Morgunblaðið - 11.07.2001, Blaðsíða 36
MINNINGAR
36 MIÐVIKUDAGUR 11. JÚLÍ 2001 MORGUNBLAÐIÐ
Kveðja frá Félagi
flugmálastarfs-
manna ríkisins
Það hefur löngum
verið sagt að íslenskir
flugmenn væru mjög góðir og
öruggir í sínu starfi. Ekki skal
leggja dóm á það hér, en þeir hinir
sömu flugmenn, hafa lagt sitt
traust á þá starfsmenn Flugmála-
stjórnar, sem hafa gert flugið að
þeim trausta ferðamáta sem hann
er. Bjargmundur Ingólfsson var
einn þeirra manna, sem gerðu
flugið að þeim örugga fararmáta
BJARGMUNDUR
INGÓLFSSON
✝ BjargmundurIngólfsson raf-
eindavirki fæddist á
Akureyri 23. ágúst
1944. Hann lést á
heimili sínu í Garða-
bæ 1. júlí síðastliðinn
og fór útför hans
fram frá Vídalíns-
kirkju 9. júlí.
sem hann er í dag.
Hin flókna flugleið-
sögutækni og sú sér-
hæfni, sem krafist er
af fluginu er ekki á
hvers manns færi, en
dugnaður og sam-
viskusemi, ásamt mik-
illi færni var einkenn-
andi fyrir Bjargmund.
Flugmálastjórn Ís-
lands getur státað af
því, að hafa marga
hæfa starfsmenn í
þjónustu sinni, og var
Bjargmundur sannar-
lega einn af þeim.
Hann var toppmaður í sínu fagi og
erum við félagar hans í Félagi
flugmálastarfsmanna ríkisins stolt-
ir af því að hafa verið samferða
þeim góða dreng. Við kveðjum nú
þennan ljúfa félaga, og þökkum
honum áralanga samfylgd.
Fjölskyldu hans og vinum send-
um við dýpstu samúðarkveðjur.
Mig langar til að
minnast tengdaföður
míns, Magnúsar Þor-
geirssonar, sem lést
3. júlí sl. eftir stutta
sjúkrahúslegu. Það eru orðin 26 ár
síðan ég hitti Magnús fyrst, þá tví-
tug stúlka úr Reykjavík sem ný-
lega hafði kynnst Þorleifi syni
hans, ungum manni frá Akranesi.
Mér var strax vel tekið af þeim
hjónum, Ingibjörgu og Magnúsi
enda eru þau bæði einstök ljúf-
menni og vilja allt fyrir aðra gera.
Magnús var myndarlegur maður,
meðalmaður á vöxt, sterklegur og
með grásprengt þykkt hár sem
varð æ hvítara með árunum en
þynntist ekki. Magnús var dag-
farsprúður maður og fór ekki með
látum. Hann var mjög ábyrgðar-
fullur í vinnu og þurfti sem vél-
stjóri yfirleitt að sinna yfirmanns-
starfi. Flest lék í höndunum á
Magnúsi og hann var hagur bæði á
járn og tré. Heimili þeirra hjóna
bar þess vitni en það fullgerði
hann meira og minna sjálfur eftir
að hafa fengið það fokhelt. Hann
og smíðaði húsgögn og innrétting-
ar eins og hjónarúm, barnarúm,
skápa, stóla og síðast en ekki síst
leikföng fyrir börnin sín. Hann
gekk vel um alla hluti og þess báru
til dæmis bílarnir vitni en ófáar
stundir fóru í að halda þeim vel
við. Það koma sér líka vel því hann
MAGNÚS
ÞORGEIRSSON
✝ Magnús Þor-geirsson fæddist
í Króki í Grafnings-
hreppi 9. sept. 1920.
Hann lést á Land-
spítalanum í Foss-
vogi þriðjudaginn 3.
júlí síðastliðinn og
fór útför hans fram
frá Garðakirkju 10.
júlí.
hafði gaman af að fara
í bíltúra og fylgjast
með sveitalífinu og
dást að fegurð náttúr-
unnar. Mér finnst
Magnús alltaf hafa
verið svolítill bóndi í
eðli sínu enda ólst
hann að miklu leyti
upp í sveit. Hann
spáði mikið í það
hvort búsældarlegt
væri um að litast þar
sem hann var á ferð
og fannst gaman og
gott að fá að grípa í
sveitastörf hjá vinum
sínum og fyrrum nágrönnum á
Grund í Skorradal. Magnús var
glaðsinna maður og hafði gaman af
því að segja sögur um ýmislegt
sem á daga hans hafði drifið. Hann
var líka glettinn og fannst ekki
leiðinlegt að bregða á leik og tók
það ekki óstinnt upp upp þótt hon-
um væri strítt. Á sínum yngri ár-
um var Magnús í kirkjukór og
hafði alla tíð gaman af tónlist.
