Morgunblaðið - 04.04.2001, Blaðsíða 26

LISTIR
26 MIÐVIKUDAGUR 4. APRÍL 2001 MORGUNBLAÐIÐ
segull
PIRAMUS og Þispa, leikfélag
Framhaldsskólans á Húsavík, frum-
sýndi sl. laugardag hið sígilda verk
Thorbjörns Egner Dýrin í Hálsa-
skógi. Sýningin er sett upp í Sam-
komuhúsinu á Húsavík, leikstjóri er
hinn gamalreyndi leikhúsmaður Sig-
urður Hallmarsson sem sér líka um
hljóðfæraleik í sýningunni ásamt
Ingimundi Jónssyni.
Sviðsmeistarar frá Leikfélagi
Húsavíkur, Sveinbjörn Magnússon
og Sigurður Sigurðsson, eiga heið-
urinn af sviðsmyndinni. Uppistaðan í
henni eru tré sem tekin voru í húsa-
görðum í bænum. Steinunn Áskels-
dóttir sér um förðun og þær Dóm-
hildur Antonsdóttir og Kristín
Guðmundsdóttir sjá um búninga.
Að sögn Kolbrúnar Ödu Gunnars-
dóttur, formanns félagsins, eru leik-
arar 20 en alls koma 30–40 manns að
sýningunni. Með helstu hlutverk
fara Hilmar Valur Gunnarsson sem
leikur Mikka ref, Arnar Þór Sigurðs-
son sem Lilli klifurmús og Katrín
Ragnarsdóttir sem leikur Martein
skógarmús. Einn leikara í sýning-
unni er skiptinemi frá Noregi, Lars
Fuglestad, og leikur hann elginn.
Piramus og Þispa var stofnað af
Þorgeiri Tryggvasyni árið 1989 og
hefur starfað ötullega síðan. Næsta
sýning verður í kvöld, miðvikudags-
kvöld, en áætlað er að hafa sýning-
arnar að minnsta kosti tíu.
Morgunblaðið/Hafþór
Arnar Þór og Katrín í
hlutverkum sínum.
Dýrin í Hálsa-
skógi á Húsavík
Húsavík. Morgunblaðið.
♦ ♦ ♦
Lars Dunder, bassi, Mats Dahl-
berg, gítar, Tobbe Jacobsson, saxó-
fónar, Tobbe Broström, trommur,
Bengt Jaegtnes, hljómborð, og
Yana Sundgren, söngur.
Fjölmargir utanaðkomandi tón-
listarmenn hafa leikið með hljóm-
sveitinni inn á plötur og á tón-
leikum.
Hljómsveitin hefur komið fram á
ýmsum menningarhátíðum í Sví-
þjóð, Noregi, Rússlandi, Bandaríkj-
SÆNSK hljómsveit, Giron, heldur
tónleika í Norræna húsinu í kvöld,
miðvikudagskvöld, kl. 20.30. Tón-
leikarnir eru liður í kynningu á
menningu Norðurbotns í Svíþjóð
sem nú stendur yfir í Norræna hús-
inu.
Tónlist Giron er blanda af sam-
ískum þjóðlögum, rokki og jassi.
Hljómsveitin hefur starfað frá árinu
1994 og hefur á að skipa sex með-
limum:
unum og Kanada. Þeir hafa einnig
komið fram í sænska ríkisútvarpinu
og sjónvarpinu við ýmis tækifæri,
þar má nefna tónleika fyrir sænsku
hirðina að viðstaddri konungsfjöl-
skyldunni og ríkisstjórninni í bústað
Karls XVI Gústafs.
Í desember sl. gaf hljómsveitin út
geislaplötuna, „Till Kiruna“ þar
sem hún mærir heimaborg sína,
Kiruna, sem hélt uppá aldarafmæli
sitt á sl. ári. Textarnir eru á sænsku.
Sexmenningarnir í sænsku hljómsveitinni Giron.
Giron leikur
í Norræna
húsinu
FIÐLUSVEIT Tónlistarskóla Mos-
fellsbæjar helur tónleika í sal Var-
márskóla í kvöld kl. 20.30. Með
Fiðlusveitinni koma fram Richard
Simm píanóleikari og sellóleik-
ararnir Arnþór Jónsson og Guðrún
Þ. Höskuldsdóttir. Sérstakur gest-
ur verður söngvarinn Þorvaldur
Halldórsson. Í Fiðlusveitinni eru
þrettán stúlkur á aldrinum 9–14
ára. Sveitin var stofnuð haustið
1997 og er stjórnandi hennar frá
upphafi Rósa Jóhannesdóttir, tón-
listarkennari og fiðluleikari.
Tónleikarnir eru liður í söfnun
stúlknanna á mót fyrir unga tón-
listarmenn (9–16 ára) sem haldið
verður í Odense í Danmörku 1. júlí.
