Morgunblaðið - 20.06.2001, Blaðsíða 16
SUÐURNES
16 MIÐVIKUDAGUR 20. JÚNÍ 2001 MORGUNBLAÐIÐ
SLÆM ímynd Suðurnesja stendur
uppbyggingu ferðaþjónustu fyrir
þrifum á svæðinu og meginmarkmið
nýrrar stefnumótunar er því að
skapa nýja ímynd Reykjaness með
öflugu markaðs- og kynningarstarfi
innan lands og utan. Þetta kemur
fram í nýrri skýrslu um stefnumótun
í ferðaþjónustu á Reykjanesi 2001–
2005 sem Bjarnheiður Hallsdóttir og
Sigríður Þrúður Stefánsdóttir hjá
ráðgjafarfyrirtækinu Á sextán skóm
ehf. unnu í samstarfi við aðila í ferða-
þjónustu á Suðurnesjum.
Vinna við stefnumótun í ferða-
þjónustu á Reykjanesi hófst um mitt
sumar 1999 og lauk nú í vor. Verkið
var unnið að frumkvæði Markaðs- og
atvinnumálaskrifstofu Reykjaness
og var öllum aðilum í ferðaþjónustu
boðið að taka virkan þátt í mótun
stefnunnar.
Í skýrslunni kemur fram að brýn-
asta verkefnið sé að skapa nýja og
jákvæðari ímynd Reykjaness í hug-
um ferðamanna. Þær kannanir sem
gerðar hafa verið meðal Íslendinga
benda til þess að ímynd Suðurnesja
meðal Íslendinga sé mjög veik og
tengist ferðaþjónustu lítið. Könnun
sem framkvæmd var á síðasta ári
bendir til þess að ímynd svæðisins
tengist fyrst og fremst Bláa lóninu,
Leifsstöð, Keflavíkurflugvelli og
Keflavík og niðurstaða könnunarinn-
ar bendir til þess að nafnið Reykja-
nes sé mun þekktara í hugum fólks
ogberi með sér jákvæðari ímynd
heldur en nafnið Suðurnes.
„Á heildina litið má því segja að
ímynd Suðurnesja sé neikvæð frekar
en jákvæð með þeirri undantekningu
að Bláa lónið hefur jákvæða ímynd,“
segir í skýrslunni.
Sérstök áhersla á Reykjanes-
hrygg sem náttúrufyrirbæri
Til þess að bregðast við neikvæðri
ímynd svæðisins er lagt til að ferða-
þjónustuaðilar og sveitarfélög á Suð-
urnesjum ákveði og skilgreini ímynd
svæðisins, þar sem byggt verði á sér-
stöðu þess með öflugu markaðs- og
kynningarstarfi, bæði hér á landi og
erlendis. Gert er ráð fyrir að verk-
efnið hefjist á þessu ári og að fyrsta
hluta þess ljúki árið 2005 og þá verði
staðan endurmetin og næstu skref
ákveðin í kjölfarið.
Varðandi nýja ímynd Reykjaness
er gert ráð fyrir að leggja áherslu á
sérstöðu svæðisins. Það byggir m.a.
á uppbyggingu safna og bygginga er
tengjast menningu og sögu tengdri
sjósókn og er mælt með samstarfi og
jafnvel sameiningu einstakra safna.
Þessu tengjast m.a. hvalaskoðunar-
ferðir. Þá er lagt til að lögð verði
áhersla á útivist og heilsutengda
ferðaþjónustu, s.s. með frekari upp-
byggingu Bláa lónsins. Einnig að
jarðsaga sem tengist útivistarsvæð-
um verði sýnilegri og lögð verði sér-
stök áhersla á Reykjaneshrygginn
og þau náttúrufyrirbæri sem honum
tengjast.
Sögusafn um hersetu og aðild
Íslands að NATO
Í skýrslunni er lagt til að sérstaða
Reykjaness í samgöngum til útlanda
og saga þeirra verði nýtt í uppbygg-
ingu ferðaþjónustu, t.d. með lifandi
nútímasafni sem varpi ljósi á starf-
semi Leifsstöðvar sem alþjóðlegs
flugvallarsvæðis. Þá er lagt til að
nýttur verði sá kostur að Reykjanes
er fyrsti viðkomustaður flestra er-
lendra gesta sem koma til landsins.
Popptónlist er talin sérstaða
svæðisins og lagt er til að popp-
minjasafni verði viðhaldið og stað-
sett á aðgengilegum og aðlaðandi
stað. Þá segir í skýrslunni að sér-
staða Reykjaness vegna hersetu og
aðildar Íslands að NATO gæti nýst
við uppbyggingu ferðaþjónustu,
enda eigi svæðið sér merka sögu
tengda hersetunni, uppbyggingu
flugvalla og aðild að NATO. „Hér má
hugsa sér lifandi sögusafn sem varp-
ar ljósi á þennan merka þátt Íslands-
sögunnar.“
Niðurstöður kynntar í stefnumótun í ferðaþjónustu á Reykjanesi 2001 til 2005
Bæta þarf neikvæða
ímynd Suðurnesja
Morgunblaðið/Eiríkur P.
