Morgunblaðið - 20.06.2001, Qupperneq 60

FRAMKVÆMDIR við gatnamót
Pósthússtrætis og Austurstrætis
hófust í gær þegar stórvirkar
vinnuvélar rifu upp malbikið af
götunum. Að sögn Sigurðar
Skarphéðinssonar, gatna-
málastjóra Reykjavíkurborgar,
mun verkið taka um tvær til
þrjár vikur og vonast er til að
opnað verði fyrir bílaumferð um
Austurstræti seinni hluta júlí.
Fram-
kvæmdir
hafnar í
Pósthús-
stræti
Morgunblaðið/Sverrir
Fiskifræðingur á Hafró um
hrygningarstofn þorsksins
Vantar alveg
stærsta fiskinn
FJÖGURRA og fimm ára þorskur
verður uppistaðan í þorskveiðinni
næstu tvö árin. Fisk, tíu ára og
eldri, vantar nánast alveg í stofn-
inn, en fyrir vikið má vænta lé-
legrar nýliðunar næstu árin að
mati Guðrúnar Marteinsdóttur,
fiskifræðings á Hafrannsókna-
stofnun
„Ég hef miklar áhyggjur af ný-
liðun þorskstofnsins á næstu ár-
um. Uppistaðan í veiðinni næstu
tvö árin verður fjögurra og fimm
ára þorskur, sem aðeins er farinn
að hrygna að litlu leyti. Það vantar
nánast alveg stærsta fiskinn, sem
ber uppi hrygninguna og lætur frá
sér miklu lífvænlegri egg og lirfur
en sá litli. Megnið af þorskinum
verður því veitt áður en hann fær
tækifæri til að hrygna,“ segir Guð-
rún Marteinsdóttir í samtali við
Morgunblaðið.
Líklega útilokað að ná
hámarkinu frá 1955
„Segja má að stóri þorskurinn
sé nánast að hverfa úr veiðinni hjá
okkur. Árið 1955 var áætlaður
fjöldi þorska 10 ára og eldri um 85
milljónir fiska, en nú er fjöldinn
áætlaður undir einni milljón fiska.  Flest bendir til/21
Það er líklega alveg útilokað að ná
þessu hámarki frá 1955, en ein
milljón er allt of lítið. Við þurfum
að setja okkur það markmið að ná
10 ára þorski og eldri upp í 6 til 12
milljónir fiska.
Stóri fiskurinn er miklu frjó-
samari en smærri hrygningarfisk-
urinn og því skiptir hann miklu
máli þegar kemur að nýliðun. Það
er ákveðin fylgni milli fjölda stórs
þorsks og nýliðunar og allt of fáir
stórir fiskar undanfarin ár skýrir
að hluta til þann nýliðunarbrest
sem hefur lengi verið viðvarandi.
Nýliðun hefur þó verið nálægt
meðaltali undanfarin þrjú til fjög-
ur ár og er líklegt að það stafi af
góðum skilyrðum í sjónum. Það er
því einnig líklegt að nýliðun hefði
verið mun betri ef stofninn hefði
verið stærri og samsetning hans
hagkvæmari. Það er því nauðsyn-
legt að stefna að því að ná fleiri
þorskum inn í eldri árgangana til
að auka líkurnar á góðri nýliðun.
Það verður því miður ákaflega erf-
itt og maður veltir því hreinlega
fyrir sér hvort það muni nokkurn
tíma takast,“ segir Guðrún.
Davíð Oddsson forsætisráðherra
Fyrst og
fremst verð-
bólguskot
DAVÍÐ Oddsson, forsætisráðherra,
telur að spá Þjóðhagsstofnunar um
9,1% verðbólgu á árinu, sýni fyrst og
fremst verðbólguskot og mjög dragi
úr verðbólgunni strax á næsta ári.
„Það er ljóst að Þjóðhagsstofnun
lítur á þetta sem skot, því hún spáir
því að verðbólgan á næsta ári verði
3,5%. Ég lít líka á þetta sem skot, en
tel reyndar að þetta sé aðeins of hátt
skot hjá stofnuninni, enda áttar hún
sig á því að verðbólguspár hennar eru
ekki nákvæmnisvísindi,“ segir hann.
Forsætisráðherra bendir á að
verðbólguspár Þjóðhagsstofnunar
hafi sveiflast um tugi prósenta milli
ársfjórðunga og hafi þannig verið um
4% sl. haust, í desember hafi stofn-
unin spáð 6%, í mars 4% og nú komi
spá upp á 9%. „Þetta er eins og í
stórsjó og af þeim sökum verða menn
að líta á þetta sem viðmiðun en ekki
annað.“
Spá um viðskiptahalla
einnig í hærri kantinum
Forsætisráðherra telur semsé að
verðbólguspá Þjóðhagsstofnunar sé í
hærra lagi og hann telur einnig að
spá stofnunarinnar um þróun við-
skiptahallans sé í hærri kantinum.
„Við sjáum að verulega hefur dreg-
ið nú þegar úr innflutningi og geng-
isbreytingarnar munu draga enn
meira úr innflutningi og auka um leið
útflutning. Þess vegna hygg ég að
viðskiptahallinn muni minnka enn
fyrr en stofnunin telur, þó ég sé í öll-
um meginatriðum sammála þessari
spá um að við séum að taka það sem
kallað hefur verið mjúk lending í
efnahagsmálunum.“
Davíð bendir á, að viðbrögð mark-
aðarins við þjóðhagsspánni bendi
ekki til þess að markaðurinn ein-
kennist af svartsýni.
