Morgunblaðið - 11.12.2001, Side 53
FRÉTTIR
MORGUNBLAÐIÐ ÞRIÐJUDAGUR 11. DESEMBER 2001 53
Áskirkja. Opið hús fyrir alla aldurshópa
kl. 10–14 í neðri safnaðarsal. Skemmti-
ganga um Laugardalinn eða upplestur kl.
10.30. Umsjón Þóranna Þórarinsdóttir.
Bæna- og fyrirbænastund kl. 12 í kirkj-
unni. Umsjón Guðrún K. Þórsdóttir. Léttur
hádegisverður að stundinni lokinni. Sam-
vera foreldra ungra barna kl.14–16 í neðri
safnaðarsal. 12 spora starf kl. 19 í kirkj-
unni.
Bústaðakirkja. TTT-starf fyrir 10–12 ára
kl. 17.
Grensáskirkja. Kyrrðarstund í hádegi kl.
12.10. Orgelleikur, ritningalestur, altaris-
ganga, fyrirbænir. Léttur hádegisverður í
safnaðarheimili eftir stundina.
Hallgrímskirkja. Fyrirbænaguðsþjónusta
í dag kl. 10.30. Beðið fyrir sjúkum.
Háteigskirkja. Ævintýraklúbburinn kl.
17. Fjölbreytt og skemmtilegt starf fyrir
börn úr 1.–3. bekk í umsjón Guðrúnar
Helgu, Sigrúnar, Völu og Jóhönnu. Öll
börn velkomin og alltaf hægt að bætast í
hópinn. Unglingaklúbburinn MeMe kl.
19.30. Kröftugt starf fyrir unglinga í um-
sjón Gunnfríðar og Jóhönnu.
Laugarneskirkja. Hlé verður á morgun-
bænum til 15. jan. Jólatónleikar Kórs
Laugarneskirkju kl. 20.30. Stjórnandi
Gunnar Gunarsson en Bjarni Þór Jónat-
ansson leikur á píanó. Einsöng flytja Lauf-
ey Geirlaugsdóttir og Þorvaldur Halldórs-
son. Sérstakir gestir verða
Borgarkvartettinn, en hann skipa Þorvald-
ur Halldórsson, Þorvaldur Þorvaldsson,
Ásgeir Páll Ágústsson og Atli Guðlaugs-
son. Aðgangseyrir rennur óskiptur í org-
elsjóð kirkjunnar. Fullorðinsfræðslu
haustannar er lokið, en Þriðjudagur með
Þorvaldi og fyrirbænaþjónusta falla inn í
kvöldið. Síðasta samvera fyrir jól verður
18. des. (sjá síðu 650 í Textavarpi).
Neskirkja. Litli kórinn, kór eldri borgara,
kl. 16.30. Stjórnandi Inga J. Backman.
Nýir félagar velkomnir. Foreldramorgunn
miðvikudag kl. 10–12. Fræðsla: Mat-
aræði ungbarna. Hjúkrunarfræðingur frá
Heilsugæslustöðinni á Seltjarnarnesi sér
um efnið. Umsjón Elínborg Lárusdóttir.
Seltjarnarneskirkja. Foreldramorgunn kl.
10–12.
Fríkirkjan í Reykjavík. Kyrrðar- og bæna-
stund í dag, þriðjudag, kl. 12 í kapellu
safnaðarins á 2. hæð í safnaðarheimili
kirkjunnar, Laufásvegi 13. Allir velkomnir
til þátttöku.
Árbæjarkirkja. Foreldramorgnar kl. 10–
12. Hittumst, kynnumst, fræðumst. TTT-
klúbburinn í Ártúnsskóla kl. 14.20–
15.20. Barnakóraæfing kl. 17–18.
Breiðholtskirkja. Bænaguðsþjónusta
með altarisgöngu kl. 18.30. Bænaefnum
má koma til sóknarprests í viðtalstímum
hans.
Digraneskirkja. Kirkjustarf aldraðra kl.
12. Hádegisverður. Kl. 13 jólavaka:
Jólafrásögn, helgileikur, tónlist. Kaffi,
jólahappdrætti, jólastemmning. Kl. 16
fermingarbörn Digraneskirkju fá hundinn
Bassa í heimsókn og fræðast um forvarn-
ir í fíkniefnum. Æskulýðsstarf fyrir 10–12
ára börn á vegum KFUM&K og Digranes-
kirkju. Húsið opnað kl. 16.30. Fótbolta-
spil, borðtennis og önnur spil. Jólafundur.
Fella- og Hólakirkja. Starf fyrir 11–12 ára
drengi kl. 17.
Grafarvogskirkja. Opið hús fyrir eldri
borgara kl. 13.30. Helgistund, handa-
vinna, spil og spjall. Kaffiveitingar og allt-
af eitthvað gott með kaffinu. Kirkjukrakk-
ar í Engjaskóla fyrir börn 7–9 ára kl.
17.30–18.30. Kirkjukrakkar í Korpuskóla
fyrir börn 7–9 ára kl. 17.30–18.30.
Æskulýðsfélag í Grafarvogskirkju, eldri
deild, kl. 20–22.
Hjallakirkja. Bæna- og kyrrðarstundir kl.
18.
Kópavogskirkja. Foreldramorgunn í dag í
safnaðarheimilinu Borgum kl. 10-12.
Seljakirkja. Mömmumorgunn. Opið hús
milli kl. 10–12. Kaffi og spjall.
Vídalínskirkja. Opið hús fyrir eldri borg-
ara kl. 13.30-16 í Kirkjuhvoli. Spilað og
spjallað. Helgistund í kirkjunni kl. 16. Fjöl-
breytt kristilegt starf fyrir 9–12 ára stúlk-
ur í Kirkjuhvoli kl. 17.30 í umsjón KFUK.
Bessastaðasókn. TTT-kristilegt æsku-
lýðsstarf fyrir 10–12 ára í Álftanesskóla,
stofu 104, kl. 17.30. Rúta ekur börnun-
um heim.
Fríkirkjan í Hafnarfirði. Kyrrðarstund í
kirkjunni kl. 18. Opið hús kl. 17–18.30
fyrir 7–9 ára. Kl. 20–22 æskulýðsfélag
yngri félaga.
Víðistaðakirkja. Barnastarf fyrir 8–9 ára
börn í dag kl 17. Kyrrðar- og fyrirbæna-
stund með Taizé-söngvum í dag kl. 18.
Hægt er að koma fyrirbænaefnum til
sóknarprests eða kirkjuvarðar.
Hafnarfjarðarkirkja. Opið hús fyrir 10–12
ára börn í safnaðarheimilinu Strandbergi,
Vonarhöfn frá kl. 17–18.30.
Landakirkja í Vestmannaeyjum. Kl. 10–
13.30 koma leikskólar í kirkjuheimsókn.
Grindavíkurkirkja. Foreldramorgunn kl.
10–12.
Borgarneskirkja. TTT tíu–tólf ára starf
alla þriðjudaga kl. 17–18. Helgistund í
kirkjunni sömu daga kl. 18.15–19.
Þorlákskirkja. Fermingarfræðsla í dag kl.
13.40.
Hvammstangakirkja. Æskulýðsfundur í
Hrakhólum í kvöld kl. 20.
Krossinn. Almenn samkoma kl. 20.30 í
Hlíðasmára 5. Allir velkomnir.
Safnaðarstarf
Morgunblaðið/Árni Sæberg
Á SAMVERUM eldri borgara í
Laugarneskirkju látum við okkur
ekkert mannlegt óviðkomandi og
því er dagskráin er ætíð fjöl-
breytt og fróðleg. Nú ljúkum við
haustönninni með góðum jóla-
fundi kl. 14 á fimmtudaginn 13.
des. þar sem margt ber á góma.
