Morgunblaðið - 02.08.2001, Page 14
HÖFUÐBORGARSVÆÐIÐ
14 FIMMTUDAGUR 2. ÁGÚST 2001 MORGUNBLAÐIÐ
UNNIÐ er að viðgerðum á
eldri hlutanum við Flens-
borgarskólann í Hafnarfirði
þessa dagana og eru verklok
áætluð 30. september nk.
Áætlaður kostnaður við
verkið er 30 milljónir króna.
Már Pétursson, formaður
byggingarnefndar Hafnar-
fjarðar, segir að verkið sé í
gjörgæslu.
Í verkinu felst endurnýjun
á gluggum á austur- og norð-
urhlið, á austur-vestur álmu
og á austur- og norðurhlið á
norður-suður álmu. Þá verð-
ur sett upp múreinangrunar-
kerfi með steiningu, steypu-
viðgerðir á sömu hliðum,
ásamt uppsteypu trappa yfir
eldri með snjóbræðslu við
norðurhlið hússins.
Á fundi byggingarnefndar
Hafnarfjarðarbæjar 24. júlí
sl. var bókað að „bygging-
arnefnd átelur Fram-
kvæmdasýslu ríkisins og
byggingarstjóra fyrir að
hefja framkvæmdir án þess
að tilskilin leyfi séu fyrir
hendi.“
Þá segir jafnframt í fund-
argerð nefndarinnar:
„Í bréfi frá Framkvæmda-
sýslu ríkisins dags. 24.07.
2001 er beðið um óskil-
greindan frest á að skila inn
gögnum. Byggingarnefnd
veitir leyfi til að halda áfram
framkvæmdum enda verði
aðal- og séruppdráttum skil-
að inn án ástæðulauss drátt-
ar.“
Hafsteinn Kristjánsson,
byggingatæknifræðingur hjá
Línuhönnun hf., en það fyr-
irtæki sér um hönnun vegna
viðgerða á skólanum,
segir að sendar hafi verið
inn teikningar vegna snjó-
bræðslu í tröppum, en það
hefði gleymst að tilkynna til
byggingarfulltrúa að klæða
ætti skólann með múrein-
angrunarkerfi.
Gleymdist að tilkynna
um klæðningu
„Það gleymdist að til-
kynna þetta,en við fengum
alla vega bráðabirgðaleyfi til
að halda áfram með klæðn-
inguna. Það eina sem gerist
er að veggirnir þykkjast um
12,5 cm en það verður engin
útlitsbreyting á skólanum að
neinu leyti. Þessi klæðning
er til þess að verja steyp-
una.“
Már Pétursson, formaður
byggingarnefndar Hafnar-
fjarðarbæjar, segir að það
hafi verið ofarlega í huga
byggingarnefndar að stöðva
framkvæmdirnar.
„En þar sem við töldum að
þar sem um opinberan aðila
[Framkvæmdasýsla ríkisins]
væri að ræða þá væri í lagi
að stöðva þær ekki. Þó
fannst okkur full ástæða til
að finna að þessu og það sem
gerist núna er að verkið er í
gjörgæslu. Byggingarfulltrú-
inn mun fylgjast nákvæm-
lega með hvað er að gerast.
Þetta er ekki stórt eða flókið
deilumál en okkur þótti ekki
gott að aðili eins og Fram-
kvæmdasýsla ríkisins fylgdi
ekki fyrirskrifuðum laga-
reglum um framgang verka.“
Unnið að viðgerð við Flensborg
Verkið í
gjörgæslu
Hafnarfjörður
VÆNTANLEGT bílastæða-
hús við Suðurgötu í Reykja-
vík hefur verið töluvert rætt
undanfarna daga, en í
sunnudagsblaði Morg-
unblaðsins lýsti Einar Bragi,
íbúi við Suðurgötu, þeirri
skoðun sinni að réttast væri
að færa þennan sögufræga
stað til upprunalegs horfs í
stað þess að reisa þar bíla-
stæðahús. Ljóst er að tölu-
vert rask mun verða í nán-
asta umhverfi hússins verði
af framkvæmdunum og
meðal annars þarf að flytja
burt gömul tré sem standa
við Suðurgötu 4 og óvíst er
hvort tekst að setja þau nið-
ur aftur á sama stað að
verki loknu. Kristín Ein-
arsdóttir, framkvæmda-
stjóri miðborgar, hefur bent
á að væntanlegt bílastæða-
hús muni nýtast öllum í mið-
borginni en þar sé mikill
bílastæðaskortur.
