Morgunblaðið - 12.06.2001, Blaðsíða 35
LISTIR
MORGUNBLAÐIÐ ÞRIÐJUDAGUR 12. JÚNÍ 2001 35
Heimsferðir bjóða nú nokkur viðbótarsæti til
Barcelona þann 20. júní og viðbótargistingu á
okkar vinsælasta hóteli, Atlantis, sem er rétt
við Ramblas, hina frægu göngugötu borgarinnar. Gott 3ja stjörnu
hótel í hjarta Barcelona. Öll herbergi með baði, sjónvarpi, síma og
minibar. Frábær staðsetning fyrir
þá sem vilja einfalda gistingu í
hjarta Barcelona.Verð kr. 49.930
M.v. 2 í herbergi með
morgunmat, flug, gisting, skattar.
Skógarhlíð 18, sími 595 1000. www.heimsferdir.is
11
viðbótarsæti
Vika í
Barcelona
20. júní
frá kr. 49.930
„DAGUR vitfirringarinnar er
liðinn – allt endar vel“, svo vitnað
sé til lokaorða óperunnar Brúð-
kaup Fígarós. Keith Reed, Ásta
Schram og þeirra kraftmikli flokk-
ur hafa séð fyrir endann á mjög
svo stífu æfinga- og uppsetning-
artímabili sem staðið hefur í tvær
vikur! Kraftaverkið varð síðan að
veruleika. Það má segja að vinnu-
lag Óperustúdíós Austurlands sé í
anda óperunnar – dálítíð brjálæð-
islegt. Því söngvararnir smíða,
mála, elda og taka yfirleitt þátt í
öllu er lýtur að uppfærslunni.
Hljómsveitar- og leikstjórinn veð-
ur beint úr sviðvinnu yfir í hljóm-
sveitarstjórn án þess að taka sér
svo mikið sem einnar mínútu hlé.
Tíminn er naumur og að mörgu
þarf að huga. En enn einu sinni
vinnur Óperustúdíó Austurlands
sigur á sviði söng- og óperuflutn-
ings.
Óperan er byggð á leikriti
Beaumarchais, Brúðkaup Fígarós
eða dagurinn þegar allt varð vit-
laust, sem er annað í röð þriggja
gamanleikja.Hið fyrsta er Rakar-
inn frá Sevilla, sem Rossini gerði
ódauðlegt með samnefndri óperu
og Óperustúdíóið flutti í fyrrasum-
ar. Enginn hefur samið óperu við
þriðja leikritið svo vitað sé og
kannski kominn tími til. Þegar
leikrit Beaumarchais var frumflutt
árið 1784, olli það miklu fjaðrafoki
og deilum víða um Evrópu. Leik-
ritið er ádeila á aðalinn og fékk því
góðan hljómgrunn hjá forvígis-
mönnum frönsku byltingarinnar,
sem síðar varð. Í Austurríki var
flutningur á leikritinu bannaður en
Mozart fékk þó leyfi keisarans til
að semja við það óperu gegn því að
fella niður beittustu broddana.
Ekki er ólíklegt að grallarinn
Mozart hafi skemmt sér við að
hæða aðalinn í óperu sinni. Hann
hefur vafalítið séð ýmislegt og
heyrt þegar hann þeyttist um Evr-
ópu og skemmti aðlinum frá unga
aldri.
Óperan Brúðkaup Fígarós var
frumflutt 1. maí árið 1786 í Borg-
arleikhúsinu í Vínarborg og hlaut
vægast sagt frábærar viðtökur.
Brúðkaup Fígarós er án efa ein
vinsælasta ópera óperuheimins og
svo vinsæl, að talið er að hún sé
sýnd á nokkrum stöðum samtímis í
heiminum allan ársins hring.
Keith Reed fékk tvo af bestu
söngvurum landsins til liðs við sig
í þessa uppfærslu. Þau Sigrúnu
Hjálmtýsdóttur og Ólaf Kjartan
Sigurðsson, sem fara með ein
stærstu hlutverkóperunnar, hlut-
verk Súsönnu og Fígarós og fóru
þau bókstaflega á kostum! Ærsla-
fullur leikur þeirra og frábær
söngur heilluðu alla í salnum. Sig-
rún söng aríuna „Deh vieni non
tardar“ svo unaðslega að undirrit-
uð fékk gæsahúð. Hlutverk Sús-
önnu er dálítið sérstakt fyrir þær
sakir, að í raun syngur hún bara
eina aríu en er nánast á sviðinu
allan tímann og þarf vart að taka
það fram að Diddú heillaði óp-
erugesti með hrífandi útgeislun
sinni og fallegum söng. Ólafur
Kjartan hefur enn og aftur sannað
með frábærum leik sínum og söng
að hann er meðal fremstu söngv-
ara landsins.
