Morgunblaðið - 24.07.2001, Blaðsíða 2
BANASLYS varð um miðnætti að-
faranótt mánudags, þegar liðsmaður
bandaríska sjóhersins á Keflavíkur-
flugvelli féll í Valbjargargjá við
Reykjanesvita, þar sem hann var við
klifur, niður í grýtta fjöruna. Hinn
látni hét Jeffrey J. Lewandowski, 22
ára gamall. Hann var frá Nokesville í
Virginíufylki.
Maðurinn sem lést hafði verið á
göngu ásamt tveimur félögum sín-
um.
Samkvæmt upplýsingum lögregl-
unnar í Keflavík sáu félagar manns-
ins ekki þegar hann féll, en bergið á
þessum stað er 30-40 metra hátt.
Komu þeir að honum í fjörunni og
reyndu lífgunartilraunir án árang-
urs. Björgunarsveitin Þorbjörn kom
sjóleiðis á slysstað og fór með hinn
látna að sjúkrabíl, sem flutti hann á
Heilbrigðisstofnun Suðurnesja.
Samkvæmt upplýsingum Varnar-
liðsins var hinn látni í sjóhernum og
starfaði hann á spítala vallarins.
Hann hafði verið á Íslandi frá því í
apríl á þessu ári.
Banaslys
við gamla
Reykja-
nesvitann
FRÉTTIR
2 ÞRIÐJUDAGUR 24. JÚLÍ 2001 MORGUNBLAÐIÐ
Fylgstu
með
nýjustu
fréttum
www.mbl.isJóhann B. Guðmundsson fór
á kostum með Lyn í Noregi / B5
Fylkir með ÍA, FH og KA í undanúrslit
í bikarkeppninni / B2
12 SÍÐUR40 SÍÐUR
Sérblöð í dag
Á ÞRIÐJUDÖGUM
PÁLL Pétursson félagsmálaráð-
herra hefur með úrskurði fellt úr
gildi þá ákvörðun heilbrigðisnefnd-
ar Vesturlands frá 13. september
2000, að hafna því að taka til efnis-
legrar afgreiðslu umsókn Stjörnu-
gríss hf., um starfsleyfi fyrir stækk-
un svínabús síns á Melum í Leirár-
og Melahreppi, nema framkvæmdin
sé tilkynnt til Skipulagsstofnunar.
Líklegt er að Stjörnugrís höfði í
framhaldinu skaðabótamál á hend-
ur ríkinu og krefjist tuga og jafnvel
hundruð milljóna kr. í skaðabætur.
Heilbrigðisnefnd Vesturlands ákvað
í september 2000, að fengnu skrif-
legu áliti umhverfisráðuneytis, að
fyrirhugaðar framkvæmdir við
svínabúið skyldu sæta mati á um-
hverfisáhrifum. Þar var farið eftir
lögum um mat á umhverfisáhrifum
sem tóku gildi 6. júní 2000, en um-
sókn kæranda um starfsleyfið barst
14. apríl sama ár.
3. október 2000 barst umhverf-
isráðuneytinu stjórnsýslukæra
Stjörnugríss á hendur heilbrigðis-
nefnd Vesturlands. Umhverfisráð-
herra kvað upp úrskurð 5. desemb-
er 2000 þess efnis, að ákvörðun
heilbrigðisnefndarinnar skyldi
standa. Stjörnugrís taldi hins vegar
að eldri lög um sama efni ættu að
gilda um framkvæmdina. Höfðaði
Stjörnugrís mál á hendur umhverf-
isráðherra til ógildingar úrskurð-
inum. Niðurstaða Hæstaréttar var
sú að umhverfisráðherra og starfs-
menn ráðuneytisins hefðu verið
vanhæfir og úrskurður ráðherra frá
5. desember því felldur úr gildi,
sem var sama niðurstaða og hafði
orðið í héraði.
Í framhaldi af þessu vék um-
hverfisráðherra sæti og var félags-
málaráðherra settur til að fara með
kærumál Stjörnugríss á hendur
heilbrigðiseftirlitinu. Í úrskurðar-
orðunum nú segir, að heilbrigðis-
nefndin skuli taka umsókn kæranda
til meðferðar að nýju og ber þá að
fara eftir þeim réttarreglum sem í
gildi voru þegar umsókn kæranda
um starfsleyfi barst nefndinni.
Guðjón Ólafur Jónsson hdl., lög-
maður Stjörnugríss, kveðst ekki sjá
efnislega annmarka á því að heil-
brigðisnefndin gefi leyfið út þegar
hún tekur málið fyrir á ný. Þar með
geti reksturinn farið í fullan gang
og þá verði væntanlega í framhald-
inu höfðað skaðabótamál. Til stóð
að slátra 20.000 grísum á ári eftir
stækkun búsins og fyrirtækið hafi
orðið af tekjum sem þessu svarar.
Stjörnugrís telur sig hafa orðið fyr-
ir tuga eða hundruð milljóna kr.
tjóni. Guðjón Ólafur býst við að
leitað verði eftir dómkvaðningu
matsmanna til að sýna fram á að
félagið hafi orðið fyrir tjóni og þá
hve miklu.