Bjarnheiður Hallsdóttir kynnir niðurstöður vinnu varðandi stefnumót-
un í ferðaþjónustu á Reykjanesi til ársins 2005.
Reykjanes
HLUTFALL verslana sem selja
unglingum tóbak lækkaði úr 65% í
mars á síðasta ári í 24% í lok ársins,
samkvæmt könnunum sem Samtök
félagsmiðstöðva á Suðurnesjum,
SamSuð, og Heilbrigðisstofnun Suð-
urnesja, HES, framkvæmdu á árinu.
Samkvæmt þriðju könnuninni, sem
gerð var 21. desember á 29 sölustöð-
um á Suðurnesjum, seldu 7 af 29
sölustöðum tóbak til einstaklings
yngri en 18 ára, eða 24,1% sölustaða.
Á 22 sölustöðum var unglingunum
neitað um afgreiðslu tóbaks, eða á
75,9% sölustaða. Niðurstöðurnar
voru kynntar á fundi HES í síðustu
viku.
SamSuð og HES gerðu þrjár
kannanir á síðasta ári og var mark-
miðið að kanna hvort sölustaðir tób-
aks á Suðurnesjum selji einstakling-
um undir 18 ára aldri tóbak.
Kannanirnar voru gerðar á 29 sölu-
stöðum tóbaks í öllum bæjarfélögum
Suðurnesja og samkvæmt niðurstöð-
um þeirra kom í ljós að 6 sölustaðir
af 29 seldu unglingum aldrei tóbak.
Þessir staðir voru Brautarnesti,
Fitjaborg-bensínsala, Kaupfélagið
við Faxabraut, Sparkaup og Mynd-
list í Reykjanesbæ og Olís-bensín-
sala í Grindavík.
Þá seldu 17 sölustaðir unglingi
tóbak í einni af þremur könnunum
og 9 staðir seldu unglingi tóbak
tvisvar sinnum. Einn sölustaður
seldi unglingum tóbak í öll þrjú
skiptin, en það var Myndsel í Grinda-
vík.
Ragnar Örn Pétursson, formaður
heilbrigðisnefndar Suðurnesja, segir
ljósa punktinn í niðurstöðunum vera
að sölustöðum hafi fækkað á milli
kannananna sem selji unglingum
tóbak. „Við lítum svo á að þetta hafi
tekist þokkalega vel og munum
halda þessu áfram.“
Þá segir Ragnar Örn að verið sé
að athuga þann möguleika hvort að
heilbrigðisnefnd geti svipt menn
söluleyfi verði þeir uppvísir að sölu
tóbaks til unglinga. „En við vonumst
auðvitað til þess að söluaðilar sjái að
sér.“
Fóru ekki á sölustaði
í sinni heimabyggð
Könnun var framkvæmd af starfs-
mönnum félagsmiðstöðva og þremur
unglingum af svæðinu, sem ýmist
voru í 9. eða 10. bekk. Fyrirkomulag
var þannig að unglingur fór inn á
sölustað og bað um að fá keyptan
sígarettupakka og beðið var um al-
gengar tegundir. Ef unglingurinn
fékk tóbakið afgreitt greiddi hann
fyrir það og fór út með pakkann. Þar
tók starfsmaður við pakkanum og
fór inn á sölustaðinn með unglingn-
um þar sem starfsmanni var greint
frá því að verið væri framkvæma
könnun á sölu tóbaks til einstaklinga
yngri en 18 ára. Farið var fram á það
að fá að skila tóbakinu gegn endur-
greiðslu og var það undantekning-
arlaust samþykkt á sölustöðum.
Unglingarnir sem tóku þátt í könn-
uninni fóru ekki inn á sölustaði í
sinni heimabyggð.
Færri staðir selja
unglingum tóbak
Reykjanes
BLÁA LÓNIÐ Heilsuvörur ehf.,
dótturfyrirtæki Bláa lónsins hf.,
hefur opnað sína fyrstu lífstíls-
verslun og er hún staðsett í verslun
Íslandica í Leifsstöð. Þar verða
seldar húðverndarvörur sem
byggjast á heilsulindinni Bláa lón-
inu og grunnefnum þess; söltum,
kísil og blágrænþörungi ásamt öðr-
um völdum náttúrulegum efnum.
