Morgunblaðið - 16.09.2001, Side 8

8 B SUNNUDAGUR 16. SEPTEMBER 2001 MORGUNBLAÐIÐ
ferðalög
„VIÐ vorum báðar í barneignar-
leyfi og langaði að gera eitthvað al-
veg sérstakt áður en því lyki,“ seg-
ir Ásdís Jónsdóttir, sérfræðingur
hjá IMG, og móðir hins átta mán-
aða gamla Ara Bjarnasonar. Þor-
björg María Ómarsdóttir, móðir
Þóru Drafnar Baldvinsdóttur sem
er rúmlega átta mánaða, bætir við:
„Eftir alla bíltúrana til Þingvalla
og gönguferðirnar um nágrenni
Reykjavíkur sáum við að tími var
kominn til að fara í aðeins lengra
ferðalag með börnin.“
Vinkonurnar ákváðu að fara í
viku ferðalag til Grænlands en þar
var sambýlismaður Þorbjargar
staddur og þekkir hann Grænland
mjög vel. Þær lögðu í hann um
miðjan ágúst sl. Ari og Þóra Dröfn
voru þá um sjö mánaða og ánægð
með fríið: „Börnin tóku ekki bein-
línis eftir því að þau væru í öðru
landi, enda kannski of ung til þess.
En þau tóku hins vegar eftir því að
þau fengu óskipta athygli okkar og
skemmtu sér hið besta, það var al-
veg greinilegt,“ segir Ásdís og Þor-
björg bætir við að nýtt og öðruvísi
samband hafi myndast á milli
þeirra og barnanna á ferðalaginu.
Vinkonurnar skoðuðu bæina
Kulusuk og Angmassalik á austur-
ströndinni. „Á meðan við löbbuðum
og skoðuðum okkur um nutu börn-
in þess að vera með okkur í ró og
næði,“ segir Þorbjörg.
Getum það ef heimamenn geta það
En hvernig er að vera með börn
í landi eins og Grænlandi? Koma
ekki upp vandamál í sambandi við
samgöngur og annað slíkt? Ásdís
verður fyrir svörum: „Þegar við
vorum að velta því fyrir okkur
hvort það væriöruggt að fara með
börnin, leiddum við hugann að inú-
ítunum sem búa þarna og við hugs-
uðum til allra barnanna sem alast
upp þarna. Ef þau eru örugg, því
ættu börnin okkar ekki að vera
það? Sennilegra er enn hættulegra
að fara með börn til stórborga,
heldur en að vera í kyrrðinni á
Grænlandi,“ segir Ásdís ákveðin og
Þorbjörg bætir við: „Sko, ef fólk
vantar driffjöður þegar það ætlar
að gera eitthvað nýtt og miklar
fyrir sér vandamálin sem því
fylgja, eins og til dæmis að ferðast
með börn til framandi staða, þá er
ráð að hugsa til heimamanna sem
hafa í gegnum aldirnar alið upp
börnin sín á þessum svæðum.“ Svo
segja þær blaðamanni sögur af
báts- og þyrluferðunum sem þær
fóru með börnin í á Grænlandi.
Ásdís og Þorbjörg eru sammála
um að þessi aldur, 7–8 mánaða, sé
mjög hentugur til að ferðast með
börnin. „Ef þau urðu óróleg og
svöng fundum við okkur leið í
gegnum öll ullarpeysulögin og
skelltum þeim á brjóstið og þau ró-
uðust á ný,“ segir Ásdís. „Svo er að
sjálfsögðu miku auðveldara að
ferðast með börn áður en þau
byrja að ganga og hlaupa út um
allt,“ bætir Þorbjörg við.
Undirbúningur ekki flókinn
Vinkonurnar segja að undirbún-
ingur fyrir ferðina hafi ekki verið
mjög flókinn, en þó þurftu þær að
sjálfsögðu að miða allt ferðalagið
út frá þörfum barnanna: „Við
þurftum að redda okkur burðar-
bakpokum sem við gátum gengið
með börnin í en þeir eru mjög
hentugir á slíkum ferðalögum. Svo
tókum við miklar birgðir af bleium
með okkur því við vissum ekki
hvort hægt væri að kaupa þær á
Grænlandi,“ segir Þorbjörg. Hún
segist hins vegar stundum hafa
skammast sín fyrir hve mikið af
dóti hún var með með sér: „Það er
hægt að komast af með miklu
minna af hlutum en maður heldur.
Allir þessir hutir sem okkur finn-
ast vera lífsnauðsynlegir eru það
ekki.“
Ásdís segir að í raun hafi það
komið sér á óvart hvað það var
auðvelt að ferðast með börnin:
„Málið er að börn eru pottþéttir
ferðafélagar,“ segir Ásdís. „Maður
fær mjög oft miklu betri þjónustu
þegar maður er með barn og svo
eru þessi litlu kríli svo miklir ís-
brjótar því fólk talar miklu frekar
við þau en okkur og upp úr því