Að þessu sinni mun Stefán J. Haf-
stein koma og lesa upp úr bók
Önnu Kristine Magnúsdóttur, Lit-
rófi lífsins. Á helgistund sem
fram fer í kirkjunni á undan
munu Tinna Ágústsdóttir og Há-
kon Atli Halldórsson, nemendur í
Listdansskóla Íslands dansa við
gamlan negrasálm og Sigrún
Birgisdóttir nemandi í Susuki-
skólanum í Reykjavík mun leika á
píanó, en sr. Bjarni Karlsson
sóknarprestur flytur jóla-
hugvekju.
Að lokinni helgistund og fróð-
legri bókarkynningu, er boðið til
kaffisamsætis í safnaðarheimilinu
þar sem tvö börn, Erla Björg og
Aðalsteinn, munu sýna dans, góð-
gerðir verða fram bornar og
áhugasömum gefst færi á að eign-
ast bók Önnu Kristine á góðum
kjörum. Það er þjónustuhópur
Laugarneskirkju, kirkjuvörður
og sóknarprestur sem undirbúa
og stýra samverunni.
Jólasamvera eldri borg-
ara í Laugarneskirkju
KIRKJUSTARF
LÖGREGLUNNI í
Reykjavík var tilkynnt
um 44 umferðaróhöpp
um helgina sem sannar-
lega er allt of mikið. Um
helgina voru 11 ökumenn grunaðir
um ölvun við akstur og 17 stöðvaðir
vegna gruns um of hraðan akstur.
Á föstudagskvöld var tilkynnt um
jeppabifreið á hvolfi í Klettagörðum
og menn á hlaupum frá henni. Bifreið-
in hafnaði á spennistöð frá Orkuveit-
unni og síðan á girðingu sem
skemmdist á um 10 metra kafla. Öku-
maður lagði á flótta og óð til hafs. Eitt
vitni á vettvangi óð á eftir honum út í
sjó og náði að tala hann til. Ökumaður
var grunaður um ölvun og var vist-
aður í fangageymslu.
Aðfaranótt laugardags var bifreið
ekið út af Hringbraut til móts við BSÍ.
Ökumaður og farþegi kvörtuðu undan
eymslum en meiðslin voru ekki talin
alvarleg. Bifreiðin var fjarlægð með
kranabifreið.
Á laugardagsmorgun varð árekst-
ur á Fellsmúla. Farþegi í annarri bif-
reiðinni fann til eymsla í hálsi og
hnakka en báðar bifreiðar voru fjar-
lægðar af vettvangi með kranabifreið.
Þá var jólalest Coca Cola fylgt um
helstu hverfi borgarinnar og niður
Laugaveg.
Um klukkan hálf sex á laugardag
varð umferðarslys á gatnamótum
Háaleitisbrautar og Miklubrautar.
Ökumaður var fastur í annarri bif-
reiðinni og þurfti að nota tæki tækja-
bifreiðar slökkviliðs til að ná honum
út. Báðir ökumenn voru fluttir á
slysadeild til rannsóknar. Þrjár
sjúkrabifreiðar komu á vettvang auk
tækjabifreiðar. Meiðsl ökumanna
voru ekki að fullu könnuð en virtust
ekki eins alvarleg og í fyrstu leit út
fyrir. Báðar bifreiðar voru fjarlægðar
af vettvangi með dráttarbifreið.
Ekið var á kyrrstæða bifreið í
Mjóddinni. Ökumaður hennar hljóp á
brott ásamt tveim farþegum. Bifreið-
in sem þeir voru í mun hafa verið stol-
in.
Á sunnudagsmorgun var tilkynnt
um bifreið sem hefði verið ekið út í
móa við Njarðargötu og Vatnsmýr-
arveg og hún væri þar föst í ræsi en
ökumaður hefði hlaupið í burtu. Haft
var samband í síma skráðs eiganda og
fengust þá þær upplýsingar að eig-
andinn hefði skroppið út í búð.
