Morgunblaðið - 24.07.2001, Blaðsíða 15
SUÐURNES
MORGUNBLAÐIÐ ÞRIÐJUDAGUR 24. JÚLÍ 2001 15
ⓦ í Ytri-Njarðvík
Upplýsingar
veitir
umboðsmaður
á staðnum,
Eva Gunnþórs-
dóttir í síma
4213475.
ALÞJÓÐLEGT yfirbragð er á
starfinu í Rannsóknastöðinni í
Sandgerði um þessar mundir,
eins og oft áður. Þar stendur nú
yfir alþjóðlegt námskeið í nútíma-
legri flokkunarfræði burstaorma.
Námskeiðið sækja sjávarlíf-
fræðinemar víða að, frá Rúss-
landi, Bandaríkjunum, Mexíkó,
Brasilíu, Noregi, Portúgal og
Japan. Og kennararnir koma
einnig úr ýmsum áttum, Fredrik
Pleijel frá Frakklandi og Greg
Rouse frá Ástralíu en auk þeirra
eru hér við störf þeir Alfanso A.
Ramos prófessor frá Spáni og
Rússi að nafni Vasily Radasevsky,
en þeir hafa báðir verið áður við
störf í Fræðasetrinu. Skipuleggj-
andi og stjórnandi námskeiðsins
er Elín Sigvaldadóttir, sjávarlíf-
fræðingur hjá Náttúrufræðistofn-
un.
Morgunblaðið/Reynir Sveinsson
Hópurinn sem fjallar um flokkun burstaorma fyrir framan Fræðasetrið.
Læra flokkun burstaorma
Sandgerði
miðjan næsta mánuð. Fyrirhugað er
að byggja að minnsta kosti fimm
tanka í upphafi og leigja þá út. Segir
Einar að mikill áhugi sé á þessum
viðskiptum og gæti svo farið að
byggja þurfi fleiri tanka. Sagði hann
notkun ekki einskorðast við olíu,
einnig væri hugsanlegt að leigja
tanka til geymslu á lýsi svo dæmi
væri tekið.
Hann telur að áhugi sé hjá olíu-
félögunum sem selja flugvélaelds-
neyti til Flugleiða og annarra flug-
félaga á Keflavíkurflugvelli að leigja
þarna aðstöðu enda segir hann að
ætlunin sé að leggja leiðslu frá tönk-
unum og upp á Keflavíkurflugvöll.
Eldsneyti þetta er nú flutt á bílum frá
Reykjavík og hafa flutningarnir sætt
gagnrýni. Einar leggur á það áherslu
að hugmyndin að byggingu og
rekstri tankanna sé algerlega við-
skiptalegs eðlis og taki ekki mið af
hugsanlegum þrýstingi Suðurnesja-
manna að losa eldsneytisflutninginn
af Reykjanesbrautinni.
Þá staðfestir Einar að nýtt íslenskt
olíufélag, Íslandsolía, hafi sýnt áhuga
á að leigja tankapláss. Það fyrirtæki
STOFNAÐ hefur verið fyrirtækið
Tankabú Helguvíkur til að byggja og
reka olíutanka í Helguvík í Reykja-
nesbæ. Stjórnarformaður fyrirtækis-
ins segir að mikill áhugi sé að fá leigt
hjá þeim tankapláss. Búist er við að
nýtt íslenskt olíufélag, Íslandsolía,
verði meðal viðskiptavina.
Hafnasamlag Suðurnesja hefur
lengi kynnt Helguvík sem ákjósan-
legan stað til olíuuppskipunar, meðal
annars fyrir flugvélaeldsneyti fyrir
Flugleiðir og aðra starfsemi á Kefla-
víkurflugvelli. Varnarliðið er með
eigin olíubirgðastöð þar. Hafnasam-
lagið hefur úthlutað lóðum á hafnar-
svæðinu, meðal annars til Skeljungs
sem nú hefur samning við Flugleiðir
um sölu á flugvélaeldsneyti, Irving
Oil og fleiri aðila, en aldrei orðið úr
framkvæmdum hjá viðkomandi fyr-
irtækjum. Nú hefur félag sem verk-
takar á Suðurnesjum og áhugamenn
um málið standa að fengið lóð við suð-
urhluta Helguvíkur.
Undirbúa stofnun
nýs olíufélags
Að sögn Einars Bjarnasonar,
framkvæmdastjóra Norex, sem er
stjórnarformaður Tankabús Helgu-
víkur, er ætlunin að hefjast handa um
hafi verið með í umræðunni frá upp-
hafi.
Jón Gunnar Aðils, forsvarsmaður
hópsins sem unnið hefur að undir-
búningi nýja olíufélagsins í hálft ann-
að ár, segir að ekki sé búið að stofna
félag og ýmsir samningar ófrágengn-
ir. Hann segir að hugmyndin sé að
leggja áherslu á sölu á gasolíu. Að
undirbúningnum standa innlendir
aðilar með hugsanlegri þátttöku er-
lendra. Jón Gunnar segist ekki geta
upplýst nánar um málið vegna þess
að eftir sé að ganga frá samningum.
Vonast hann til að mál skýrist á
næstu vikum og að hægt verði að
hefja starfsemi um áramót.
