Morgunblaðið - 11.12.2001, Qupperneq 10

FRÉTTIR
10 ÞRIÐJUDAGUR 11. DESEMBER 2001 MORGUNBLAÐIÐ
HÚSFYLLIR var við hjartnæma
kyrrðar- og bænastund í Ólafsvíkur-
kirkju á sunnudagskvöld. Séra Óskar
Hafsteinn Óskarsson, sóknarprestur,
stóð fyrir athöfninni og fór með hugg-
unarorð og bænir. Auk þess las séra
Lilja Kristín Þorsteinsdóttir, sóknar-
prestur á Hellissandi, ritningargrein-
ar og Kirkjukór Ólafsvíkur söng.
Séra Óskar sagði m.a. að þegar
jafn sár sorg ríkti sem nú hér í byggð-
inni væri samkenndin dýrmæt, vilj-
inn til að styrkja hvert annað væri
ómetanlegur. Þá minnti hann á að við
eigum stóran faðm sem við getum
alltaf leitað huggunar hjá. Séra Óskar
upplýsti, að Rauði krossinn væri að
starfi hér sérstaklega núna og að
kirkjan yrði opin þeim sem þangað
vildu leita eftir kyrrð og friði.
Húsfyllir
við bæna-
stund
Ólafsvík. Morgunblaðið.
„ÞETTA hræðilega slys er mikið áfall
fyrir okkur og mikil blóðtaka fyrir
bæjarfélagið,“ sagði séra Óskar Haf-
steinn Óskarsson, prestur í Ólafsvík.
Kyrrðarstund var í Ólafsvíkurkirkju
á sunnudagskvöld þar sem fjöldi fólks
leitaði huggunar í bæn.
Á sunnudag opnaði Rauði krossinn
fjöldaáfallastöð í Ólafsvík. Óskar
sagði að margir hefðu nýtt sér hana. Í
ljós hefði komið að veruleg þörf hefði
verið fyrir áfallahjálp líkt og hann
hefði talið þegar hann óskaði eftir að-
stoð. Óskar sagði að mikill samhugur
væri meðal fólks í Ólafsvík. „Það er
hins vegar þungt yfir öllum. Þessi
tími er líka viðkvæmur og erfiður fyr-
ir marga.“
Óskar sagði að fólki væri mjög of-
arlega í huga að finna þá sem saknað
væri. Vont veður var á Snæfellsnesi í
gær og skip komust ekki á sjó til leit-
ar. Óskar sagði að fyrir marga væri
erfitt að sitja aðgerðalausir heima og
bíða. Fólki hefði fundist erfitt að geta
ekki haldið áfram að leita að vinum
sínum.
Prestar í nágrannaprestaköllum
hafa verið Óskari til aðstoðar frá því
Svanborg fórst. Hann sagði að áfalla-
hjálparfólk frá Rauða krossinum
væri til taks og myndi koma til að-
stoðar ef eftir því yrði kallað.
Mikið áfall
fyrir bæjar-
félagið
HAFSTEINN Hafsteinsson, for-
stjóri Landhelgisgæslunnar, segir að
í ljós hafi komið bilun í stýrisbúnaði
björgunarþyrlunnar TF-LÍF, en bil-
unin orsakaði að þyrlan þurfti að snúa
við skömmu áður en hún kom að Önd-
verðarnesi þar sem dragnótarbátur-
inn Svanborg fórst á föstudagskvöld.
Hafsteinn sagði að flugmenn þyrl-
unnar hefðu ekki gert sér ljóst í byrj-
un hvað nákvæmlega var að, en bil-
unin hefði verið þess eðlis að útilokað
hefði verið að nota þyrluna við björg-
unaraðgerðir við þær erfiðu aðstæður
sem þarna voru.
Þegar flugvirkjar skoðuðu þyrluna
hefði komið í ljós að stýrisbúnaður
hefði bilað. Hafsteinn sagði að nauð-
synlegt hefði verið að panta varahlut í
þyrluna og vonaðist hann eftir að
hann kæmi til landsins í dag.
