Morgunblaðið - 02.09.2001, Blaðsíða 22
Flækja
Leikmennirnir raða sér í hring. Í stað þess að
grípa í höndina á næsta manni, á að finna tvo
aðra í hringnum til að leiða. Leikurinn gengur
síðan út á að hjálpast við að leysa flækjuna án
þess að sleppa höndunum, heldur klifra yfir og
undir handleggi. Það getur verið skemmtilegt að
fara í þennan leik í sundi, þar sem allir eru svo
léttir í vatni. Svo getur líka einn verið „hann“ og
þá leiðir hann engan, heldur reynir að leysa
flækjuna með því að skipa hinum fyrir hvert þeir
eigi að skríða og klifra.
Fallin spýta
Hér er spýtu stillt upp við húsvegg, og er einn leikmaður
valinn gæslumaður spýtunnar. Hann lítur undan á meðan hin-
ir fela sig í nánasta umhverfi og reynir síðan að finna þá. Ef
hann sér t.d glitta í hann Einar, hleypur hann og ver spýtuna.
Ef Einari tekst hins vegar að hlaupa að spýtunni fyrst, fellir
hann hana og segir: „Fallin spýta fyrir mér“, og þar með er
Einar sigurvegari. Einnig er hægt að halda áfram og gefa öll-
um færi á að fella spýtuna, en sá sem fellir hana síðast verður
næsti gæslumaður.
Skólinn er byrjaður ...
... en sumarið er ekki búið!
ÞÓTT mörgum finnist gaman að byrja aftur í skólanum, hitta félagana og kaupa nýtt skóla-
dót, þá er smá sorglegt að sumarið skuli bráðum vera á enda. En það er ekki alveg búið og til
að lengja það er frábær hugmynd að leika sér úti á meðan veðrið er ennþá gott. Hér koma
nokkrir leikir sem þið getið farið í með krökkunum í hverfinu. Eða jafnvel að fá allan bekkinn í
skipulagt leikjamót. Hvernig væri það?
Kúluspil
Þið getið krítað þennan leik úti á stétt,
eða á götu þar sem næstum engin umferð
er. Þið sjáið á myndinni að þetta er fer-
hyrningur sem er skipt í reiti sem eru síð-
an númeraðir frá 1 til 5. Litlum bolta, stál-
eða glerkúlu er komið fyrir fyrir framan
upphafsreitinn. Síðan reynið þið með öðr-
um bolta eða kúlu að láta uppstylltu kúl-
una skjótast inn á reitina, og reyna þann-
ig að safna sem flestum stigum. Hver má
reyna þrisvar í einu.
Kýló
Leikmönnum er skipt í tvö lið. Leikvöllurinn
er gerður með því að merkja fjórar hafnir í fer-
hyrning með u.þ.b tíu metrum á milli (sjá
mynd). Lið A er inni á vellinum en lið B er í röð
við upphafshöfnina, ásamt einum manni úr A
liðinu. Fyrsti í röð kýlir boltanum út á leikvöll-
inn og hleypur úr upphafshöfn og helst í aðra
eða þriðju höfn og að lokum allan hringinn.
Þetta gera liðsmennirnir koll af kolli. Lið A á að
grípa boltann og kasta honum eins fljótt og auð-
ið er til A-leikmannsins í höfn sem kastar hon-
um í jörðina og segir „Kýló!“ Ef B-liðsmaður er
á milli hafna þegar kallað er „Kýló“, verður
hann að fara aftast í röðina og reyna aftur.
Leikið er í vissan tíma og þá fær A-lðið að reyna
fyrir sér og það lið vinnur sem nær flestum leik-
mönnum allan hringinn.
Hún Guðlaug Björt Júlíusdóttir, 4 ára
úr Ytri-Njarðvík, er bjartsýn á að
veðrið verði gott, enda teiknar hún
risasól fyrir ofan húsið sitt. En í garð-
inum hjá henni vaxa bæði baunatré
og sólblóm.
Risasól
HÉR kemur svolítil gáta. Hvað er það sem gefur
manni orku allan daginn og gerir mann um leið fal-
legan og passar í manni tennurnar?
Svar: Ávextir og grænmeti í nesti.
„Æ, þessi var fúll,“ hugsa sumir núna, „auk þess
sem appelsínur gera mann klístraðan á höndunum og
perusafi lekur út um allt!“
En það er til fullt af ávöxtum og grænmeti sem er
gott að hafa í töskunni, eru góðir á bragðið og búa yfir
dularfullri fortíð og kynngimögnuðum krafti sem þú
hefur líkast til lítið hugsað út í … eða hvað?
