Morgunblaðið - 02.08.2001, Page 23

FERÐALÖG
„HLUTI af útilegunni er að njóta
góðrar máltíðar, svo auðvitað skiptir
máli að taka með það sem hverjum
og einum þykir gott,“ segir Anna
Sigríður Ólafsdóttir, matvæla- og
næringarfræðingur hjá Manneldis-
ráði, þegar hún er spurð um hentugt
nesti í útileguna. „Eins þarf að gæta
þess að fjölbreytnin sé nægileg og
það er mikilvægara eftir því sem
ferðalagið er lengra.“ Þá skiptir
máli hversu auðvelt er að nálgast
mat og bæta við því sem á vantar,
eða hvort allt er tekið með að heim-
an, að sögn Önnu. „Bakpokaferða-
langar verða til dæmis að taka tillit
til þess hversu löng ferðin er og
hversu þungt er að bera matinn, auk
þess sem þeir hafa ekki kæliað-
stöðu.“
Ferskir ávextir og grænmeti eru
mjög hentugir því þeir endast vel en
verða helst útundan ef mikið er
nærst á sjoppufæði , að sögn Önnu.
„Best er að taka ávextina og græn-
metið með í heilu lagi og gott að vera
búin að þvo það sem borðað er með
hýðinu,svo hægt sé að grípa til
þeirra hvenær sem er.“ Af mjólk-
urvörum mælir hún með G-vörum
því þær má geyma utan kæliskáps.
Grillmatur er alltaf vinsæll í úti-
leguna og ágætur kostur að mati
Önnu. „Best er að velja kjöt í þéttum
umbúðum og gæta þess að ekki leki
vökvi á önnur matvæli. Þegar um-
búðir hafa einu sinni verið opnaðar
þarf að matreiða kjötið innan
skamms tíma. Til að spara sér fyr-
irhöfn við matreiðsluna er hægt að
forsteikja kjöt, t.d. kjúklinga sem
gott er að borða kalda.“
Hægt er að velja meðlæti af ýmsu
tagi, t.d. kartöflur á grillið eða tilbú-
ið kartöflusalat sem geymt er í kæli-
töskunni, en Anna bendir á að kart-
öflusalat með ediki endist lengur en
majonessalat.
Ávextir á grillið
Brauð, hrökkbrauð, kex og annar
kornmatur endast vel og henta í öll
ferðalög. „Í upphafi ferðar getur
verið gott að hafa með sér smurðar
samlokur að heiman, en þær eru
sjaldnast lystugar nema í 1-2 daga.
Skinka, kæfa, ostur og annað álegg
henta vel og sniðugt er að hafa
grænmeti í sneiðum með í þéttu íláti
og bæta því á samlokurnar rétt áður
en þær eru borðaðar.“
Til að fullkomna ferðina er líklegt
að margir kjósi að hafa með sér ein-
hver sætindi. Ávextirnir, sem þegar
ættu að vera komnir í nestiskörfuna
eru góður millibiti og eftirréttur, en
einnig geta grillaðir ávextir verið
gómsætur biti, segir Anna. „Þurrk-
aðir ávextir eru líka vinsælir á ferða-
lögum sérstaklega þegar farið er í
göngutúra og súkkulaði fylgir með í
flestum fjallgöngum. Það er ekkert
að því að fá sér súkkulaðimola svo
lengi sem hugsað er um magnið. Þá
má ekki gleymast að ferðalög eru til
að gera sér dagamun og mataræði
örfárra daga breytir litlu ef almennt
er borðaður hollur matur.“
Morgunblaðið/Kristján
Ferskir ávextir og grænmeti er hentugt í útilegur því það endist vel.
Fjölbreytilegt
nesti í útileguna
heitið það í heila öld. Húsið á sér
ríka sögu og hefur verið vöruhús,
beitingahús, fiskverkunarhús og
fleira í gegnum tíðina. Það er ein-
mitt vegna þessarar miklu sögu
sem eldri Stykkishólmsbúar hafa
sýnt kaffihúsinu mikinn áhuga,
því margir þeirra hafa einhvern-
tíman unnið í húsinu.“ Sjáv-
arpakkhúsið stendur við höfnina í
Stykkishólmi. Fyrir utan húsið er
pallur sem snýr út að höfninni og
geta gestir fylgst með lífinu þar
og sólsetrinu þegar fer að
skyggja.
Nafnið á kaffihúsinu, Sjáv-
arpakkhúsið, hefur vakið nokkuð
umtal að sögn Bjarna og hluti af
sérstöðu hússins er einmitt falinn í
orðaleik tengdum nafninu. „Við
höfum grínast svolítið með nafnið
á húsinu. Þetta hús hefur alltaf
verið meira en venjulegt pakkhús
svo nú erum við farnir að segja að
þetta sé hús sjávarpakksins, og
leggjum út frá því við gerð mat-
seðils og annars. Þetta hefur svo
verið þýtt á önnur tungumál og
heitir til dæmis á ensku The sea-
bastards inn.“
Sjávarpakkhúsið er sumarkaffi-
hús og að sögn Bjarna er stefnt á
að hafa það opið frá júníbyrjun til
ágústloka ár hvert.
Morgunblaðið/Gunnlaugur Árnason
Nýja kaffihúsið í Stykkishólmi stendur við höfnina.
MORGUNBLAÐIÐ FIMMTUDAGUR 2. ÁGÚST 2001 23