Morgunblaðið - 11.07.2001, Blaðsíða 1
155. TBL. 89. ÁRG. MIÐVIKUDAGUR 11. JÚLÍ 2001 PRENTSMIÐJA MORGUNBLAÐSINS
STOFNAÐ 1913
MORGUNBLAÐIÐ 11. JÚLÍ 2001
BANDARÍSK yfirvöld fóru fram á
það í gær við Ísraelsstjórn að eyði-
leggingu húsa Palestínumanna á
Gaza-ströndinni yrði hætt þegar í
stað. Þeir fordæmdu aðgerðir
Ísraela með óvenju sterku orðalagi
og sögðu þær ógna vopnahléinu
sem væri viðkvæmt fyrir. Undir
þessa gagnrýni taka yfirvöld í Bret-
landi sem og Evrópusambandið
(ESB). Belgar, sem nú eru í forsæti
ESB, fóru einnig fram á að Ísraelar
hættu aðgerðum sínum hið fyrsta.
Hersveitir Ísraela eyðilögðu
átján hús og sex verslanir snemma
í gærmorgun er þær óku jarðýtum
inn í Rafah-flóttamannabúðirnar á
Gaza-svæðinu. Talsmenn Ísraels-
hers segjast hafa eyðilagt húsin þar
sem þau hafi verið notuð sem skjól
þegar Palestínumenn gerðu árásir
á ísraelskar herstöðvar. Palestínu-
menn brugðust reiðir við eyði-
leggingunni og lögðu til atlögu við
ísraelskar hersveitir.
Yasser Arafat, leiðtogi palest-
ínsku sjálfsstjórnarinnar, fordæmdi
aðgerðir Ísraela og sagði þær glæp-
samlegar. „Við munum sækjast eft-
ir stuðningi araba og alþjóðasam-
félagsins til að stöðva þessar
aðgerðir,“ sagði Arafat á blaða-
mannafundi í gær.
Sharon vill að sögn BBC að fleiri
landnemabyggðir gyðinga rísi á
Gólanhæðum sem Ísraelar tóku af
Sýrlendingum í sex daga stríðinu
1967. Var haft eftir honum að ella
yrði ekki hægt að tryggja að yf-
irráð Ísraela yrðu varanleg. Um-
mælin þóttu líkleg til að valda
auknum viðsjám milli Ísraela og
Sýrlendinga.
Bashar al-Assad, forseti Sýr-
lands, er nú í heimsókn í Þýska-
landi. Gyðingar í Þýskalandi hafa
hins vegar lýst því yfir að þeir muni
mótmæla heimsókn hans í Berlín.
Gyðingar telja Assad hafa látið
óviðurkvæmileg ummæli falla um
gyðinga í heimsókn Jóhannesar
Páls páfa II til Damaskus í maí.
Palestínumenn mótmæla niðurrifi húsa á Gaza
Biðja um hjálp
arabaríkjanna
Gaza-borg, AFP. AP.
Reuters
Palestínskur drengur með glugga sem hann hefur fundið í rústum sem eftir eru af húsi fjölskyldunnar á Gaza.
Friður/19
RÁÐHERRAR fjármála í aðildar-
ríkjum Evrópusambandsins, ESB,
viðurkenndu í gær að lítill hagvöxtur
í löndunum það sem af er árinu hefði
komið á óvart. Á hinn bóginn sögðust
þeir gera ráð fyrir að ástandið lagað-
ist á síðari hluta ársins. Nýjar spár
um væntanlegan hagvöxt í Þýska-
landi, sem birtar voru í gær, benda
þó til þess að hann verði aðeins um
einn af hundraði en hann var 3% í
fyrra.
