Morgunblaðið - 24.07.2001, Blaðsíða 8

FRÉTTIR
8 ÞRIÐJUDAGUR 24. JÚLÍ 2001 MORGUNBLAÐIÐ
Málningarstyrkir Hörpu
Sextán hlutu
styrk í ár
Sextán aðilar hafa í árfengið samtals 2.500lítra af málningu frá
Hörpu til viðhalds sögu-
frægra mannvirkja um allt
land og einnig til aðstoðar
félagasamtökum og ein-
staklingum sem vinna að
mannúðarmálum. Helgi
Magnússon framkvæmda-
stjóri Hörpu hefur haft
umsjón með þessum að-
gerðum. Hann var spurður
hver væri tilgangurinn
með þessum málningar-
styrkjum.
„Alls hafa 60 aðilar feng-
ið samtals 10 þúsund lítra
af Hörpumálningu á síð-
ustu fjórum árum. Á þess-
um árum hefur fjöldi húsa
af ýmsum gerðum og
stærðum fengið fallegt út-
lit eftir málun og lagfæringu.
Málningarstyrkirnir frá Hörpu hf.
eru til verðugra umhverfis- og
menningarverkefna víðsvegar um
landið. Þessa styrki hóf fyrirtækið
að veita í þeim tilangi að auðvelda
ýmsum aðilum að fegra og við-
halda mikilvægum mannvirkjum.“
– Hvað ætla þeir sem fá styrk-
ina nú að nota þá til?
„Þeir hyggjast nota styrkina til
þess að endurbæta mannvirki,
vernda gömul menningarverð-
mæti, mála hús á vegum félags-
miðstöðva, kristilegra samtaka og
annarra félgasamtaka. Meðal
þeirra sem hlutu málningarstyrk-
inn í ár má nefna Breiðabólstað-
arkirkju í Vestur-Hópi, Stofnun
Sigurðar Nordals í Reykjavík,
Græna húsið á Siglufirði, sumar-
búðir KFUM í Vatnaskógi, Sól-
berg í Grímsey, Styrktarfélag
lamaðra og fatlaðra og Staðar-
kirkju í Grunnavík.
Undarfarin þrjú ár hafa vel á
fimmta tug mannvirkja notið
málningarstyrksins og eru á ný
orðin augnayndi eftir að hafa verið
máluð allt frá grunni upp í rjáfur.
Harpa hf. vill með þessum hætti
hvetja landsmenn til að mála og
fegra umhverfi sitt og um leið
styðja einstaklinga, félög og sam-
tök sem hafa forystu um góð mál-
efni af þessu tagi.“
– Er mikið sótt um þessa
styrki?
„Fjöldi umsókna ár hvert bend-
ir til þess að mikil þörf sé á að að-
stoða hina ýmsu aðila sem af
áhugamennsku viðhalda margs-
konar verðugum byggingum. Í ár,
eins og undanfarin ár, barst mikill
fjöldi umsókna víðs vegar af land-
inu og dómnefnd átti enn einu
sinni erfitt með að velja úr verk-
efnunum. Til að koma til móts við
þá umsækjendur sem ekki hlutu
styrk að þessu sinni hefur Harpa
hf. ákveðið að veita þeim og öðrum
aðilum sem kaupa málningu á veg-
um góðgerðarfélaga, menningar-
félaga, íþrótta- og ung-
mennafélaga eða vegna
sambærilegrar starf-
semi sérstök kjör. Um-
ræddir aðilar geta
keypt Hörpumálningu
á kostnaðarverði.
Málninguna geta þess-
ir aðilar keypt í verslunum
Hörpu.“
– Hvers konar málningu er
mest sótt um að fá?
„Við höfum ekki skipt okkur af
hvernig fólk notar málningar-
styrkina. Við einfaldlega útdeilum
tilteknum fjölda af lítrum til
þeirra sem styrkina fá og svo er
það þeim í sjálfsvald sett hvers
konar Hörpumálningu þeir taka
út.“
– Hver var kveikjan að þessu
starfi?
„Við gerðum okkur það ljóst að
það eru víða um land hús sem hafa
menningarsögulegt gildi sem
þarfnast viðhalds og einnig höfum
við orðið varir við mikinn fjölda
félagasamtaka og einstaklinga
sem vinna að góðum málefnum.
Þessir aðilar sækjast oft eftir að-
stoð fyrirtækja og okkur kom í
hug að fella þá aðstoð sem við vild-
um leggja fram í þennan farveg.
Við höfum að sjálfsögðu áhuga á
að leggja góðum málum lið og
ákváðum því að auglýsa málning-
arstyrki Hörpu á hverju ári og
gefa fólki kost á að sækja um.
Þetta tiltæki okkar hefur notið
mikilla vinsælda.“
– Er mikil sala að öðru leyti í
málningu núna?
„Sumarið er háannatími í sölu
málningar og ræðst þá salan tals-
vert af veðurfarinu. Við höfum
verið heppin með sumar, það hef-
ur verið gott veður til útimálunar
og mikil sala. Við fáum ekki betur
séð en fagmenn meðal viðskipta-
vina okkar hafi allir mikil verkefni
og svo er fólk einnig duglegt að
mála sjálft og fegra með því hús
sín og önnur mannvirki.“
– Hefur málning breyst í sam-
setningu að undanförnu?
