Morgunblaðið - 12.04.2001, Blaðsíða 31

UMRÆÐAN
MORGUNBLAÐIÐ FIMMTUDAGUR 12. APRÍL 2001 D 31
Heimsferðir kynna nú ferðir sínar til Prag í haust á hreint frábærum kjörum,
en þessi heillandi borg er nú orðin einn vinsælasti áfangastaður Íslendinga.
Beint flug í október og nóvember og nú kynnum við nýja frábæra gisti-
valkosti í hjarta Prag, góð 3 og 4 stjörnu hótel og spennandi kynnisferðir
um kastalann og gamla bæinn með íslenskum fararstjórum Heimsferða, þar
sem þú kynnist alveg ótrúlega heillandi mannlífi þessarar fögru borgar sem
á engan sinn líka í Evrópu..
Kr. 25.215
Flugsæti til Prag með 8.000 kr.
afslætti, út á mánudegi, heim á
fimmtudegi.
Skattar innifaldir.
Kr. 31.325
M.v. 2 í herbergi, U tri Korunek,
19. nóvember með 8.000 kr.
afslætti sem gildir fyrir brottfarir
á sunnudegi eða mánudegi.
Skattar innifaldir.
Ævintýri til
Prag
í haust
frá 25.215 kr.
Skógarhlíð 18, sími 595 1000. www.heimsferdir.is
Frábærir flugtímar.
Brottför frá Íslandi kl. 13.30
Fáðu bæklinginn sendann
Í UNDIRBÚNINGI
atkvæðagreiðslunnar
um framtíð innanlands-
flugs í Reykjavík var
mikið rætt um hlutverk
Reykjavíkur sem höf-
uðborgar landsins. Við
töldum það hlutverk
hennar skipta miklu
máli og nefndum sér-
staklega skyldur borg-
arinnar við aðra lands-
menn vegna þeirra
miklu réttinda sem því
fylgir fyrir borgina.
Í hita leiksins fjöll-
uðu einstaka aðilar dá-
lítið niðrandi um þessar meintu
skyldur höfuðborgar og töldu nokk-
uð víst að flestir landsmenn flyttu
fljótlega á mölina hvort sem er.
Nú er öllum frjálst að hafa hvaða
skoðun sem þeir vilja á því, en það
breytir engu um það, að Reykjavík
án höfuðborgarhlutverksins yrði ein-
ungis svipur hjá sjón og höfuðborg
án samgöngumiðstöðv-
ar héldi ekki lengur
þeirri stöðu óskertri.
En svo mikið hefur ver-
ið fjallað um þennan
hluta málsins, að ég
ætla ekki að fjölyrða
um hann meira hér.
Hins vegar hefur vakið
athygli mína, að ekkert
hefur ennþá komið
fram um það frá Ingi-
björgu Sólrúnu, hvern-
ig niðurstaða skoðana-
könnunar Pricewater-
houseCoopers meðal
landsmanna allra á að
hafa áhrif á framvindu
flugvallarmálsins.
Við undirbúning að viðhorfskönn-
uninni 17. mars sl. kom fram, að
samhliða atkvæðagreiðslu í Reykja-
vík yrði efnt til mjög viðamikillar
skoðanakönnunar meðal lands-
manna allra um flugvallarmálið.
Þegar ekkert bólaði á þeirri skoð-
anakönnun upplýstu borgaryfirvöld,
að hætt hefði verið við hana vegna
þess, að PricewaterhouseCoopers
hefði þegar framkvæmt slíka könn-
un og því ástæðulaust að gera aðra.
Vissulega athyglisvert og mikil við-
urkenning fyrir PwC.
Spurningin, sem lögð var fyrir
landsmenn, var eftirfarandi: Ertu
sammála eða ósammála því, að
Reykjavíkurflugvöllur verði áfram
staðsettur í Vatnsmýrinni í Reykja-
vík? Niðurstaðan var mjög skýr:
Þegar Reykvíkingar einir voru
spurðir voru 53% sammála því að
hann yrði áfram, en einungis 29,6%
ósammála. 17,4% voru hvorki sam-
mála né ósammála. Af þeim sem tóku
afstöðu voru þannig 64,2% Reykvík-
inga sammála því að flugvöllurinn
yrði áfram í Vatnsmýrinni, en ein-
ungis 35,8% ósammála.
Þegar litið er til sjónarmiða lands-
manna allra breytist hlutfallið afar
lítið, en samtals 50,7% voru sammála
því að flugvöllurinn ætti að vera
áfram í Vatnsmýrinni, en 25,8% voru
því ósammála. 23,5% voru hvorki
sammála né ósammála. Af þeim sem
tóku afstöðu voru þannig 63,5% sam-
mála því, að flugvöllurinn ætti að
vera áfram í Vatnsmýrinni, en ein-
ungis 36,5% ósammála. Í báðum til-
fellum er niðurstaðan afgerandi
skýr. Bæði þverskurður Reykvík-
inga og þjóðarinnar sýndi í þessari
skoðanakönnun þann eindregna vilja
sinn, að flugvöllurinn yrði áfram í
Vatnsmýrinni.
Nú hlýt ég að ætla að einhver
hugsun hafi legið að baki þeim fyr-
irætlunum borgaryfirvalda að fram-
kvæma ætti þá stóru skoðanakönn-
un, sem nefnd var hér að framan.
Skoðanakönnun PwC kom í staðinn
fyrir hana, að sögn borgaryfirvalda,
og því spyr ég Ingibjörgu Sólrúnu:
Hvernig verður tekið tillit til niður-
staðna skoðanakönnunarinnar, þeg-
ar metið verður vægi þessara frægu
384 atkvæða, sem skildu fylkingar að
í viðhorfskönnuninni 17. mars sl.?
Gleðilega páska.
Höfuð(laus)borg
Friðrik Pálsson
Flugvöllur
Bæði þverskurður
Reykvíkinga og þjóð-
arinnar, segir Friðrik
Pálsson, sýndi í þessari
skoðanakönnun þann
eindregna vilja sinn, að
flugvöllurinn verði
áfram í Vatnsmýrinni.
Höfundur er formaður samtakanna
Hollvinir Reykjavíkurflugvallar.
Mörkinni 3, sími 588 0640
G
læ
si
le
g
hú
sg
ög
n
Sérpantanir
Opið mán.-fös. frá kl. 12-18.
Lau. frá kl. 11-14.
Súrefnisvörur
Karin Herzog
Silhouette