Morgunblaðið - 02.08.2001, Qupperneq 18

LANDIÐ
18 FIMMTUDAGUR 2. ÁGÚST 2001 MORGUNBLAÐIÐ
FRANSKIR dagar voru á Fáskrúðs-
firði um helgina, en þetta er í sjötta
skipti sem slík hátíð er haldin. Að
þessu sinni sá hópur áhugafólks um
undirbúning hátíðarinnar, en áður
fyrr var fólk tilnefnt af hrepps-
nefnd Búðahrepps.
Margt var til skemmtunar fyrir
alla aldurshópa, íþróttir svo sem
fótbolti, leikir, hjólreiðakeppnin
Tour de Fáskrúðsfjörður, útimark-
aður, myndlistarsýningar, ljós-
myndasýning og kjóla- og fatasýn-
ing á fötum frá fyrri tíð.
Dansleikir voru föstudags- og
laugardagskvöld auk þess sem
harmonikkuball var á laugardag í
Verkalýðshúsinu. Fjölmennt ætt-
armót var haldið og ferming-
arbarnamót eru orðin fastur liður á
þessum dögum, auk þess sem brott-
fluttir Fáskrúðsfirðingar heim-
sækja staðinn í tilefni daganna.
Veðrið var eins og best verður á
kosið.
Talið er að íbúafjöldi staðarins
hafi tvöfaldast þessa helgi. Fulltrú-
ar frá bæjarstjórn Gravelines í
Frakklandi, sem er vinabær Fá-
skrúðsfjarðar, voru á hátíðinni en
það er orðinn fastur liður að þeir
heimsæki Fáskrúðsfjörð um hátíð-
ina. Er þá farið með þeim í grafreit
franskra sjómanna á Fáskrúðsfirði
og höfð þar bænastund.
Fulltrúar frá bæjarstjórn Gravelines í Frakklandi tóku þátt í minningarathöfn um franska sjómenn.
Franskir
dagar á Fá-
skrúðsfirði
Fáskrúðsfjörður
Í DALABÚÐ á þriðjudagskvöld var
samankomið margmenni til þess að
funda um málefni Goða hf. Lokun
sláturhússins hér í Búðardal eru af-
ar slæm tíðindi fyrir bændur og
marga aðra sem tengjast málum á
einn eða annan hátt. Fyrir svörum
voru Andri Árnason, hæstaréttar-
lögmaður, Haraldur L. Haraldsson,
sveitarstjóri, og Sigurður Rúnar
Friðjónsson, oddviti. Fundarstjóri
var Böðvar B. Magnússon, bóndi.
Rætt var vítt og breitt um allt
sem málinu viðkemur og var það
greinilegt að mikil reiði er í fólki
vegna lokunarinnar og stífni hjá for-
svarsmönnum Goða hf. sem vilja alls
ekki ræða það að leigja húsið fyrir
slátrun eða selja það. Reyndar kom
það fram á fundinum að forsvars-
menn Goða hf. svara engum skila-
boðum sem fyrir þá hafa verið lögð,
svo ekkert er hægt að ræða við þá.
Einnig var talað um það að þessir
menn kynnu ekki mannleg sam-
skipti og þyrfti að taka þá í kennslu,
og var talað um að þeir þyrftu að fá
drög að því hvernig uppsagnarbréf
eru skrifuð. Fannst fólki sem var
sagt upp að það væri eins ópersónu-
legt og hægt var. Hvorki var þeim
þakkað fyrir unnin störf né að þeim
þætti leitt að það yrði að fara þessa
leið.
Fyrirtæki tilbúin í kjötvinnslu
Fram kom á fundinum að fyrir-
tæki væru tilbúin til að koma hingað
með rekstur og jafnvel kjötvinnslu
en það gengur ekki vegna þess að
ekki fær neinn húsið til leigu eða
sölu. Þrjár ályktanir voru sam-
þykktar samhljóða og hljóðuðu þær
upp á það m.a., að mótmælt var
harðlega ósk forsvarsmanna Goða
hf. um úreldingarstyrk frá hinu op-
inbera vegna sláturhússins í Búð-
ardal, fundarmenn skoruðu einnig á
forráðamenn Goða hf. til viðræðna
um leigu hússins, ef þeir vildu það
ekki lýstu þeir fullri ábyrgð á Goða
hf. á því tjóni sem bændur verða
fyrir vegna þessa. Einnig var sam-
þykkt samhljóða og stutt með lófa-
klappi, að enginn vildi leggja fé inn
hjá Goða hf. til slátrunar í haust, ef
fram fer sem horfir.
Minnst var á að það þættu
skrýtnar reikningsaðferðir, sem
fyndu það út að betra væri að end-
urbæta sláturhúsið í Borgarnesi fyr-
ir 100 milljónir, þegar það kostar 28
milljónir að koma afurðastöðinni í
Búðardal í útflutningshæft ástand.
