Morgunblaðið - 20.06.2001, Blaðsíða 17

LANDIÐ
MORGUNBLAÐIÐ MIÐVIKUDAGUR 20. JÚNÍ 2001 17
Kringlukast
20% a
a
fsláttur
af Triumph
h
un
n
dirf
f
atna
a
ði
Kringlunni 8-12, sími 553 3600, www.olympia.is
ÞRÓUNARFÉLAG Austurlands
hélt nýlega aðalfund sinn á Reyð-
arfirði. Á fundinum voru veitt svo-
kölluð hvatningarverðlaun ársins
2001. Að þessu sinni komu þau í hlut
Jónasar Hallgrímssonar, fram-
kvæmdastjóra Austfars ehf. og eru
veitt fyrir framlag hans til ferða-
þjónustu á Austurlandi og landinu
öllu.
Í umsögn Þróunarfélagsins segir
að Austfar ehf. á Seyðisfirði, með
Jónas Hallgrímsson í broddi fylk-
ingar, hafi verið umboðsaðili Smyril
Line á Íslandi, auk þess sem Jónas
hefur verið formaður stjórnar
félagsins í mörg ár. Skip félagsins,
til að byrja með Smyrill og síðan
Norræna, hafa siglt til Austfjarð-
arhafnar, þ.e. til Seyðisfjarðar, allt
frá árinu 1975 eða í 26 sumur og
komið með til landsins á ári hverju á
milli 7-9000 farþega. Ferjusiglingar
félagsins er eini almenni möguleiki
ferðafólks til að fara frá og koma til
Íslands sjóleiðis og þær hafa um leið
tryggt það að Seyðisfjarðarhöfn er
önnur tveggja innkomuleiða ferða-
fólks til landsins. Nú hillir undir enn
öflugri sókn hjá skipafélaginu við að
fjölga ferðamönnum til Austurlands
og Íslands, þar sem ný ferja mun
hefja siglingar til Seyðisfjarðarhafn-
ar vorið 2003. Nýlokið er löngum og
ströngum samningum um fjármögn-
un á smíði nýju ferjunnar, en hann
hljóðar upp á sjö milljarða króna og
er ein mesta fjárfesting sem gerð
hefur verið í þessari grein í einstöku
verkefni hér á landi. Auk þess að
vera framkvæmdastjóri Austfars,
hefur Jónas verið stjórnarformaður
Smyril Line til margra ára, eða allt
þar til í vor. Þá er hann stjórn-
arformaður Norrænu ferðaskrifstof-
unnar. Árið 1974 var Jónas ráðinn
bæjarstjóri á Seyðisfirði og var sem
slíkur í 10 ár. Hann sat í bæjar-
stjórn í fjölda ára og var forseti bæj-
arstjórnar í allmörg ár. Jónas hefur
verið varaþingmaður Austurlands
fyrir Framsóknarflokkinn og situr
nú í bankaráði Landsbankans.
Fasanarækt verðlaunuð
Þá veitti Þróunarfélagið fyrirtæk-
inu Skjávarpi hf. viðurkenningu fyr-
ir athyglisvert og metnaðarfullt
framtak á sviði upplýsingatækni og
fjölmiðlunar og Pappási á Egilsstöð-
um viðurkenningu fyrir athyglis-
verða starfsemi og þróunarverkefni
á sviði endurnýtingar og endur-
vinnslu pappírs. Hjónin Skúli Magn-
ússon og Anna Einarsdóttir á Aust-
ur-Héraði hlutu einnig
viðurkenningu fyrir nýsköpun í
landbúnaði vegna fasanaræktunar.
Á aðalfundinum fóru formlega
fram framkvæmdastjóraskipti Þró-
unarstofu Austurlands. Af störfum
sem framkvæmdastjóri lét Gunnar
Vignisson, en hann hefur stýrt starfi
félagsins sl. 8 ár, en við tók Elísabet
Benediktsdóttir, rekstrarhagfræð-
ingur frá Reyðarfirði.
Hlaut hvatningar-
verðlaun ársins 2001
Egilsstaðir
Morgunblaðið/Steinunn Ásmundsdóttir
Þróunarstofa Austurlands veitti Jónasi Hallgrímssyni hvatningarverðlaun ársins 2001. Jóhann Jónsson hjá
Austfari (t.v.) tók við þeim fyrir hönd Jónasar. Þá hlutu einnig viðurkenningu þau Skúli Magnússon, Anna Ein-
arsdóttir, Oddný Freyja Jökulsdóttir f.h. SkjáVarps og Ásta Sigfúsdóttir f.h. Pappaáss.
