Morgunblaðið - 11.07.2001, Blaðsíða 14

AKUREYRI
14 MIÐVIKUDAGUR 11. JÚLÍ 2001 MORGUNBLAÐIÐ
Netsalan ehf.
Garðatorgi 3, 210 Garðabæ
Sími 544 4210/565 6241
Fax 544 4211
Sólarrafhlaða á fellihýsið, það er lausnin.
Verðbylting á 50w sólarrafhlöðum aðeins kr. 46.500
með stjórnstöð.
Lúxus fortjöld með gluggatjöldum og ál súlum aðeins kr. 89.000.
Svefntjöld kr. 9.900 stk.
Sértilboð á pakka: Fellihýsi, fortjald, 2 svefntjöld,
50w sólarrafhlaða með stjórnstöð og
gasfylling kr. 699.000.
Ný 6 manna fullbúin bandarísk
fellihýsi á 12“ hjólbörðum
Opnunartími
Virka daga frá kl. 10-18
Laugardaga frá kl. 10-14
Aðeins kr.
ÍBÚAR Eyjafjarðarsveitar og
gestir þeirra fögnuðu 10 ára af-
mæli sveitarfélagsins um síðustu
helgi í blíðskaparveðri.
Hátíðin fór fram við Hrafnagils-
skóla að deginum og í tjaldi við
Blómaskálann Vín um kvöldið.
Oddviti sveitarstjórnar, Hólmgeir
Karlsson setti samkomuna og
bauð gesti velkomna, þá söng
Karlakór Eyjafjarðar nokkur lög
undir stjórn Björns Leifssonar,
m.a. lag og ljóð frú Sigríðar
Schiöth, Eyjafjarðarsveit, sem hún
samdi í tilefni sameiningar hrepp-
anna fyrir 10 árum.
Þá fór fram sigsýning Björg-
unarsveitarinnar Dalbjargar þar
sem oddvitinn var látinn síga í
körfu fram af vegg heimavist-
arbyggingar Hrafnagilsskóla.
Helgi og hljóðfæraleikararnir
skemmtu gestum með leik og
söng. Friðrik Kristjánsson fyrr-
verandi húsvörður á staðnum
gróðursetti 10 ára gamalt reyni-
viðartré. Börnin fengu að skreppa
á hestbak og sigla kajökum á Eyja-
fjarðará. Einnig var farið í ratleik
og fleira.
Kvenfélagskonur kepptu í reip-
togi og ýmislegt fleira var á dag-
skránni.
Um kvöldið var grillveisla og
dansleikur í veislutjaldi við Blóma-
skálann Vín. Þar fluttu ávörp Páll
Pétursson, félagsmálaráðherra og
Valgerður Sverrisdóttir, iðnaðar-
og viðskiptaráðherra, núverandi
og fyrrverandi oddvitar Eyjafjarð-
arsveitar, þeir Hólmgeir Karlsson
og Birgir Þórðarson. Emilía Bald-
ursdóttir stjórnaði spurninga-
keppni milli gömlu hreppanna og
vakti hún gríðarlega kátínu sam-
komugesta. Milli atriða söng
karlakvartett undir stjórn Garð-
ars Karlssonar. Veislustjóri var
Bjarni Kristjánsson sveitarstjóri.
Morgunblaðið/BenjamínKarlakórinn söng undir stjórn Björns Leifssonar.
Ungir sem aldnir fögnuðu afmæli sveitarinnar í einmuna blíðu.
Arna Mjöll Guðmundsdóttir,
jafnaldra sveitarinnar, flutti
ávarp á afmælishátíðinni.
Fjölmenni fagnaði 10 ára
afmæli Eyjafjarðarsveitar
Eyjafjarðarsveit
TÆPLEGA þrítugur karlmaður
hefur verið sýknaður af ákæru um
kynferðisbrot í Héraðsdómi Norð-
urlands eystra. Bótakröfu að upp-
hæð 400 þúsund krónur á hendur
honum var vísað frá dómi.
Maðurinn var ákærður fyrir kyn-
ferðisbrot með því að hafa í janúar
árið 2000 notfært sér andlega ann-
marka stúlku til að hafa við hana
samfarir á salerni á vinnustað
hennar.
Játaði að hafa haft samræði
við stúlkuna
Maðurinn játaði að hafa haft
samræði við stúlkuna, en staðhæfði
að það hefði verið með hennar sam-
þykki. Framburður stúlkunnar er á
annan veg, en hún staðhæfði að hún
hefði ekki getað spornað við verkn-
aðinum og maðurinn virt orð henn-
ar að vettugi.