Hafsteinn sagði að bilunin gerði
það að verkum að ekki væri hægt að
nota þyrluna í vondu veðri eða í
myrkri. Það væri hins vegar hægt að
nota hana undir öðrum kringumstæð-
um. Hafsteinn sagði að strax og TF-
LÍF fór í loftið á föstudaginn hefði
verið óskað eftir því að björgunar-
þyrlur varnarliðsins yrðu til taks ef á
þyrfti að halda. Hann sagði að slíkri
beiðni væri iðulega komið á framfæri
við varnarliðið þegar um erfiða og tví-
sýna björgun væri að ræða.
Bilun í
stýrisbúnaði
♦ ♦ ♦
♦ ♦ ♦
MIKILL meirihluti full-trúa á formannafundiaðildarfélaga Alþýðu-sambands Íslands sam-
þykkti síðdegis í gær að fresta um
þrjá mánuði, eða fram í maí á
næsta ári, að endurskoða launalið
gildandi kjarasamninga. Samþykkt-
in byggist á því að verkalýðshreyf-
ingin, atvinnurekendur og stjórn-
völd taki höndum saman um
víðtækar aðgerðir, sem hafa að
meginmarkmiði að ná tökum á
verðbólgunni, styrkja gengi krón-
unnar, lækka vexti og varðveita
kaupmátt.
Gangi þær ráðstafanir eftir sem
um er rætt gera menn sér vonir um
að verðbólga á næsta ári verði mun
lægri en nú er spáð eða á bilinu
2½–3%.
Samþykkt með fyrirvara
um samþykki SA
Samþykkt formannafundarins er
þó gerð með þeim fyrirvara að
Samtök atvinnulífsins (SA) sam-
þykki þær aðgerðir sem snúa að at-
vinnurekendum og rætt hefur verið
um að undanförnu en stjórn SA
kemur saman á hádegi í dag til að
ræða fyrirhugaðar aðgerðir.
Fulltrúar ASÍ, SA og ríkissjórn-
arinnar hafa fundað stíft undan-
farna daga um fjölþættar aðgerðir í
efnahagsmálum og er samkomulag
um öll meginatriði í burðarliðnum
skv. upplýsingum blaðsins en allar
helstu tillögur um aðgerðir voru
kynntar á formannafundi ASÍ í
gær.
Að sögn Gylfa Arnbjörnssonar,
framkvæmdastjóra ASÍ, hefur þó
komið í ljós að enn standa ákveðin
atriði út af borðinu í samskiptum
launþegahreyfingarinnar við at-
vinnurekendur, ,,varðandi innspýt-
ingu inn í samninginn,“ eins og
hann orðaði það.
Ríkissjóður taki erlent lán og
styrki gengi krónunnar
Fram kom á formannafundinum
að rætt hefur verið um ýmsar að-
gerðir á fundum fulltrúa ASÍ, Sam-
taka atvinnulífsins og stjórnvalda
undanfarna daga. Er m.a. gert ráð
fyrir að ríkisstjórnin taki erlent lán
til að greiða niður lán innanlands
og styrkja gengi krónunnar, eins og
ASÍ fór fram á sl. sumar.
Þá mun ríkisstjórnin hafa lýst yf-
ir, að náist samkomulag sé hún
reiðubúin að draga til baka um
þriðjung af fyrirhugaðri hækkun
tryggingagjalds, sem lögfesta á í
tengslum við skattaaðgerðir ríkis-
stjórnarinnar fyrir áramót.
Rætt hefur verið um að ósk ASÍ
að ávinningur þessa verði látinn
koma fram í hækkun almennra
launataxta um áramótin 2003–2004.
Skv. gildandi samningum eiga laun
þá að hækka um 2,75% en til um-
ræðu er að hækkunin verði 3%, en
fulltrúar atvinnurekenda munu þó
ekki enn hafa svarað með afdrátt-
arlausum hætti hvort þeir fallast á
þessa hækkun, skv. heimildum
blaðsins.