Hann var mjög hrifnæmur og naut
fagurra stunda ýmist með fjöl-
skyldu eða einn með sjálfum sér.
Hin síðari ár fór heilsu Magnúsar
að hraka og reyndar bar hann
aldrei sitt barr eftir alvarlegt bíl-
slys árið 1988. Það er því í bland
við söknuðinn sú tilfinning til stað-
ar að Magnús fái nú hvíld eftir
góða og starfsama lífsævi. Ég kveð
Magnús og þakka honum ánægju-
lega samfylgd.
Deyr fé,
deyja frændur,
deyr sjálfur ið sama.
En orðstír
deyr aldregi
hveim er sér góðan getur.
(Úr Hávamálum.)
Anna Björg Aradóttir.
MORGUNBLAÐIÐ tekur afmælis- og minningargreinar til birtingar
endurgjaldslaust. Greinunum er veitt viðtaka á ritstjórn blaðsins í
Kringlunni 1, Reykjavík, og á skrifstofu blaðsins í Kaupvangsstræti 1,
Akureyri. Þá er enn fremur unnt að senda greinarnar í símbréfi (569
1115) og í tölvupósti (minning@mbl.is). Nauðsynlegt er, að símanúmer
höfundar/sendanda fylgi.
Um hvern látinn einstakling birtist formáli, ein uppistöðugrein af
hæfilegri lengd, en aðrar greinar um sama einstakling takmarkast við
eina örk, A-4, miðað við meðallínubil og hæfilega línulengd, - eða 2.200
slög (um 25 dálksentimetra í blaðinu). Tilvitnanir í sálma eða ljóð tak-
markast við eitt til þrjú erindi. Greinarhöfundar eru beðnir að hafa
skírnarnöfn sín en ekki stuttnefni undir greinunum.
Birting afmælis- og
minningargreina
FRÉTTIR
ÁRIÐ 2000 létust 32 einstaklingar í
23 umferðarslysum en aðeins tvisvar
hefur það gerst síðan skráning um-
ferðarslysa hófst að fjöldi látinna
hefur farið yfir 30. Í skýrslu rann-
sóknarnefndar umferðarslysa, sem
kom út í síðustu viku, segir að sumir
heilbrigðisstarfsmenn, þ.m.t.
læknar, hafi ekki fengið nægilega
þjálfun í meðhöndlun slasaðra og á
það einkum við um vinnubrögð á
vettvangi.
Þá vanti talsvert upp á að allir þeir
sem starfa við sjúkraflutninga á
landinu hafi hlotið til þess viðeigandi
þjálfun og stjórn og samræmingu að-
gerða, bæði á vettvangi og fyrir land-
ið í heild, sé um margt ábótavant.
Það sem einkenndi árið 2000 voru
nokkur stórslys þar sem tveir eða
fleiri létu lífið. Þetta kemur fram í
skýrslu rannsóknarnefndar umferð-
arslysa.
Algengasta tegund banaslysa er
framanákeyrslur og þær ásamt hlið-
arárekstrum voru mun algengari í
fyrra en árin áður en tilvik útafakst-
urs og aksturs á gangandi vegfar-
endur að sama skapi færri.
Þyngdarmunur ökutækja
meginþáttur í banaslysum
Flestir látinna í umferðarslysum
árið 2000 voru á aldrinum 15–25 ára,
eða 30%. Næstmestur fjöldi var í
aldurshópnum 45–54 ára. Mun fleiri
karlar en konur létust í umferðar-
slysum, eða 65%. Þótt flest umferð-
arslys verði í þéttbýli verða langflest
banaslys í dreifbýli, eða 74% allra
banaslysa. Flest áttu banaslysin sér
stað að degi til, 41%, á árstímanum
janúar-mars og október-desember,
eða samtals 60%. Í skýrslunni segir
að brestur á notkun bílbelta sé ein
meginorsök þess að fólk lætur lífið í
umferðarslysum. Árið 2000 voru
40% þeirra sem létust án bílbelta.