Ein helsta hagrannsóknastofnun í
Þýskalandi, DIW í Berlín, endur-
skoðaði fyrri tölur sínar og spáir nú
um 1% vexti í ár en fyrri tala var
2,1%. Stofnunin lagði til að vextir
yrðu lækkaðir til að hleypa krafti í
atvinnulífið. Alþjóðagjaldeyrissjóð-
urinn hefur einnig lækkað spá sína
fyrir Þýskaland úr 2,1% í 1,25%.
Hans Eichel, fjármálaráðherra
Þýskalands, bar sig þó vel í gær að
loknum fundi fjármálaráðherra ESB
í Brussel. Sagði hann að horfurnar
fyrir seinni hluta ársins væru góðar
þótt nokkuð hefði syrt í álinn í bili.
Pedro Solbes, sem fer með efna-
hags- og gjaldmiðilsmál í fram-
kvæmdastjórn ESB, tók undir með
Eichel en af nokkurri varkárni.
„Flestar vísbendingar benda til þess
að það hægi á verðbólgu á seinni
hluta ársins,“ sagði Solbes.
Gordon Brown, fjármálaráðherra
Bretlands, sem stendur utan við
evru-samstarfið, sagði á fundinum
að Evrópuríkin yrðu að halda áfram
umbótum til að ýta undir hagvöxt.
Hvatti hann til þess að markaðir á
sviði fjarskipta, flugs og fjár-
málaþjónustu yrðu opnaðir, al-
mannatryggingakerfi og skattakerfi
endurskoðuð og stuðlað að meiri
hreyfingu á vinnuafli milli ríkjanna.
Belgar lögðu til að komið yrði á
nefskatti í öllum aðildarríkjum til að
fjármagna sameiginleg útgjöld
sambandsins en um helmingur
þeirra rennur til landbúnaðar. Hug-
myndin hlaut dræmar undirtektir.
Sagði írski fjármálaráðherrann,
Charlie McCreevy, að líkja mætti
skattinum við álögur sem breska
krúnan lagði á þegna sína í Norður-
Ameríku á 18. öld og varð til þess að
gerð var uppreisn. Henni lyktaði
með stofnun Bandaríkjanna.
Spáð minni hag-
vexti í Þýskalandi
Brussel. AP.
Orleans og börnin
Haldi sig
heima á
nóttunni
París. AFP.
ÚRSKURÐAÐ hefur verið í svo-
nefndu stjórnsýsluráði Frakk-
lands að yfirvöld í Orleans megi
reyna að sporna við afbrotum
með því að láta börn undir 13 ára
aldri sæta útgöngubanni frá 11 á
kvöldin til 6 á morgnana. Bannið
gildir í sumar í þremur hverfum
þar sem mikið hefur verið um af-
brot unglinga. Segir borgarstjór-
inn, sem er íhaldsmaður, að það
hafi þegar borið árangur.
Útgöngubannið tók gildi 15.
júní og varir til 15. september,
ráðamenn í fleiri frönskum borg-
um íhuga að feta í fótspor borg-
arstjórans, Serge Grouards. Hann
segir eitt af markmiðunum að
koma í veg fyrir að fíkniefnasalar
afvegaleiði börnin.
Ásakanir um
mannréttindabrot
Stjórnvöld í héraðinu voru hins
vegar andvíg banninu á þeirri for-
sendu að um mannréttindabrot
væri að ræða og fóru því með það
fyrir ráðið. Einn af leiðtogum
kommúnista í héraðinu, Michel
Ricoud, viðurkennir að aukin af-
brotatíðni sé mikið vandamál og
hafi átt þátt í að borgarstjóri úr
sósíalistaflokknum féll í kosning-
unum í mars.
„En það gæti haft öfug áhrif að
velja úr ákveðin hverfi og gæti
aukið spennu,“ sagði hann.
Aðrir benda á að í umræddum
hverfum búi einkum innflytjendur
og börn þeirra og börnin séu oft
úti á kvöldin vegna þess að hús-
næði fjölskyldunnar sé lélegt og
þröngt. Mannréttindasamtök í
París segja að útgöngubannið
muni einangra íbúa hverfisins enn
frekar frá öðrum hlutum borg-
arinnar.