spinnast oft skemmtilegar samræð-
ur og kynni,“ segir Ásdís að lokum.
Til Kulusuk og Angmassalik á Grænlandi í fæðingarorlofinu
Ásdís og Þorbjörg María létu börnin ekki draga úr sér að svala ævintýraþránni heldur skelltu sér til Grænlands í fæðingarorlofinu. „Ef inúítarnir geta alið upp börnin
sín þarna, af hverju ættum við þá ekki að geta það?“ spyr Ásdís.
„Börn eru pottþéttir ferðafélagar“
Það er ekki mjög algengt að foreldrar ferðist til fram-
andi landa með ung börn sín. Þó eru alltaf einhverjir
sem láta börnin ekki draga úr að svala ævintýraþránni.
Meðal þeirra eru Ásdís Jónsdóttir og Þorbjörg María
Ómarsdóttir sem fóru til Grænlands í fæðingarorlofinu.
Þorbjörg María segir að burðarbakpokar séu mjög hentugir á ferðalögum. Með
því móti geta börnin tekið þátt í öllu sem mæðurnar gera.
„Ef börnin urðu óróleg og svöng þá
fundum við okkur leið í gegnum öll ull-
arpeysulögin og skelltum þeim á
brjóstið,“ segir Ásdís.
FLUGHRÆÐSLA hrjáir
margan ferðalanginn en svo
virðist sem það sé ekki flugið
sjálft sem fólk þarf að hafa
áhyggjur af heldur öllu frekar sá
tími sem eytt er á flugbrautinni.
Þrátt fyrir að tækni í flugsam-
göngum fleygi sífellt fram virð-
ist sem slysum á flugbrautum
fjölgi. Í nýútkominni rannsókn
sem bandaríska loftferðaeftirlit-
ið (FAA) stóð að jókst fjöldi
slysa á flugbrautum úr 200 árið
1994 í 429 árið 2000. Þá lýsti
bandaríska samgönguráðuneyt-
ið því yfir í júní sl. að slys á flug-
brautum væri orðinn „helsti
flugöryggisvandi í Bandaríkjun-
um.“
Hingað til hefur mistökum
flugmanna verið kennt um slys
sem verða á flugbrautum og þar
til nýlega hélt FAA því fram að
forðast mætti slík slys með því
að bæta boðskipti milli þeirra og
flugumferðarstjórnenda, þekk-
ingu þeirra á flugvöllunum og
starfshætti þeirra í flugstjórnar-
klefanum. Nú er FAA hins veg-
ar að kanna tæknilegar lausnir á
þeim vanda sem slys á flug-
brautum eru orðin. Í þeim til-
gangi hefur kerfi til að stýra
flugvallarumferð, sem kallast
AMASS, verið komið fyrir á 34
fjölförnustu flugvöllum í Banda-
ríkjunum. Kerfið byggist á rat-
sjártækni sem greinir hreyfing-
ar farartækja og flugvéla og
getur þannig gefið viðvörunar-
merki ef stefnir í árekstur á
flugbrautinni. Þetta kerfi tak-
markast þó af því að vera fyr-
irferðarmikið og einnig af þeim
vanda sem skapast getur vegna
ratsjártruflana. Því er nú verið
að prófa nýja ratsjártækni,
RIPS, sem verður um borð í
flugvélinni og á að gefa flug-
manninum „heildræna mynd af
því sem er utan við gluggann.“
Þannig varar kerfið flugmann-
inn strax við ef það skynjar
hugsanlegan árekstur á flug-
brautinni eða á brautinni milli
flugstöðvar og flugbrautar.
Kerfið varar áhöfnina einnig við
með hljóðmerki.
Við prófanir reyndist RIPS-
tæknin koma betur út en
AMASS en líklegt þykir að að-
ferðirnar tvær verði sameinaðar
í einu kerfi. Bandaríkjaþing hef-
ur á síðustu tveimur árum nær
þrefaldað fjármagn til rann-
sókna á tækni sem gæti leyst
þennan vanda og sýnir það hve
brýnt er að finna lausn á þessu
vandamáli.
Hætta á
flugbrautinni
Morgunblaðið/Árni Sæberg
VEISLUFERÐIR

Frábær hausttilboð
Fjölbreyttir matseðlar

Leitið upplýsinga
Bílaleigubílar
Sumarhús
í Danmörku
Ódýrari bílaleigubílar
fyrir Íslendinga
Bílar frá dkr. 1.845 á viku.
Innifalið í verði: ótakmarkaður akstur,
allar tryggingar. (Allt nema bensín og
afgr.gjöld á flugvöllum.)
Aðrir litlir og stórir bílar,
minibus og rútur.
Sumarhús og íbúðir.
GSM- símakort
með dönsku símanúmeri.
Nú einnig bílaleigubílar frá
Kaupmannahöfn og Hamborg sem
má aka um Austur-Evrópu.
Heimasíðan, www.fylkir.is
fjölbreyttar upplýsingar.
Fylkir Ágústsson
Fylkir — Bílaleiga ehf.
Sími 456 3745
Netfang fylkirag@snerpa.is .
Heimasíða www.fylkir.is .