„Nei, það er ekki um
að ræða neinar stór-
vægilegar breytingar.
Við Íslendingar höfum
sterka hefð fyrir ís-
lenskri gæðamálningu
og hjá málningarverk-
smiðjunum á Íslandi,
sem eru fjórar að tölu, hefur um
áratuga skeið verið í gangi öflugt
þróunarstarf sem miðar að því að
finna upp og framleiða íslenska
gæðamálningu fyrir íslenskt veð-
urfar.“
– Þurfum við á Íslandi mjög
sérstaka málningu?
„Við þurfum sterka málningu
sem þolir rysjótt veðurfar. Lita-
tískan þetta árið virðist vera
þannig að allt gengur – bæði dökk-
ir og ljósir litir. Fólk er að færa sig
úr dökku litunum yfir í þá ljósu.“
Helgi Magnússon
 Helgi Magnússon fæddist í
Reykjavík 14. janúar 1949. Hann
lauk stúdentsprófi frá Versl-
unarskóla Íslands 1970 og varð
viðskiptafræðingur frá Háskóla
Íslands 1974. Löggiltur endur-
skoðandi varð hann 1975. Hann
hefur starfað við endurskoð-
unarstörf fram á níunda áratug-
inn, og var eftir það m.a. ritstjóri
Frjálsrar verslunar í fjögur ár og
hefur verið framkvæmdastjóri
Hörpu frá því snemma árs 1992.
Helgi er kvæntur Örnu Ein-
arsdóttur hjúkrunarfræðingi,
þau eignuðust fjögur börn og eru
þrjú þeirra á lífi.
Fólk er að
færa sig úr
dökku lit-
unum yfir
í þá ljósu
TRYGGINGASTOFNUN ríkisins
hefur tekið saman yfirlit greiðslna
vegna fæðingarorlofs fyrir tímabilið
janúar til og með júní 2001. Heildar-
greiðslur úr Fæðingarorlofssjóði á
þessum tíma nema rúmlega 795
milljónum króna og heildar-
greiðslur fæðingarstyrks eru liðlega
83 milljónir króna. Samkvæmt
þessu nema greiðslur samkvæmt
hinum nýju lögum tæplega 879
milljónum króna.
Greiðslur samkvæmt gamla kerf-
inu frá 1. janúar til 30. júní sl. voru
síðan um 470 milljónir króna. Sam-
tals hafa því verið greiddar til fæð-
ingarorlofsmála það sem af er árinu
um 1.350 milljónir króna.
Um áramótin hófust greiðslur úr
Fæðingarorlofssjóði í samræmi við
lög um fæðingar- og foreldraorlof.
Greitt er fæðingarorlof til þeirra
sem eru á vinnumarkaði og eru
mánaðargreiðslur 80% af meðaltali
heildarlauna síðustu tólf mánaða
þegar sótt er um. Einnig er greidd-
ur fæðingarstyrkur, hærri og lægri.
Í fréttatilkynningu frá Trygginga-
stofnun ríkisins segir að hærri
styrkinn fái foreldrar sem séu í
námi; lægri styrkinn fái þeir for-
eldrar sem séu utan vinnumarkaðar
eða í minna en 25% starfi.
Þar segir ennfremur orðrétt: „Í
þeim tilvikum sem móðir er heima-
vinnandi en faðir á vinnumarkaði á
móðirin rétt á lægri fæðingarstyrk
en faðirinn rétt á greiðslum sam-
kvæmt reglunni um 80% heildar-
launa, að uppfylltum skilyrðum.
Samhliða hefur verið greitt sam-
kvæmt eldri lögum um fæðingar-
styrk og fæðingardagpeninga vegna
þeirra sem hófu töku fæðingarorlofs
í lok síðasta árs, en þær greiðslur
eru að fjara út um þetta leyti.“
Greiðslur vegna fæðingarorlofs
Um 1.350 millj-
ónir greiddar
Einu sinni kóngur, alltaf kóngur.
SKIPULAGSSTOFNUN hefur bor-
ist tillaga frá Íslenska kalkþörunga-
félaginu ehf. vegna mats á umhverf-
isáhrifum vegna náms á kalkþör-
ungaseti í Arnarfirði.
Almenningur getur kynnt sér til-
löguna hjá Skipulagsstofnun og lagt
fram skriflegar athugasemdir en
þær þurfa að berast stofnuninni eigi
síðar en 30. júlí nk.
Stefnt er að því að ákvörðun
Skipulagsstofnunar um tillögu fram-
kvæmdaaðila að matsáætlun liggi
fyrir 16. ágúst.
Skipulagsstofnun hefur nú þegar
leitað umsagnar Vesturbyggðar,
Hafrannsóknastofnunar, Hollustu-
verndar ríkisins, Náttúruverndar
ríkisins, iðnaðar- og viðskiptaráðu-
neytisins og Náttúrufræðistofnunar
Íslands.
Umhverf-
ismat vegna
náms á kalk-
þörungaseti
í Arnarfirði