Morgunblaðið - 11.07.2001, Blaðsíða 4

FRÉTTIR
4 MIÐVIKUDAGUR 11. JÚLÍ 2001 MORGUNBLAÐIÐ
12 VÍSINDAMENN Náttúrufræði-
stofnunar Íslands verða á hrakhól-
um í haust þar sem leigusamningi
stofnunarinnar við Vátryggingafélag
Íslands um leigu á annarri hæð
stofnunarinnar hefur verið sagt upp
og verður samningurinn ekki endur-
nýjaður. Á annarri hæðinni er mót-
taka stofnunarinnar, skrifstofa sér-
fræðinga og tvær litlar rannsóknar-
stofur. Ævar Petersen, forstöðu-
maður Reykjavíkurseturs NÍ, segir
stofnunina eiga að vera búna að
rýma hæðina í síðasta lagi 1. nóv-
ember nk. og engin lausn hafi enn
verið fundin á húsnæðisvandanum.
„VÍS vildi selja en ríkið var ekki
tilbúið að kaupa hæðina og hún var
því seld einkaaðila og gengið frá
kaupsamningi fyrr á árinu. Það er
óljóst á þessari stundu hvert starfs-
menn okkar fara en umhverfisráðu-
neytið, sem stofnunin heyrir undir,
hefur leitast við að leysa okkar mál
en enn hefur ekkert gerst,“ segir
Ævar og bætir við: „Ef þetta mál
verður ekki leyst á viðunandi hátt er-
um við í meiriháttar klípu svo það
verður að taka ákvarðanir fljótt.“
Hann segir útilokað að starfsfólkinu
verði skipt upp og einhverjir flytji í
húsnæði utan stofnunarinnar þar
sem slíkar hrókeringar séu afar
kostnaðarsamar og komi illa niður á
starfi sérfræðinga stofnunarinnar.
Pláss á hinum þremur hæðum húss-
ins sem stofnunin hefur til afnota við
Hlemm er nú þegar fullnýtt að sögn
Ævars og ófært að innrétta þar nýj-
ar skrifstofur, rannsóknarstofur og
móttöku.
Ævar segir þess misskilnings
gæta víða að Náttúrufræðistofnun
fái inni í Náttúruhúsinu, nýbyggingu
Háskóla Íslands í Vatnsmýrinni, en
það hús verður eingöngu notað undir
starfsemi Háskólans.
Fá ekki inni í Náttúruhúsi HÍ
„Það stóð alltaf til að byggt yrði
yfir Náttúrufræðistofnun í Vatns-
mýrinni en annað hús yrði reist í
næsta nágrenni fyrir náttúrufræði-
setur Háskólans og náin samvinna
yrði á milli þessara tveggja húsa. Nú
virðast engin merki þess að hús NÍ
rísi í Vatnsmýrinni en stofnunin hef-
ur enn mikinn áhuga á nánu og góðu
samstarfi við Háskólann og nemend-
ur hans,“ segir Ævar og bendir á að
hægt sé að rekja húsnæðiseklu
stofnunarinnar allt aftur til ársins
1950 þegar teikningar voru gerðar
að nýju húsi á háskólalóðinni fyrir
Náttúrugripastofnun sem þá var og
hét.
Ekki fékkst leyfi til að byggja á
lóðinni og Háskólinn keypti þá þriðju
hæðina í núverandi húsnæði stofn-
unarinnar við Hlemm til bráða-
birgða. „Síðan eru liðin hátt í fimm-
tíu ár og stofnunin búin að vera ansi
lengi í bráðabirgðahúsnæði. Jafn-
framt hefur Náttúrufræðistofnun
vaxið og starfsemin þanist út um
fleiri hæðir hússins og yfir í næstu
hús þar sem safnakostur stofnunar-
innar er að nokkru hafður í geymsl-
um.“
Háskólinn á að sögn Ævars enn
þriðju hæðina með því fororði að ef
Náttúrufræðistofnun Íslands kemst
í framtíðarhúsnæði skal söluandvirði
hæðarinnar sett upp í þá byggingu.
Náttúrufræðistofnun Íslands í húsnæðisvanda því leigusamningi var sagt upp
Bráðabirgðahúsnæði
í rúma fimm áratugi
EIRÍKUR Ingi Jóhannsson,
áhugakafari sem kafaði við ann-
an mann niður að flaki El Grillo í
byrjun mánaðarins til að sækja
loftvarnabyssu úr flaki skipsins,
segir að hann hafi verið í fullum
rétti við þá iðju, en lögregla tók
byssuna af honum þegar hann
var kominn með hana að landi.
Byssan er nú í vörslu lögregl-
unnar á Seyðisfirði.
Ætlar að gera tilkall
til byssunnar
Eiríkur segist ætla að gera til-
kall til byssunar, en hann safnar
stríðsminjum og öðru sem hann
finnur á hafsbotni. Hann hefur
fengið lögfræðing í málið sem
hefur verið í bréfasambandi við
sýslumanninn á Seyðisfirði. Eirík-
ur segir að ekki hafi reynt á hver
eigi hluti á hafsbotni fyrir dóm-
stólum áður.