Reiði vegna lokunar
sláturhúss Goða
Morgunblaðið/Guðrún Kristinsdóttir
Haraldur L. Haraldsson í pontu. Einnig má sjá Böðvar B. Magnússon
fundarstjóra, Sigurð Rúnar Friðjónsson oddvita og Andra Árnason.
Búðardalur
SIGURÐUR Hjálmarsson er nú
búinn að vera þrjú sumur í starfi
umferðaröryggisfulltrúa Suður-
lands. Starfar hann fyrir Umferð-
arráð og Slysavarnafélagið Lands-
björg í tvo mánuði á sumrin, ekur
um og kannar ástand vega og
merkinga og kemur með ábend-
ingar til Vegagerðar og annarra
sem málið varðar um hvað betur
megi fara.
Gagnrýnir Vegagerðina
á Selfossi
Sigurður er ekki ánægður með
Vegagerðina á Selfossi sem hann
segir að hafi tekið lítið mark á
ábendingum sínum og fátt eitt af
því sem hann hefur komið með
ábendingar um er lagfært. Aftur á
móti sé Vegagerðin í Vík búin að
laga flest það sem hann hefur bent
á. Sigurður segist vera búinn að
senda fjölda bréfa til Vegagerð-
arinnar á Selfossi og hreppsnefnd-
ar Mýrdalshrepps með alls konar
ábendingar um hvernig væri hægt
að lagfæra vegi og vonandi koma í
veg fyrir umferðarslys. Til dæmis
vantar mikið upp á að umferð-
armerkingar séu í lagi inni í Vík-
urþorpi og hefur lítið verið gert í
að bæta úr þessu þó að tæpt ár sé
síðan Sigurður sendi fyrsta bréfið.
Sigurður sagðist hafa hitt öku-
kennara sem segir að ekki sé hægt
að kenna á bíl í Vík vegna þess að
ekki séu til öll þau umferðarskilti
sem þyrftu að vera vegna kennsl-
unnar.
Margar kannanir hafa verið
gerðar í sumar og hafa þær ekki
komið vel út t.d. í bílbeltakönnun
sem var tekin á Hellu 3. júlí voru
39% ökumanna með bílbeltin
spennt en 61 % án beltis, þá var
tekin stefnuljósakönnun hjá Ölfus-
árbrú á Selfossi 21. júní síðastlið-
inn og gáfu 59% stefnuljós en 41%
slepptu því.
Þegar fréttaritari hitti Sigurð
var hann að mæla hraða við nýtt
ræsi yfir Hvammsá í Mýrdal en
ræsið er að síga og hefur myndast
hættuleg laut yfir ræsinu. Sigurð-
ur tekur undir ábendingar vegfar-
enda um að vegurinn um Gatna-
brún sé ótrúlega illa hannaður
þrátt fyrir endurbætur á liðnum
árum.
Ljósmynd/Jónas Erlendsson
Sigurður myndar signa ræsið í Hvammsá.
Yfir 60% án bíl-
beltis á Hellu
Fagridalur
LANGÞRÁÐUR
þurrkur kom loksins
í Þingeyjarsýslu fyr-
ir helgina, en júlí-
mánuður hefur ein-
kennst af þokulofti
og vætu allt til
þessa.
Þegar sólin lét sjá
sig voru heyskap-
artæki á öllum bæj-
um sett í gang til að
ná sem mestu og því
tæplega tími til að
fara heim af túninu í
kaffitímanum. Þá
var brugðið á það
ráð að breiða dúk á
túnið við rúllurnar
og kunnu börnin vel
að meta vöfflur og
rjóma undir sum-
arhimninum.
Loksins
lang-
þráður
þurrkur
Laxamýri
Morgunblaðið/Atli Vigfússon
Jón Helgi ásamt börnunum Sigríði og Atla
Birni í heyskapskaffi.
BRYGGJUDAGUR var nýlega
haldinn á vegum handknattleiks-
deildar kvenna í ÍBV á Eim-
skipsplaninu við Binnakant. Dag-
skráin hófst kl. 13 og stóð til kl.
17. Á svæðinu var margt í boði,
handflakarar flökuðu ýsu beint í
pokann fyrir fólk, auk þess sem
margs konar sjávarfang var til
sölu, ásamt nýjum og reyktum
lunda. Fyrirtækin Kútmagakot,
Pizz 67, Íslensk matvæli og Veislu-
þjónustan stóðu fyrir sjávarrétt-
akynningu sem mæltust vel fyrir
hjá þeim mikla fjölda gesta sem
lagði leið sína á svæðið í frábæru
veðri. Þá var boðið upp á kaffi-
húsastemmningu í stóru veitinga-
tjaldi, tónlistaratriði, leiki fyrir
börn, grill og margt fleira.
Bryggjudagurinn tókst mjög vel
og voru gestir mjög ánægðir og
samkvæmt upplýsingum frá að-
standendum er ljóst að framhald
verður á og má búast við bryggju-
degi næsta sumar.
Morgunblaðið/Sigurgeir
Sjávarréttakynningin mæltist vel fyrir hjá þátttakendum.
Vel heppnaður
Bryggjudagur
Vestmannaeyjar