Í gögnum rannsóknarnefndarinn-
ar kemur fram að þyngdarmunur
ökutækja er meginþáttur í banaslys-
um. Á árunum 1998–2000 er árekst-
ur milli fólksbifreiða og jeppa al-
gengastur þegar banaslys eiga í hlut,
eða í alls 8 tilfellum. Í flestum til-
vikum er þyngdarmunur fólksbif-
reiðar og jeppa nærri tvöfaldur.
Í skýrslunni segir að það liggi fyr-
ir að í blandaðri umferð fólksbifreiða
og stærri bifreiða sé öruggara að
vera á stærri bíl. Þeir séu þyngri og
sterkbyggðari og meðsl fólks í stærri
bílunum séu almennt minni. „Hvað
varðar umferðaröryggi í heild þá
hefur verið reiknað út að minnki
meðalþyngd bílaflotans um tiltekið
hlutfall, þá myndi alvarlegum
meiðslum í umferðarslysum fækka
þar sem árekstrar yrðu ekki eins
harðir. M.ö.o. ef taka ætti ákvörðun
um að jafna út þyngd ökutækja og
velja á milli þess að allir ökumenn
væru á léttum bílum eða þungum bíl-
um þá yrðu léttari bílarnir fyrir val-
inu.
Tvö bílbelti slitnuðu
vegna yfirálags
Rannsóknarnefnd umferðarslysa
telur verulega hættu fólgna í því að
ökumenn tali í farsíma á meðan á
akstri stendur. Rannsóknarnefndin
fagnar samþykkt lagafrumvarps um
bann við farsímanotkun í bifreiðum
án handfrjáls búnaðar.
Þrír farþegar í hópbifreiðum létu
lífið í fyrra og allmargir hlutu alvar-
leg meiðsli. Í skýrslunni segir að
áberandi sé hversu mikill skaði verði
vegna þess að fólk fer á hreyfingu í
bílunum í stað þess að vera fest niður
í sæti í bílbeltum. Rannsóknarnefnd-
in styður tillögur vinnuhóps dóms-
málaráðherra um að lagaskylda
verði að hafa bílbelti í hópbifreiðum
sem eru ætlaðar til sérleyfis- og hóp-
ferðaaksturs.
Rannsóknarnefndin beinir þeirri
athugasemd til Skráningarstofunnar
hvort herða þurfi eftirlit með prófun
bílbelta, en nefndin lét Iðntækni-
stofnun framkvæmda prófanir á
tveimur bílbeltum þar sem grunur
lék á að þau hefðu slitnað í slysum. Í
báðum tilvikum ályktaði Iðntækni-
stofnun að beltin hefðu gefið sig
vegna yfirálags. Jafnframt varar
nefndin við rangri notkun bílbelta en
í einu banaslysa ársins 2000 var
meginorsök talin röng notkun bíl-
beltis.
Í tveimur banaslysum ársins 2000
var aðalorsök talin sú að bílstjóri
hefði dottað eða sofnað undir stýri.
Rannsóknarnefndin sendi frá sér
tíu formlega bréf á síðasta ári með
athugasemdum sem varða umferð-
aröryggismál. Fimm bréfanna voru
til vegamálastjóra með ábendingum
um merkingar, hámarkshraða og
hættu á gatnamótum. Almennt var
vel tekið í ábendingarnar og við-
brögðin þau að brugðist var við með
breytingum eða lagfæringum.
Í skýrslunni segir að ljóst sé að ef
eitthvað fer úrskeiðis í akstri hóp-
bifreiða í farþegaflutningum sé hætt
við að slys á fólki verði mikil og
kostnaður vegna slysanna geysihár.
Samkvæmt útreikningum Hagfræði-
stofnunar HÍ er meðalkostnaður,
sem er samtala persónulegs tjóns og
samfélagslegs kostnaðar, vegna lít-
illa meiðsla áætlaður 2 milljónir kr.,
alvarlegra meiðsla 19 milljónir kr. og
banaslysa 147 milljónir kr. Áætlaður
heildarkostnaður vegna 10 alvarleg-
ustu hópbifreiðarslysa á Íslandi
1995–2000, miðað við forsendur
Hagfræðistofnunar, er nærri tveir
milljarðar kr.
Stjórn og samræm-
ingu aðgerða um
margt ábótavant
Skýrsla rannsóknarnefndar umferðarslysa
– 32 létust í umferðarslysum árið 2000
VEGNA fréttar sem birtist í Morg-
unblaðinu í gær varðandi veitinga-
skipið Thor, skal það áréttað að skip-
inu var ekki lokað heldur var það
flutt á milli staða. Skipið var staðsett
við Norðurbakkann í Hafnarfirði en
er nú við Ingólfsgarð í Reykjavík.