Á myndunum tveimur má
sjá svæðið þar sem til stend-
ur að bílastæðahúsið verði
reist neðanjarðar. Fremst á
efri myndinni sést vænt-
anlegt hótel við Aðalstræti
og mun bílastæðahúsið
verða undir því og ná að
Suðurgötu 8A, en einungis
stendur til að húsið verði
undir Suðurgötunni vest-
anverðri.
Á neðri myndinni sjást
glögglega hin öldnu tré sem
þarf að flytja burt meðan á
byggingu bílastæðahússins
stendur. Trén sem um ræðir
eru fremst á myndinni og
standa fyrir neðan Suð-
urgötu 4. Ekki stendur til að
hrófla við hlyninum sem
stendur austanmegin við
Suðurgötu þar sem áður var
Suðurgata 5.
Bílastæðahúsi ætlaður
staður undir Suðurgötu
Morgunblaðið/Sigurður Jökull
Morgunblaðið/Sigurður Jökull
Miðborg
JÓHANN Óli Hilmarsson,
formaður Fuglaverndarfélags
Íslands, segir að borgaryfir-
völd sinni mjög illa og hafi lít-
inn skilning á umhverfismál-
um borgarinnar.
Segir hann þetta vegna
framkvæmda mislægra
slaufugatnamóta við Vestur-
landsveg og Víkurveg en þar
verður minnsta fjarlægð frá
vegbrún einnar afreinar að
bakka Úlfarsár um 50 metrar.
Framkvæmdin fór í um-
hverfismat og féllst Skipu-
lagsstofnun á hana á sínum
tíma.
Í úrskurði stofnunarinnar
kemur m.a. fram að Náttúru-
fræðistofnun Íslands leggi til
að mannvirkið verði hvergi
nærri ánni en 150 metrar. Þá
bendi Náttúrufræðistofnun á
að svæðið meðfram Úlfarsá
sé borgarverndað sem útivist-
arsvæði og hafi auk þess verið
sett á skrá yfir náttúruminjar
sem ástæða sé til að vernda
að mati sérfræðinga.
Náttúruvernd ríkisins og
Fuglaverndarfélag Íslands
komust að svipaðri niður-
stöðu.
Jóhann segir að fuglalíf á
svæðinu geti skaðast en við
Úlfarsá sé mikilvæg vetrar-
stöð fyrir gulendur en sú teg-
und sé á válista sem fugl í yf-
irvofandi hættu vegna
stofnsmæðar.
Snúið út úr
athugasemdunum
„Í svörum framkvæmda-
aðila er bara snúið út úr at-
hugasemdum Fuglaverndar-
félagsins. Borgarfriðun á ánni
var aflétt til að hægt yrði að
hafa veginn nánast ofan í
henni en ein afreinin er ekki
nema í 50 metra fjarlægð frá
ánni. Þetta sýnir bara hversu
þessi borgarfriðun er létt-
væg. Það er bara hægt að
breyta henni með einu penna-
striki ef mönnum dettur það í
hug. Borgin hefur verið mjög
slök í öllum málefnum Úlfars-
árinnar og almennt í um-
hverfismálum að mínu mati.“
Jóhann Óli segir að Fugla-
verndarfélagið leggist þó ekki
gegn veginum sem slíkum
heldur aðeins hversu ein af-
reinin verður nálægt ánni.
Í úrskurði Skipulagsstofn-
unar um mat á umhverfis-
áhrifum segir að stofnunin
telji að borgaryfirvöld þurfi
að marka um það stefnu í að-
alskipulagi í samráði við
Náttúruvernd ríkisins hvort
áfram skuli gert ráð fyrir
verndun á afmörkuðu svæði
meðfram ánni.