MICHAEL Portillo, fyrrverandi
varnarmálaráðherra, varð efstur í
fyrstu umferð leiðtogakjörs þing-
manna breska Íhaldsflokksins í
gær. Hann hlaut 49 af 166 atkvæð-
um, næstur varð Iain Duncan
Smith með 39, þá Kenneth Clarke
með 36.
Stuðnings-
menn Portillos
sögðu hann hafa
fengið meira
fylgi en þeir
hefðu þorað að
vona í fyrstu um-
ferð.
Liðsmenn
Smiths voru
einnig borubratt-
ir en hann er
minna þekktur en þeir Portillo og
Clarke sem hefur gegnt valdamikl-
um ráðherraembættum. Clarke er
mikill stuðningsmaður Evrópusam-
starfsins en Smith úr röðum efa-
semdarmanna.
Síðastir og jafnir urðu Michael
Ancram og David Davis með 21 at-
kvæði hvor. Sá sem fæst atkvæði
hlýtur á að detta út og verður kosið
aftur á morgun í von um að þá
fækki frambjóðendum um einn.
Davis og Ancram neituðu báðir í
gær að draga sig í hlé en verði þeir
aftur jafnir og neðstir falla báðir út.
„Á fimmtudag kemur hann kannski
eins og [tennisleikarinn] Goran Iv-
anisevic og bara vinnur,“ sagði Pet-
er Bottomley sem kaus Ancram.
Þingflokkurinn mun kjósa tvisvar
á ný og flokksbundnir íhaldsmenn,
sem eru um 300.000, velja síðan á
milli tveggja efstu í almennri kosn-
ingu. Fer kjörið fram í september.
Portillo var í gær sakaður um að
hafa brotið reglur með því að gefa
ekki upp fjárstuðning er rann til
flokksdeildarinnar í kjördæmi hans
er hann var ráðherra. Hann vísaði
ásökunum á bug og einnig fréttum
af því að hann styddi að neysla
kannabisefna yrði leyfð.
Leiðtogakjör
Íhaldsflokksins
Portillo
öflugastur
London. AP.
Michael
Portillo
Frjósemisrannsóknir í Ástralíu
Sæðisfrum-
ur óþarfar?
VÍSINDAMENN í Ástralíu hafa
gert tilraunir á músum sem benda
til þess að hægt sé að frjóvga egg-
frumu án þess að sæðisfruma úr
karldýri komi við sögu. Ekki er um
einræktun að ræða heldur er tekið
erfðaefni úr venjulegri líkams-
frumu og það tengt eggfrumunni,
að sögn The Daily Telegraph.
Tilraunirnar eru liður í starfi
læknahóps undir forystu Orly
Lacham-Kaplan við Monash-há-
skóla í Melbourne sem reynir að að-
stoða ófrjóa karla. Fram til þessa
hefur ekki verið hægt að nota
venjulegar líkamsfrumur vegna
þess að þær innihalda allar tvö sett
litninga, annars vegar karla og hins
vegar kvenna. Í eggfrumu eru að-
eins kvenlitningar og í sæðisfrumu
einvörðungu karllitningar. Hópnum
tókst að fjarlægja kvenlitningana
úr líkamsfrumu og frjóvga síðan
eggfrumuna. Enn er of snemmt að
segja til um hvort hægt verður að
flytja frjóvgaða eggið yfir í leg, láta
það dafna og verða að nýrri mús.
„Fræðilega ætti að vera hægt að
nota líkamsfrumur úr kvendýri til
að búa til fóstur,“ sagði Lacham-
Kaplan. Verði hægt að nota sömu
aðferð hjá mönnum gætu tvær
konur eignast saman barn án að-
stoðar karlmanns. Einnig gætu
tveir karlar átt barn og fengið
leigumóður til að ganga með það.