Félagsmálaráðherra fellir úr gildi ákvörðun heilbrigðisnefndar Vesturlands
Líklegt að Stjörnugrís höfði
skaðabótamál á hendur ríkinu
Rannsókn Ríkisendurskoðunar
RÍKISENDURSKOÐUN fékk af-
hent í gær gögn frá forsætisráðuneyt-
inu sem tengjast úttekt stofnunarinn-
ar á fjármálaumsýslu Árna Johnsen.
Annars vegar var um að ræða gögn
vegna framkvæmda Vest-norræna
þingmannaráðsins í Bröttuhlíð á
Grænlandi og hins vegar vegna bygg-
ingar stafkirkju í Vestmannaeyjum.
Þær upplýsingar fengust hjá Rík-
isendurskoðun í gær að allir þeir að-
ilar sem leitað hefði verið til vegna
rannsóknarinnar hefðu verið
samvinnufúsir.
Bókhaldsgögn sem verið hafa í
vörslu Árna sjálfs voru ekki komin til
Ríkisendurskoðunar í gær, en þó var
von á þeim á hverri stundu, eins og
það var orðað. Meðal þeirra gagna er
bókhald Bröttuhlíðarverkefnisins
sem Árna, sem formanni byggingar-
nefndar, var afhent á síðasta ári eftir
formlega vígslu sögulegra minja á
Grænlandi.
Forsætisráðuneytið
afhendir gögn
BANASLYS varð á Vesturlandsvegi
við Hafnarfjall aðfaranótt sunnudags,
þegar karlmaður á sjötugsaldri lést
eftir útafakstur bifreiðar sem hann
var farþegi í. Eiginkona mannsins ók
bifreiðinni og var hún flutt á slysa-
deild Landspítalans í Fossvogi, þaðan
sem hún fékk að fara heim að lokinni
læknisskoðun. Samkvæmt upplýsing-
um lögreglunnar í Borgarnesi fór bif-
reiðin út af veginum hægra megin,
stakkst ofan í vegræsi og inn í mold-
arbarð. Maðurinn sem lést var Pálmi
Sigurður Gíslason, fyrrverandi for-
maður Ungmennafélags Íslands,
UMFÍ, og útibússtjóri Landsbankans
við Háaleitisbraut, til heimilis í Eikju-
vogi 25 í Reykjavík. Pálmi lætur eftir
sig eiginkonu, Stellu Guðmundsdótt-
ur og þrjú uppkomin börn.
Pálmi fæddist að Bergsstöðum í
Svartárdal í A-Húnavatnssýslu 2. júlí
árið 1938, sonur Gísla Pálmasonar
bónda og Helgu Einarsdóttur hús-
móður. Hann útskrifaðist úr Sam-
vinnuskólanum árið 1959. Á árunum
1961-1963 vann hann við verslunar-
störf í Danmörku
og var síðan versl-
unarstjóri KRON
til ársins 1968. Þá
réðst Pálmi til
starfa hjá Sam-
vinnubankanum
og var þar uns
bankinn samein-
aðist Landsbank-
anum í ársbyrjun
1991, þar af úti-
bússtjóri við Suðurlandsbraut frá
árinu 1977. Pálmi var áfram útibús-
stjóri hjá Landsbankanum, síðast í
Háaleitisbrautarútibúi til loka apríl sl.
að hann hætti störfum vegna aldurs.
Pálmi var meðal forystumanna í
ungmennafélagshreyfingunni fram á
dánardag. Hann var formaður UMFÍ
frá 1979 til ársins 1993 en hélt áfram
ýmsum störfum fyrir félagið, m.a.
stjórnarsetu hjá Samtökum nor-
rænna ungmennafélaga, NSU. Eftir
að Pálmi hætti hjá Landsbankanum
sl. vor vann hann hjá UMFÍ við efl-
ingu starfs eldri ungmennafélaga.
Lést í bílslysi við
Hafnarfjall
Pálmi S.
Gíslason
MAÐURINN
sem lést um borð
í Smáey VE 144 á
laugardaginn hét
Guðjón Kristinn
Matthíasson til
heimilis að Heið-
arvegi 51 í Vest-
mannaeyjum.
Guðjón var 39
ára gamall.
Hann lætur
eftir sig eiginkonu og þrjú börn.
Maðurinn sem
lést um borð í
Smáeynni
Guðjón Kristinn
Matthíasson
♦ ♦ ♦
Morgunblaðið/Billi
Kerra með
olíu og máln-
ingu valt í
Hafnarfirði
KERRA aftan í bíl valt á hringtorg-
inu við Strandgötu, Fjarðargötu og
Lækjargötu í Hafnarfirði laust fyr-
ir hádegi í gær.
Kerran var full af olíu og máln-
ingu sem nota átti til að merkja göt-
ur. Nokkuð hjóst upp úr malbiki er
hún skall á götunni. Þá dreifðist
mikið af olíu og málningu yfir torg-
ið og urðu tafir á umferð af þeim
sökum. Hreinsunarstarf gekk ágæt-
lega, en þó átti að útvega sérstakt
hreinsiefni til að hreinsa göturnar
enn betur. Kerran fór á hliðina er
hún lenti á kanti hringtorgsins.
Kerran hífð á vörubíl.
♦ ♦ ♦