Er Steinunn Valdís Ósk-
arsdóttir, borgarfulltrúi R-
lista og nefndarmaður í
skipulags- og byggingar-
nefnd, var spurð hvort borg-
aryfirvöld hefðu rætt við
Náttúruvernd ríkisins sagðist
hún ekki hafa verið inni í
þeirri umræðu.
Óhjákvæmilegt að
mannvirkið yrði
með þessum hætti
„Það hefur alltaf legið ljóst
fyrir að gatnamótin myndu
færast nær. Það hefur marg-
oft verið rætt, bæði í borg-
arráði og í skipulagsnefnd-
inni, að það væri
óhjákvæmilegt að þetta um-
ferðarmannvirki yrði með
þessum hætti. Hins vegur
stendur sú stefnumörkun
borgarinnar að jafnaði skuli
miðað við 150–250 metra.
Þetta er í rauninni einstakt
afmarkað tilfelli.“
Um tilmæli umsagnaraðila
þess efnis að gatnamótin
væru of nálægt bakka Úlfars-
ár sagði hún:
„Þetta eru umsagnir þess-
ara umsagnaraðila og menn
munu auðvitað taka tillit til
þess að svo miklu leyti sem
það er hægt með því að reyna
að lágmarka umhverfisáhrif-
in. Við búum hins vegar í borg
og verðum að taka mið af því
líka.“
Formaður Fuglaverndarfélags Íslands
Telur að fuglalíf geti
skaðast við gatnagerð
Grafarholt
BÆJARSTJÓRN Garða-
bæjar veitti í gær tvær viður-
kenningar fyrir merkt framlag
til umhverfisins. Þetta er í
fyrsta sinn sem slík viður-
kenning er veitt og er tilefnið
25 ára afmæli Garðabæjar.
Verðlaunin hlutu hjónin Sig-
urður Þorkelsson og Kristín
Gestsdóttir í Grænagarði á
Garðaholti fyrir ræktun á
Garðaholti og stjórnendur Víf-
ilsstaðaspítala fyrir trjálund
sem vel hefur verið hlúð að í
gegnum árin.
Í fréttatilkynningu frá
Garðabæ kemur fram að hjón-
in Sigurður og Kristín hafa
stundað ræktun á Garðaholt-
inu frá árinu 1955. Með óbil-
andi trú á ræktunarstarfið
hefur þeim tekist að koma upp
skógarlundi, sem notaður er
sem gott dæmi um ræktun við
erfiðar aðstæður. Aðspurð
sögðust Sigurður og Kristín
hafa farið að planta trjám á
Garðaholtinu strax árið 1955
og bentu á að holtin í kringum
Reykjavík væru kjörin til
skógræktar því að þar væri
nægur raki í jarðveginum en
jarðvegurinn á Garðaholti
hefði þó verið grýttur og rýr.
Ræktunin á holtinu hefur ver-
ið þeirra helsta áhugamál í
gegnum tíðina og hafa þau
haft af henni mikla ánægju.
„Sumir stunda golf í frístund-
um sínum, en hjá okkur varð
trjárækt fyrir valinu,“ segir
Sigurður. Þau taka fram að ein
stærsta ánægjan við að búa á
Garðaholtinu sé hið fjölbreytta
fuglalíf sem þar er að finna en
þarna verpa um 25 tegundir
fugla og 14 innan lóðarmarka
hjónanna.
Í gær voru einnig veittar
viðurkenningar fyrir snyrti-
legt umhverfi í Garðabæ árið
2001 en þetta er í fjórtánda
sinn sem slíkar viðurkenning-
ar eru veittar. Eigendur Ara-
túns 7, Bakkaflatar 7, Mark-
arflatar 12 og Markarflatar 15
hlutu viðurkenningar fyrir lóð-
ir íbúðarhúsnæðis, Landssími
Íslands, Skeiðarási 2, hlaut
viðurkenningu fyrir lóð at-
vinnuhúsnæðis og Langamýri
1–23 var valin snyrtilegasta
gatan í Garðabæ árið 2001.
Verðlaun fyrir merkt framlag til umhverfisins
Með óbilandi trú á
ræktunarstarfið
Morgunblaðið/Jim Smart
Hjónin Sigurður Þorkelsson og Kristín Gestsdóttir tóku
við verðlaunum fyrir framlag sitt til ræktunar í gær.
Garðabær