Morgunblaðið - 02.08.2001, Síða 52

52 FIMMTUDAGUR 2. ÁGÚST 2001 MORGUNBLAÐIÐ






 


















 

 

 

 



  BRÉF
TIL BLAÐSINS
Kringlunni 1 103 Reykjavík  Sími 569 1100  Símbréf 569 1329
Allt efni sem birtist í Morgunblaðinu og Lesbók er varðveitt í upplýsinga-
safni þess. Morgunblaðið áskilur sér rétt t i l að ráðstafa efninu þaðan, hvort
sem er með endurbirtingu eða á annan hátt. Þeir sem afhenda blaðinu efni
ti l birtingar teljast samþykkja þetta, ef ekki fylgir fyrirvari hér að lútandi.
ÞAÐ er með ólíkindum hve blaða-
menn og fjölmiðlar hafa ráðist með
miklu offorsi á Árna Johnsen og í at-
ganginum hafa þeir leitað að öllum
þeim aur sem hægt væri að nota á
einn eða annan hátt til þess að
sverta nafn hans og gera sök stærri
ef það væri nokkur möguleiki.
Það er að vísu ekki til afsökun fyr-
ir því sem hann gerði og þykir mér
trúlegt að hann fái að gjalda þess um
ókomin ár en einhvers staðar skal
nema staðar, hans mál eru komin í
þann farveg sem þeim er ætlað og
munu hafa sinn gang.
Mér hefur oft þessa dagana dottið
í hug hópur af hugleysingjum sem
ráðast margir að einum og er hann
er kominn í götuna byrja barsmíð-
arnar fyrir alvöru og ekki er hætt
fyrr en fórnarlambið er tekið frá
þeim og er þeim slétt sama um af-
leiðingar gerða sinna. Mér fannst
lágkúran mest þegar Ríkissjónvarp-
ið tók viðtal við mann frá Blindra-
félaginu og gat hann gat vart haldið
vatni yfir hve Árni hefði verið frekur
að heimta að viðskipti þeirra færu
fram án virðisauka. Ef honum hefði
verið svo í mun að halda lög og regl-
ur sem hann lét í veðri vaka hefði
hann átt að segja nei, það hefði ég
gert. Það sem var rúsínan í pylsu-
endanum var að fréttamaðurinn
spilaði lag eitt sem Geir H. Haarde
söng á geisladisk Árna og var ég að
velta fyrir mér hvor ætlunin hefði
verið að koma höggi á Geir, það var
ekki spilaður bútur úr laginu heldur
allt lagið í fréttatímanum. Skyldu
forráðamenn þessarar stofnunar
hafa munað eftir að greiða stefgjöld
fyrir þennan flutning?
Eins fannst mér það vera ansi
langsótt þegar leitað var tengsla
Árna við Ístak, að skýra þau með því
að Páll hefði á einhverjum tíma búið
í Eyjum og þarna væru vinir að
hygla hvor öðrum. Það virðist vera
gleymt að borgarstjórn hefur um
marga ára skeið látið Ístak fá verk
án tilboða og hefur það einu gilt
hverjir hafa verið við stjórn borg-
arinnar. Það skyldi þó aldrei vera að
Ístak hefði bara verið best til þess
fallið að framkvæma komandi verk
vegna reynslu og stöðugleika fyrir-
tækisins því það hefur verið þannig
að þegar önnur fyrirtæki hafa dans-
að hrunadansinn hefur Ístak staðið
traustum fótum og skilað sínu fljótt
og vel.
Mér er það til efs að ýmsar fram-
kvæmdir sem Árni hefur ýtt úr vör
og með ráðum og dáð komið í höfn
hefðu nokkurn tímann verið fram-
kvæmdar án hans og held ég að það
séu margir sem hann hefur rétt
hjálparhönd í gegnum tíðina sem
væru illa staddir ef hans hefði ekki
notið við. Þá hefur það gilt einu hvar
í pólitíkinni eða samfélaginu viðkom-
andi hafa staðið. En það er með
þetta einsog margt annað að góð-
verkin gleymast.
Margir hafa kveðið níð um Árna
vegna þessara mála og hafa það ver-
ið kunnir menn sem það hafa gert og
það hlýtur að vera gott ef menn hafa
góðan tíma til þess að sinna skálda-
gyðjunni en fegurri mætti kveðskap-
urinn vera.
Það mun alltaf vera svo að þeir
sem eru framarlega í þjóðlífinu fá
mikla athygli og víst er að margir
eru þeir sem hafa af því fulla atvinnu
að skrifa um og fylgjast með
frammámönnum þessa lands og hafa
bara góðar tekjur af þessari iðju
sinni. Þess vegna finnst mér að um-
fjöllun þeirra eigi að vera vönduð og
ekki í slíkum æsifréttastíl sem ein-
kennt hefur allar þessa fréttir, nema
ef vera skyldi Mogginn, það eru
kannski bestu blaðamennirnir þar í
vinnu.
Það er merkilegt hve ófrægingar-
og undirróðursmenn eru fljótir að
grípa ógæfu annarra og nýta sér til
framdráttar en það er kannski eðli
mannsins að gera sér mat úr slíkum
hlutum. Ekki er það fagurt eða eft-
irbreytnivert og þessa dagana hafa
fréttamenn verið að klappa sér á öxl-
ina og hrósa sér af gerðum sínum.
En það er staðfast mat mitt og ann-
arra sem ég hef rætt við að þessi að-
för að Árna hafi verið gerð með off-
orsi og rætni sem virðist hafa haft
þann eina tilgang að koma honum á
kné og helst að hann eigi sér engrar
viðreisnar von og það síðasta sem ég
hef heyrt þessa dagana er að núna
eigi að reyna að koma í veg fyrir að
hann skemmti á þjóðhátíð. Ég vona
bara að Eyjamenn séu ennþá þannig
að þeir styðji sína og láti ekki segja
sér fyrir verkum frekar en fyrri dag-
inn, víst er að Árni á það skilið.
Ég hef ekki verið neinn sérlegur
stuðningsmaður Árna í gegnum tíð-
ina en það er öruggt mál að ég mun
kjósa hann ef hann býður sig fram á
þing aftur, vonandi verður það sem
fyrst.
SIGURLAUGUR
ÞORSTEINSSON,
Dvergaborgum 3,
Reykjavík.
Til varnar
Árna Johnsen
Frá Sigurlaugi Þorsteinssyni: