Morgunblaðið - 24.07.2001, Blaðsíða 12

FRÉTTIR
12 ÞRIÐJUDAGUR 24. JÚLÍ 2001 MORGUNBLAÐIÐ
ur Byggðaráðs, sagt í fjölmiðlum að samstaða sé á
meðal flokkanna um sölu á rafveitunni og að Rarik
sé líklegasti kaupandinn.
„Stefán Guðmundsson er í stjórn Rarik og því
segi ég að hann sem sveitarstjórnarmaður geti
ekki unnið að því að selja rafveituna og sem stjórn-
armaður í Rarik unnið að því að kaupa hana. Því
vildi ég að hann sæti hjá í þessari afgreiðslu. Það
var kosið um hvort hann væri vanhæfur og hann
tók þátt í þeirri atkvæðagreiðslu. Síðan var tillagan
borin upp um möguleika á sölu rafveitunnar og hún
var samþykkt með sex atkvæðum gegn fimm.“
Gísli segir að hann hyggist ráðfæra sig við
félagsmálaráðuneytið. „Ég vil að þetta sé skoðað
en ég mun ekki leggja fram kæru. Hann er á mjög
gráu svæði og siðferðislega hefði hann átt að
víkja.“
Tillaga Gísla fráleit
Stefán Guðmundsson telur að tillaga Gísla sé
fráleit eins og hann orðaði það og hann telur sig
ekki vanhæfan í málinu.
Hann segir að Framsóknarflokkurinn og Skaga-
fjarðarlistinn hafi viljað kanna aðra möguleika áð-
ur en ákvörðun um sameiningu veitnanna þriggja
væri tekin.
„Tillagan hljóðar þannig að Byggðaráð sam-
þykkir að ákvörðun um sameiningu Hitaveitu
Skagafjarðar, Vatnsveitu Skagafjarðar og Raf-
veitu Sauðárkróks verði frestað til 1. nóvember nk.
og möguleikar á sölu Rafveitu Sauðárkróks verði
skoðaðir til hlítar.“
Hann segir að því sé ekki verið að taka neina
ákvörðun um sölu á Rafveitu Sauðárkróks.
„Það er verið að tala um möguleika á að selja raf-
veituna en ekki hverjum. Það er ekki einu sinni víst
að Rarik vilji kaupa, ég hef ekki hugmynd um það.
Það er spjallað um alla möguleika. Við vildum, áður
en farið yrði í að sameina þessi fyrirtæki, kanna
hvað við fengjum fyrir rafveituna í sölu til þess að
hafa einhvern samanburð þar sem við erum að
glíma við fjárhagsvanda. Ef það yrði hins vegar
ákveðið að ganga til samninga við Rarik myndi ég
auðvitað víkja, þá væri ég vanhæfur.“
Á SVEITARSTJÓRNARFUNDI í Skagafirði sl.
þriðjudag bar Gísli Gunnarsson, Sjálfstæðisflokki,
upp vantrauststillögu þess efnis að Stefán Guð-
mundsson, Framsóknarflokki, væri vanhæfur til að
fjalla um málefni Rafveitu Sauðárkróks. Ástæðan
er sú að Stefán situr í stjórn Rafmagnsveitna rík-
isins, Rarik, en rætt hefur verið um að Rarik gæti
hugsanlega orðið kaupandi að rafveitunni.
Tillagan var felld með sex atkvæðum gegn fimm.
Gísli Gunnarsson segir að í janúar á þessu ári
hafi verið ákveðið að sameina Rafveitu Sauðár-
króks, Hitaveitu Skagafjarðar og Vatnsveitu
Skagafjarðar. Framsóknarmenn hafi hins vegar
borið fram tillögu í júlí um að fresta sameiningunni
og kanna sölu á rafveitunni. Sjálfstæðismenn hafi
neitað og því hafi framsóknarmenn slitið meirihlut-
anum.
Á mjög gráu svæði
Gísli segir að samkvæmt tillögu Framsóknar-
flokksins eigi að selja rafveituna. Þá hafi Snorri
Styrkársson, fulltrúi Skagafjarðarlista og formað-
Vantrauststillaga borin upp á sveitarstjórnarfundi í Skagafirði
Ágreiningur um hæfi Stendur
ekki til
hér á
landi
STEFÁN Haraldsson, fram-
kvæmdastjóri bílastæðasjóðs,
segir að ekki standi til að taka í
gagnið greiðsluþjónustu fyrir
stöðumæla sem gefur neytend-
um kost á að greiða stöðugjöld
fyrir bílastæði með venjulegum
GSM-síma.
