Morgunblaðið - 11.07.2001, Blaðsíða 18
ÚR VERINU
18 MIÐVIKUDAGUR 11. JÚLÍ 2001 MORGUNBLAÐIÐ
NÍU ný skip bættust í fiskiskipaflota
landsmanna í gær þegar þýska
þungaflutningaskipið Wiebke lagðist
að bryggju í Hafnarfirði með öll skip-
in níu innanborðs. Skipin voru öll
smíðuð í Kína og voru þau afhent eig-
endum sínum við komuna til Hafn-
arfjarðar.
Skipin verða gerð út frá ýmsum
stöðum á landinu og eru mörg þeirra
fyrsta nýsmíðin sem kemur til við-
komandi útgerðarstaða í áraraðir.
Þau heita Ársæll Sigurðsson HF frá
Hafnarfirði, Eyvindur KE frá Kefla-
vík, Garðar BA frá Patreksfirði,
Ólafur GK frá Grindavík, Rúna RE
frá Reykjavík, Sigurbjörg ST frá
Hólmavík, Sæljón RE frá Reykjavík,
Vestri BA frá Patreksfirði og Ýmir
BA frá Bíldudal.
Skipin voru smíðuð í Dalian skipa-
smíðastöðinni í Norður-Kína en þau
voru hönnuð af Skipasýn ehf. Skipin
má kalla hefðbundna vertíðarbáta,
þau eru 94,7 tonna frambyggð stál-
skip, 21,5 metra löng, 6,4 metra breið
og 3,18 metra djúp. Sex skipanna eru
sérstaklega útbúin til dragnótaveiða,
tvö til veiða með fiskitroll og eitt til
neta- og línuveiða. Skipin eru öll búin
samskonar tækja-, véla- og spilbún-
aði en í þeim er 640 hestafla aðalvél
og tvær ljósavélar sem eru samtals
ríflega 100 kílóvött.
Samningur um smíði skipanna var
undirritaður þann 24. apríl árið 1999
og hófst smíðin í janúar á síðasta ári.
Siglingin frá Kína tók alls 80 daga en
skipið flutti einnig með sér varning
til annarra hafna á leiðinni. Wiebke
er þýskt skip og sérbúið til þunga-
flutninga en það er 153 metra langt
og 8.500 brúttótonn og er því eitt
stærsta skip sem lagst hefur að
bryggju í Hafnarfirði. Skipið er með
heimahöfn skráða í St. John’s á Ný-
fundnalandi.
Þó að smíði skipanna hafi tafist
nokkuð frá því sem gert var ráð fyrir
í upphafi, segir Gunnar Jóhannsson,
útgerðarmaður Sigurbjargar ST, að
tafirnar séu óverulegar, en Gunnar
hafði eftirlit með smíði allra skipanna
í Kína fyrir hönd útgerða allra skip-
anna. „Að mínu mati hefur verkið
gengið mjög vel. Við vorum heppnir
með skipasmíðastöð, hún er ekki
mjög stór og smíðinni miðaði vel all-
an tímann. Ég get ekki sagt annað en
að ég sé sáttur við vinnuna og hand-
bragðið allt er til fyrirmyndar.“
Kosta innan við
100 milljónir króna
Gunnar segir að kostnaður við
smíði hvers skips sé innan við 100
milljónir króna hingað komið, en það
sé það verð sem samið hafi verið um í
upphafi. „Skipin eru nánast ná-
kvæmlega eins og það liggur mikil
hagkvæmni í því að gera samning um
smíði svona margra skipa í einu,
bæði gagnvart skipasmíðastöðinni
sem og gagnvart birgjum alls bún-
aðar sem í þeim er. Það var ákveðið
strax í upphafi að skipasmíðastöðin
afhenti skipin hér í Hafnarfirði en
það á þó enn eftir að setja í þau spil-
búnað og björgunar- og öryggisbún-
að samkvæmt íslenskum lögum og
reglum. Vonandi verða fyrstu skipin
komin á veiðar eftir um það bil tvær
vikur.“
Gunnar dvaldi í Kína um 16 mán-
aða skeið á meðan á skipasmíðunum
stóð og lét hann vel af dvölinni. Með-
al annars hafi það komið sér á óvart
hversu vestræn þjóðfélagsmenning-
in og allur aðbúnaður væri í Kína.
Þeir væru hinsvegar ekki eins langt
komnir í þróun fiskveiða og Íslend-
ingar. „Kröfur Íslendinga til skip-
anna komu þeim nokkuð á óvart,
enda er mikill munur á íslenskum og
kínverskum fiskiskipum. Ég myndi
segja að við væru tíu til tuttugu árum
á undan í þeim efnum. Þeir skiluðu
hinsvegar mjög vandaðri vinnu og ég
tel að báðir aðilar hafi öðlast mikla
reynslu af þessu verkefni. Hinsvegar
þyrfti að undirbúa ýmsa hluti betur,
til dæmis smíðalýsingar, sem Kín-
verjarnir vilja hafa mun nákvæmari
en Íslendingar hafa haft þær til
þessa. En núna búum við að þessari
reynslu og ég myndi að minnsta kosti
hiklaust mæla með kínverskum
skipasmíðum,“ segir Gunnar.
Fleiri munu láta
smíða skip í Kína
ÍsBú ehf. er umboðsaðili kín-
versku skipasmíðastöðvarinnar á Ís-
landi. Jens Valdimarsson, einn eig-
enda ÍsBús, segist mjög ánægður
með allt smíðaferli skipanna, smíðin
hafi gengið vel, tafir verið óverulegar
og samvinnan við Kínverjana til fyr-
irmyndar. „Það er engu að síður
ákveðinn léttir að hafa heimt skipin
til Íslands heilu og höldnu, eftir
þessa löngu siglingu. Við höfum öðl-
ast dýrmæta reynslu með þessu
verkefni og ég er sannfærður um að
það munu fleiri íslenskir útgerðar-
menn láta smíða fyrir sig skip í Kína.
Það er mjög hagkvæmt að ráðast í
raðsmíðaverkefni með skip af þess-
ari stærð en helst þyrfti að semja um
smíði að minnsta kosti fjögurra skipa
í einu. Það yrði dálítið þungur baggi
á einni útgerð að ráðast í slíkt verk-
efni ein síns liðs, jafnvel þótt það yrði
ekki dýrt. Kínverjarnir eru auk þess
ólmir í að smíða fyrir okkur fleiri
skip,“ segir Jens.
Níu nýir vertíðarbátar frá Kína bættust í fiskiskipaflotann í gær
Fjölmenni safnaðist á bryggjuna í Hafnarfirði þegar þungflutningaskipið Wiebke kom til hafnar.
Morgunblaðið/Sigurður Jökull
Eyvindur KE var fyrst raðsmíðaskipanna híft í íslenskan sjó.
Gunnar Jóhannsson, útgerðarmaður Sigurborgar ST frá Hólmavík, hafði
eftirlit með smíði allra skipanna í Kína.
Hagkvæmt að
smíða mörg
skip í einu