LISTVINAFÉLAGIÐ í Vest-
mannaeyjum hefur haldið „Daga
lita og tóna“ um Hvítasunnuhelg-
ina mörg undanfarin ár. Þar er
boðið upp á jazz- og blús-tónleika,
málverka- og listsýningar. Að
þessu sinni báru Dagar lita og
tóna yfirskriftina „Mitt í eilífðar
útsæ“ en fimm Færeyskir lista-
menn sýndu verk sín í Akogeshús-
inu yfir Hvítasunnuhelgina, alls 21
verk. Færeysku listamennirnir eru
eins og fram kom í sýningaskrá af
svonefndri þriðju kynslóð fær-
eyskra listamanna. Sigrun Gunn-
arsdóttir Niclasen, Amariel
Norðoy og Eyðun av Reyni, hafa
numið við Listaakademíuna í
Kaupmannahöfn. Kári Svensson er
að mestu sjálfmenntaður og Astri
Luihn hefur fært sig yfir í mynd-
list úr annarri listgrein, er mennt-
aður hljóðfæraleikari og tónlist-
afræðingur frá Oslóarháskóla.
Óhætt er að segja að verk þeirra
voru ólík en vöktu verulega athygli
listunnenda.
Á tónlistarsviðinu var mikið um
að vera og komu fjölmargir áhuga-
verðir tónlistarmenn fram. Ekki er
vafi að Jazztríóið Flís vakti mikla
athygli gesta á hátíðinni, en þeir
drengir fóru hreint á kostum og
komu gestum verulega á óvart
með glæsilegri spilamennsku.
Tríóið Flís skipa þeir Davíð Þór
Jónsson sem spilar á píanó, Helgi
Svavar Helgason trommur og
Valdimar K. Sigurjónsson sem
spilar á bassa. Blússveit Andreu sá
um að skemmta fólki og heillaði
Andrea Gylfadóttir gesti upp úr
skónum með söng sínum og fram-
komu, en auk hennar skipuðu
hljómsveitina Eðvarð Lárusson
gítar, Birgir Baldursson trommur,
og Valdimar K. Sigurjónsson
bassi. Einnig komu fram fjölmarg-
ir aðrir m.a. Árni Elvar, hinn sí-
ungi jazzpíanisti, en hann lék með
Ólafi Jónssyni baritónsax og Mich-
elle Gaskell sem lék á þverflautu.
Einnig komu fram Strengjasveit
Tónskóla Árnesinga og Michelle
og Gaskallarnir, en þá sveit skip-
uðu, auk Michelle á píanó, Stefán
Sigurjónsson klarinett og Eggert
Björgvinsson á básúnu.
Þetta framlag Listvinafélagsins
er með merkustu framlögum í
menningarlífið í Vestmannaeyjum
á hverju ári enda hátíðin orðin
mjög fjölsótt og er að sprengja ut-
anaf sér Akogeshúsið.
Dagar lita og tóna
í Vestmannaeyjum
Vestmannaeyjar
Morgunblaðið/Sigurgeir
Blússveit Andreu sá um að skemmta fólki.
NÚ er nýlokið við að merkja
upp miðlínur vega í Mývatns-
sveit og víðar á NA landi og er
það verk unnið af verktaka,
Vegmerkingum h.f. úr Reykja-
vík.
Að sögn Ásmundar J. Pálma-
sonar sérfræðings hjá Vega-
gerðinni eru notaðir um 80
þúsund lítrar af málningu til
að merkja um 1800 km langa
merkilínu á aðra vegi en þjóð-
veg 1.
Við þetta verk er notaður
sérbúinn bíll. Frá Skálm á
Mýrdalssandi vestur og norður
eftir þjóðvegi 1 allt til Húsa-
víkur er notað annarskonar
efni, plastefni sem brætt er við
200°C, til að merkja 1400 km
langa línu og er það slitsterk-
ara efni. Í þetta fara um 500
tonn af plastefni og notaðir
sérbúnir bílar. Unnið er við
málun miðlínu og aðrar merk-
ingar á vegum mestallt sum-
arið og koma að því verki
Vegagerðin, Vegmerkingar
h/f. og Vegamál h/f.
Þær eru hýrlegar og léttar í
spori lambær Gunnars Rúnars
bónda þar sem þær tölta eftir
nýmerktri olíumölinni og halda
sig hægra megin við strikið í
sólskininu. Eflaust eru þær
búnar að gleyma hretinu sem
yfir þær gekk hér fyrir viku
enda olli það ekki umtals-
verðum fjársköðum við Mý-
vatn.
Morgunblaðið/BFH
Lagðprúðar lambær léttar í spori á nýmerktum þjóðveginum.
Vegirnir málaðir
Mývatnssveit