Morgunblaðið - 25.09.2001, Blaðsíða 39

KIRKJUSTARF
MORGUNBLAÐIÐ ÞRIÐJUDAGUR 25. SEPTEMBER 2001 39
Safnaðarstarf
Áskirkja. Opið hús fyrir alla aldurs-
hópa kl. 10–14 í neðri safnaðarsal.
Skemmtiganga um Laugardalinn
eða upplestur kl. 10.30. Umsjón
Þóranna Þórarinsdóttir. Bæna- og
fyrirbænastund kl. 12 í kirkjunni.
Umsjón Guðrún K. Þórsdóttir.
Léttur hádegisverður að stundinni
lokinni. Samvera foreldra unga
barna kl. 14–16 í neðri safnaðarsal.
12 spora starf kl. 19 í neðri safn-
aðarsal.
Grensáskirkja. Kyrrðarstund í há-
degi kl. 12.10. Orgelleikur, ritninga-
lestur, altarisganga, fyrirbænir.
Léttur hádegisverður í safnaðar-
heimili eftir stundina.
Hallgrímskirkja. Fyrirbænaguðs-
þjónusta í dag kl. 10.30. Beðið fyrir
sjúkum.
Háteigskirkja. Ævintýraklúbburinn
kl. 17. Fjölbreytt og skemmtilegt
starf fyrir börn úr 1.–3. bekk í um-
sjón Guðrúnar Helgu, Sigrúnar,
Völu og Jóhönnu. Öll börn velkomin
og alltaf hægt að bætast í hópinn.
Unglingaklúbburinn MeMe kl.
19.30. Kröftugt starf fyrir unglinga
í umsjón Gunnfríðar og Jóhönnu.
Laugarneskirkja. Morgunbænir kl.
6.45–7.05. TTT-fundur kl. 16 fyrir
krakka í 5.–7. bekk. Fullorðins-
fræðsla kl. 20. Sóknarpresturinn,
Bjarni Karlsson, kennir biblíufræð-
in á lifandi og auðskilinn hátt.
Gengið inn um merktar dyr á aust-
urgafli kirkjunnar. Allir velkomnir.
Efni kvöldsins: Sagnameistarinn
Jesús. Þriðjudagur með Þorvaldi kl.
21. Lofgjörðarstund þar sem Þor-
valdur Halldórsson leiðir lofgjörð
við undirleik Gunnars Gunnarsson-
ar. Sr. Bjarni Karlsson flytur guðs
orð og bæn. Fyrirbænaþjónusta kl.
21.30 í umsjá bænahóps kirkjunnar
undir stjórn Margrétar Scheving
sálgæsluþjóns. (Sjá síðu 650 í
Textavarpi).
Neskirkja. Litli kórinn, kór eldri
borgara kl. 16.30. Stjórnandi Inga
J. Backman. Nýir félagar velkomn-
ir. Foreldramorgunn miðvikudag
kl. 10–12. Trúaruppeldi og samfélag
kirkjunnar. Fræðsla í umsjón sr.
Arnar Bárðar Jónssonar. Umsjón
Elínborg Lárusdóttir.
Árbæjarkirkja. Foreldramorgnar
hefjast þriðjudaginn 2. október kl.
10.
Breiðholtskirkja. Bænaguðsþjón-
usta með altarisgöngu kl. 18.30.
Bænaefnum má koma til sóknar-
prests í viðtalstímum hans. Æsku-
lýðsstarf á vegum KFUM&K og
kirkjunnar kl. 20. Digraneskirkja.
Leikfimi ÍAK, kirkjustarf aldraðra
hefst með leikfimi kl. 11.15. Léttur
málsverður. Helgistund, samvera
og kaffi. Starf fyrir 10–12 ára á
vegum KFUM&K og Digranes-
kirkju. Húsið opnað kl. 16.30. Fót-
boltaspil, borðtennis og annað.
Hjólaferð. Allir mæta á reiðhjóli.
Leikir og veitingar.
Fella- og Hólakirkja. Bæna- og
kyrrðarstund í kirkjunni. Organisti
leikur frá kl. 12. Kl. 12.10 hefst
stundin og að henni lokinni kl. 12.25
er framreiddur léttur hádegisverð-
ur í safnaðarheimilinu gegn vægu
gjaldi. Fyrirbænaefnum má koma
til presta og djákna. Þeir sem óska
eftir akstri láti vita fyrir kl. 10 á
þriðjudagsmorgni í síma 557-3280.
Starf fyrir 11–12 ára drengi kl. 17
Grafarvogskirkja. Opið hús fyrir
eldri borgara kl. 13.30. Helgistund,
handavinna, spil og kaffiveitingar.
Kirkjukrakkar í Engjaskóla fyrir
börn 7–9 ára kl. 17.30–18.30.
Hjallakirkja. Bæna- og kyrrðar-
stund kl. 18 á neðri hæð kirkj-
unnar.
Kópavogskirkja. Foreldramorgunn
í dag í safnaðarheimilinu Borgum
kl. 10–12.