Yfirþjónn skipsins heitir Þórarinn
Þór en ekki Þórsteinn eins og sagt
var í fréttinni. Beðist er velvirðingar
á þessum mistökum.
LEIÐRÉTT
♦ ♦ ♦
♦ ♦ ♦
FERÐAFÉLAG ÍSLANDS verður
með kvöldgöngu í kvöld um Helgadal
og Þormóðsdal. Gangan tekur tæpar
3 klst. í grennd við Hafravatn. Brott-
för er frá BSÍ kl. 19.30, komið við í
Mörkinni 6. Verð 1.000 kr. til félags-
manna en 1.300 kr. fyrir aðra.
Kvöldganga
við Hafravatn
ALMENNINGI verður gefinn
kostur á að sjá sýnishorn úr vænt-
anlegum kvikmyndum Sambíóanna
og Háskólabíós. Er þetta gert
vegna margra áskorana, bæði aug-
lýsenda og kvikmyndaáhuga-
manna.
Dagskráin er sem hér segir:
Miðvikudaginn 11. júlí í Kringlu-
bíói kl. 16, 18, 20, 22 og 23.15.
Fimmtudaginn 12. júlí í Nýja Bíói
Akureyri kl. 20 Aðgangur verður
ókeypis og lengdin er 76 mínútur.
Sýnishorn úr
væntanlegum
myndum
ÚTIVIST fer í kvöld kl. 20.00 í
göngu um eina fallegustu hrauntröð
suðvestanlands, Búrfellsgjá, og
einnig er gengið í Búrfellsgjá. Þetta
er um tveggja klst. auðveld ganga.
Verð 700 kr. fyrir félaga og 900 kr.
fyrir aðra.
Brottför frá BSÍ. Miðar í farmiða-
sölu. Nánari upplýsingar á heima-
síðu: utivist.is.
Kvöldganga
í Búrfellsgjá
og Selgjá
♦ ♦ ♦
HIN ÁRLEGA sumarhátíð
Vinnuskóla Reykjavíkur verður
haldin í Laugardalnum fimmtu-
daginn 12. júlí næstkomandi.
Í ár hefst hátíðin kl. 9.30 á
ýmsum leikjum og íþrótta-
keppnum. Til dæmis verður þar
fótbolti, körfubolti frjálsar
íþróttir, botsía, hæfileika-
keppni, hjólastólarallý, jóga o.fl.
Einnig munu nemendur
spreyta sig á veggjalist (graffiti)
og búa til skúlptúr.
Götuleikhúsið verður með
óvæntar uppákomur á svæðinu.
Þegar klukkan nálgast tólf á
hádegi mun dagskráin á sviðinu
hefjast með ávarpi Arnfinns
Jónssonar, skólastjóra Vinnu-
skólans. Meðal skemmtiatriða
má nefna söng- og dansatriði frá
nemendum Vinnuskólans. Leik-
listarfélagið Ofleikur sem sam-
anstendur af 30 ungmennum á
aldrinum 14-16 ára verður með
atriði úr leikritinu E. Hljóm-
sveitirnar Feak disorder og
Heroglyms leika. Boðið verður
upp á veitingar frá Goða og Eg-
ils. Ungir götudansarar dansa
fyrir hátíðargesti og að lokum
munu strákarnir í hljómsveit-
inni Í svörtum fötum skemmta
ungmennunum. Kynnir dagsins
verður leikarinn og Geirfuglinn
Halldór Gylfason.
Hátíðinni lýkur um kl. 14.
Sumarhátíð
Vinnuskólans
í Laugardal
Ný snyrti-
stofa
CLARINS studio heitir ný snyrti-
stofa á Skólavörðustíg 6b. Eigandi
stofunnar er Guðmunda Jakobsdótt-
ir snyrtifræðingur.
Boðið er upp á sérhæfðar Clarins-
andlits- og líkamsmeðferðir sem
hafa notið mikilla vinsælda um allan
heim. Stofan býður einnig upp á alla
almenna snyrtingu þ.e. litun, vax-
meðferð, fótsnyrtingu, handsnyrt-
ingu, förðun og varanlega rafmagns-
háreyðingu. Eingöngu er unnið úr
Clarins-snyrtivörum og eru þær
jafnframt seldar á stofunni.
Opið er virka daga kl. 10-18 og
laugardaga 10-14. Yfir vetrartímann
er opið til kl. 21 á fimmtudögum.