Einnig er gert ráð fyrir að 1%
mótframlag vinnuveitenda vegna
viðbótarlífeyrissparnaðar verði fest
í sessi sem skyldubundið framlag.
Gert er ráð fyrir að sett verði
viðmiðunarmörk, einskonar rauð
strik, í forsendur kjarasamninga í
maí og fari verðbólga umfram þau
mörk sé hægt að segja launalið
samninga upp.
Gert er ráð fyrir að aðgerðirnar
geti leitt til töluverðrar lækkunar
vaxta.
Einnig á að herða allt verðlags-
eftirlit og samkomulag er um að
auka starfsmenntun.
Þá liggur fyrir samkomulag inn-
an Grænmetisnefndarinnar um af-
nám tolla af helstu tegundum inn-
flutts grænmetis, eins og greint var
frá í Morgunblaðinu um helgina,
sem á að leiða til umtalsverðrar
lækkunar grænmetisverðs. Er sú
aðgerð talin einn af þýðingarmeiri
þáttum samkomulagsins.
Skiptar skoðanir voru á for-
mannafundinum í gær um hvort
segja ætti launalið samninga upp í
febrúar eða taka höndum saman við
ríkisvaldið og atvinnurekendur um
aðgerðir. Um 80 manns voru á
fundinum og stóð hann yfir í tæpar
fimm klukkustundir. Voru líflegar
umræður á fundinum en á endanum
var samþykkt með miklum meiri-
hluta atkvæða að fresta endurskoð-
uninni, með fyrirvara um samþykki
atvinnurekenda.
Að sögn Gylfa telja menn að með
þessum aðgerðum og samkomulagi
við stjórnvöld og aðila vinnumark-
aðarins um tilteknar aðgerðir eigi
að skapast forsendur fyrir því að
hægt verði að eyða þeirri óvissu
sem verið hefur.
Menn séu sammála um að láta á
það reyna hvort hægt er að skapa
þá tiltrú í þjóðfélaginu að hægt sé
að ná tökum á verðbólgunni en for-
senda þess sé að aðilar nái saman
um fjölþættar aðgerðir.
Að sögn hans er enn ólokið út-
færslu einstakra atriða sem rætt
hefur verið um og liggja tillögurnar
því ekki fyrir í endanlegu formi.
,,Menn hafa náð saman um ákveðin
stefnumið. Enn er eitt atriði eftir,
en að öðru leyti sýnist mér að menn
séu að ná saman um sameiginlega
stefnu þessara aðila og það er af-
skapalega mikilvægt innlegg í að
koma á meiri stöðugleika í hagkerf-
inu og lækka verðbólguna. Breyt-
ingin á launaliðnum skiptir auðvitað
máli en meginatriðið er að ná tök-
um á verðbólgunni vegna þess að
það er hún sem er að fara illa með
kjör okkar fólks, bæði í vöruverðinu
sjálfu en einkum og sér í lagi verð-
tryggingu lána,“ segir Gylfi.
Hann sagði að gengi þetta hins
vegar ekki eftir og kæmi í ljós að
aðgerðirnar vektu ekki nauðsynlega
tiltrú og krónan héldi áfram að
veikjast mundi að sjálfsögðu reyna
á uppsagnarlið kjarasamninganna í
maí. ,,En við teljum að það séu all-
ar forsendur fyrir því að okkur ætti
að takast að styrkja krónuna í sessi
og að hún geti hækkað verulega á
næstu mánuðum, þannig að for-
sendur og markmið okkar um þró-
un verðlags eigi að geta gengið eft-
ir. Við erum ekki að framkalla
neinn óskalista heldur eru menn að
meta stöðuna mjög kalt og raun-
hæft og það er alveg ljóst að í
þessu felst ákveðið aðhald. Verka-
lýðshreyfingin vill sjá að það verði
aðhald með versluninni í landinu og
að þessar aðgerðir skili sér. Þess
vegna varð það niðurstaða í sam-
skiptum okkar að setja rautt strik,
þ.e.a.s. mjög skýra viðmiðun á
verðlag í maí,“ sagði Gylfi.