Fram kemur í niðurstöðu dóms
Héraðsdóms Norðurlands eystra
að maðurinn hefði staldrað um
stund við á vinnustaðnum eftir
samræðið og stúlkan hafi tekið upp
sín fyrri störf. Af framburði vitna
er hittu þau eftir atburðinn á snyrt-
ingunni verði ráðið að ekkert óeðli-
legt hafi verið í fari þeirra.
Manninum var gefið að sök brot
gegn 196. gr. almennra hegningar-
laga nr. 19 1940, sem hljóðar svo:
„Hver sem notfærir sér geðveiki
eða aðra andlega annmarka mann-
eskju til þess að hafa við hana sam-
ræði eða önnur kynferðismök utan
hjónabands eða óvígðrar sambúðar,
eða þannig er ástatt um hana að
öðru leyti að hún getur ekki sporn-
að við verknaðinum eða skilið þýð-
ingu hans, skal sæta fangelsi allt að
6 árum.“
Stúlkan með verulega
greindarskerðingu
Samkvæmt matsgerð sálfræð-
ings er stúlkan með verulega
greindarskerðingu, en talgáfa
hennar geti villt mönnum sýn við
fyrstu kynni.
Í dómnum er bent á greinargerð
með hegningarlagaákvæðinu þar
sem fram kemur að um ótvíræða
misneytingaraðferð þurfi að vera
að ræða og skilyrði þess að ákvæð-
inu sér beitt að brot sé framið af
ásetningi. Í matsgjörð sálfræðings
um manninn kemur fram að greind-
artala hans sé undir þroskahöml-
unarmörkum.
Þegar þessi atriði voru virt heild-
stætt var það mat dómsins að var-
hugavert væri að telja sannað, gegn
neitun mannsins, að hann hafi haft
forsendur til að notfæra sér af
ásetningi ástand stúlkunnar til að
koma fram samræðinu. Hann var
því sýknaður af öllum kröfum
ákæruvalds og bótakröfu vísað frá
dómi.
Dóminn kváðu upp Ólafur Ólafs-
son héraðsdómari, dómsformaður,
og meðdómsformennirnir Freyr
Ófeigsson dómstjóri og dr. Gyða
Haraldsdóttir sálfræðingur.
Karlmaður sýknaður af kynferðis-
broti í Héraðsdómi Norðurlands
Hafði ekki for-
sendur til að not-
færa sér andlegt
ástand stúlkunnar
UM 20 þátttakendur voru í Þor-
valdsdalsskokkinu sem fram fór um
helgina.
Fljótastur niður dalinn var Gísli
Einar Árnason úr Reykjavík og var
hann einungis þremur mínútum frá
metinu, en hann hljóp á 2.10.41 og er
það næstbesti tími sem náðst hefur.
Þá náði sigurvegari í kvennaflokki,
Áslaug Helgadóttir úr Reykjavík,
besta tíma sem kvenmaður hefur
náð til þessa, hljóp á 3.03.47 og bætti
fyrra met um fjórar mínútur.
Í flokki kvenna 16 til 39 ára varð
Hjördís Tryggvadóttir fyrst á
3.11.08, Áslaug sigraði í flokki 40 til
49 ára kvenna og Ingibjörg Auðuns-
dóttir, Akureyri, í flokki 50 til 59 ára.
Gísli sigraði í flokki karla 16 til 39
ára, Árni Árnason, Seltjarnarnesi, í
flokki 40 til 49 ára en hann hljóp
vegalengdina á 3.09.08 og Gísli H.
Friðgeirsson, Reykjavík, í flokki 50-
59 ára karla á 3.17.01.
Þorvaldsdalsskokk 2001
Met kvenna
slegið
ÁRLEGT minningarskákmót um
Steinberg Friðriksson var haldið að
Baugaseli á sunnudag.
Steinberg var fæddur í Baugaseli í
Barkárdal og var mótið haldið þar.
Þátttakendur voru 11 og röðuðust
þeir þannig:
1. Gylfi Þórhallsson 16,5 v.
2. Halldór Brynjar Halldórsson 16 v.
3. Jón Björgvinsson 13,5 v.
Í fjórða og fimmta sæti Stefán
Bergsson og Ólafur Kristjánsson.
Gylfi sigraði á skák-
móti í Baugaseli
NÝ útvarpsstöð hóf starfsemi á Ak-
ureyri fyrir skömmu, en hún ber
nafnið Ljósvakinn fm 93,9 og sendir
út á Eyjafjarðarsvæðinu.
Markmið Ljósvakans er að taka
þátt í viðburðum á svæðinu, flytja
fréttir og bjóða upp á fréttatengda
þætti. Sent er út allan sólarhringinn.
Ný útvarpsstöð
♦ ♦ ♦
♦ ♦ ♦