Morgunblaðið - 11.07.2001, Blaðsíða 16

Morgunblaðið/Pétur Þorsteinsson
Verðlaunamerkið „Skjól“ á skjánum hjá vinningshafanum Sigríði.
NÝVERIÐ var efnt til samkeppni
um merki fyrir Vesturlandsskóga,
en Vesturlandsskógar eru samtök
skógarbænda á Vesturlandi. Var
Vesturland síðasti landsfjórðung-
urinn til að hrinda þessu verki í
framkvæmd, og þess vegna eðlilegt,
að ekki hafi verið búið að hanna
merki fyrir starfsemina fyrr en nú.
Nokkrir sendu inn tillögur í
keppnina. Var tillaga Sigríðar
Kristinsdóttur í Reykholti valin
besta tillagan, og fékk hún verð-
laun, sem voru afhent fyrir
skömmu. Nefnir hún tillöguna sína
„Skjól“. Sigríður rekur hönnunar-
og auglýsingastofuna Handbragð í
Reykholti, sem tekur að sér hin
margvíslegustu verkefni á þeim
vettvanginum. Var hún spurð að
því, hvernig sé að vera með slíka
starfsemi fjarri Reykjavíkinni.
„Það er orðið lítið mál í dag að
vera svona fjarri prentsmiðjum og
öðru þess háttar, eftir að Netið varð
nógu öflugt. Stór hluti af vinnunni
er sendur í gegnum Netið, og flest-
Verðlaunamerki
fyrir Vestur-
landsskóga
Borgarfjörður
Verðlaunamerki
Vesturlandsskóga
öll samskipti fara þar í gegn. Ég
legg metnað minn í að vinna fyrir
héraðið og taka þátt í þeirri upp-
byggingu, sem þar fer fram. Í því
umhverfi sem ég bý í, er mikið spáð
í menningararfinn og náttúruna.
Ég upplifi mikla möguleika í
tengslum við aukinn ferðamanna-
iðnað hér í Borgarfirði.
Ég hef hannað sýningar, blöð,
merki og heimasíður, þannig að
viðfangsefni Handbragðs eru marg-
vísleg og snúast mikið um kynning-
arefni.“
LANDIÐ
16 MIÐVIKUDAGUR 11. JÚLÍ 2001 MORGUNBLAÐIÐ
KYNNINGARFUNDUR um fyrir-
hugaða byggingu Villinganesvirkj-
unar í Skagafirði var haldinn í hús-
næði Fjölbrautaskóla Norðurlands
vestra nýlega. Um fimmtíu manns
sóttu fundinn og voru frummælend-
ur Steinar Friðgeirsson, frá RARIK,
Óli Halldórsson, frá Skipulagsstofn-
un, og Sigurður Þórðarson, frá Verk-
fræðiskrifstofu Sigurðar Thorodd-
sen.
Steinar fór meðal annars yfir
áætlanir um hina ýmsu virkjunar-
kosti í erindi sínu. Óli fjallaði um til-
gang mats á umhverfisáhrifum og
ferli þess og Sigurður lýsti mats-
skýrslunni, og skoðaði skýrslur sem
gerðar hafa verið sérstaklega vegna
virkjunarinnar.
Að loknum framsöguerindum voru
fyrirspurnir og umræður og tók þar
fyrstur til máls Magnús Sigmunds-
son og ræddi áhrif virkjunarinnar á
ferðaþjónustuna. Magnús benti á að
sér virtist sem virkjun á þessum
tímapunkti, þegar ferðamenn væru í
mjög auknum mæli að sækja til
Skagafjarðar og meðal annars til
siglinga á Jökulsá, væri ámóta og að
menn tækju um það ákvörðun að
sturta steypu í Geysi.
Sverrir Sveinsson lýsti ánægju
með að mál væru komin á þann rek-
spöl sem raun væri, og væri þessi
virkjun fyrsti vísir að mótvægi við
suðvesturhornið. Þá spurði Sverrir
hvort ekki yrði unnt að aka yfir stífl-
una þannig að tenging yrði á milli
byggða beggja vegna ár.
Áhyggjur
af strandrofi
Margir tóku til máls og voru uppi
ýmsar skoðanir vegna þessara fram-
kvæmda, meðal annars hafði Árni
Ragnarsson áhyggjur af strandrofi
vegna minnkandi framburðar jökul-
ánna, en gert er ráð fyrir því að land
hopi að meðaltali um 2-3 cm á ári.
Jón Guðmundsson tók til máls og
taldi að ef framkvæmdum hefði alltaf
verið frestað, væri það umhverfi sem
menn byggju við í dag býsna mikið
öðruvísi en nú væri. Fagnaði Jón
þessum áfanga, en benti á að fram-
leiðsla orku í héraðinu væri mikils
virði, en hitt væri líka mjög mikil-
vægt að markaður væri líka í hér-
aðinu fyrir þá orku sem hér væri
framleidd. Jón sagði að ferðaþjón-
usta væri líka mikils virði, en hún
gæti ekki síður en margt annað ógn-
að eða skemmt náttúruna, og hér
yrði að fara að öllu með gát.