„Ljósvakamiðlarnir hafa kallað
þessa spá mestu vályndistíðindi og þá
svörtustu sem þeir hafa séð, en engu
að síður hreyfði markaðurinn sig ekki
í kjölfar hennar. Það er eðlilegt, því
spáin gerir ráð fyrir að verðbólgan
verði 3,5% borið saman við Evrópu
þar sem hún er 3,8% og að viðskipta-
hallinn minnki um tuttugu milljarða í
fyrsta áfanga og svo enn meira eftir
það og hagvöxtur verði svipaður, en
þó örlítið minni en áður,“ segir hann.
Forsætisráðherra bendir enn-
fremur á að í spá Þjóðhagsstofnunar
um 0,5% hagvöxt á næsta ári, sé ekki
gert ráð fyrir neinum nýframkvæmd-
um við orkuöflun eða þess háttar, en
það kunni að breytast með áformum
um frekari uppbyggingu í stóriðju.
„Þegar menn horfa í gegnum þessa
þjóðhagsspá og undir hana kemur í
ljós, að í henni felast frekar jákvæðar
fréttir heldur en neikvæðar,“ sagði
hann.
 Verðlagsáhrif/11
MORGUNBLAÐIÐ, KRINGLUNNI 1, 103 REYKJAVÍK, SÍMI 569 1100, SÍMBRÉF 569 1181, PÓSTHÓLF 3040,
ÁSKRIFT-AFGREIÐSLA 569 1122, NETFANG: RITSTJ@MBL.IS, AKUREYRI: KAUPVANGSSTRÆTI 1 MIÐVIKUDAGUR 20. JÚNÍ 2001 VERÐ Í LAUSASÖLU 165 KR. MEÐ VSK.
STURLA Böðvarsson, samgöngu-
ráðherra, sagði á geysifjölmennum
byggðamálafundi í Búðardal í gær-
kveldi, að forráðamenn Goða hf.
ættu að endurskoða þá ákvörðun
sína að loka sláturhúsinu í Búðardal.
Ráðherra sagðist ekki geta sætt
sig við þær skýringar forráðamanna
Goða, að einungis væri byggt á
skýrslu Ráðgjafafyrirtækisins VSÓ.
„Ég get ekki sætt mig við þau svör,
að það sé einungis vitnað til skýrslu
fyrirtækisins. Það verður að sjálf-
sögðu að líta yfir þetta mál í ljósi
þess meðal annars að fólkið, bæði
hér í Dölum og víðar, hefur treyst á
það, að þær aðgerðir, sem trekk í
trekk hefur verið farið í, til að reyna
að styrkja þessar afurðarstöðvar,
verði til þess að efla atvinnustarf-
semina á svæðinu, en ekki hið gagn-
stæða. Þess vegna hvet ég forsvars-
menn Goða eindregið til þess að
skoða skýrsluna að nýju og taka sín-
ar ákvarðanir, en skjóta sér ekki á
bak við skýrslu VSÓ.“
Ekki verið að leyna neinu
Kristinn Geirsson, framkvæmda-
stjóri Goða hf., sagði á fundinum að
samkvæmt áðurnefndri skýrslu
þyrfti að loka fjórum sláturhúsum og
því miður væri eitt þeirra í Búðardal.
Sæi hann ekkert annað til ráða.
Á fundinum var gagnrýnt að
skýrslan væri ekki lögð fram í heild
sinni, en einungis vitnað til ákveð-
inna hluta hennar. Kristinn sagði
það ekki vera ætlun Goða að leyna
einu eða neinu. Afstaða fyrirtækisins
hefði hins vegar verið sú, að kynna
hana ekki ítarlega vegna þess að
hægt væri að teygja og toga forsend-
ur hennar á alla vegu.
Jafngildir því að 3.500 manns
missi vinnuna í Reykjavík
Nokkrir þingmenn voru á fundin-
um og kom meðal annars fram í máli
eins þeirra, Gísla S. Einarssonar,
þingmanns Samfylkingar, að þær
uppsagnir, sem kæmu í kjölfar lok-
unar sláturhússins í Búðardal, jafn-
giltu því að 3500 manns misstu vinn-
una í Reykjavík. Við þetta bætti sr.
Karl Matthíasson, sem tók til máls á
fundinum, að áhrif lokunar slátur-
hússins jafngiltu því að 120 manns á
Ísafirði misstu vinnuna.
Sigurður Rúnar Friðjónsson, odd-
viti Dalabyggðar, sagði að ákvörðun
Goða væri Dalabyggð gríðarlegt
áfall. Gera mætti ráð fyrir 6-10%
íbúafækkun í sveitarfélaginu af völd-
um hennar. Sagði hann að Dalasýsla
væri eitt fárra héraða, sem byggði
alla afkomu sína á landbúnaði.
Morgunblaðið/Arnaldur
Fjölmenni var á fundinum í Búðardal í gærkvöldi
Fundur um lokun Afurðastöðvarinnar í Búðardal
Goði hvattur til að end-
urskoða ákvörðun sína
SAMKOMULAG náðist í kjaradeilu
Félags fréttamanna og viðsemjenda
þeirra undir miðnætti í gærkveldi og
var gert ráð fyrir að samningar yrðu
undirritaðir í nótt og þar með að boð-
uðu tveggja daga verkfalli félagsins
yrði frestað, en það átti að standa í
dag og á morgun.
Í Félagi fréttamanna eru frétta-
menn á Ríkisútvarpinu, hljóðvarpi
og sjónvarpi. Kjarasamningar
félagsins hafa verið lausir frá því í
nóvember í vetur og hafa samninga-
viðræður ekki borið árangur fyrr en
nú. Hafði félagið þess vegna boðað
tvö tveggja daga verkföll, annað í
þessari viku og hitt sömu daga í
næstu viku.
Frétta-
menn
sömdu
♦ ♦ ♦