Um hádegi á sunnudag var tilkynnt
alvarlegt umferðarslys á gatnamót-
um Breiðholtsbrautar og Skógarsels.
Ökumaður annarrar bifreiðarinnar
var fluttur með sjúkrabíl á slysadeild
en lögregla flutti hinn ökumanninn.
Sá fyrrnefndi hlaut höfuðmeiðsl og
var settur í rannsókn. Bifreiðarnar
voru fjarlægðar með kranabíl.
Síðdegis á föstudag var farið inn á
lager verslunar við Laugaveg og stol-
ið veskjum og farsímum í eigu starfs-
fólks. Í annarri verslun var maður
stöðvaður áður en hann hélt á braut
með hangikjötslæri sem hann hafði
ekki greitt fyrir. Nokkrir fleiri voru
teknir fyrir hnupl í verslunum því
víða er starfsfólkið vel á verði.
Tilkynnt var um innbrot í Folda-
hverfi. Þar var stolið bjór, hljómflutn-
ingstækjum og tölvu. Ölvun var miðl-
ungs mikil í miðborginni aðfaranótt
laugardags og ástand þokkalegt enda
fremur fáir á ferli. Einn maður var
handtekinn vegna líkamsmeiðinga,
annar vegna ölvunar og sá þriðji
vegna óspekta. Þá flutti lögregla
mann á slysadeild sem hafði fengið
glas í andlitið.
Nokkur erill var hjá lögreglu um
nóttina vegna ölvaðs fólks víðsvegar
um borgina.
Snemma á laugardagsmorgun var
tilkynnt innbrot í verslun við Granda-
garð. Þar var m.a. stolið þrem hagla-
byssum sem voru í festingum uppi á
vegg.
Upptökutæki nr. 7 stolið
Síðdegis á laugardag var svartri
tösku með upptökutæki og heyrnar-
tækjum stolið úr körfu á reiðhjóli á
meðan eigandinn leit í búðarglugga.
Taskan er merkt „nr. 7“ og tækið
einnig.
Á laugardagskvöld var tilkynnt
innbrot í tvær geymslur í Bakka-
hverfi. Úr annarri, sem sennilega var
opin, var tekið 6 ára bilað sjónvarp og
leikföng úr Leikbæ sem enn voru í
pakkningum enda ætluð til jólagjafa.
Hin geymslan var spennt upp en engu
stolið.
Nokkuð af fólki var í miðborginni
aðfaranótt sunnudags en miðlungs
ölvun og ástandið þokkalegt. Hand-
teknir voru tveir menn vegna líkams-
meiðinga og þrír vegna ölvunar. Lög-
regla flutti tvo menn á slysadeild og
sjúkralið flutti einn mann.
Mikill erill var hjá lögreglu í öðrum
borgarhlutum vegna ölvunar og ýf-
inga manna á milli.
Skömmu eftir miðnætti var til-
kynnt innbrot í verslun í Skeifunni.
Þar var stolið verðmætum tækjum.
Um morguninn voru handteknir
menn sem eru grunaðir um þjófnað-
inn. Eitthvað af þýfinu komst til skila.
Þá var tilkynnt innbrot í verslun við
Laugaveg. Nokkru af skiptimynt var
stolið.
Í jólasveinabúningi
með uppblásna kind
Snemma á sunnudagsmorgun var
tilkynnt um unga stúlku í Tryggva-
götu. Hún var ósjálfbjarga sökum ölv-
unar, í jólasveinabúningi og með upp-
blásna kind. Stúlkunni var ekið til síns
heima.
Tilkynnt var um innbrot í söluturn
við Barónsstíg og ræninginn sagður
hlaupa norður Snorrabraut. Maður
sem lýsing átti við var handtekinn á
Hlemmtorgi við Búnaðarbanka.
Hann var fluttur í fangamóttöku en
hann mun hafa stolið 50 happaþrenn-
um úr söluturninum.
