Morgunblaðið - 04.04.2001, Blaðsíða 18

AKUREYRI
18 MIÐVIKUDAGUR 4. APRÍL 2001 MORGUNBLAÐIÐ
AKUREYRARBÆR hefur auglýst
eftir aðilum til að taka þátt í for-
vali um hönnun og byggingu fjöl-
nota íþróttahúss á félagssvæði
Þórs við Skarðshlíð sem boðið
verður út í alútboði. Valdir verða
3-5 þátttakendur til að taka þátt í
alútboðinu.
Á síðasta fundi íþrótta- og tóm-
stundaráðs var rætt um mögulega
aðkomu Byggðastofnunar og
menntamálaráðuneytisins að bygg-
ingu hússins og var formanni ÍTA
og íþrótta- og tómstundafulltrúa
falið að kanna viðbröð þessara
stofnana vegna styrkveitingar við
fjármögnun hússins. Eiríkur Björn
Björgvinsson íþrótta- og tóm-
stundafulltrúi sagði að þessi um-
ræða hafi komið áður upp en þarna
væri verið að leita eftir fjármagni í
verkefnið og um leið að létta undir
hjá bænum.
Eiríkur sagði að menntamála-
ráðuneytið hafi komið að uppbygg-
ingu íþróttavallarins á Egilsstöð-
um sem byggður var vegna
Landsmóts UMFÍ. „Nú svo vilja
menn láta reyna á það hvort
Byggðastofnun er tilbúin að koma
að uppbyggingu svona mannvirkja.
Það er vilji til þess að leita á náðir
ríkisvaldsins varðandi allt það sem
tengist byggðaröskun. Ferðakostn-
aður á landsbyggðinni er orðinn
það mikill að við þurfum að leita
allra leiða til þess að halda móta-
haldi og ýmsu fleiru í heimabyggð.
Í nýlegri samþykkt að þriggja ára
áætlun bæjarsjóðs árin 2002-2004
er gert ráð fyrir 300 milljónum
króna í fjölnota íþróttahús og að
auki eru settar 80 milljónir króna í
þetta verkefni á yfirstandandi ári.
Bygging fjölnota íþróttahúss á Akureyri í alútboð
Leitað eftir fjármagni hjá Byggða-
stofnun og menntamálaráðuneyti
Morgunblaðið/Kristján
Þórsarar á æfingu á velli sínum. Aðstæður til knattspyrnuiðkunar hafa verið erfiðar norðan heiða í vetur og
hefur Þór t.d. ekki leikið neinn æfingaleik í ár. Fjórum sinnum hefur verið reynt en aldrei tekist vegna veðurs.
LÁRA Stefánsdóttir og Valdi-
mar Gunnarsson, kennarar við
Menntaskólann á Akureyri,
halda fyrirlestur sem nefnist
Þróunarskóli í upplýsinga-
tækni í Háskólanum á Akureyri
á morgun, fimmtudaginn 5.
apríl, kl. 16.15, í stofu 16 við
Þingvallastræti 23.
Menntaskólinn á Akureyri
hefur gert áætlun um nám og
kennslu í upplýsingatækni og
hefur hann verið valinn þróun-
arskóli í upplýsingatækni þar
sem leitað er leiða til þess að
hagnýta tölvur og upplýsinga-
tækni í öllum námsgreinum.
Í fyrirlestrinum munu Lára
Stefánsdóttir og Valdimar
Gunnarsson fjalla um stefnu
skólans, tölvuuppbyggingu,
fartölvuvæðingu, eWizards –
þemaverkefni um töfra og
galdra, dæmi um hagnýtingu
upplýsingatækni í ýmsum
kennslugreinum. Fyrirlestur-
inn er öllum opinn.
Háskólinn
á Akureyri
Fyrirlest-
ur um
upplýs-
ingatækni
ÁTJÁN ára piltur hefur í Héraðs-
dómi Norðurlands eystra verið
dæmdur til að greiða 100 þúsund
krónur í sekt til ríkissjóðs og þá var
hann sviptur ökurétti í tvö ár og gert
að greiða sakarkostnað.
Pilturinn var ákærður fyrir að
hafa ekið bifreið undir áhrifum
áfengis, hratt og óvarlega um götur
Raufarhafnar, suður og norður fyrir
þorpið á allt að 160 kílómetra hraða
sem og inn í þorpið en þar ef há-
markshraði 50 kílómetrar. Afleiðing-
ar þessa ofsaaksturs voru þær að
hann náði ekki beygju og skrensaði
bifreiðina á bunahana og síðan
stjórnlaust út af götunni og hafnaði á
Gömlubraut.
Hann tilkynnti óhappið til lög-
reglu. Þrjú ungmenni voru farþegar í
bílnum umrætt sinn en þau voru öll í
öryggisbeltum og hlutu minni háttar
áverka. Bifreiðin skemmdist mikið.