Þá komu fram fyrirspurnir varð-
andi vorflóð í Héraðsvötnunum,
störf tengd virkjuninni, og varð-
veisla fornminja. Svöruðu frummæl-
endur framkomnum fyrirspurnum.
Kristján Jónsson stjórnarformað-
ur Héraðsvatna ehf. tók síðastur til
máls og þakkaði fundargestum kom-
una. Sagði hann gott samstarf hafa
verið í stjórninni, en í henni ættu
sæti þrír fulltrúar frá RARIK og
tveir frá Norðlenskri orku.
Kristján sagði fullan vilja hjá RA-
RIK, ekki aðeins að virkja í Skaga-
firði, heldur einnig að byggja upp og
skapa þá aðstöðu að full not yrðu í
héraðinu fyrir þá orku sem fram-
leidd yrði.
Kynningarfundur um Villinganesvirkjun í Skagafirði
Vísir að mótvægi
við suðvesturhornið
Skagafjörður
ÞESSA dagana er verið að setja lax í
fyrstu kvíarnar hér í Norðfirði á veg-
um Sæsilfurs hf., sem hyggur á veru-
legt laxeldi í Mjóafirði. Þegar er búið
að setja um 50 þúsund smálaxa, sem
vega að meðaltali um 500 grömm, í
eina kvína og verður hún dregin til
Mjóafjarðar eftir nokkra daga.
Kostnaðarauki
Það hefur valdið þeim Sæsilfurs-
mönnum erfiðleikum og kostnaðar-
auka að þurft hefur að flytja laxinn
með bílum frá Silfurstjörnunni í Öx-
arfirði þar sem ekki fékkst leyfi til að
leigja svokallaðan brunnbát frá Nor-
egi en það er sérhannaður bátur til
flutnings á lifandi laxi.
Það vandamál er trúlega að leys-
ast því að búið er að leigja skelfisk-
veiðiskipið Fossá frá Þórshöfn til
flutninga á seiðum í kvíarnar og
verður þá hægt að flytja þau beint til
Mjóafjarðar. Um 330 þúsund smá-
laxar verða settir í kvíar í sumar og
er áætlað að fyrstu löxunum verði
slátrað næsta haust.
Sæsilfur hf. er í eigu Samherja hf.
á Akureyri og Síldarvinnslunnar hf. í
Neskaupstað. Gert er ráð fyrir að á
næsta ári verði slátrað um 2.000
tonnum af laxi hjá Sæsilfri. Fram-
kvæmdastjóri Sæsilfurs er Guð-
mundur Valur Stefánsson.
Laxeldið hafið hjá Sæsilfri
Neskaupstaður
Morgunblaðið/Ágúst
Starfsmenn Sæsilfurs gera fyrstu eldiskvína í Norðfirði tilbúna.
ÁHUGAMENN um landgræðslu
á Fljótsdalshéraði komu nýlega
saman í Brúarási á Norður-Hér-
aði og stofnuðu landgræðslufélag.
Félagið hlaut nafnið Land-
græðslufélag Fljótsdalshéraðs.
Rétt til þátttöku í félaginu hafa
allir Héraðsbúar, auk þess geta
aðrir gerst styrktarfélagar.
Á stofnfundinn mættu rúmlega
tuttugu manns sem gengu í félag-
ið. Hægt er að ganga í félagið hve-
nær sem er og ekki er gert ráð
fyrir neinu félagsgjaldi.
Félagið er áhugamannafélag
um landgræðslu á Fljótsdalshér-
aði en félög með svipað markmið
eru starfandi víða um landið.
Jón Hallgrímsson, bóndi og
landgræðslumaður á Mælivöllum,
var einn af aðalhvatamönnum um
að stofna félagið lýsti aðdraganda
stofnunar þess og sagði frá hver
aðalmarkmið og fyrsta verkefni
væru. Félaginu er ætlað að efla
frumkvæði og þátttöku heima-
manna við landbætur en fyrir er á
svæðinu öflugt starf í verkefninu
Bændur græða landið.
Fyrsta verkefni félagsins er að
girða af og græða upp 84 hektara
svæði við Sænautasel í Jökuldals-
heiði.
Rausnarlegir styrkir
Rausnalegir styrkir bárust í til-
efni stofnunar félagsins í fyrsta
verkefni þess. Áburðarverksmiðj-
an leggur til 6 tonn af áburði til að
dreifa á svæðið, Umhverfissjóður
verslunarinnar styrkir verkefnið
með 500 þúsund króna framlagi
og Landgræðsla ríkisins kemur að
með myndarlegan stuðning.
Á stofnfundinum flutti Andrés
Arnalds, fagmálastjóri Land-
græðslunnar, erindi um hlutverk
landgræðslufélaga í endurheimt
landkosta. Guðrún Scmidt, land-
nýtingarfulltrúi Landgræðslunn-
ar, talaði um starfsemi land-
græðslufélaga í Ástralíu og sagði
frá verkefninu Betra bú.
Formaður Landgræðslufélags
Fljótsdalshéraðs var kosinn Jón
Hallgrímsson á Mælivöllum.
Landgræðslu-
félag stofnað á
Fljótsdalshéraði
Morgunblaðið/Sigurður Aðalsteins
Hluti gesta á stofnfundi Landgræðslufélags Fljótsdalshéraðs.
Norður-Hérað