Morgunblaðið - 02.08.2001, Blaðsíða 17

SUÐURNES
MORGUNBLAÐIÐ FIMMTUDAGUR 2. ÁGÚST 2001 17
sínum tíma, en breytt út af því eft-
ir því sem andinn hefur blásið
þeim í brjóst. Til dæmis hefur
þurft að fjarlægja trjátegundir
sem ekki hafa þolað norðanáttina.
Guðbjörg segir að þau hafi unn-
ið verkið algerlega sjálf og það
hafi tekið sinn tíma. Hólmkell er
smiður og smíðaði allar verendur,
skjólveggi og girðingar. Hitt hafa
þau unnið í sameiningu.
Segir Guðbjörg að í garðinum sé
mest af runnum og trjám og lítið
af fjölærum plöntum og því þurfi
ekki að leggja mikla vinnu í að
halda garðinum við. „Við tökum
hann í gegn á vorin og svo fer ég
stundum út í garð eftir vinnu til að
tína í burtu það sem ég sé,“ segir
hún.
Verð líka að
sinna áhugamálinu
Kirkjuvegur 30, Möllershús, er
eitt af elstu húsum Keflavíkur.
Það er byggt 1896 og var símstöð í
því í upphafi. Þar fæddust systk-
inin Sjöfn Valgeirsdóttir og Rúnar
Valgeirsson, og búa enn. Rúnar
segist hafa gert húsið upp smám
saman síðastliðin tíu ár, byrjað
1991 að klæða það að utan.
„Nú er flestum verkefnum lokið.
Ég notaði sumarfríið til að hellu-
leggja innkeyrsluna. Ég ætlaði
einnig að mála þakið en það fór
svo mikill tími í hellulagninguna
að ég náði því ekki. Svo verður
maður líka að stunda áhugamálið,
golfið, ekki þýðir að eyða öllu frí-
inu í húsið,“ segir Rúnar.
Sjöfn hefur hugsað vel um garð-
inn og slær blettinn reglulega.
Rúnar segir að þar sé nánast sami
gróður og var þegar þau voru
börn að alast þar upp.
Viðurkenningarnar voru afhent-
ar við athöfn sem fulltrúar bæj-
arstjórnar buðu til síðdegis síðast-
liðinn mánudag. Þar kom fram að
margir fallegir garðar væru í bæn-
um og erfitt hafi verið að velja úr.
„AUÐVITAÐ höfum við svolítinn
áhuga á þessu en liggjum þó ekki á
hnjánum í garðinum alla daga,“
segir Guðbjörg Friðriksdóttir en
hún er ein þeirra sem fékk við-
urkenningu fyrir snyrtilegt hús og
fallegan garð í Reykjanesbæ.
Skipulags- og byggingarnefnd
Reykjanesbæjar veitti í vikunni
þrenn verðlaun fyrir hús og garða.
Sjöfn Valgeirsdóttir á Kirkjuvegi
30 í Keflavík fékk viðurkenningu
fyrir snyrtimennsku og gott við-
hald á húsi og garði í eldra hverfi.
Guðbjörg Friðriksdóttir og Hólm-
kell Gunnarsson fékk viðurkenn-
ingu fyrir snyrtilegt hús og fal-
legan vel gerðan garð að
Freyjuvöllum 11 í Keflavík. Þá
fékk söluumboð Heklu hf. við-
urkenningu fyrir fallegt hús og
snyrtilegan frágang á húsi og lóð
fyrirtækisins að Njarðarbraut 13 í
Njarðvík.
Unnið í sameiningu
Guðbjörg sagði að það hefði
komið sér á óvart að hljóta við-
urkenninguna, því aðalgarðurinn
væri á bak við húsið og lokaður af.
Vegfarendur sæu því lítið inn í
hann. Þau Hólmkell byrjuðu á að
útbúa garðinn fyrir tíu árum, en
bakgarðinn fyrir fimm árum. Þau
hafa stuðst við skipulag sem
garðahönnuður gerði fyrir þau á
Liggjum ekki á
hnjánum alla daga
Reykjanesbær
Söluumboð Heklu á Njarðarbraut 13 fékk viðurkenningu fyrir
fallegt hús og snyrtilegan frágang á húsi og lóð.
Eigandi Möllershúss fékk viðurkenningu fyrir snyrti-
mennsku, vel viðhaldið hús og garð í eldra hverfi.
Eigendur Freyjuvalla 11 fengu viðurkenningu fyrir
snyrtimennsku á húsi og fallegan og vel gerðan garð.
Þremur húseigendum voru veittar viðurkenningar fyrir snyrtimennsku og fallega garða
NÝTT sambýli og leiguíbúðir fyrir
fatlaða í Grindavík var tekið formlega
í notkun í gær. Grindavíkurbær er
eigandi hússins og leigir þjónustu-
rými til Svæðisskrifstofu Reykjaness.
Páll Pétursson félagsmálaráðherra
sagði þegar hann opnaði sambýlið að
það væri mun ódýrara en sambærileg
rými í Reykjavík.
Húsið er byggt á lóð við Túngötu
15-17, miðsvæðis í bænum.
Í öðru húsinu eru innréttaðar þrjár
íbúðir í sambýli með þjónustu allan
sólarhringinn, í hinu eru þrjár leigu-
íbúðir og í millibyggingunni er sam-
eiginlegt þjónusturými.