Pilturinn játaði háttsemi sína en
taldi þó að bifreiðin hefði verið á 130-
40 kílómetra hraða. Hafði hann áður,
eða í nóvember síðastliðnum, gengist
undir sátt hjá sýslumanni á Seyðis-
firði og var þá auk sektar sviptur
ökurétti í eitt ár. Hann fékk ökurétt-
indi í lok júlí í fyrra en atvikið sem
um er rætt varð tæpum mánuði síðar
þannig að hann var með bráða-
birgðaökuskírteini. Dómnum þótti
akstur piltsins vítaverður og svipti
hann því ökurétti í tvö ár en dóm-
urinn tekur gildi í nóvember næst-
komandi þegar áðurnefnd sátt renn-
ur út.
Héraðsdómur Norðurlands eystra
Sviptur ökurétti í tvö ár
fyrir vítaverðan akstur
TÖLUVERT hefur snjóað að und-
anförnu norðan heiða síðustu
daga en ekki eru allir jafnhrifnir
af slíkri sendingu nú þegar mönn-
um finnst vorið vera á næsta leiti.
Fram kemur í aprílspá Veð-
urklúbbsins á Dalbæ á Dalvík að
enn þurfi að bíða eftir vorinu, hve
lengi fari eftir fyrsta sumartungl-
inu sem kviknar 23. apríl í suðs-
uðvestri. Verði veðrið gott þann
dag megi búast við að sumarið
verði það einnig, en viðri ekki vel
megi hins vegar búast við köldu
vori.
Klúbbfélagar telja að fremur
leiðinlegt veður verði fram að
páskum, norðlægar áttir með
snjókomu. Þó svo að nokkuð snjói
megi búast við að hann taki fljótt
upp. Um páskana spá þeir félagar
hins vegar góðum dögum, jafnvel
eindæma góðum til útivistar norð-
anlands. Rætist hins vegar spáin
um leiðinlegt veður fram að pásk-
um ekki telja félagar fullvíst að
hann skelli á með hraustlegu
páskahreti.
Morgunblaðið/Kristján
Gísli Pálsson, starfsmaður Akureyrarbæjar, við vinnu sína í gær. Á bak
við hann blakta fánar, sem tengjast dagskrá í Hlíðarfjalli næstu daga, í
norðanáttinnia. Fresta varð alþjóðlegu skíðamóti í gær vegna veðurs.
Veðurklúbbur-
inn á Dalbæ
Enn þarf
að bíða eft-
ir vorinu
KARLMAÐUR á fertugsaldri hefur
verið dæmdur í Héraðsdómi Norður-
lands eystra til að greiða 25 þúsund
krónur í sekt til ríkissjóðs og helming
sakarkostnaðar, en hann var ákærður
fyrir tollalagabrot. Ríkissjóði var gert
að greiða helming sakarkostnaðar.
Karlmaður um fimmtugt, sem ákærð-
ur var fyrir sama brot, var hins vegar
sýknaður í málinu.
Eldri maðurinn var ákærður fyrir
að hafa tekið á móti plastpokum sem
innihéldu smyglvarning þegar unnið
var við uppskipun úr rússnesku flutn-
ingaskipi á Raufarhöfn í september
1999 og farið með þá í húsnæði fisk-
iðju Jökuls. Hinn var ákærður fyrir
hlutdeild í sama broti, þ.e. að hafa tek-
ið varninginn í fiskiðjunni og komið
honum fyrir í lokuðu plastkeri og
setja inn í kæligeymslu.
Grunsemdir vöknuðu með lögreglu
um að verið væri að smygla áfengi og
tóbaki í land úr skipinu þegar unnið
var við uppskipunina og var því fylgst
með bryggjunni. Taldi lögreglumaður
sig sjá eldri manninn taka við plast-
pokanum og flytja hann inn í fiskmót-
tökuna og var hann í kjölfarið hand-
tekinn og færður til yfirheyrslu. Eftir
nokkra leit fundust pokar þar og
reyndust þeir innihalda 15 lítra af
spíra, 5 lítra af sterku áfengi, 12 lítra
af bjór og 800 vindlinga.
Tveir skipverjar gáfu sig fram sem
eigendur varningsins og greiddu
sekt, 126 þúsund krónur. Ekki voru
teknar af þeim lögregluskýrslu og
þeir komu ekki fyrir dóm, þannig að
framburður þeirra um hver eða
hverjir voru kaupendur að varningn-
um var ekki fyrir hendi.
Eldri maðurinn neitaði frá upphafi
að hafa haft með höndum ólöglega
innflutt áfengi og tóbak umræddan
dag og kvaðst ekki hafa tekið við
pakka úr höndum skipverja flutn-
ingaskipsins. Hann kannaðist við að
hafa tekið poka á bryggjunni og flutt
að fiskmóttökunni, en taldi þá inni-
halda rusl. Þótti dómnum ósannað að
maðurinn hafi gerst sekur um þá
háttsemi sem hann var ákærður fyrir
og var hann því sýknaður.
Misræmi reyndist á framburði
yngri mannsins fyrir lögreglu og
dómi og þótti ótrúverðugt. Að áliti
dómsins átti manninum að vera kunn-
ugt um hvert innihald pokanna væri
þegar hann kom þeim fyrir í kari og
flutti þá til, enda hafi hann kannast
við að glamrað hafi í þeim. Ósannað
þótti hins vegar að hann hafi átt nokk-
urn hlut í hinum ólöglega innflutta
varningi, sem hann átti hlutdeild í að
veita viðtöku.
Dæmdur fyrir
tollalagabrot