Um hádegi á sunnudag var tilkynnt
innbrot í hús í Bústaðahverfi. Þar
hafði verið farið inn um glugga og
stolið talsverðu af peningum.
Síðdegis á sunnudag var tilkynnt
að hundur hefði bitið barn í Hlíðun-
um. Þarna hafði stór hundur stokkið
upp á barnið og glefsað í það þannig
að úlpa þess skemmdist og barnið
blóðgaðist á hendi.
Úr dagbók lögreglunnar/7.–10. desember
Velti jeppanum og óð út í sjó
SÆVAR Þór Jónsson, fram-
kvæmdastjóri Juventus hugbún-
aðarhúss, afhenti á föstudag Birni
Bjarnasyni menntamálaráðherra
síðasta eintakið af kennsluforritinu
Ævari sem dreift hefur verið ókeyp-
is í alla grunn- og framhaldsskóla
landsins. Björn Bjarnason afhenti
svo Hreiðari Sigtryggssyni, skóla-
stjóra Langholtsskóla, eintakið.
Þá var sýnd bráðabirgðaútgáfa af
næsta Ævari. Ragnar Eðvaldsson,
forritari hjá Voiceera, gaf framtíð-
arforritinu raddskipanir og stóðst
forritið prófið fullkomlega. Juvent-
us hugbúnaðarhús og Voiceera hafa
ákveðið að fara í samstarf á þróun
Ævars. Í framtíðinni mun verða
hægt að gefa forritinu raddskipanir
og þá á forritið einnig að geta svar-
að. Starfsmenn Juventus hugbún-
aðarhúss og Voiceera segja að með
forritinu geti íslenskt menntakerfi
boðið nemendum hérlendis upp á
sambærilegan búnað og gerist er-
lendis.
Morgunblaðið/Sverrir
Menntamálaráðherra og Hreiðar Sigtryggsson skólastjóri fylgjast með
nemendum í Langholtsskóla vinna með kennsluforritið Ævar 2,0.
Afhendir kennslu-
forritið Ævar
FLUGFÉLAG Íslands og Íslands-
flug hafa komist að samkomulagi um
að allt innanlandsflug Íslandsflugs
verði frá og með deginum framvegis
selt í gegnum sölukerfi FÍ.
Frá því að Íslandsflug hóf flug aft-
ur til Vestmannaeyja hinn 1. október
sl. hefur öll sala á flugi til og frá Vest-
mannaeyjum verið hjá Flugfélagi Ís-
lands. Vegna mjög góðrar reynslu af
því fyrirkomulagi hefur nú verið
bætt við öðrum áfangastöðum Ís-
landsflugs innanlands, segir í frétt
frá félaginu. Staðirnir eru Sauðár-
krókur, Bíldudalur og Gjögur. Kostir
sölukerfis FÍ felast sérstaklega í
mjög einföldum möguleika á því að
bóka flug í gegnum heimasíðu félags-
ins www.flugfelag.is. Einnig er hægt
að bóka flug og fá upplýsingar í síma,
segir í frétt frá FÍ.
Fleiri staðir nú
bókanlegir
SÆNSKA félagið á Íslandi heldur
upp á Lúsíuhátíð fimmtudaginn 13.
desember kl. 9 í Norræna húsinu og
kl. 20 í Seltjarnarneskirkju. Lúsíu-
kórinn er undir stjórn Mariu Ceder-
borg og píanóundirleik annast Ari
Agnarsson.
Tvær Lúsíuhátíðir
SAMTÖK hafa verið stofnuð fyrir
fólk sem hefur lent í því að missa
foreldra sína þegar það var á barns-
aldri. Stofnandi samtakanna er
Dóra Emilsdóttir.
Fundir verða haldnir í Bústöðum
í kjallara Bústaðakirkju, fimmtu-
daga kl. 17.30–19. Markmið sam-
takanna er að viðkomandi aðilar
geti komið saman og rætt um sín
mál.
Ný sorgar-
samtök