Hann túlkaði aríurnar „Non piu
andrai“ og „Aprite un póquegli
occhi“ óaðfinnanlega. Með hlut-
verk Rosinu greifynju og Lindoro
greifa fara söngvarar sem und-
irrituð hefur hvorki heyrt né séð
áður, þau Kristín Ragnhildur Sig-
urðardóttir og Ágúst Ólafsson,
sem hér eru að stíga sín fyrstu
skref í stórum hlutverkum óp-
erusviði á Íslandi. Það er hreint
með ólíkindum hvað við Íslend-
ingar eigum marga góða söngvara.
Kristín Ragnhildur skilaði hlut-
verki sínu af miklum þokka og
söng einar fegurstu aríur óperu-
bókmenntanna, „Porgi amor“ og
„Dove sono“ af öryggi. Röddin er
vel mótuð, hefur ákaflega fallegt
„víbrató“ og kom hún dapurleika
greifynjunnar vel til skila. Kristín
hefur alla burði til þess að skipa
sér í hóp okkar fremstu drama-
tísku sóprana. Ágúst Ólafsson,
sem hefur verið við nám í Finn-
landi að undanförnu, kom sá og
sigraði. Rödd hans er ótrúlega
jöfn, frá dýpsta tóni til þess hæsta.
Auk þess túlkaði hann hlutverk
sitt óaðfinnanlega þrátt fyrir ung-
an aldur. Ágúst kom öllum geð-
brigðum greifans mjög vel til skila:
karlmannlegri slægð, virðuleika og
auðmýkingu. Atgerfi hans allt og
náttúrulega falleg rödd, sem hefur
fengið góða skólun, á örugglega
eftir að fleyta honum langt í fram-
tíðinni. Mislangt komnir nemendur
Keiths fóru með önnur hlutverk
óperunnar. Undirrituð hefur átt
þess kost að fylgjast með nokkrum
þeirra frá því er Töfraflautan var
sett á svið fyrir þremur árum. Það
er ótrúlegt hvað þau hafa þroskast
og blómstrað á þeim tíma. Í þeim
hópi eru Bjarni Þór Sigurðsson og
Suncana Slamning.
Hinn fyrrnefndi fór á kostum í
hlutverki tónlistarkennarans Don
Basilios. Suncana, í hlutverki
Marcellinu, sýndi og sannaði að
hér er ört vaxandi söngnemi á
ferð. Julia Wramling söng hlut-
verk vandræðagemilsins Cherob-
inos. Hún hefur einungis lokið 4.
stigi í söng, skilaði hlutverki sínu
af stakri prýði og bætti upp
reynsluleysi sitt í söng með ákaf-
lega skemmtilegum leik. Erla
Dóra Vogler fór með lítið og sætt
hlutverk Barbarinu, sem hún túlk-
aði af einlægni og með fallegum
söng. Pétur Örn Þórarinsson var í
hlutverkum Dr. Bartolos og Ant-
onios og mátti glöggt heyra að hér
er efni í góðan bassasöngvara.
Hann átti góða spretti sérstaklega
í hröðu köflunum, sem ungar og
dökkar raddir eiga oft í erfiðleik-
um með. Vígþór Sjafnar Zophaní-
usarson fór frábærlega með lítið
hlutverk Don Curizos. Hann hefur
lokið þriðja stigi í söng og miðað
við frammistöðu hans má ætla að
hann eigi góða framtíð fyrir sér
sem tenórsöngvari, bæði hvað
varðar leik og söng.
Auk þess voru mörg samsöngs-
atriðin ákaflega vel flutt, má nefna
dúetta Fígarós og Súsönnu, tríó
Súsönnu, greifans og greifynjunn-
ar undir lok annars þáttar, bré-
fadúett Súönnu og greifynjunnar
og kvartett Súönnu, Fígarós, greif-
ynjunnar og greifans. Hvílík tón-
list! Þrátt fyrir ólíkan bakgrunn
söngvaranna var sýningin í heild
sinni ótrúlega góð og má skrifa
það á frábæra leikstjórn Keiths
Reeds, sem var mjög markviss
þannig að allar innkomur og hreyf-
ingar voru algjörlega fumlausar og
lausar við vandræðagang.
Hljómsveitin er skipuð ungum
hljóðfæraleikurum með einn af
okkar efnilegustu fiðluleikurum,
Ara Þór Vilhjálmsson, hér í hlut-
verki konsertmeistara, og spilaði
oft á tíðum af ótrúlega miklu ör-
yggi.
Leikmynd og lýsing var mjög
einföld, en ákaflega smekkleg og
hentaði húsnæðinu vel. Búið var að
snúa sviðinu við og koma gryfju
haganlega fyrir undir sviðinu. Ég
sé í hendi mér að þetta er sýning
sem væri auðveldlega hægt að
ferðast með um landið og gefa
fleiri landsmönnum tækifæri til
þess að sjá það frábæra framtak
sem hér er á ferð.
