Morgunblaðið - 02.10.2001, Blaðsíða 17
AKUREYRI
MORGUNBLAÐIÐ ÞRIÐJUDAGUR 2. OKTÓBER 2001 17
JÓAKIM Danaprins og Alexandra
prinsessa voru gestir Ólafs Ragnars
og Dorrit Moussaieff á Norðurlandi
í liðinni viku ásamt fylgdarliði. Þau
snæddu hádegisverð í Hótel Reyni-
hlíð en fóru síðan austur fyrir
Námafjall og gengu um hverasvæð-
ið þar. Leiðsögumaður þeirra í Mý-
vatnssveit var Friðriki Dagur Arn-
arson frá Skútustöðum. Heiðskírt
veður var í sveitinni en strekkings
sunnan kaldi og svalt í veðri.
Fyrr á öldum áttu Danakonungar
brennisteinsnámur allar í Þingeyj-
arsýslu og höfðu af þeim fjárhags-
legan og hernaðarlegan styrk. Með-
al þeirra náma sem mest voru
nýttar voru þær á Námafjalli, en
það er nú löngu búið spil.
Á þeim árum voru Reykhlíð-
ungar umboðsmenn konungs með
námunum, en nú stunda Reykhlíð-
ungar ferðaþjónustu og veittu þess-
um góðu gestum silung, vill-
isveppasúpu ásamt bláberjum í
hádegismat.
Frá hverasvæðinu hélt hópurinn
að Grjótagjá, sem enn er of heit til
baða, en þaðan var farið í Dimmu-
borgir.
Danaprins og fylgdarlið í Mývatnssveit
Morgunblaðið/BFH
Jóakim Danaprins og fylgdarlið skoða Námaskarð í Mývatnssveit.
Skoðuðu hverasvæðið sem
áður var í eigu Danakonunga
ÞAÐ var handagangur í öskjunni
við höfnina í Grímsey á dögunum,
því eftir 1. september eru dagabát-
ar teknir upp. Sigurður Ingi
Bjarnason eigandi vélaverkstæðis-
ins hér sagði að á tveimur dögum
væri hann búinn að hífa 16 báta á
land. Nú má ekki bara sjá báta í og
við höfnina heldur líka upp um
mela og móa.
Geysileg breyting hefur orðið á
bátafjölda í Grímsey. Alfreð Garð-
arsson útgerðarmaður sagði ástæð-
una vera minnkandi kvóta og menn
því að fjárfesta í dagabátum sem
síðan standa ónotaðir í heila 9 mán-
uði. Sigurður Ingi sagðist hafa talið
36 báta sem gerðir hefðu verið út
hér í sumar, af heimamönnum og
aðkomumönnum.
Alfreð lýsti því yfir að veiðin
hefði verið góð og sjómenn þokka-
lega ánægðir með sumaraflann en
það sama væri ekki hægt að segja
um fiskveiðistefnuna. Það sem var
kvótasett í ýsu og steinbít 1. sept-
ember sl. kemur mjög illa niður á
trillusjómönnum í Grímsey, þar
sem menn eiga enga aflareynslu
frá viðmiðunarárunum. Á þeim
tíma var sáralítið um þessar fisk-
tegundir en nú er annað upp ten-
ingnum og ýsan og steinbíturinn
virðast alls staðar vera að aukast.
Sigurður Ingi sagði að engu lík-
ara væri en að ráðamenn hefðu
hreinlega dottið á höfuðið og Alfreð
sagði að eftir kvótasetninguna
hefðu sjómenn velt því fyrir sér
hvort allir í sjávarútvegsráðuneyt-
inu væru orðnir Grænfriðungar.
Bátar
líka upp
um mela
og móa
Morgunblaðið/Helga Mattína
Alfreð Garðarsson t.v. og Sigurður Ingi Bjarnason innan um smábáta.
Grímsey
ÍÞRÓTTA- og tómstundaráð hef-
ur óskað eftir því að bæjarráð
veiti Golfklúbbi Akureyrar, KA og
Þór fjárstyrk, samtals að upphæð
3 milljónir króna, vegna rekstrar
íþróttasvæða félaganna á þessu
ári.
Rekstrarsamningar Akureyr-
arbæjar og viðkomandi íþrótta-
félaga munu taka gildi um næstu
áramót en á meðan unnið var að
undirbúningi rekstrarsamning-
anna var erindum íþróttafélag-
anna vegna rekstrar íþróttasvæð-
anna frestað.
Einnig var á fundi ÍTA farið yf-
ir fjárhagsstöðu Skautahallarinn-
ar á Akureyri, þar sem Skauta-
félag Akureyrar sótti um
leiðréttingu á styrkveitingu vegna
rekstrar Skautahallarinnar.
Samkvæmt útreikningum
íþrótta- og tómstundafulltrúa þarf
að leiðrétta rekstrarfé Skauta-
hallarinnar á ársgrundvelli um
rúmar 2,5 milljónir króna. ÍTA
samþykkti að samningur bæjarins
og Skautafélagsins yrði tekinn til
endurskoðunar og jafnframt ósk-
aði ÍTA eftir endurskoðun á
rekstrarstyrk bæjarins að upp-
hæð rúmar 2,5 milljónir króna.
ÍTA vill styrkja
íþróttafélög
DILBERT mbl.is
VOGIR
Eltak sérhæfir sig í sölu
og þjónustu á vogum
Bjóðum eitt mesta úrval
á Íslandi af smáum
og stórum vogum
Hafðu samband
Síðumúla 13, sími 588 2122
www.eltak.is
Starfsmaður óskast í hálft starf allt árið frá 15. október 2001.
Starfið felst í því að kynna safnið út á við,
(auglýsingar, fréttatilkynningar), hafa samskipti við ferðaþjónustuaðila,
önnur söfn o.fl., taka á móti safngestum, skipuleggja heimsóknir
skólahópa og sjá um rekstur safnsins í samráði við Nonnanefnd
Zontaklúbbs Akureyrar.
Starfið krefst góðrar íslenskukunnáttu, kunnáttu í ensku og einu
Norðurlandamáli. Þýskukunnátta æskileg. Umsækjandi þarf að hafa
nokkra reynslu í tölvuvinnslu, geta unnið sjálfstætt en líka eiga auðvelt
með að umgangast fólk. (Ekki er verra að hafa reynslu af kennslu eða
öðru starfi tengdu börnum og unglingum).
Umsóknir, ásamt ferilsskrá, skulu sendar fyrir 10. október í Nonnahús,
pósthólf 281, 602 Akureyri, eða í tölvupósti nonnahus@ismennt.is
Nonnahús