Sænska fjargreiðslufyrir-
tækið Mint AB, sem Íslenski
hugbúnaðarsjóðurinn keypti
nýverið hlut í, hefur hleypt af
stokkunum slíkri greiðsluþjón-
ustu fyrir stöðumæla. Í fyrstu
verður boðið upp á þjónustuna í
bílastæðahúsum fyrirtækisins
Stockholm Parkering og hefur
fyrirtækið áhuga á að bjóða
upp á slíka þjónustu víðar á
Norðurlöndunum í næstu fram-
tíð.
Stefán segir að ýmsir inn-
lendir aðilar, sem hafa haft
áhuga á að þróa svona kerfi,
hafi verið í viðræðum við bíla-
stæðasjóð borgarinnar. Hann
segir að bílastæðasjóður hafi
ekki haft áhuga á að taka þátt í
slíkri þróunarvinnu, það sé
mjög kostnaðarsamt, þar sem
markaðurinn hér sé mjög lítill.
„Við ætlum ekki að vera í far-
arbroddi í þessari tækni, við
ætlum að leyfa öðrum að þróa
þetta og taka svo í gagnið ein-
hverja tækni sem virkar þegar
allir eru tilbúnir,“ segir Stefán.
Hann segir þó ekki víst að þessi
tækni verði nokkurn tímann
tekin í gagnið hér, það fari eftir
því hvernig kerfin reynast er-
lendis.
Klinkkort væntanleg
á markaðinn
Aðspurður hvort einhverra
nýjunga sé að vænta hvað bíla-
stæðagjöld varðar segir Stefán
að bílastæðasjóður muni taka
þátt í verkefni með svokölluð-
um klink- eða snjallkortum sem
bankar og greiðslukortafyrir-
tæki eru að þróa. Kortin myndu
að sögn Stefáns fyrst og fremst
nýtast í miðamælum og
greiðsluvélum í bílastæðahús-
um.
Upphaflega stóð til að byrjað
yrði að prófa þessi kort í vor, en
Einar S. Einarsson, verkefna-
stjóri Klinks-rafeyrisverkefnis
bankakerfisins, segir að verk-
efninu hafi seinkað nokkuð af
tæknilegum ástæðum og vegna
alþjóðlegra krafna um nýja
staðla. Hann segir að tilrauna-
verkefninu verði hleypt af
stokkunum í næsta mánuði.
Klinkkortið er að sögn Ein-
ars ætlað fyrir smágreiðslur og
er einkum lögð áhersla á sjálf-
sala, söluturna og aðra þjón-
ustu, eins og bílastæði, þar sem
fólk borgar yfirleitt lágar upp-
hæðir. Hann segir að í kjölfarið
verði öll debet- og kreditkort
landsmanna endurútgefin
smátt og smátt með rafrænni
pyngju, en reiknað er með að
búið verði að endrnýja kortin
eftir eitt og hálft til tvö ár.
Kortin verða þá búin örgjörva,
en það er, að sögn Einars, krafa
erlendis frá vegna aukins
kortamisferlis að segulröndin
verði lögð af. „Þetta kallar líka
á breytingu á búnaði á viðtöku-
stöðum. Það þarf að taka út
gömlu posana og setja nýja,“
segir Einar. Einnig er reiknað
með að kortin verði með raf-
rænu persónuskilríki, til að
auka öryggi í netviðskiptum.
Stöðumælagjöld
greidd með
GSM-síma
ÚTSÖLUR standa enn yfir í fjölda verslana og eru
dæmi þess að afslátturinn hafi hækkað frá því þær
hófust.
Ljósmyndari Morgunblaðsins skrapp á útsölu í
Hagkaupum í Kringlunni nýlega og komst að raun
um að útsalan þar var enn í fullum gangi. Hægt var
m.a. að gera ágætis kaup á matarstelli með 40% af-
slætti.
Morgunblaðið/Billi
Útsölur í fullum gangi
VÍÐA að berast nú góðar veiði-
fréttir, enda mesti göngutími eins
árs laxins í hámarki og stórstraum-
ur nýafstaðinn. Skilyrði eru og góð
og vatnsmagn hæfilegt eftir vot-
viðri að undanförnu.
Stórir birtingar
í Kjósinni
Fast að 500 laxar eru komnir á
land úr Laxá í Kjós og sagði Ásgeir
Heiðar, umsjónarmaður árinnar, að
göngur væru góðar og stöðugar.