Ingimar Sigurðsson, skrif-
stofustjóri hjá umhverfisráðu-
neytinu, sem hefur umsjón með
flakinu, segir það alveg skýrt að
flak El Grillo sé eign ríkisins.
Það sé m.a. ástæða þess að ríkið
muni standa straum af kostnaði
vegna hreinsunar á olíu úr flak-
inu. El Grillo var enskt olíuskip
sem sökk hér á árum síðari
heimsstyrjaldarinnar og segir
Ingimar að bresk hernaðar-
yfirvöld hafi afhent íslenska rík-
inu flakið að stríði loknu og að til
séu pappírar um það hjá ráðu-
neytinu.
Eiríkur segir að á nýjasta köf-
unarkorti sem gert hefur verið af
hafsvæðunum í kringum Ísland
komi ekki fram að bannað sé að
kafa niður að flakinu. Ólafur H.
Sigurðsson, bæjarstjóri á Seyð-
isfirði, segir aftur á móti að í
bæjarsamþykkt segi að bannað sé
að kafa niður að El Grillo, nema
með leyfi hafnarvarðar. Hann
segist hafa, frá því að Eiríkur og
félagi hans köfuðu niður að flak-
inu, hnykkt enn betur á banninu
með auglýsingu í Lögbirtingar-
blaðinu.
Ólafur segist reikna fastlega
með því að byssan muni enda í
vörslu bæjaryfirvalda, það hafi
verið venjan þegar hlutir hafi
verið fjarlægðir úr flakinu.
Kafari gerir tilkall til
byssu úr flaki El Grillo
Ráðuneyt-
ið segir
byssuna
eign
ríkisins
ALMENNT ber mönnum saman
um að góðar horfur séu á landinu
með sprettu í sumar, kal í túnum sé
fátítt og sláttur víða hafinn. Þó
munu bændur mislangt komnir með
heyskap eftir landsvæðum og jafn-
vel innan einstakra svæða og eru
sumir búnir með fyrri slátt.
Kristján Bjarndal Jónsson, hér-
aðsráðunautur Búnaðarsambands
Suðurlands, segir að í umdæmi
hans séu ágætar horfur með gras-
sprettu. „Það er búið að heyja tölu-
vert undir Eyjafjöllum og víða ann-
ar staðar þar eystra en fæstir eru
byrjaðir í Flóanum og í uppsveitum.
Þar er einn og einn búinn að slá, en
almennt er sláttur ekki hafinn.“
Á Vesturlandi slógu þó nokkrir í
júnílok að sögn Guðmundar Sig-
urðssonar, framkvæmdastjóra Bún-
aðarsamtaka Vesturlands. „Það eru
búnar að vera dálitlar rigningar en
það er mikil spretta hér hjá okkur
þannig að nú bíða menn bara eftir
þurrki,“ sagði hann.
Í Húnavatnssýslum, segir Jón
Sigurðsson, ráðunautur Búnaðar-
sambands Austur-Húnavatnssýslu,
hafa verið bæði heyskap og sprettu.
„Þó er ekki gott heyskaparveður
búið að vera heldur rigning og leið-
inlegt. Það eru samt langflestir
byrjaðir,“ sagði hann. „Þeir sem
þurrka hey vildu gjarnan að brygði
til betri tíðar. En það eru ýmsir
búnir að slá og rúlla, með þessari
nýju tækni allri ná menn töluverð-
um árangri,“ sagði Jón.
Ólafur G. Vagnsson, héraðsráðu-
nautur hjá Búnaðarsambandi Eyja-
fjarðar, segir stöðuna vera mismun-
andi hjá bændum í umdæmi sínu.
„Sums staðar við Eyjafjörð eru
menn búnir alveg með fyrri slátt og
bíða nú eftir að spretti aftur fyrir
þann seinni. En svo eru til jarðir
við bæði við Eyjafjörð og svo aust-
ur í Þingeyjasýslu þar sem sláttur
er ekki byrjaður en þar hafa menn
verið að bíða eftir grasi. Þar kemur
til veðurfar, en það hefur verið
hlýrra hér innan Akureyrar við
Eyjafjörðinn en svo snýr þetta að
því hvort menn eru með sauð-
fjárbúskap eða ekki,“ sagði Ólafur.
Hann sagði tíðarfarið hafa valdið
því bændur hafi sleppt fé seint á af-
rétt og hafi því þurft því að beita á
tún sín. „Það eru þó nokkuð margir
sem ekki hafa hafið slátt ennþá,“
sagði Ólafur en gerði ráð fyrir að
langflestir hefji slátt þegar færi
gefst og bregði til betri heyskapar-
tíðar en útlit sé fyrir vætu næstu
daga. Ólafur sagði jafnframt að kal-
skemmdir væru í túnum nokkurra
bæja en þó heyrði það til und-
antekninga og að langvíðast stefndi
í mikla og góða uppskeru.