Seljakirkja. Mömmumorgunn. Opið
hús milli kl. 10 og 12. Kaffi og
spjall.
Vídalínskirkja. Opið hús fyrir eldri
borgara kl. 13–16 í Kirkjuhvoli.
Spilað og spjallað. Helgistund í
kirkjunni kl. 16. Fjölbreytt kristi-
legt starf fyrir 9–12 ára stúlkur í
Kirkjuhvoli kl. 17.30 í umsjón
KFUK.
Bessastaðasókn. TTT-kristilegt
æskulýðsstarf fyrir 10–12 ára í
Álftanesskóla, stofu 104, kl. 17.30.
Rúta ekur börnunum heim.
Fríkirkjan í Hafnarfirði. Opið hús
kl. 17–18.30 fyrir 7–9 ára. Kl. 20–22
æskulýðsfélag yngri félaga.
Víðistaðakirkja. Barnastarf fyrir
8–9 ára börn í dag kl. 17. Kyrrðar-
og fyrirbænastund með Taizé-
söngvum í dag kl. 18. Hægt er að
koma fyrirbænaefnum til sóknar-
prests eða kirkjuvarðar.
Grindavíkurkirkja. Foreldramorg-
unn kl. 10–12.
Borgarneskirkja. TTT tíu til tólf
ára starf alla þriðjudaga kl. 17–18.
Helgistund í kirkjunni sömu daga
kl. 18.15–19.
Þorlákskirkja. Mömmumorgnar á
þriðjudögum kl. 10–12.
Krossinn. Almenn samkoma kl.
20.30 í Hlíðasmára 5. Allir velkomn-
ir.
Morgunblaðið/Ómar
Ísafjarðarkirkja
FRÉTTIR
SKÓGRÆKTARFÉLÖGIN á höf-
uðborgarsvæðinu halda opinn
fræðslufund í sal Ferðafélags Ís-
lands, Mörkinni 6, þriðjudaginn,
25. september kl. 20, Þessi fund-
ur er í umsjón Skógræktarfélags
Mosfellsbæjar.
Þetta er fyrsti fræðslufundur
haustsins í fræðslusamstarfi
skógræktarfélaganna og Bún-
aðarbanka Íslands.
Aðalerindi kvöldsins flytur Ei-
ríkur Benjamínsson læknir.
Fjallar hann um skógræktina að
Ölvisholti í Rangárvallasýslu. Þar
hóf faðir hans, Benjamín H.J. Ei-
ríksson fyrrv. bankastjóri, um-
fangsmikla skógrækt fyrir nokkr-
um áratugum. Eftir að hann lést
hefur fjölskyldan haldið áfram af
krafti við skógræktarstarfið.
Skógræktin var Benjamín mikið
hjartans mál, segir í frétta-
tilkynningu.
Í erindinu fjallar Eiríkur í máli
og myndum um ræktunina í Ölv-
isholti. Sýnir hann litskyggnur
frá svæðinu, gamlar og nýjar,
sem sýna vel þann góða árangur
sem náðst hefur í skógrækt á
svæðinu.
Áður en Eiríkur flytur erindi
sitt munu þær Kristjana Helga-
dóttir, sem útskrifaðist frá Kon-
unglega tónlistarskólanum í
Kaupmannahöfn s.l. vor og Berg-
lind María Tómasdóttir, sem út-
skrifaðist frá Tónlistarháskól-
anum í Amsterdam fyrir 2 árum,
leika á þverflautu.
Aðgangur er ókeypis og allir
velkomnir á meðan húsrými leyf-
ir og verður boðið upp á kaffi.
Opið hús skógræktarfélaganna
NÆSTU vikur verða málefnahópar
starfandi á vegum Samfylkingar-
félaganna á suðvesturhorni landsins
og eru allir áhugamenn um málefnin
velkomnir, segir í fréttatilkynningu. Í
gær var fjallað um efnahags- og at-
vinnumál og næstu fundir eru sem
hér segir:
Þriðjudagurinn 25. september kl.
17.30. Menningarmál. Hópstjóri Ása
Richardsdóttir, verkefnisstjóri.
Miðvikudagurinn 26. september kl.
17.30. Verkalýðs- og vinnumarkaðs-
mál. Hópstjóri Kolbeinn Stefánsson,
formaður UJ í Reykjavík. Sveitar-
stjórnarmál. Hópstjóri Flosi Eiríks-
son, bæjarfulltrúi.
Fimmtudagurinn 27. september kl.
17.30. Menntamál. Hópstjórar Einar
Már Sigurðarson og Sigríður Jóhann-
esdóttir, alþingismenn.
Mánudaginn 1. október kl. 17.30.
Velferðarþjónustan. Hópstjórar
Kristinn Karlsson, félagsfræðingur
og Ásta R. Jóhannesdóttir, alþingis-
maður.
Allar upplýsingar veittar á skrif-
stofu flokksins Austurstræti 14, 4
hæð, þar sem fundirnir verða haldnir.