Skiptar skoðanir
Aðalsteinn Baldursson, formaður
verkalýðsfélags Húsavíkur og ná-
grennis, var meðal þeirra sem vildu
segja upp launalið kjarasamninga í
febrúar á fundinum í gær. ,,Að
mínu mati eru forsendur brostnar
og engin ástæða til að bíða, vegna
þess að það er búið að íþyngja
heimilunum svo mikið. Í því sam-
bandi má benda á að stjórnvöld eru
að boða allskonar hækkanir og ætla
að skila ríkissjóði með nokkurra
milljarða afgangi á sama tíma og
okkar fólk er að gefast upp vegna
þess að ástandið í þjóðfélaginu er
mjög slæmt um þessar mundir. Ég
vildi því að menn segðu upp samn-
ingum en sú varð ekki niðurstaðan.
Maður hlítir því og ég mun því taka
þátt í að móta einhverjar tillögur
sem bæta hag launafólks,“ sagði
hann.
Formannafundur ASÍ samþykkti að fresta endurskoðun launaliðar fram í maí
Binda vonir við að verðbólga
verði 2½–3% á næsta ári
Morgunblaðið/Þorkell
Grétar Þorsteinsson og Halldór Björnsson rabba við fundarmenn áður en gengið var til dagskrár.
’ Samningum sagtupp í maí ef verð-
bólga fer yfir rautt
strik. ‘
omfr@mbl.is
Formannafundur aðild-
arfélaga ASÍ samþykkti
í gær að fresta um þrjá
mánuði endurskoðun á
launalið gildandi kjara-
samninga. Í samantekt
Ómars Friðrikssonar
kemur fram að sam-
komulag er í burð-
arliðnum um víðtækar
efnahagsaðgerðir á milli
launþegahreyfingar-
innar, atvinnurekenda
og ríkisvaldsins.
HÉRAÐSDÓMUR Reykjaness
hefur sýknað karlmann af ákæru
fyrir kynferðisbrot gegn þá 10 ára
dóttur sambýliskonu hans á ár-
unum 1999 og 2000. Dómurinn var
fjölskipaður í málinu og var sýkna
byggð á tveimur atkvæðum gegn
einu.
Maðurinn var ákærður fyrir káf
á kynfærum stúlkunnar og að hafa
fengið hana til að taka um getn-
aðarlim sinn. Fyrrnefnda atvikið
átti að hafa gerst undir teppi uppi
í sófa en seinna atvikið uppi í rúmi
hjá ákærða og móður stúlkunnar.
Meirihluti dómsins taldi framburð
stúlkunnar um meinta kynferðis-
lega hegðun ákærða í uppi í rúmi
ósennilegan og ekki haldbæran.
Varð ekki hjá því komist að líta
fyrra atvikið í ljósi þessa og varð
trúverðugleiki frásagnar hennar
um það metinn minna en ella.
Einnig var talið að stúlkan væri
óstöðug í framburði sínum og að
hún hefði á vissum tíma verið
tilbúin að breyta honum, þannig að
hann var ekki eins traustur og
ella. Meirihlutanum þótti gegn ein-
dreginni neitun ákærða sök hans
ekki fyllilega sönnuð og sýknaði
hann af ákæru ríkissaksóknara.
Gunnar Aðalsteinsson héraðs-
dómari taldi sök ákærða nægilega
sannaða að því er varðaði káf
mannsins á stúlkunni en taldi ekki
að ákæruvaldinu hefði tekist að
sanna önnur ákæruatriði.
Meirihluta dómsins skipuðu
Guðmundur L. Jóhannesson dóms-
formaður og Sveinn Sigurkarlsson
héraðsdómari.
Viðar Lúðvíksson hdl. var verj-
andi ákærða og saksóknari Sigríð-
ur Jósefsdóttir.
Sýknaður af ákæru fyrir
kynferðisbrot gegn barni