Stefán Skaftason, héraðsfulltrúi
Landgræðslu ríkisins og fyrrum
ráðunautur búnaðarsambandanna í
Þingeyjarsýslum, segir menn ekki
svartsýna þar fyrir norðan þótt
nokkuð kalt hafi verið í veðri fram
undir þetta. „Það hefur verið frost
á hverri nóttu fram undir miðjan
júlí og þá sprettur ekkert á meðan.
En það lítur svo sem ekkert illa út
með sprettu þótt aðeins hafi borið á
kali í túnum,“ sagði hann. Stefán
sagði nokkra bændur vera byrjaða
en flestir hefðu þó ekki enn hafið
slátt. „Ástandið er bara nokkuð
gott, sprettan kemur bara aðeins
seinna en stundum áður,“ sagði
Stefán.
Á Austurlandi ganga hlutirnir
sinn vanagang ef marka má Jón
Snæbjörnsson, héraðsráðunaut hjá
Búnaðarsambandi Austurlands, en
hann sagði slátt víða hafinn eystra.
„En þeir gera nú ekki mikið meira í
bili, því ef marka má veðurspána er
von á vætu út vikuna,“ sagði hann.
Sumir búnir með fyrri slátt
Morgunblaðið/Ásdís
VIÐ veiðimennsku, sem önnur
störf, er mikilvægt að vanda til
verka og sjá til þess að aðstæður
séu sem bestar svo góður árangur
náist. Þessi ungi veiðimaður, sem
var við veiðar á hafnarbakkanum í
gær, tók starf sitt alvarlega og bað
ljósmyndara vinsamlega að hafa
hljóð til að fæla ekki fiskinn.
Suss! Ekki
fæla fiskinn
FULLTRÚAR Sjómannafélags
Reykjavíkur og Alþjóðaflutninga-
verkamannasambandsins, stöðv-
uðu í gærmorgun löndun á olíu úr
norsku olíuskipi á Siglufirði. Skip-
ið, sem er með pólskri áhöfn, var í
strandsiglingum að flytja olíu frá
Reykjavík fyrir íslensku olíufélög-
in.
Að sögn Borgþórs Kjærnested,
fulltrúa Alþjóðaflutningaverka-
mannasambandsins, fór aðgerðin
friðsamlega fram og var löndun
olíunnar aðeins stöðvuð um stund-
arsakir.
„Olíufélögin eru með kjarasamn-
ing við Sjómannafélag Reykjavík-
ur um vinnu við siglingar og olíu-
dreifingu um landið. Öllum 32
íslensku sjómönnunum sem unnu
við þessa dreifingu um borð í
Kyndli og Stapafelli hefur verið
sagt upp. Það er ekki inni í mynd-
inni hjá okkur að erlendir menn
geti komið og gengið í okkar störf.
Þetta er sambærilegt við það að
pólskir bílstjórar væru fluttir til
landsins til að dreifa olíu á olíubíl-
um,“ sagði Borgþór. Hann sagði að
Sjómannafélagið myndi grípa til
frekari aðgerða vegna þessa máls,
en vildi ekki segja í hverju þær
yrðu fólgnar.
Signý Jóhannesdóttir, formaður
Verkalýðsfélagsins Vöku á Siglu-
firði, segir að verkalýðsfélagið
styðji baráttu farmanna fyrir
starfsöryggi, sem og baráttu allra
annarra íslenskra launamanna fyr-
ir starfsöryggi. Félagið harmi
jafnframt að hafa ekki verið í að-
stöðu til að beita sér fyrir stöðvun
á löndun úr skipinu vegna hags-
munaárekstra við aðra félagsmenn
Vöku, meðal annars starfsmenn í
loðnubræðslu SR-mjöls.
„Við erum ekki sátt við að hing-
að komi verkafólk utan úr heimi
og vinni á allt öðrum og lakari
kjörum en íslensk verkalýðshreyf-
ing hefur samið um. Við fordæm-
um vinnubrögð olíufélaganna sem
eru með erlend leiguskip með er-
lendri áhöfn að vinna verk sem ís-
lenskir sjómenn hafa unnið á sama
tíma og íslenskum sjómönnum,
sem unnið hafa þessi störf, hefur
verið sagt upp og skipin seld úr
landi,“ segir Signý.
Löndun úr norsku
olíuskipi stöðvuð
á Siglufirði
Vinnuslys í
Smáralind
VINNUSLYS varð í Smáralind í
Kópavogi um tíuleytið í gærmorgun.
Sextán ára piltur sat á gaffli lyftara
þegar lyftaranum var ekið á gifsplöt-
ur með þeim afleiðingum að pilturinn
fótbrotnaði. Tildrög slyssins eru
ekki ljós en málið er í rannsókn lög-
reglu og Vinnueftirlitsins.
♦ ♦ ♦