Opið málefna-
starf Samfylk-
ingarinnar
FYRSTI fræðslufundur Foreldra-
félags misþroska barna á þessu
hausti verður haldinn miðvikudaginn
26. september. Sæmundur Haf-
steinsson sálfræðingur fjallar um
sjálfsmynd barna m.t.t. sjálfsvirð-
ingar, eineltis og fleiri þátta sem
snerta daglegt líf.
Fyrirlesturinn er haldinn í safn-
aðarheimili Háteigskirkju og hefst
klukkan 20.00, gengið er inn frá bíla-
stæðinu. Að fyrirlestri loknum svar-
ar Sæmundur spurningum og al-
mennar umræður verða. Aðgangur
er ókeypis og öllum heimill.
Nýlega er komið út nýtt tölublað
af fréttabréfi Foreldrafélags mis-
þroska barna.
Erindi um
sjálfsmynd
barna
KRISTÍN Indriðadóttir fram-
kvæmdastjóri Menntasmiðju
Kennaraháskóla Íslands heldur
kynningu á vegum Rannsóknar-
stofnunar KHÍ næstkomandi mið-
vikudag, 26. september, kl. 16.15.
Kynningin verður haldin í sal Sjó-
mannaskóla Íslands við Háteigs-
veg og er öllum opin.
„Á þessu ári hafa opnast alveg
nýir möguleikar fyrir íbúa Íslands
til þess að komast í erlend gagna-
söfn og rafrænan texta tímarita á
flestum fræðasviðum. Vefurinn
www.hvar.is verður kynntur, skoð-
uð sérstaklega gagnasöfn sem
ákjósanlegt er að nota til þess að
finna heimildir um uppeldis- og
menntamál og rætt um hvað er í
boði af rafrænum tímaritum á efn-
issviðinu,“ segir í fréttatilkynn-
ingu.
Kynning á
gagnasöfnun
MIKIÐ verður um að vera í
Skagafirði helgina 28.-30. septem-
ber næstkomandi.
Byrjað verður á stóðréttum við
Háleggsstaði í Deildardal á föstu-
daginn kl. 14 þar sem smöluð
verða og réttuð tæplega 100 hross
sem gengið hafa í Deildardal í
sumar.
Um kvöldið kl. 21 verða úrvals-
hross til sýningar og sölu á sölu-
sýningu í Reiðhöllinni á Sauðár-
króki. Undanfarin ár hefur
sýningin verið haldin á Vindheima-
melum og sýnd 40-50 hross.
Á laugardaginn kl. 13 verða
Laufskálaréttir þar sem réttuð
verða á sjötta hundrað hross sem
gengið hafa í Kolbeinsdal og Ás-
garði í sumar.
Á laugardagskvöldið verða tveir
dansleikir, með stórhljómsveit
Papa í Höfðaborg á Hofsósi og
hljómsveit Geirmundar Valtýsson-
ar í Miðgarði Varmahlíð.
Á sunnudaginn kl. 13 verða tæp-
lega 150 hross réttuð í Árhólarétt í
Unadal.
Stóðréttarhelgi
í Skagafirði
LÖGREGLAN í Reykjavík lýsir eft-
ir vitnum að umferðaróhappi í
Mjóddinni þann 19. september sl. kl.
22.30. Þá var bakkað á bifreiðina
YL-070 sem er dökkgræn Hyundai
Accent, sem var lagt í bifreiðarstæði
við Landsbankann í Mjódd, og síðan
ekið í burtu. Lögreglan biður þá sem
hafa upplýsingar um málið að hafa
þá samband við umferðardeild lög-
reglunnar í Reykjavík.
Lýst eftir
vitnum
VINÁTTUFÉLAG Íslands og Kan-
ada heldur opinn fund miðvikudaginn
26. september kl. 20, í Lögbergi, Há-
skóla Íslands, stofu 102. Dr. Finnbogi
Guðmundsson, fv. landsbókavörður
mun flytja þátt um för Stephans G.
Stephanssonar vestur að Kyrrahafi í
febrúar-mars árið 1913, og vitnar um
það bæði í bréfi hans og kvæði.
Úr bréfum
Stephans G.
Stephanssonar
♦ ♦ ♦
♦ ♦ ♦
FÉLAGSFUNDUR Umsjónar-
félags einhverfra verður haldinn í
dag, þriðjudaginn 25. september, kl.
20. Fundarefni: Notkun tölva við
þjálfun einhverfra – kynning á for-
ritum. Fyrirlesari: Sigrún Jóhanns-
dóttir, forstöðumaður Tölvumið-
stöðvar fatlaðra.
Fundurinn verður haldinn í sal á
fyrstu hæð í húsi Öryrkjabandalags
Íslands, Hátúni 10 (gengið inn við
hliðina á verslun).
Í fréttatilkynningu eru félagsmenn
hvattir til að mæta. Fundurinn er öll-
um opinn og aðgangur er ókeypis.
Tölvu-
notkun við
þjálfun
einhverfra
♦ ♦ ♦
♦ ♦ ♦