Morgunblaðið - 25.09.2001, Blaðsíða 18

VIÐSKIPTI/ATHAFNALÍF
18 ÞRIÐJUDAGUR 25. SEPTEMBER 2001 MORGUNBLAÐIÐ
Tölvuþjálfun
Windows Word
Internet Excel
Það er aldrei of seint að byrja!
60 stunda námskeið þar sem þátttakendur
kynnast grundvallarþáttum tölvuvinnslu
og fá hagnýta þjálfun.
Vönduð kennslubók innifalin í verði.
Innritun stendur yfir.
Fjárfestu í framtíðinni!
BÍLDSHÖFÐI 18, SÍMI 5671466
VERÐBRÉFASKRÁNING Ís-
lands mun í nóvember ná því mark-
miði sínu að skrá rafrænt öll helstu
markaðsverðbréf hér á landi fyrir
lok þessa árs. Markmiðið næst þeg-
ar hlutabréf Eimskipafélagsins
verða skráð rafrænt 5. nóvember,
en nú eru 62 hlutafélög skráð hjá
Verðbréfaskráningu Íslands.
Í fréttatilkynningu frá Verðbréfa-
skráningu kemur fram að í ágúst
sendi JP Morgan Chase Manhattan,
eitt stærsta fjármálafyrirtæki
heims, frá sér úttekt sem gerð var á
Verðbréfaskráningu og hlaut hún
meðaleinkunnina 1,13, en best er
gefið 1. Umsögnin var á þá leið að
Verðbréfaskráning uppfylli vel öll
skilyrði sem ákjósanlegur fjár-
vörsluaðili.
500–600 milljarðar króna
vistaðir rafrænt
Verðbréfaskráning Íslands var
stofnuð fyrir fjórum árum en hóf
ekki formlega störf fyrr en í júní í
fyrra. Tilgangur stofnunarinnar var
að Verðbréfaskráning myndi gefa
út og skrá rafræn verðbréf á ís-
lenskum verðbréfamarkaði. Verð-
bréfaskráning Íslands er því upp-
gjörshús fyrir viðskipti með
verðbréf og fer uppgjör fram á
hverjum degi. Að auki geymir Verð-
bréfaskráning rafbréf og sér um
rafræna útgáfu verðbréfa. Í kerfi
Verðbréfaskráningar Íslands eru
nú vistaðir 500 til 600 milljarðar
króna.
Í fréttatilkynningu Verðbréfa-
skráningar segir að samkvæmt lög-
um fái eigendur rafrænt skráðra
verðbréfa yfirlit frá Verðbréfa-
skráningu um eign sína einu sinni á
ári og geti þá borið það saman við
yfirlit frá fjármálastofnunum. Þessi
yfirlit eigi að stemma að undan-
skildum ófrágengnum viðskiptum á
viðmiðunardegi. Í tilkynningunni
segir að sífellt fleiri nýti sér þá
þjónustu að fá yfirlit yfir rafrænt
skráðar eignir sínar, en engar upp-
lýsingar séu veittar nema ótvíræðar
heimildir liggi fyrir og mikil áhersla
sé lögð á trúnað við fjárfesta og út-
gefendur.
Margvíslegt hagræði
af rafrænni skráningu
Einar Sigurjónsson, fram-
kvæmdastjóri Verðbréfaskráningar
Íslands, segir að margvíslegur
ávinningur og hagræði sé af raf-
rænni skráningu verðbréfa. Það að
bréfin hafi verið á pappír hafi verið
fyrirstaða fyrir erlenda fjárfesta, en
nú hafi íslenski markaðurinn hlotið
góða umsögn að þessu leyti erlend-
is. Rafræn skráning auki öryggi við-
skipta, því að skipti á bréfum og
greiðslu fari fram þegar að morgni
næsta dags eftir að viðskiptin hafi
átt sér stað á Verðbréfaþingi. Menn
þurfi því ekki að óttast um afhend-
ingu bréfanna eða greiðslur fyrir
þau. Þá sé eignarhald nú skráð ná-
kvæmlega og hlutafélögin sjálf geti
þannig fengið upplýsingar um hlut-
hafa daglega en þurfi ekki að bíða
eftir tilkynningum um eignaskipti.
Loks nefnir Einar að bréf týnist nú
ekki eins og áður hafi stundum
gerst með tilheyrandi ógildingar-
málum, og að rafrænni skráningu
fylgi hagræði fyrir fjármálafyrir-
tækin sem þurfi nú ekki að halda ut-
anum pappíra og flytja þá á milli.
Einar segir að öryggi sé mikið
hjá Verðbréfaskráningu Íslands því
að allar upplýsingar fari inn á tvær
vélar og séu geymdar þar auk þess
sem tekið sé öryggisafrit af öllum
gögnum á hverjum degi. Þar fyrir
utan kaupi félagið tryggingu fyrir
hugsanlegu tjóni upp á 650 milljónir
króna á ári.
Rafrænni skráningu
hlutabréfa að verða lokið
Með skráningu hlutabréfa Eimskips
í nóvember munu helstu verðbréf
á markaðnum verða skráð rafrænt
PHARMACO hf. hefur keypt fram-
leiðslurétt sýklalyfjahráefnisins
erythromycin af alþjóðlega lyfjafyr-
irtækinu Pharmacia í Bandaríkjun-
um, þá tækni sem notuð hefur verið
við framleiðslu hráefnisins, ásamt
viðskiptasamböndum fyrirtækisins á
þeim markaði. Mun framleiðsla hrá-
efnisins sem hér um ræðir fara eft-
irleiðis fram í verksmiðju Pharmaco í
Razgrad í Búlgaríu, en hún er ein
þeirra verksmiðja sem Pharmaco
eignaðist með kaupunum á lyfjaverk-
smiðjum Balkanpharma þar í landi.