Það hlýtur að vera ómetanleg
reynsla fyrir söngnemendur og
unga tónlistarmenn að fá að vinna
með okkar allra bestu söngvurum
og að syngja í jafn viðamikilli upp-
færslu og þessari undir styrkri
stjórn kraftaverkamannsins Keiths
Reeds. Ég tek undir með Ólafi
Kjartani, sem sagði í viðtali nú á
dögunum „Þetta er kraftaverk“ !!!
Lýkur hér með fyrra þætti gagn-
rýninnar, því í gær, var önnur
frumsýning óperunnar á Eiðum.
Þar spreyttu aðrir söngvarar sig.
Er þetta gert til þess að sem flest-
ir geti þroskað sig og þjálfað í óp-
erusöng.
Ærslafullur leikur
og frábær söngur
TÓNLIST
Ó p e r u s t ú d í ó A u s t u r -
l a n d s a ð E i ð u m
Eftir Wolfgang Amadeus Mozart.
Óperutexti eftir Lorenzo da Ponte.
Flytjendur: Sigrún Hjálmtýsdóttir,
Ólafur Kjartan Sigurðarson, Krist-
ín Ragnhildur Sigurðardóttir,
Ágúst Ólafsson, Júlía Wramling,
Suncana Slamning, Bjarni Þór Sig-
urðsson, Pétur Örn Þórarinsson,
Erla Dóra Vogler og Vígþór Sjafn-
ar Zophaníasson ásamt hljómsveit
og kammerkór Austurlands. Hljóm-
sveitar- og leikstjóri: Keith Reed.
Aðstoðarleik- og sýningarstjóri.
Ásta Bryndís Schram. Leikmynd:
Unnur Sveinsdóttir. Búningar:
Kristrún Jónsdóttir. Lýsing: Muff
Worden. Konsertmeistari: Ari Þór
Vilhjálmsson. Bjartar nætur í júní.
Sunnudagur 10. júní.
BRÚÐKAUP FÍGARÓS
Ljósmynd/ÓSA
„Þau Sigrún Hjálmtýsdóttir, Súsanna, og Ólafur Kjartan Sigurðarson,
Fígaró, fóru bókstaflega á kostum,“ segir m.a. í umsögninni.
Ingveldur G. Ólafsdótt ir
UNDANFARNA daga hefur staðið
yfir í Tónlistarskóla Ísafjarðar nám-
skeið fyrir sellóleikara á Ísafirði
undir leiðsögn sellóleikarans Erlings
Blöndal Bengtsson. Námskeiðið er í
„master-class“ formi, og meðal þátt-
takenda eru nýútskrifaðir sellóleik-
arar og þaulreyndir spilarar, en
flestir eru langt komnir sellónem-
endur, sumir ungir að árum. Loka-
tónleikarnir verða í Hömrum í kvöld,
þriðjudagskvöld kl. 20:30. Þar koma
fram þau Catherine Stankiewicz,
Gréta Rún Snorradóttir, Guðný Jón-
asdóttir, Gyða Valtýsdóttir, Júlía
Mogensen, Margrét Árnadóttir, Nic-
ole Cariglia, Sigurður Halldórsson
og Tóri R. Jacobsen. Meðleikarar á
píanó eru Dagný Arnalds og Val-
gerður Andrésdóttir. Flutt verða
verk, sem æfð hafa verið á námskeið-
inu m.a. eftir Bach, Beethoven,
Boccherini, Brahms, Prokofieff og
Shostakovich.
Í tengslum við Sellódaga sýndi
Möguleikhúsið leikritið Völuspá en í
því er sellóið í öðru aðalhlutverkinu.
Aðgangur að tónleikunum er
ókeypis.
Lokatónleikar
á sellódögum
Morgunblaðið/Halldór Sveinbjörns
Erling Blöndal Bengtsson leiðbeinir á Ísafirði.
Í STÖÐLAKOTI, Bókhlöðustíg 6,
stendur nú stendur yfir sýning
Kristínar Schmidhauser Jónsdóttur
á útsaumsverkum. Á efri hæðinni
sýnir Kristín útsaumsverk móður
sinnar, Þórunnar Þorvarðardóttur
sem nú er 91 árs.
Kristín hefur haldið einkasýn-
ingar og tekið þátt í samsýningum
hér heima og í Sviss, þar sem hún
var við nám og störf á árunum 1988-
1996. Verkin eru unnin á árunum
1995-2001.Sýningin er opin daglega
frá kl. 14-18 og lýkur 24. júní.
Þráðurinn
langi í
Stöðlakoti
Morgunblaðið/Sverrir
Í kvöld, þriðjudagskvöld, kl. 20,
er á dagskrá Pólýfóníuhátíðar
Nýlistasafnsins: Rod Summers
– Separating Silences: gjörning-
ur/fyrirlestur um sögu hljóðsins
frá stóra hvellinum til tungutaks
tölvunnar. Magnús Blöndal Jó-
hannsson – Hieroglyphics.
Pólýfónía
í kvöld