Þátttakendur verða frá öllum
Norðurlandaþjóðunum og er til-
gangur mótsins að kynnast tónlist
og menningu hinna landanna, auk
þess að kynna íslenska tónlist.
Aðgangseyrir 500 kr. 200 kr. fyr-
ir börn, frítt fyrir yngri en sex ára.
Fiðlusveit Mosfellsbæjar. Efsta röð frá vinstri: Rósa Jóhannesdóttir
stjórnandi. Valgerður Lilja Jónsdóttir, Lilja Kjartansdóttir, Lára Ara-
dóttir, Sigríður Sjöfn Ingvarsdóttir, Agnes Drífa Pálsdóttir. Miðröð;
Sólveig Johnsen, Anna Lísa Ingólfsdóttir, Anna Bergljót Böðvarsdóttir,
Eygló Sif Sigfúsdóttir, Rannveig Eir Erlingsdóttir. Fremsta röð; Björk
Gunnlaugsdóttir, Sigrún Jarlsdóttir og Sólrún Jóhannesdóttir.
Tónleikar
Fiðlusveitar
Mosfellsbæjar
Í ÞESSU útvarpsleikriti Ruud
van Megens er á yfirborðinu
skyggnst inn í hugarheim Egypta
sem flust hefur til Hollands. Undir
niðri er leikritið flókin samsetning
ýmissa vangaveltna sem lagðar eru í
munn aðalpersónunni – sumir hlutar
textans segja á einfaldan hátt frá
daglegri tilveru hennar en aðrir eru
úr tengslum við raunveruleikann,
markaðir óbeisluðu hugmyndaflugi
með keim af veröld absúrdleikhúss-
ins.
Það er margt athyglisvert við
þetta verk, kannski fyrst og fremst
vegna þess að höfundurinn leikur
sér að því að sneiða hjá hverri keld-
unni af annarri sem hann hefði get-
að lent í við skrif leikrits sem fjallar
um innflytjanda í vestrænu ríki. Í
stað þess leikur hann sér að þeim
klisjum sem gjarnan eru notaðar í
umfjöllun um viðbrögð „síbúanna“
við „nýbúunum“, svo vísað sé í orð-
notkun Magnúsar Þorkelssonar í
Rabbgrein í síðustu Lesbók.
Van Megen notar form einleiksins
til að undirstrika að hve miklu leyti
leikurinn gerist í hugarheimi Egypt-
ans Hakims. Viðmælendur hans eru
ekki orðmargir. Þegar fjör færist í
leikinn og Hakim nær að króa pípu-
lagningamanninn af við iðju sína
tekur hann sjálfur að sér að tala fyr-
ir báða aðila og leika hlutverk
tveggja andstæðinga: annars vegar
kynþáttahatara og hins vegar inn-
flytjandans eins og kynþáttahatar-
inn ímyndar sér hann.
Útkoman verður sú að afdráttar-
lausri mynd af mjög sérstæðum per-
sónuleika er brugðið upp, af ein-
mana, íhugulum manni sem þráir
aðeins tvennt í lífinu: að eignast
konu svo þau gætu hlýjað hvort öðru
á nóttunni og að sigra í skautahlaupi
milli ellefu borga og bæja í landinu
og öðlast þannig virðingu og aðdáun
íbúa landsins. En kuldinn sem stafar
af landi og lýð ber hann ofurliði og
hann kemst aldrei nálægt þessu tak-
marki sínu.
Örn Árnason leikur Hakim og alla
aðra viðmælendur hans. Persóna
Hakims hefur töluvert áberandi
hreim svo að á stundum getur
reynst erfitt að skilja hann – þetta
er ákaflega trúverðugt en krefst
þess af útvarpshlustendum að þeir
hafi einbeitinguna í lagi. Örn virðist
geta brugðið sér í allra kvikinda líki
en ánægjulegasti hluti flutnings
hans er þegar hann sem pípulagn-
ingamaðurinn ræðir með eðlilegri
talrödd sinni við Hakim með hreim-
inn. Þetta undirstrikar þá skoðun
Hakims að píparinn sé maður alveg
eins og hann sjálfur og rennir stoð-
um undir þá skoðun hans að það sé
verðugt viðfangsefni að reyna að
kynnast honum. Flutningur Arnar á
vönduðum texta þýðingar Hallgríms
H. Helgasonar og fjölbreytt per-
sónusköpun hans eru að því er virð-
ist svo áreynslulaus að það er auð-
velt að gleyma því hve þessi
hæfileiki að geta skapað svo skýrt
afmarkaðar persónur með röddinni
einni er fágætur, en án efa hefur
Örn haft stuðning af hljóðvinnslu
Hjartar Svavarssonar. Örn er um-
fram allt sannfærandi í hlutverkinu
en gæðir allan flutninginn ríkri
kímni sem heldur athygli hlustand-
ans við efnið.