„Svo er hérna í bland ótrúleg sjó-
birtingsveiði. Við erum komnir með
150 fiska á land sem eru þyngri en 4
pund og það má heita að daglega
veiðist upp í 8–9 punda fiskar.
Menn gapa bara yfir þessu og þess-
ir fiskar veiðast jafnt í logni og sól
sem þyngra veðri. Það eru nýju
glæru flugulínurnar sem skipta
sköpum, menn eru að fá fiska sem
hefðu áður fælst burt,“ sagði Ás-
geir.
Stórlax í Selá
Rafn Hafnfjörð sagði í gær að
Selá í Vopnafirði væri komin með
275 laxa sem væri „alveg frábært“
miðað við tíma. Það er meira en á
sama tíma í fyrra, en þá var veiðin
afar góð í ánni. Nýlega landaði Svíi
nokkur laxi sem var skráður 20
pund, en var að sögn vitna líklega
nokkru þyngri, hugsanlega 22
pund. Svíinn setti í laxinn í Djúpu-
botnum en landaði honum ekki fyrr
en í Vaðhyl og hafði þá sá grái ætt í
gegnum fjóra eða fimm hylji.
150 laxa vika
Haukur Geir Garðarsson, einn
umsjónarmanna Laxár í Leirár-
sveit, sagði í samtali við Morgun-
blaðið að mikil og góð veiði hefði
verið í ánni síðustu daga. Síðasta
vikuholl var með 150 laxa og hollið
sem tók við var komið með 60 laxa
eftir aðeins tvo daga. Það eru smá-
laxagöngur sem halda uppi veiðinni
um þessar mundir og sagði Haukur
þær „jafnar og góðar“.
Fréttir héðan og þaðan
Tvö síðustu holl í Gljúfurá hafa
fengið 8 laxa hvort og er fiskur
dreifður í ánni, en ekki mikið magn.
Í gær voru komnir um 45 laxar úr
ánni, sá stærsti 8 punda.
Menn sem hættu nýverið í Álftá
fengu 16 laxa og 14 sjóbirtinga á
tveimur dögum. Var þá laxatalan í
ánni komin í 64 og mikið af birtingi
að auki.
Holl sem hætti nýlega í Hrúta-
fjarðará var með 6 laxa og góða
bleikjuveiði. Fjórir laxanna veidd-
ust síðasta morguninn, þar af tveir
á síðasta hálftímanum. Voru það
nýgengnir smálaxar.
Þá munu komnir um 60 laxar úr
Svartá, sem þykir nokkuð gott.
Laxinn er vel dreifður í ánni og ár-
mótin við Blöndu eru einnig sterk
og þar liggur mikið af laxi. Mikill
bolti slapp þar um helgina, lax sem
álitinn var um eða yfir 20 pund.
Veiðin víða
mjög góð
ERU ÞEIR AÐ FÁ’ANN?
Snorri Þorkelsson veiddi maríulaxinn sinn á svarta Frances í Laxá í Döl-
um fyrir nokkru. Var það 6 punda hængur og hér nagar hann veiðiugg-
ann af að veiðimannasið.
Segja sig
frá rann-
sókn um-
ferðarslyss
ÓLAFUR K. Ólafsson, sýslumaður í
Stykkishólmi, hefur tekið ákvörðun
um að hann og lögreglumaður í bæn-
um segi sig frá rannsókn á umferð-
arslysi sem varð fyrir utan skemmti-
stað í bænum aðfaranótt sunnudags.
Ólafur segir að ekki sé vitað ná-
kvæmlega hvernig atburðarásin að
slysinu var nema það að ungur mað-
ur varð fyrir bíl fyrir utan skemmti-
staðinn og féll hann við það í götuna.
Ökumaður bílsins er sonur lög-
reglumanns í bænum og sonur sýslu-
mannsins var farþegi, sem veldur því
að Ólafur tekur þessa ákvörðun.
„Ég sem lögreglustjóri mun óska
eftir því að öðrum verði falin rann-
sókn þessa slyss og mun ég senda
ríkissaksóknara bréf þess efnis.“
Maðurinn sem slasaðist var fluttur
með þyrlu undir læknishendur í
Reykjavík. Reyndist hann með bein-
brot í hálsi og baki.
„Þegar upp var staðið reyndist
hann lítið slasaður og það er aðal-
atriðið,“ sagði Ólafur.