR pilta veittist að 17 ára pilti
við verslunina Samkaup í Miðvangi í
Hafnarfirði um klukkan 21.30 í gær-
kvöld.
Samkvæmt upplýsingum frá lög-
reglunni kom til átaka og lyktaði
þeim með því að pilturinn hlaut
skurð á gagnauga og enni. Einn af
hinum piltunum var einnig sár eftir
átökin. Pilturinn náði að forða sér á
hlaupum en vegfarendur kölluðu til
lögreglu. Sjúkrabifreið flutti piltinn
á slysadeild Landspítala – háskóla-
sjúkrahúss í Fossvogi en hann
reyndist ekki mikið slasaður.
Ungu mennirnir brutu einnig hlið-
arrúðu á bifreið piltsins og beygluðu
hliðar hennar með spörkum. Lög-
reglan yfirheyrði þá í gærkvöld en
þeir voru allir ölvaðir.
Ráðist á pilt
í Hafnarfirði