Morgunblaðið - 12.06.2001, Blaðsíða 12
GÓÐ veiði var bæði í Laxá í Aðaldal
og Laxá í Kjós er veiði hófst í þeim
á sunnudagsmorgun. Alls veiddust
9 laxar í Aðaldal og 5 laxar í Kjós á
fyrstu vaktinni og var það mun
betra en í fyrra í Aðaldal og mjög
gott miðað við bágar aðstæður í
Kjósinni.
Að sögn Róberts Brink, umsjón-
armanns í Vökuholti við Laxá í Að-
aldal, voru komnir alls 15 laxar á
land á hádegi í gær. „Menn eru
mjög ánægðir með þennan gang
mála. Þetta er miklu líflegra en í
fyrra og menn sjá talsvert af laxi.
Þetta er og mjög vænn fiskur, 8 til
14 pund. Einn veiddist fyrir ofan
Æðarfossa, í Heiðarenda,“ sagði
Róbert.
Lítið vatn – stórir fiskar
Á hádegi í gær voru komnir 9
laxar á land úr Laxá í Kjós, fjórir
veiddust á fjórar stangir um morg-
uninn og fimm á sunnudagsmorg-
un. Að sögn Haraldar Eiríkssonar
yfirleiðsögumanns á staðnum eru
menn ánægðir með byrjunina,
einkum í ljósi þess að mjög lítið
vatn er í ánni. „Það dimmdi mjög á
sunnudagskvöldið og þá kom mikil
hreyfing á fiskinn. Við sáum laxa
fara upp úr Kvíslafossi, Skáfossum
og Laxfossi þannig að eitthvað er
að skríða inn á dalinn. Sá fyrsti kom
á land fyrir ofan Laxfoss í morgun,
í Klingenberg,“ sagði Haraldur.
Laxarnir í Kjósinni hafa verið
mjög vænir, þó nokkrir 12 til 14
punda, en svo einn aðeins 4 punda.
Langá hefur ekki verið opnuð
formlega, en nemendur í Flugu-
veiðiskóla Ingva Hrafns hafa sett í
nokkra fiska og að sögn hefur verið
nokkuð líflegt fyrir neðan Skugga-
foss og menn jafnvel talið sig sjá lax
ofar, m.a. í Glanna og Stangarhyl.
Síðast er fréttist var fyrsti laxinn
úr Laxá á Ásum enn ókominn á
land, en sæmilegur reytingur var í
Blöndu, Þverá/Kjarrá og Norðurá.
Byrjar vel í Að-
aldal og Kjós
Ljósmynd/Atli Vigfússon
Laxamýrarhollið með hluta af
aflanum úr Laxá í Aðaldal
fyrsta morguninn.
ERU
ÞEIR AÐ
FÁ’ANN?
Morgunblaðið/Ásgeir Heiðar
Páll Magnússon með einn af
fyrstu löxunum úr Laxá í
Kjós á sunnudagsmorgun.
FRÉTTIR
12 ÞRIÐJUDAGUR 12. JÚNÍ 2001 MORGUNBLAÐIÐ
NÝTT sendiráð Íslands verður opn-
að í Maputo, höfuðborg Mósambík í
Afríku, um næstu mánaðamót. Þetta
er fyrsta sendiráð Íslands í Afríku og
fyrsta sendiráðið fyrir sunnan mið-
baug, en það mun þjóna allri sunn-
anverðri Afríku, þ.e.a.s. Mósambík,
Suður-Afríku, Namibíu, Malawí og
Úganda fyrst um sinn.
Björn Dagbjartsson er sendiherra
í nýja sendiráðinu. Hann segir að
ástæðan fyrir opnun þess sé meðal
annars sú að þróunaraðstoð Íslend-
inga sé öll í þessum löndum sunn-
anverðrar Afríku og Mósambík verði
væntanlega eitt af stærstu sam-
starfslöndum okkar hvað varði þró-
unaraðstoð í framtíðinni, þó Namibía
sé það nú.
Oftsinnis komið til Mósambík
Björn sagðist vera einn Íslendinga
í starfi í sendiráðinu, en auk hans
myndu starfa þar tveir heimamenn,
ritari og aðstoðarmaður. Sendiráðið
yrði til húsa í sendiráðsbyggingu
sem Danir og Norðmenn hefðu
byggt í sameiningu í landinu og þar
hefði sendiráðið þrjú herbergi til
umráða.
