Morgunblaðið - 24.07.2001, Blaðsíða 13

HÖFUÐBORGARSVÆÐIÐ
MORGUNBLAÐIÐ ÞRIÐJUDAGUR 24. JÚLÍ 2001 13
SAMTÖK um betri byggð
gagnrýna fyrirhugaða samein-
ingu Borgarskipulags og
byggingarfulltrúa og telja að
verið sé að breiða yfir vandann
í skipulags- og byggingarmál-
um borgarinnar. Skipulags- og
byggingarnefnd samþykkti
fyrr í sumar að leggja til við
borgarráð að embætti bygg-
ingarfulltrúa og Borgarskipu-
lag yrðu endurskipulögð í einni
stofnun frá og með 1. nóvem-
ber nk. Stýrihópur sem vann
að úttekt á starfsemi embætt-
anna taldi að meðal kosta þess
að sameina embættin mætti
nefna sameiginlega afgreiðslu
og móttöku gagna, samræmda
og sameiginlega símaþjónustu,
hugsanlega betri nýtingu
starfsmanna og möguleika á að
sinna betur verkefnum sem
setið hafa á hakanum, t.d.
kynningum og almanna-
tengslum. Mikilvægast væri
þó að ná fram betri samræm-
ingu á undirbúningi mála sem
ættu að fara fyrir skipulags- og
byggingarnefnd.
Samtök um betri byggð telja
að skipulagssviðið þurfi að
vera betur í stakk búið til að
taka upp nánari samvinnu við
skipulagssvið nágrannasveit-
arfélaga. Helstu verksvið verði
langtímastefnumótun um þró-
un höfuðborgarinnar, umsjón
með lögformlegri deiliskipu-
lagningu og borgarhönnun.
Samtök um betri byggð ráða
borgaryfirvöldum frá „órök-
studdum og vanhugsuðum
smáskammtalækningum í lok
kjörtímabils með breytingum
sem munu gera illt ástand
verra og torvelda löngu tíma-
bæra heildarendurskoðun
[skipulags- og byggingar-
mála],“ að því er segir í grein-
argerðinni.
„Á undanförnum árum hef-
ur „samstarf“ Borgarskipu-
lags og byggingarfulltrúa auk-
ist svo mjög, að hvorug
stofnunin er lengur fær um að
sinna hlutverki sínu eins og
vera ber. Þetta samstarf er
þvingað og að baki því liggja
þrjár veigamiklar orsakir, sem
oftar en ekki verka saman:
1. Við endurskoðun skipu-
lagslaga 1993 var grenndar-
réttur efldur verulega. Með ár-
unum hefur túlkun á
grenndarrétti orðið æ víðtæk-
ari, m.a. vegna ófremdar-
ástands í deiliskipulagsmálum
borgarinnar (sbr. lið 2). Í eldri
hverfum Reykjavíkur hamlar
þetta eðlilegri endurhæfingu
byggðarinnar. Fjölmörg dæmi
eru um fasteignaeigendur,
sem eitt sinn nýttu sér lang-
sóttan umsagnarrétt um
áform granna, en verða síðar
sjálfir fyrir barðinu á ámóta
langsóttri umsögn sömu
granna.
2. Í endurskoðuðum út-
gáfum skipulagslaga voru
lagðar skýrari línur um gerð
lögformlegs deiliskipulags til
samræmis við sambærilega
skipulagsvinnu í Evrópu og
víðar til að tryggja betur hags-
muni almennra borgara og
framkvæmdaraðila. Skipu-
lagsyfirvöld í Reykjavík sinntu
til skamms tíma ekki kröfum
um ný vinnubrögð og er nú svo
komið að einungis örlítill hluti
byggðar vestan Elliðaáa býr
við lögformlegt deiliskipulag.
Við þessar aðstæður þarf að
auglýsa nýtt deiliskipulag og
jafnvel breytingar á aðalskipu-
lagi í hvert sinn, sem áformuð
er breyting í eldri byggð. Með
þessu verklagi er til orðinn
vítahringur, því þannig glatar
Borgarskipulag, sem nú þegar
er ofhlaðið störfum, endanlega
allri yfirsýn yfir stöðuna í
skipulagsmálum borgarinnar.“
„3. Gildandi lög og reglu-
gerðir um skipulags- og bygg-
ingarmál og tengdir bálkar
laga og reglna miðast einkum
við þarfir dreifðrar byggðar og
torvelda því að sama skapi
tímabæra þéttingu byggðar og
uppbyggingu og endurnýjun í
miðborg Reykjavíkur og á öðr-
um miðsvæðum.
Með sameiningu skipulags-
nefndar og byggingarnefndar
haustið 2000 voru borgaryfir-
völd að bregðast við einkenn-
um aðsteðjandi vanda án þess
að takast á við rót hans. Síðan
þá hefur nýja nefndin verið án
eins afgerandi framkvæmda-
stjóra. Ný tillaga að samein-
ingu sjálfra embættanna er af
sama toga og mun hún stuðla
að því að breiða enn frekar yfir
og auka vandann.“
Telja að verið
sé að breiða
yfir vandann
Reykjavík
Sameining Borgarskipulags
og byggingafulltrúa gagnrýnd
Í FRÉTT Morgunblaðsins á laug-
ardag var sagt frá ráðningu Leifs
S. Garðarssonar í stöðu annars
tveggja aðstoðarskólastjóra við
Öldutúnsskóla í Hafnarfirði. Hjá
Hafnarfjarðarbæ fengust þær upp-
lýsingar, að Leifur yrði staðgengill
skólastjóra. Hafnarfjarðarbær vill
koma því á framfæri, með beiðni
um velvirðingu hlutaðeigandi, að
misskilningur olli því að upplýsing-
ar um staðgengilshlutverk Leifs
voru gefnar, því í Öldutúnsskóla
starfar Hulda Sigurðardóttir sem
aðstoðarskólastjóri I, og hefur hún
gegnt því starfi mörg undanfarin
ár, þar með talið að vera staðgeng-
ill skólastjóra.