Um leið og þessi kaup voru gerð
varð Pharmaco umboðsaðili
Pharmacia á þessu sýklalyfjahráefni
og mun annast sölu þeirra birgða
sem Pharmacia á óseldar. Á meðan
þær birgðir seljast verður tíminn
nýttur til að hefja framleiðslu á sama
hráefni í verksmiðju Pharmaco í
Búlgaríu, sem verður framleitt á
grundvelli þeirrar tækni og þekking-
ar sem fyrirtækið keypti af
Pharmacia. Með þessum kaupum er
gert ráð fyrir að sýklalyfjafram-
leiðsla Pharmaco aukist verulega.
„Með kaupunum á framleiðslurétti
erythromycin, sýklalyfjahráefnis
Pharmacia, eykur Pharmaco fjöl-
breytni í vörúrvali þeirra sýklalyfja
sem framleidd eru í Búlgaríu, hag-
ræði vex og viðskiptavinum fjölgar
verulega víða um heim. Jafnframt
gera þessi viðskipti Pharmaco mögu-
legt að hagnýta sér hina miklu
tækniþekkingu Pharmacia við fram-
leiðslu sýklalyfja, gæðaeftirlit og sér-
þekkingu þess í sölu- og markaðs-
málum um allan heim. Með þessum
kaupum aukast mjög möguleikar
Pharmaco á sölu hráefna til lyfja-
gerðar á heimsmarkaði, sem mun
hafa jákvæð áhrif á markaðsstöðu
fyrirtækisins í Bandaríkjunum, Jap-
an og Vestur-Evrópu,“ segir í frétt
frá Pharmaco.
Pharmaco kaupir rétt á
sýklalyfjaframleiðslu
FPI kaup-
ir Clear-
water
KANADÍSKA sjávarútvegsfyrirtæk-
ið Fishery Products International á
Nýfundnalandi hefur gefið út tilkynn-
ingu þess efnis að félagið hafi skrifað
undir samning um kaup á öllu hlutafé
keppinautarins, Clearwater Fine
Foods á Nova Scotia. Kaupverð er um
32 milljarðar króna, en við þennan
samruna verður til langstærsta sjáv-
arútvegsfyrirtæki Kanada.
Með þessum kaupum aukast árleg-
ar tekjur FPI um 22 milljarða króna
og hagnaður (ebitda) um 4,7 millj-
arða. Kaupin verða fjámögnuð með
lántöku og sölu hlutafjár.
FPI stundar fiskveiðar og vinnslu í
Kanada, Bandaríkjunum, Kína og
Evrópu og hefur verið mikið til um-
ræða að undanförnu og mikill styrr
staðið um það. Á sínum tíma reyndu
fjögur fyrirtæki, þar á meðal Sölu-
miðstöð hraðfrystihúsanna og Clear-
water að taka FPI yfir, en sú tilraun
mistókst. Síðan hafa þessi fyrirtæki
náð yfirhöndinni í stjórn FPI og skipt
um stjórnendur, en forstjórinn, Vict-
or Young, reyndi að standa vörð um
FPI og koma í veg fyrir að aðrir næðu
þar yfirráðum.
DÖNSK stjórnvöld fengu hátt í 47
milljarða íslenskra króna fyrir
fjögur leyfi á næstu kynslóð far-
síma. Í viðtali við Berlingske Tid-
ende segir Birte Weiss, ráðherra
upplýsingatækni, að þetta sé mjög
eðlilegt verð fyrir leyfin. Þegar
trú manna á farsímamarkaðinn
var sem mest var talið að útboðið
í Danmörku gæti skilað 248 millj-
örðum íslenskra króna í danska
ríkissjóðinn. En síðan þá hefur
mikið vatn runnið til sjávar.
Reiknað á hvern íbúa í Dan-
mörku hafa farsímafyrirtækin þar
greitt liðlega 9.400 krónur á
hvern íbúa. Fengist sama verð,
reiknað á íbúa, fyrir farsímaleyfin
hér á landi og í Danmörku, ef
ákveðið yrði að bjóða þau út,
myndi það skila ríkissjóði tæpum
2,7 milljörðum króna.
Segja má að verð fyrir farsíma-
leyfi í löndum Evrópu hafi farið
lækkandi með hverju útboðinu og
niðurstöðuna í Danmörku verður
einnig að skoða í ljósi breyttra
markaðsaðstæðna.
Langmest var greitt fyrir far-
símaleyfin í Bretlandi og Þýska-
landi, sem voru einna fyrst til
þess að bjóða leyfin út. Á þáver-
andi gengi greiddu bresku fyr-
irtækin tæplega 51.000 krónur á
hvern íbúa og í Þýskalandi var
þetta litlu minna eða liðlega
48.000 krónur og voru margir
þeirrar skoðunar að þetta hefði
verið allt of hátt verð. Á Ítalíu
fengust liðlega 15.000 krónur á
hvern mann og 13.500 krónur í
Hollandi.
Útboð farsímaleyfa gæti
skilað 2,7 milljörðum
Morgunblaðið/Arnaldur
Verð fyrir leyfi á rekstri þriðjukynslóðarfarsímakerfa hefur lækkað til
muna í Evrópu frá því að fyrstu leyfin voru gefin á síðasta ári.