Björn þekkir vel til í Afríku, því
hann hefur síðastliðin
tólf ár verið forstjóri
Þróunarsamvinnustofn-
unar og þurft að vera
mikið á ferðinni í sunn-
anverðri Afríku af þeim
sökum. Meðal annars
hefur hann oftsinnis
komið til Mósambík og
segist þekkja persónu-
lega nokkra af núver-
andi ráðherrum ríkis-
stjórnarinnar, þ.á m.
ráðherra utanríkismála,
sjávarútvegsmála og
félagsmála. Þá sé þegar
hafið samstarf Íslend-
inga við þarlenda á við-
skiptasviðinu. Til að mynda hafi ís-
lensk fyrirtæki boðið í verk í
tengslum við álframleiðslu í landinu,
einkum hvað varði stjórnunarþátt-
inn. Sömuleiðis hafi verið um að
ræða samstarf á sviði virkjana og
vatnamælinga. Í Namibíu sé síðan
töluvert mikil starfsemi á vegum Ís-
lendinga eins og kunnugt sé, einkum
á sviði sjávarútvegs, en ýmsir mögu-
leikar séu einnig í þeim efnum í Mós
ambík.
Björn sagði að sá innlandsófriður
sem ríkt hefði í land-
inu í áratugi eftir að
Mósambík hlaut sjálf-
stæði frá Portúgölum
væri að baki. Hvíti
minnihlutinn í Suður-
Afríku hefði stutt and-
stöðuna með ráðum og
dáð, en skömmu áður
en Nelson Mandela
hefði tekið við í Suður-
Afríku hefði verið
saminn friður og efnt
til frjálsra kosninga í
kjölfarið. Síðan þá
hefði ástandið farið
batnandi ár frá ári og
lýðræðisskipulag væri
við lýði.
Björn sagði að Mósambík nyti
þróunaraðstoðar víða að. Sérstak-
lega væru Norðurlöndin öflug í þeim
efnum, einkum Svíar.
Hann sagði að talsvert væri um
það að Íslendingar byggju á þessu
svæði, auk þess sem ferðamanna-
straumur til sunnanverðrar Afríku
færi vaxandi. Það yrði því væntan-
lega í mörg horn að líta í starfinu,
enda um víðlent svæði að ræða sem
sendiráðið myndi þjóna.
Nýtt sendiráð opnað í Mósambík um mánaðamótin
Fyrsta íslenska sendi-
ráðið sunnan miðbaugs
Björn Dagbjartsson
UMFERÐARÓHAPP varð á Fífu-
hvammsvegi í Kópavogi, undir
brúnni yfir Reykjanesbraut, rétt
fyrir klukkan þrjú í gær. Vörubíl
var ekið eftir veginum með pallinn
uppi með þeim afleiðingum að hann
rakst upp undir brúna og rifnaði af
bílnum.
Að sögn lögreglunnar í Kópavogi
vildi slysið þannig til að ökumaður
vörubifreiðarinnar hreinlega
gleymdi að setja niður pallinn og
hafði ekið með hann upp nokkra
stund. Af þessu urðu töluverðar
umferðartafir því pallur vörubílsins
skorðaðist fastur milli vegs og brú-
ar og þurfti að kalla til stórvirk
vinnutæki til að losa hann. Tafirnar
stóðu í um tvo tíma.
Bílstjóri vörubílsins var fluttur á
slysadeild en að sögn lögreglunnar
voru meiðsli hans talin minniháttar.
Morgunblaðið/Jón Svavarsson
Kalla þurfti til kranabíl til að losa pallinn sem skorðaðist fastur við slysið.
Gleymdi
pallinum
uppi
RÁN Jónsdóttir mun taka við
starfi stöðvarstjóra Blönduvirkj-
unar 1. júlí nk. Rán er fædd árið
1961 og hefur starfað hjá Lands-
virkjun í tæp sjö ár, fyrst við
kerfisáætlanir og nú í markaðs-
deild.