Fram kom við athöfnina í gær að
markmið þjónustunnar er að veita
íbúum viðeigandi búsetuþjónustu
vegna fötlunar og stuðla þar með að
vellíðan þeirra og velferð. Á heimilinu
verður leitast við að veita íbúunum
þann stuðning, þjálfun og meðferð
sem þeir hafa þörf fyrir hverju sinni.
Grindavíkurbær byggir húsið og er
eigandi þess, í samræmi við sam-
komulag sem gert var milli bæjarins
og Svæðisskrifstofunnar í júní á síð-
asta ári. Stofnaði bærinn sérstakt
hlutafélag, sem heldur utan um fjár-
festinguna og rekstur hússins. Bygg-
ingin kostar um 50 milljónir kr.
Fagleg ábyrgð á rekstri þjónustu-
annar er á höndum Svæðisskrifstofu
um málefni fatlaðra á Reykjanesi.
Fyrir hönd ríkisins sér hún um
starfsmannahald og stendur straum
af launakostnaði, veitir íbúunum
frekari liðveislu og ákveður með bú-
setu og þjónustu á sambýlinu í sam-
ráði við félagsþjónustu Grindavíkur.
Svæðisskrifstofan greiðir leigu fyrir
sameiginlegt rými og stofnkostnað
vegna innbús í sameiginlegu þjón-
usturými.
Forstöðumaður nýja heimilisins er
Guðrún Inga Bragadóttir. Hún reikn-
ar með að starfsemi hefjist 1. sept-
ember en enn er ekki búið að ráða allt
starfsfólk. „Búið er að ráðstafa 5
íbúðum en þeirri síðustu verður ráð-
stafað á næstunni,“ segir hún.
Ódýrari rými en
í höfuðborginni
Grindavík
Morgunblaðið/Garðar Páll Vignisson
Guðrún Inga Bragadóttir tekur við gjöf úr hendi Einars Njálssonar. Páll Pétursson opnaði sambýlið.
DRAUMAHEIMAR eftir Önnu
Maríu Guðlaugsdóttur er mynd
ágústmánaðar í Reykjanesbæ.
Myndin hefur verið sett upp í
Kjarna, Hafnargötu 67, í Keflavík og
verður þar út mánuðinn.
Mynd mánaðarins er kynningar-
verkefni markaðs- og atvinnumála-
skrifstofu Reykjanesbæjar á mynd-
listarmönnum bæjarins.
Menningarfulltrúi bæjarins sér um
verkefnið.
Anna María Guðlaugsdóttir er
fædd 3. janúar 1959 í Keflavík. Hún
hefur lengi verið félagi í Baðstof-
unni, félagi áhugafólks um myndlist,
og sótt námskeið á þeirra vegum.
Einnig lærði hún vatnslitamálun í
Bandaríkjunum og kínverska blek-
málun í Japan. Anna María hefur
haldið 4 einkasýningar og tekið þátt í
5 samsýningum, meðal annars í
Bandaríkjunum og í Japan. Hún er
einn af stofnendum Félags myndlist-
armanna í Reykjanesbæ og var lengi
formaður félagsins.
Drauma-
heimar
mynd mán-
aðarins
Reykjanesbær
Draumaheimar, mynd
ágústmánaðar.
LÖGREGLAN í Keflavík stöðvaði
ökumann um klukkan ellefu í fyrra-
kvöld á tæplega tvöföldum hámarks-
hraða.
Bíllinn var stöðvaður eftir að hann
hafði mælst á 133 kílómetra hraða á
klukkustund á Reykjanesvegi til
móts við Fitjar. Hámarkshraði
þarna er 70 kílómetrar. Maðurinn
verður væntanlega sviptur ökuleyfi
tímabundið, að sögn lögreglu.
Á tvöföldum
hámarkshraða
Reykjanesbraut
BÆJARRÁÐ Grindavíkur hefur
ákveðið að ráða Gunnar Kristmanns-
son sem skólastjóra Tónlistarskóla
Grindavíkur. Skólanefndin hafði
mælt með öðrum umsækjenda sem
fyrsta kosti.
Sjö sóttu um stöðu skólastjóra
Tónlistarskóla Grindavíkur. Skóla-
nefnd tónlistarskólans mælti með
tveimur umsækjendum, í þessari
röð: Birnu Bragadóttur og Gunnari
Kristmannssyni. Fulltrúar meiri-
hluta bæjarstjórnar ákváðu í bæjar-
ráði að ráða Gunnar í stöðuna.
Fulltrúi minnihlutans lagði til að
skólastjóri yrði ráðinn tímabundinn í
fjögur ár og Esther Helga Guð-
mundsdóttir fengi starfið. Sat
fulltrúi minnihlutans hjá þegar
meirihlutafulltrúarnir samþykktu að
ráða Gunnar.
Gunnar Kristmannsson er 31 árs
klarínettleikari og söngvari, ættaður
frá Akranesi. Hann er með próf í
blásarakennslu og hefur unnið við
tónlistarkennslu á Akranesi, í Kópa-
vogi og Garðabæ og stjórnað skóla-
hljómsveit og kór á Akranesi. Síð-
ustu tvö árin hefur hann verið við
söngnám á Ítalíu og á Spáni.
Ráðinn skóla-
stjóri tónlist-
arskólans
Grindavík
♦ ♦ ♦