Efni verksins er eins og áður
sagði flókið og á stundum fjarstæðu-
kennt; sérstaklega á þetta þó við um
lokahlutann sem er eins og fantasía
prjónuð við frekar heilsteypt og vel
byggt verk. Efnistök leikstjórans,
Ásdísar Thoroddsen, og hæfileikar
Arnar Árnasonar halda verkinu
uppi og ná að sigla því í höfn. Að
leikslokum eru það þau Örn og Ás-
dís sem mega vel við una að vel
unnu verki loknu; vegna brotalama í
byggingu verksins er þeirra
frammistaða minnisstæðari en leik-
ritið sjálft.
Leikritið og
leikarinn
LEIKLIST
Ú t v a r p s l e i k h ú s i ð
Höfundur: Ruud van Megen.
Þýðing: Hallgrímur H. Helgason.
Leikstjórn: Ásdís Thoroddsen.
Hljóðvinnsla: Hjörtur Svavarsson.
Leikari: Örn Árnason.
EGYPSKI SKAUTA-
HLAUPARINN
Sveinn Haraldsson
HIN árlegu tónlistar- og
bókmenntaverðlaun Norð-
urlandaráðs voru afhent í
Ósló á mánudagskvöld. Að
þessu sinni komu þau í
hlut danska tónlistar-
mannsins Palles Mikk-
elborg og norska rithöf-
undarins Jans Kjærstad.
„Þeir listamenn sem til-
nefndir voru til tónlist-
arverðlauna Norðurlandaráðs í ár
eru svo einstakir að ég átti alls
ekki von á að vinna verðlaunin,“
sagði Mikkelborg. „Það
er mikill heiður að vera
kominn í hóp þeirra lista-
manna sem þegar hafa
fengið þessi verðlaun.“
Mikkelborg er fæddur
árið 1941 og er þekktur
bæði sem tónsmiður og
hljóðfæraleikari.
Ungur að árum fór
hann að spila á trompet
og hefur allar götur síðan notið
mikilla vinsælda innan sem utan
heimalandsins.
Bók rithöfundarins Jans Kjærs-
tad, Oppdageren, sem er síðasta
bindi þríleiks hans um fjölmiðla-
manninn og menningarvitann Jo-
nas Wergerland, færir honum
bókmenntaverðlaun Norður-
landaráðs árið 2001.
Fyrri bækurnar
heita Forföreren og
Erobreren og gerast
þær allar á seinni
hluta 20. aldar.
Kjærstad er fæddur
árið 1953 og gaf út
sína fyrstu bók árið
1980.
Bækur Kjærstad
þykja bera norræn-
um nútímabók-
menntum gott vitni
og hafa notið mik-
illa vinsælda i Nor-
egi.
Í umsögn Norð-
urlandaráðs um
Kjærstad segir m.a.:
„Stíll hans er djúpur, frum-
legur og nýstárlegur, hann bæði
krefst mikils af lesendum sínum
og veitir þeim mikla ánægju af
lestrinum.“
Mikkelborg og
Kjærstad afhent
verðlaun sín
Palle Mikkelborg blæs í trompettinn að aflokinni verð-
launaafhendingu á mánudagskvöld í Ósló.
Ósló. Morgunblaðið.
Jan Kjærstad
BERND Ogrodnik brúðulista-
maður heldur sýningu í Litla
leikhúsinu við Sigtún á Selfossi
í dag, miðvikudag, kl. 17.15.
Sýningin ber heitið: „Brúður,
tónlist og hið óvænta.“
Sýningin samanstendur af
mörgum stuttum þáttum þar
sem Bernd lætur persónur
vakna til lífsins gerðar úr hönd-
um sínum, trébútum og silki-
slæðum.
„Bernd kemur frá Banda-
ríkjunum en er fæddur og upp-
alinn í Þýskalandi. Hann hefur
heillað áhorfendur um allan
heim og er Bernd talinn einn af
hæfileikaríkustu listamönnum í
brúðuleikhúsheiminum í dag,“
segir í kynningu. Sýningin er
jafnt fyrir fullorðna og börn.
Brúður
og tónlist
á Selfossi
Í NORRÆNA húsinu stendur nú
yfir, til 6. apríl, kynning á menn-
ingu frá Norðurbotni í Svíþjóð.
Miðvikudagur – Kirunadagur
Kl. 8.00: Ljósmyndasýning í
anddyri sem sýnir Kiruna í gegn-
um tíðina með augum ljósmynd-
aranna Borgs Meschs og Torstens
Dahllöfs. Myndirnar, sem spanna
fyrri hluta síðasta árhundraðs, eru
heimild og menningararfur.
Einnig verður sýnd stuttmynd
og heimildarmynd frá 100 afmæli
Kiruna. Myndirnar verða sýndar
af og til yfir daginn.
Kl. 20:30: Tónleikar þjóðlaga-
sveitarinnar Giron. Sjá hér að neð-
an.
Aðgangur kr. 1.000.
Norður-
botnsdagar