Eftir stúdentspróf frá Fjöl-
brautaskólanum í Breiðholti lá
leiðin í Háskólann í München þar
sem hún lauk prófi í rafmagns-
verkfræði. Hún hefur einnig lokið
prófi í rekstrar- og viðskiptafræði
frá Endurmenntunarstofnun Há-
skóla Íslands.
Orkugeirinn heillaði mig
Rán segir að hún bíði spennt
eftir að byrja í
nýju starfi en
hún er fyrsta
konan sem
stjórnar virkjun
á Íslandi.
„Orkugeirinn
heillaði mig
strax er ég hóf
störf hjá Lands-
virkjun. Þetta
er mjög spenn-
andi verkefni og við Blönduvirkj-
un eru góðir starfsmenn. Jafn-
framt veit ég að ég tek við góðu
búi.“
Rán er gift Skúla Pálssyni
kennara og eiga þau tvö börn.
Fyrsta konan
sem stjórnar
orkuveri
Rán
Jónsdóttir
FJÖLBREYTT íslensk menningar-
dagskrá verður í Akershuskastala í
Ósló í júnímánuði, en hún stendur frá
13. júní til 28. júní.
Að venju halda Íslendingar, búsett-
ir í Ósló, 17. júní hátíðlegan og mun
dagskráin á þjóðhátíðardaginn fara
fram í kastalanum að verulegu leyti.
Íslenska dagskráin er hluti af nor-
rænni menningardagskrá, Nordens
stemme, sem verður í Akerhuskas-
tala í sumar.
Hinn 13. júní munu menntamála-
ráðherra Íslands, Björn Bjarnason,
og menningamálaráðherra Noregs,
Ellen Horn, flytja opnunarræður og
flutt verða íslensku leikverkin,
Kristnihald undir Jökli eftir Halldór
Kiljan Laxness, og Edda 2000 eftir
Svein Einarsson en hann leikstýrir
báðum verkunum.
Á þjóðhátíðardaginn munu tveir ís-
lenskir prestar messa. Það eru þau
Sigrún Óskarsdóttir, fráfarandi
prestur íslenska safnaðarins í Noregi,
og Hannes Björnsson, nýskipaður
prestur safnaðarins. Jafnframt verð-
ur flutt íslensk orgeltónlist, farið
verður í skrúðgöngu auk þess sem
boðið verður upp á skemmtiatriði.
Akershuskastali er orðinn einn vin-
sælasti ferðamannastaðurinn í Ósló
og þar er ávallt mikið framboð af list
og menningaratriðum.
Menningar-
dagskrá í
Akershuskast-
ala í Noregi
LÖGREGLAN á Höfn í Hornafirði
átti annasama helgi. Töluvert bar á
ölvun og ólátum henni tengdum.
Samkvæmt upplýsingum frá lög-
reglunni á Höfn voru tveir ökumenn
stöðvaðir grunaðir um ölvun við
akstur innanbæjar á Höfn aðfara-
nótt sunnudags.
Teknir ölvaðir
við akstur á Höfn
MAÐUR sem grunaður er um ölvun
stal bíl á Flateyri aðfaranótt sunnu-
dags. Samkvæmt upplýsingum frá
lögreglunni á Ísafirði endaði öku-
ferðin á Brimnesvegi þar sem mað-
urinn velti bílnum. Maðurinn var
fluttur á Fjórðungssjúkrahúsið á
Ísafirði en hann var rifbrotinn og
meiddur á hendi.
Sömu nótt handtók lögreglan í
Bolungarvík tvo pilta, 16 og 18 ára,
en þeir eru grunaðir um að hafa
brotist inn í bifreið fyrir utan
skemmtistaðinn Finnabæ. Lögregl-
an hafði nokkru áður fengið tilkynn-
ingu um að tveir piltar hefðu brotist
inn í bíl og væru að reyna að koma
honum í gang. Þeir voru þó á bak og
burt þegar lögregla kom á vettvang
en höfðu tekið með sér lausamuni úr
bílnum. Málið er í rannsókn.
Um hádegi á sunnudag kom í ljós
að sex rúður höfðu verið brotnar í
fjórum beitningarskúrum við Árbæj-
arkant í Bolungarvík. Grjóti hafði
verið kastað í gegnum rúðurnar.
Ölvaður öku-
maður velti
stolnum bíl
♦ ♦ ♦
♦ ♦ ♦