Hulda Sigurðardóttir
staðgengill skólastjóra
Hafnarfjörður
GULLMÓT Járnbendingar
og Breiðabliks í knatt-
spyrnu fyrir stúlkur í 2. til
6. flokki var haldið í Kópa-
vogi dagana 19. til 22. júlí.
Samkvæmt upplýsingum frá
Ungmennafélaginu Breiða-
bliki tóku 30 lið þátt í
mótinu og þátttakendur
voru því um 1.000 talsins á
aldrinum 5-16 ára. Liðin
komu víðsvegar að af land-
inu og gistu keppendur af
landsbyggðinni í Smára-
skóla meðan á mótinu stóð.
Í tengslum við gullmótið
var ýmislegt gert til
skemmtunar. Mótið hófst á
skrúðgöngu frá Digra-
neskirkju að íþróttahúsinu í
Smáranum þar sem töfra-
maðurinn Mighty Gareth
tróð upp. Mótsdagana voru
haldnar kvöldvökur og kvik-
myndasýningar að keppni
lokinni og á sunnudag var
svo grillveisla fyrir alla
þátttakendur í lok mótsins.
Úrslit mótsins urðu þann-
ig að Breiðablik varð gull-
mótsmeistari í 4. flokki B, 5.
flokki A og B og 6. flokki B.
Víðir varð meistari í 2.
flokki, Þór, A., í 3. flokki A,
Ægir í 3. flokki B, Haukar í
4. flokki A og ÍBV í 6. flokki
A.
1.000 knattspyrnustúlkur í Kópavogi um helgina
Tóku
þátt í
gullmóti
Kópavogur
Morgunblaðið/Jim Smart
Eins og sjá má á þessari mynd var hart barist um boltann á Gullmótinu en sex lið unnu til
gullverðlauna í Kópavoginum um helgina.
Gott er að hafa lukkudýr sér til halds og trausts í erfiðri keppni og þessi myndarlegi bangsi
hefur eflaust hvatt Stjörnustúlkur til dáða á mótinu.
SIGURÐUR Geirdal bæjar-
stjóri Kópavogs segir bæjar-
ráð Kópavogs hafa í huga að
ráða starfsmann sem gegnir
stöðu lögreglumanns í sam-
vinnu við dómsmálaráðuneytið
og muni viðkomandi sjá um að
fræða grunnskólabörn í Kópa-
vogi um skaðsemi fíkniefna og
vinna gegn útbreiðslu þeirra.
Hugmynd bæjarráðs er sú að
viðkomandi lögreglumaður
hafi aðsetur hjá sýslumannin-
um í Kópavogi og starfi undir
stjórn hans, en bæjarráð taki á
sig launakostnað sem af emb-
ættinu hlýst.
Að sögn Sigurðar ber pen-
ingaleysi oft á góma þegar
rætt er um þörf á aukinni
gæslu. „Hjá Kópavogsbæ hafa
menn rætt um að gott væri ef
einn aðili í lögreglunni gæti
sinnt starfi með unglingum í
grunnskólum. Markmið bæj-
arráðs með þessari hugmynd
er að láta féskort ekki stöðva
það að af þessu verði, heldur
vinna málið í samvinnu við
dómsmálaráðuneytið og
leggja til fé til að bera kostnað
af þessari stöðu,“ segir Sigurð-
ur. Sigurður telur að þessi
hugmynd sé ný af nálinni, en
bendir á að hún verði ekki
framkvæmd nema í samvinnu
við dómsmálaráðuneytið og
sýslumanninn í Kópavogi.
„Þetta er enn á hugmyndastigi
og hefur dómsmálaráðuneyt-
inu verið sent bréf og þremur
embættismönnum verið falið
að ræða við dómsmálaráð-
herra hvernig unnt sé að koma
þessu fyrir,“ segir Sigurður.
Að sögn Sigurðar hefur
mikið forvarnarstarf verið
unnið í Kópavogi í gegnum tíð-
ina af forvarnarfulltrúum á
fræðslu- og félagssviði bæjar-
ins, af kirkjunni, foreldrum,
félagsmiðstöðvum og á öðrum
vettvangi. Ef af verður, mun
hin nýja staða lögreglumanns
verða viðbót við það starf sem
þegar er unnið í þessum mál-
um í Kópavogi. „Okkur fannst
að það yrði mikill styrkur ef
einhver innan lögreglunnar
fengi sem aðalverkefni að
fræða krakkana og fylgjast
með því sem er að gerast.“
Kópavogsbær vill ráða lögreglumann í forvarnastarf
Vinni gegn útbreiðslu
fíkniefna í grunnskólum
Kópavogur
MALBIKUNARFRAM-
KVÆMDIR hafa staðið yfir í höf-
uðborginni í sumar þegar veður er
þurrt og samkvæmt upplýsingum
frá gatnamálastjóra var malbikað í
Skipholti sl. laugardag og í Stór-
holti í gær. Nokkuð hefur verið um
lokanir á götum vegna malbikunar-
framkvæmda en að sögn gatna-
málastjóra er það mál verktaka og
lögreglu að ákveða hvernig staðið
skuli að þeim hverju sinni.
Malbikað í Reykjavík
Reykjavík