Morgunblaðið - 11.07.2001, Blaðsíða 12

HÖFUÐBORGARSVÆÐIÐ
12 MIÐVIKUDAGUR 11. JÚLÍ 2001 MORGUNBLAÐIÐ
Í GAMLA sveitabænum í
Gufunesi er frístundamið-
stöðin Gufunesbær starf-
rækt, en hún var opnuð
haustið 1998. Að sögn Atla
Steins Árnasonar, forstöðu-
manns Frístundamiðstöðv-
arinnar, er hún ætluð fyrir
hverfisbúa í Grafarvogi.
Frístundamiðstöðin rekur
félagsmiðstöðvarnar sem
staðsettar eru í grunnskólum
Grafarvogs. Þá er sérstakt
starf í boði fyrir 16 til 18 ára
ungmenni í takt við breyt-
ingar á sjálfræðisaldri auk
barnastarfs.
„Við köllum Gufunesbæ
frístundamiðstöð til aðgrein-
ingar frá því sem kallað er
félagsmiðstöðvar. Með
félagsmiðstöðvum lítum við
svo á að megináherslan sé á
starf með unglingahópum en
frístundamiðstöðin er mið-
stöð frístunda fyrir hverf-
isbúa,“ segir Atli. Hann segir
ýmislegt á döfinni og ráðgert
sé að auka við starfsemina
enn frekar.
„Við fluttum hingað fyrir
þremur árum og byggðum í
raun og veru upp gamla íbúð-
arhúsið. Draumur okkar er
að mynda frístundastarf í
kringum bæinn. Þá erum við
að tala um að gera upp gömlu
hlöðuna sem hér er og gaml-
an súrheysturn fyrir klifur,“
segir Atli og bætir því við að
Gufunesbær hafi fengið vil-
yrði fyrir því að turninn verði
gerður upp.
Um 25 manns starfa hjá
Gufunesbæ yfir vetratímann,
þar af 13 í hlutastarfi, en á
sumrin eru starfsmennirnir
27 og allir í fullu starfi.
Um þessar mundir er unn-
ið að deiliskipulagi fyrir
íþrótta- og útvistarsvæði á
svæðinu í kringum frí-
stundamiðstöðina. Að sögn
Björns Axelssonar, umhverf-
isstjóra Borgarskipulags, af-
markast svæðið í grófum
dráttum af fyrirhugaðri legu
Sundabrautar, Hallvegar og
Strandvegar en endanleg
stærð útivistarsvæðisins hef-
ur ekki verið ákveðin. Ráð-
gert er að deiliskipulagið fari
í kynningu með haustinu og
skipulagið verði fullklárað
um áramót.
Unnið með fordóma í
gegnum listsköpun
Þann 23. júlí næstkomandi
heldur 12 manna hópur ís-
lenskra ungmenna á aldr-
inum 17 til 22 ára til Ant-
werpen í Belgíu á vegum
Gufunesbæjar og félags-
miðstöðvarinnar Frosta-
skjóls. Þar munu þau taka
þátt í liststarfi ásamt ung-
mennum frá Svíþjóð, Belgíu
og Þýskalandi og er viðfangs-
efnið kynþáttafordómar og
fordómar almennt sem túlk-
aðir verða í gegnum ýmis list-
form, þ.á.m. ljósmyndun,
stuttmyndagerð, skúlptúr,
leiklist og dans.
Katrín Dröfn Guðmunds-
dóttir, nemi á félagsþjón-
ustubraut í Borgarholtsskóla,
er í hópi þeirra sem halda ut-
an til Antwerpen síðar í mán-
uðinum. Drög að dagskránni
liggja fyrir en Katrín hefur
sérstakan áhuga á ljós-
myndun og vonast til að fá að
spreyta sig á henni.
Meðal þess sem þau taka
sér fyrir hendur verður að
kynnast fordómum af eigin
raun. Katrín segir að ein-
hverjir fái að klæða sig í
áberandi föt og ganga um
götur borgarinnar og eins
verði farið í heimsóknir á
munaðarleysingjaheimili.
Að hennar sögn stendur til
að halda sýningu á verkum
þeirra þegar heim er komið,
en bakgrunnur íslenska
hópsins er mjög ólíkur og
nám í listgreinum alls ekki
forsenda fyrir þátttöku í
verkefninu.
Frístundamiðstöðin Gufunesbær starfrækt frá 1998 í gömlum bóndabæ
Draumurinn að gera upp
hlöðu og súrheysturn
Gufunes
Morgunblaðið/Billi
Það er engu líkara en að komið sé út fyrir borgarmörkin þegar Gufunesbær er sóttur heim.
Morgunblaðið/Þorkell
Katrín Dröfn Guðmunds-
dóttir, nemi í BHS.
FYRIRHUGAÐ er að
opna nýtt hótel í Reykja-
vík við Hverfisgötu 8-10,
þar sem nú er gamla Al-
þýðuhúsið, með 40 gisti-
rýmum ásamt veitinga-
stað.