Rétta aðferðin
Pétur Jóhannsson, hafnarstjóri
hjá Hafnasamlagi Suðurnesja, bind-
ur vonir við að nú loksins verði af
byggingu olíugeyma í Helguvík en í
ljósi sögunnar sé ekkert hægt að full-
yrða um það fyrr en framkvæmdir
hefjist. „Það er rétta aðferðin að gera
þetta svona, að sjálfstætt fyrirtæki
reisi tankana og leigi þá hverjum sem
er,“ segir Pétur. Hann segir að rekst-
urinn muni færa höfninni auknar
tekjur af vörugjöldum. Það muni
hjálpa upp á rekstur Hafnasamlags-
ins, sem rekið hefur verið með halla á
undanförnum árum, en þó ekki ráða
úrslitum um afkomuna.
Byggja fimm geymslu-
tanka við höfnina
Nýtt íslenskt
olíufélag fær
þar aðstöðu
Helguvík
ELDUR kom upp í eldhúsi í ein-
býlishúsi við Suðurgötu 19 í Kefla-
vík upp úr miðnætti í fyrrinótt.
Kona með tvö börn flúði úr húsinu.
Slökkvilið var kallað á staðinn og
gekk greiðlega að slökkva eldinn.
Margrét Eysteinsdóttir, íbúi í
húsinu, vaknaði við hávaða frá reyk-
skynjara og reykjarlykt. Hún vakti
börnin sín tvö, tæplega tveggja ára
gamla dóttur og sjö ára gamlan son,
og flúði úr húsinu. Að hennar sögn
varð það þeim til happs að svefn-
herbergi eru á neðstu hæð hússins
en húsið er á þremur hæðum. Þess
má geta að húsið er úr timbri. Eng-
in slys urðu á fólki.
Þær upplýsingar fengust hjá
slökkviliðinu í Keflavík að svo
virtist sem eldurinn hefði átt upp-
tök sín í uppþvottavél. Töluverðar
skemmdir urðu á eldhúsinnréttingu.
Þá urðu töluverðar skemmdir af
völdum vatns og reyks en vatnslögn
sem tengist í uppþvottavélina fór í
sundur og flæddi heitt vatn um
íbúðina.
Ljósmynd/Hilmar Bragi
Brunaverðir við vinnu í húsinu við Suðurgötu í fyrrinótt.
Kviknaði í húsi út frá uppþvottavél
Móðir flúði út
með tvö börn
Keflavík
BÆJARRÁÐ Reykjanesbæjar hef-
ur skipað Ellert Eiríksson bæjar-
stjóra og Reyni Ólafsson viðskipta-
fræðing í skilanefnd vegna
Hafnasamlags Suðurnesja.
Hafnasamlag Suðurnesja er í eigu
Reykjanesbæjar, Gerðahrepps og
Vatnsleysustrandarhrepps en síð-
astnefnda sveitarfélagið tilkynnti úr-
sögn úr því í lok síðasta árs. Sam-
kvæmt samþykktum samlagsins á
úrsögnin að taka gildi ári eftir upp-
sögn, það er að segja 1. desember
næstkomandi, og skilanefnd á að
ákveða hvernig skipta eigi eignum
Hafnasamlagsins og skuldum.
Skilanefndin er skipuð tveimur
fulltrúum frá hverjum eiganda.
Skipað í skilanefnd
Reykjanesbær
NOKKUÐ er um að vegaxlir sem
lagðar voru í fyrra meðfram Reykja-
nesbraut séu ekki rétt notaðar. Að
sögn lögreglunnar í Reykjanesbæ
eru dæmi um að þær séu notaðar til
framúraksturs.
Umferðarráð hefur meðal annars
hvatt ökumenn með eftirvagna til að
færa sig út á vegöxl til að hleypa um-
ferð fram úr. Þá hefur Umferðarráð
brýnt fyrir mönnum að vegaxlir séu
ekki notaðar sem bílastæði. Lögregl-
an bendir hins vegar á að nokkuð
vanti upp á að ástand vegaxla sé
nægilega gott til að hægt sé að nota
þær eins og gert er ráð fyrir.
Að sögn lögreglunnar í Reykja-
nesbæ er dæmi um að menn noti
vegaxlir til framúraksturs. Olíumöl
er notuð á axlirnar og segir lögregl-
an að það dugi ekki til þegar stórir
bílar eða rútur eru annars vegar.
Þeir spæni upp bundna slitlaginu svo
að bílar sem á eftir koma fá grjót yfir
sig. Dæmi séu um að menn hafi leitað
til lögreglunnar með mikið skemmda
bíla vegna ágangs frá grjóti. Þannig
sé algengt að rúður brotni og dældir
myndist á lakki. Að sögn lögreglunn-
ar eru dæmi um að 60 manna rútur
hafi tekið fram úr hægra megin.
Lögreglan vill benda á að vara-
samt getur verið fyrir stóra bíla að
aka út á vegaxlir. Þá vill lögreglan
benda á að vegaxlir á alls ekki að
nota til framúraksturs auk þess sem
þar á ekki að stöðva bifreiðar eða
leggja þeim.
Vegaxlir ekki gerðar
fyrir stórar bifreiðar
Morgunblaðið/Þorkell
Að mati lögreglunnar í Reykjanesbæ eru vegaxlir við Reykjanesbraut
ekki gerðar fyrir ökutæki í þyngri kantinum.
Reykjanesbraut