Kiwier gott að skera í tvennt og borða með te-
skeið. Sumir kalla það Kínaberið því þaðan er kiwi-ið
upphaflega. Það er stútfullt af C-vítamíni sem styrkir
ofnæmiskerfið og getur komið í veg fyrir að þið verðið
veik … ja, kannski akkúrat á litlu jólunum.
Lítil epli.Viltu verða keisari í heimsveldi eða stór-
merkilegur heimspekingur? Forn-Rómverjar og
-Grikkir voru miklir eplamenn og borðuðu m.a. lítil epli
sem passa vel í munna sem munu mæla mektarorð.
Bananinnbreytir þér ekki í apa, en hins vegar get-
ur próteinið í honum gefið þér vöðva til að berjast í
frumskógi frímínútnanna.
Vínber.Hvernig er hægt að leika sér og bæta æða-
kerfið um leið? Fara í keppni um hver getur kastað
fleiri vínberjum upp í sig.
Gulrætur innihalda D-vítamín og karotín sem geta
hjálpað til við að sjá betur sætasta bekkjarfélagann
og gefa þér líka smálit á kroppinn. En það vissu
munkarnir ekki sem byrjuðu að rækta þær á miðöld-
um. Leyndó!
Rófurhafa verið á milli tannanna á helstu hetjum
Íslandssögunnar allt frá upphafi. Nokkrir bitar í poka
og það er aldrei að vita hvaða framtíð bíður þín …
Nafn: Ragnheiður Erlingsdóttir.
Fædd: 3. ágúst 1989.
Bekkur: 7. RLJ
Uppáhaldsfag: Tónmennt, og eig-
inlega allt.
Mér finnst fínt að byrja í skólanum,
og hitta alla krakkana, mér var far-
ið að leiðast heima. Það er líka
gaman að sjá breytingarnar sem
er verið að gera á skólanum.
Nafn: Bergdís Bjarnadóttir.
Fædd: 28. september 1989.
Bekkur: 7. RLJ
Uppáhaldsfag: Stærðfræði.
Mér finnst ágætt að byrja aftur í
skólanum og hitta krakkana og
finnst allt í lagi að hann hafi byrjað
snemma í ár.
Nafn: Vignir Þór Þórisson.
Fæddur: 20. september 1991.
Bekkur: 5. ÞAG
Uppáhaldsfag: Stærðfræði.
Það er gaman að hitta gamla vini
aftur og líka mjög skemmtilegt að
fara aftur að læra. Skólinn byrjaði
samt svolítið snemma í ár, en ég er
ekkert fúll og hlakka til vetrarins.
Nafn: Atli Már Báruson.
Fæddur: 17. júní 1991.
Bekkur: 5. ÞAG
Uppáhaldsfag: Íþróttir.
Mér fannst bæði gaman og leiðilegt
að byrja í skólanum. Ég er að von-
ast til að hitta nýja krakka og
hlakka til að byrja að læra ensku.
Nafn: Birgir Þór Guðmundsson.
Fæddur: 6. nóvember 1991.
Bekkur: 5. ÞAG.
Uppáhaldsfag: Landnám og enska.
Mér finnst gaman að byrja í skól-
anum, og er alveg sama þótt hann
byrji snemma. Það er gaman að
hitta krakkana aftur og að byrja í
Landnámu.
Hvernig er að byrja
í skólanum?
Spurt í Hlíðaskóla
VISSUÐ þið að það er auðvelt að binda inn ykkar eigin dagbók, lím-
miðabók eða minnisbók? Eða bara að binda inn ritgerð eða önnur
skólaverkefni?
Það sem þið þurfið:
✘ Blaðsíðurnar sem þið ætlið að binda inn.
✘ Pappaspjöld sem forsíðu og baksíðu.
✘ Blaðrenning fyrir kjölinn, sem þarf að vera jafnlangur og blaðsíð-
urnar og um 4 sentimetrar á breidd.
✘ Heftari, skæri og lím.
Það sem þið gerið:
✘ Raðið blaðsíðum og spjöldum í rétta röð í bunka. Best er að hanna
forsíðuna áður en lengra er haldið.
✘ Leggið blaðrenninginn á hvolf vinstra megin á blaðsíðubunkann,
þannig að brúnin nemi við brún bunkans.
✘ Heftið allt saman fjórum sinnum um einn sentimetra frá brúninni.
✘ Brjótið blaðrenninginn aftur fyrir brúnina þannig að hann feli
heftin.
✘ Límið renninginn niður aftan á bókinni og klippið ef hann nær út
fyrir.
Einkabókin mín!
Fjör að föndra
Nammi namm
Gott og gáfu-
legt í gogginn
Margt er barna bölið
segir gamall íslenskur málsháttur. Já, sumir fullorðnir halda kannski að það
sé auðvelt að vera barn, en svo er ekki. Börn þurfa sífellt að læra eitthvað
nýtt, oft með því að reka sig á og það getur verið sárt.