Ingibjörg Stefanía
Pálmadóttir hjá eignar-
haldsfélaginu IP studi-
um, en félagið er eigandi
lóðarinnar, hefur stað-
fest að hún hafi sótt um
leyfi hjá borgaryfirvöld-
um til að setja upp hót-
elið. Sótt var um leyfi til
að byggja yfir port á
fyrstu hæð hússins þar
sem koma á upp hótel-
inu.
Fyrirhugaðar fram-
kvæmdir eru í samræmi
við Miðbæjarskipulag
Reykjavíkurborgar, sem
samþykkt var í vetur og
hafa undirtektir verið já-
kvæðar fram til þessa af
hálfu borgaryfirvalda.
Málið er þó enn í vinnslu
hjá borginni og því eng-
ar framkvæmdir hafnar.
Hótelið á að innrétta í
öllu húsnæði gamla Al-
þýðuhússins, á tvö þús-
und fermetra fleti, en
ekki hefur verið ákveðið
hvenær á að opna hótelið
og hefja formlega starf-
semi í því.
Nýtt
hótel í
gamla
Alþýðu-
húsinu
Miðbærinn
FRÆÐSLUSKILTI hefur verið
komið fyrir við Kasthúsatjörn, sem
er það fyrsta af þremur sem til
stendur að setja upp í Bessastaða-
hreppi.
Að sögn Þórðar Kristleifssonar,
skrifstofustjóra í Bessastaðahreppi,
hefur lengi staðið til að útbúa göngu-
leiðakort í hreppnum. Því hafi hrepp-
urinn fengið þá Jón Baldur Hlíðberg
teiknara og Jóhann Ísberg ljós-
myndara til liðs við sig en þeir hafa
unnið sambærileg skilti fyrir Sel-
tjarnarneskaupstað.
Á skiltinu eru myndir af lífverum
með skýringum ásamt korti af svæð-
inu. Tvö skilti til viðbótar verða sett
upp í hreppnum næstkomandi vor en
að sögn Þórðar hefur ekki verið end-
anlega ákveðið hvar þau muni verða
staðsett. Fræðsluefnið á skiltunum
verður síðan notað í kennslu í grunn-
og leikskólum sveitarfélagsins.
Loftmynd og gagnagrunnur
Í tengslum við gerð skiltanna verð-
ur útbúin loftmynd af Álftanesi þar
sem örnefni, göngustígar og sögu-
staðir verða merktir inn á og verður
myndin nýtt á skiltum, bæklingum og
öðru kynningarefni fyrir umhverfi og
náttúru Bessastaðahrepps.
Þá verður settur upp gagna-
grunnur á Netinu, sem tengist
heimasíðu hreppsins, þar sem hægt
er að nálgast upplýsingar um nátt-
úrulíf, sögu og annað er lýtur að
samfélaginu í hreppnum. Grunnur-
inn verður gagnvirkur að því leyti að
fólki gefst kostur á að setja þar inn
fróðleiksmola um sveitina.
Fræðsluskilti við
Kasthúsatjörn
Bessastaðahreppur
Á skiltinu eru meðal annars
upplýsingar um hvernig Kast-
húsatjörn varð til.
Morgunblaðið/Sigurður Jökull
HREINLÆTI á sundstöðum í
Reykjavík var nýlega til umræðu í
umhverfis- og heilbrigðisnefnd
Reykjavíkur.
Hildigunnur Friðjónsdóttir var
málshefjandi og segir hún ástæðuna
vera þá að hún hafi orðið vör við að á
sumrin sé hreinlætinu í laugunum
ábótavant.
„Á sumrin er hér mikið af útlend-
ingum sem koma hingað og njóta
landsins okkar og meðal annars
sundstaðanna. En þeir eru kannski
ekki vanir þeim reglum sem gilda
hjá okkur í sambandi við að fara í
sturtu áður en maður fer ofan í
sundlaugarnar. Þetta er einfaldlega
eitthvað sem tíðkast ekki í sumum
löndum og fólki finnst jafnvel dóna-
legt að þvo sér án baðfata því það er
ekki í þess menningu. Þannig að ég
var að velta því fyrir mér hvort það
væri eitthvað sem hægt væri að gera
til að hnykkja á þessu og upplýsa
fólk um það að þetta væru þær regl-
ur sem giltu hjá okkur á sundstöð-
unum,“ segir hún.
Að sögn Hildigunnar var málinu
vísað til Íþrótta- og tómstundaráðs
Reykjavíkur en hún reiknar með að
baðverðirnir verði gerðir ábyrgari
fyrir því að benda fólki á þessar
reglur. „Hins vegar kom líka fram á
fundinum að það eru alltaf tekin
sýni úr laugunum og það hefur
aldrei sést í sýnunum að það sé
meiri sóðaskapur á sumrin en á vet-
urna,“ segir hún að lokum.
Morgunblaðið/Golli
Hreinlæti á sundstöðum ábótavant
Reykjavík