Bláa lónið hf. hóf rannsóknir á
lóninu árið 1992 í samstarfi við
heilbrigðisyfirvöld og Iðn-
tæknistofnun og sýna þær rann-
sóknir að vistkerfi Bláa lónsins og
lækningamáttur er einstakur í
heiminum, að því er fram kemur í
fréttatilkynningu. Jarðsjór Bláa
lónsins er blanda ferskvatns og
sjávar sem kemur af meira en
2.000 metra dýpi. Hann inniheldur
m.a. hátt hlutfall kísils og einstaka
samsetningu salta ásamt mjög
sjaldgæfum þörungi, sem gefa lón-
inu hinn bláa lit.
Verslunin á að endurspegla nátt-
úrulegt umhverfi Bláa lónsins með
hraun í veggjum og hvítu gólfi sem
helst líkist kísilbreiðu.
Morgunblaðið/Eiríkur P.
Ása Brynjólfsdóttir frá Bláa lóninu ehf. kynnir heilsuvörur nýrrar lífsstílsverslunar í Leifsstöð.
Bláa lónið
með verslun
í Leifsstöð
Leifsstöð
GENGIÐ hefur verið frá samning-
um um kaup á fartölvum fyrir alla
bæjarfulltrúa Reykjanesbæjar og er
markmiðið að minnka pappírsflóðið
og auka skilvirkni í stjórnsýslu bæj-
arins. Með fartölvunum geta bæjar-
fulltrúar verið í stöðugu sambandi
við netkerfi bæjarins, bæði heima-
fyrir með ADSL-tengingu og hvar
sem er í húskynnum bæjarstjórnar
með örbylgjusambandi.
Að sögn Reynis Valbergssonar,
fjármálastjóra Reykjanesbæjar, er
um að ræða öflugar 750 megariða fis-
vélar sem allar eru innbyggðar með
tilheyrandi hugbúnaði til að tengjast
hópvinnukerfi bæjarins. Nýherji átti
lægsta tilboðið í tölvurnar, sem
hljóðaði upp á rúmar 3,9 milljónir.
Reynir segir tölvuvæðingu bæjar-
fulltrúanna vera ferli sem taki um
hálft ár. Að því loknu fá bæjarfull-
trúarnir öll fundarboð og fundar-
gerðir sendar á rafrænan hátt og
hætt verður að prenta slíkt út. Í nóv-
ember munu síðan fundargerðir fara
beint á Netið um leið og fundarmenn
hafa skrifað undir útprentaða fund-
argerð.
Bæjar-
fulltrúar fá
fartölvur
Reykjanesbær
SKIPULAGS- og bygginganefnd
Reykjanesbæjar samþykkti á síð-
asta fundi að mæla með brú og lækk-
un Reykjanesbrautar varðandi út-
færslu gatnamóta Reykjanesbrautar
og Seylubrautar. Í greinargerð um
frumdrög að tvöföldun Reykjanes-
brautar er gerð grein fyrir þremur
valkostum; í fyrsta lagi brú og
óbreytt hæðarlega Reykjanesbraut-
ar, í öðru lagi brú og lækkun braut-
arinnar og í þriðja lagi stefnugreind
vegamót. Nefndin hafnaði kosti þrjú
og taldi valkost tvö uppfylla mun
betur kröfur um aukið umferðarör-
yggi. Jafnframt lagði nefndin til að
hönnun og framkvæmd á nýrri veg-
tengingu að aðalhliði Keflavíkurflug-
vallar og út í Hafnir verði hraðað þar
sem núverandi gatnamót séu hættu-
leg.
Brú á Reykja-
nesbraut
Reykjanesbær
♦ ♦ ♦
HÁTT í hundrað unglingar og far-
arstjórar eru væntanlegir á vina-
bæjamót í Reykjanesbæ sem hefst
nk. mánudag. Þátttakendur eru frá
vinabæjunum í Kristiansand í Nor-
egi, Hjörring í Danmörku, Kerava í
Finnlandi og Trollhattan í Svíþjóð,
en slík vinabæjamót hafa verið hald-
in óslitið frá árinu 1973.
Á hverju vinabæjamóti er keppt í
einni íþróttagrein og munu ungling-
arnir reyna fyrir sér í badmington að
þessu sinni. Næsta mót verður í
Finnlandi og þar verður keppt í
sundi og síðan í knattspyrnu í Hjörr-
ing árið 2002. Stefán Bjarkason,
íþrótta- og tómstundafulltrúi
Reykjanesbæjar, segir að keppnin
sé fyrst og fremst umgjörð um að
unglingar frá Norðurlöndum hittist
og skemmti sjálfum sér og öðrum.
Vinabæjamót í
Reykjanesbæ
Reykjanesbær
Niðurstöður könnunar á sölu tóbaks til unglinga