Morgunblaðið - 04.04.2001, Blaðsíða 57
LAUGARDAGINN 10. mars var
árshátíð nemenda Grunnskólans í
Búðardal haldin í Dalabúð. Þessi
atburður er ávallt vel sóttur og
vel þess virði að mæta, enda virð-
ast allir koma sem vettlingi geta
valdið. Mikið er lagt á sig til að
gera árshátíðina svona vel úr
garði. Námið sat meira að segja á
hakanum hjá nemendum síðustu
vikuna fyrir hátíðina, svo stíft var
æft. Það var heldur ekki ráðist á
garðinn þar sem hann er lægstur;
m.a. var farið með nokkra þætti
úr Gauragangi og einnig atriði úr
Latabæ og Skilaboðaskjóðunni svo
eitthvað sé nefnt. Einnig sjá nem-
endurnir um leikmyndir og bún-
inga að mestu.
Hlaðin veisluborð
Eftir leiksýningar, söng- og
íþróttaatriði gæddu árshátíð-
argestir sér á kökuhlaðborði sem
varla sést betra. Kom hvert barn
með eina köku, svo nóg var til, og
ekki varð neinn svikinn af þeim;
hver tertan annarri betri og því
sem af gekk fengu nemendur og
kennarar að gæða sér á frameftir
vikunni.
Árshátíð
Grunn-
skólans í
Búðardal
Morgunblaðið/Guðrún Kristinsdóttir
Allir nemendur skólans syngja saman.
Annar bekkur sýndi þátt úr Skilaboðaskjóðunni.
Búðardal. Morgunblaðið.
FÓLK Í FRÉTTUM
MORGUNBLAÐIÐ MIÐVIKUDAGUR 4. APRÍL 2001 57
Frumsýnd í Háskólabíói 6. apríl
Besta myndin
Sundance Film Festival 2000
Besti leikstjórinn
Sundance Film Festival 2000
NÝVERIÐ fór fram í Valaskjálf á
Egilsstöðum söngkeppnin Barkinn
2001 á vegum Nemendafélags
Menntaskólans á Egilsstöðum. Það
var Aldís Fjóla Ásgeirsdóttir sem
sigraði í keppninni með afgerandi
hætti. Í öðru sæti varð Guðný Pála
Rögnvaldsdóttir og í þriðja sæti þær
Elísabet Agla Stefánsdóttir og
Karólína Andrésdóttir. Verðlaun fyr-
ir áhugaverðustu framkomuna hlaut
Ólafur Gunnarsson. Garðar Eyjólfs-
son, formaður nemendaráðs ME, og
Ingólfur Friðriksson voru fram-
kvæmdastjórar keppninnar að þessu
sinni.
Afspyrnugóður flutningur
Garðar sagði í samtali við Morgun-
blaðið að flutningur Aldísar Fjólu á
laginu „Don’t Speak“ hefði verið af-
spyrnugóður. Gefnir voru punktar
fyrir söng, öryggi og sviðsframkomu
og þótti hún standa sig firnavel í öllu
þrennu. Aldís Fjóla,
sem er frá Borgarfirði
eystra, hefur áður keppt
í Barkanum, en þetta er
í fyrsta sinn sem hún
sigrar. Alls voru kepp-
endur 24 talsins með 15
lög. Garðar sagði
keppnina um Barkann
sífellt verða glæsilegri
með árunum og stefni
allt í að hún verði um-
talsverður menningar-
viðburður á Austurlandi
og þótt víðar væri leitað.
Formaður dómnefnd-
ar, Ingveldur G. Ólafs-
dóttir, tilkynnti úrslit og
afhenti vegleg verðlaun,
en kynnar keppninnar
voru þeir Friðjón og
Davíð Þór Magnússyn-
ir.
Eftir keppni var rutt
út og í kjölfarið slegið
upp miklu stuðballi, þar
sem hljómsveitin Dead
Sea Apple sá um keyrsl-
una.
Aldís Fjóla
Ásgeirsdóttir
Barkinn 2001
Morgunblaðið/Steinunn Ásmundsdóttir
Sigurvegari Barkans 2001, Aldís Fjóla Ásgeirsdóttir, endurflutti sig-
urlagið við feiknagóðar undirtektir viðstaddra.
Bræðurnir Friðjón og Davíð Þór Magnússynir
voru kynnar Barkans 2001.
Söngkeppni Menntaskólans á Egilsstöðum
Egilsstöðum. Morgunblaðið.
DÓMSTÓLL í
Lundúnum
dæmdi á þriðju-
daginn hjónun-
um David og
Victoriu Beck-
ham í hag í
skaðabótamáli
þeirra gagnvart
fyrrum lífverði
sínum sem þau
sökuðu um að
hafa brugðist samningsbundnum
þagnareið. Hinn fertugi Mark Niblett
sem lét af störfum fyrir þau hjónin á
síðasta ári hafði lekið til ævisagnarit-
arans Andrew Morton upplýsingum
um persónulega hagi hjónanna umtöl-
uðu sem Morton notaði síðan í bókinni
Posh and Becks sem kom út í fyrra.
Nú á Niblett yfir höfði sér fjársekt
en upphæðin hefur enn ekki verið
ákvörðuð.
Beckham-hjónin
Gamli lífvörð-
urinn í vanda
Þessi eru hörð
í horn að taka.
Reuters