Morgunblaðið - 13.12.2001, Blaðsíða 2

FRÉTTIR
2 FIMMTUDAGUR 13. DESEMBER 2001 MORGUNBLAÐIÐ
VERÐ á mjólkurkvóta hefur lækkað
umtalsvert á undanförnum vikum.
Að sögn Snorra Sigurðssonar, fram-
kvæmdastjóra Landssambands kúa-
bænda, er verðið komið í tæplega
200 krónur lítrinn, en fyrr á þessu ári
var verðið 250–260 kr. Hann segist
gera ráð fyrir því að það eigi eftir
lækka enn frekar.
Greinilega uppsöfnuð þörf
fyrir kvótakaup
Snorri sagði að kaup á mjólkur-
kvóta væru stór liður í rekstri
margra kúabúa og því skipti verðið
miklu máli fyrir bændur. Hann sagði
að þrjár ástæður lægju að baki verð-
lækkuninni. Viðskipti með mjólkur-
kvóta hefðu verið gefin frjáls árið
1998 og greinilega hefði verið upp-
söfnuð þörf fyrir kvótakaup því að
margir hefðu keypt mjólkurkvóta á
síðustu 2–3 árum. Nú hefði hins veg-
ar dregið úr eftirspurn og svo virtist
að flestir bændur sem hefðu ætlað
sér að stækka búin væru búnir að
því.
Í öðru lagi hefði sala á mjólk geng-
ið vel á þessu ári, en sala á mjólk
reiknuð á próteingrunni hefur aukist
um 3% á síðustu 12 mánuðum. Þetta
hefði þau áhrif að meiri líkur væru á
að bændur fengju greitt fyrir þá
mjólk sem þeir framleiddu umfram
kvóta. Í þriðja lagi styttist í lok
samningstímabilsins, en samningur
bænda og ríkisins um mjólkurfram-
leiðsluna rennur út 2005. Snorri
sagði að bændur hefðu því ekki
tryggingu fyrir því að kerfið yrði
óbreytt nema í örfá ár í viðbót. Þetta
hefði að sjálfsögðu áhrif á verðið á
kvótanum.
Snorri sagði að framboð á mjólk-
urkvóta væri talsvert. Bændur sem
væru að bregða búi þyrftu að selja
kvóta og eins væri eitthvað um að
bændur seldu kvóta af fjárhags-
ástæðum. Vextir væru háir sem
gerði skuldsettum bændum erfitt
fyrir. Aðföng hefðu einnig hækkað.
Verð á mjólkur-
kvóta hefur lækkað
METÞÁTTTAKA er í piparköku-
húsasamkeppni Kötlu í Kringlunni
og verða húsin til sýnis fram til
sunnudags. Á laugardag, 15. des-
ember, kl. 14 kynnir dómnefnd val
á fallegasta piparkökuhúsinu, ann-
ars vegar í flokki fullorðinna og
hins vegar í flokki barna. 30 hús
bárust í keppnina í ár, sem er met-
fjöldi. Þar af sendu börn tæplega
helming húsanna. Í fyrra bárust 23
hús í keppnina. Talsmenn sam-
keppninnar fullyrða að aldrei hafi
verið lögð eins mikil vinna í pip-
arkökuhúsin og í ár.
Morgunblaðið/Árni Sæberg
Metþátt-
taka í
piparköku-
húsasam-
keppni
SKJÓLSTÆÐINGAR Mæðrastyrksnefndar
skipta hundruðum og fyrir síðustu jól fengu um
1.000 fjölskyldur styrk frá nefndinni. Jólaúthlut-
unin er nýhafin og á fyrsta degi voru um 140 skjól-
stæðingar afgreiddir. „Við afhendum aldrei pen-
inga,“ segir Ásgerður Jóna Flosadóttir formaður,
„heldur er um að ræða mat, fatnað og annað. Við
prentum matarmiða sem fólk getur leyst út í versl-
unum Bónuss.
Þar er miðinn, sem er með kennitölu viðkom-
andi á, gataður og sendur til okkar með reikningi.
Þá fyrst borgum við miðann. Það er mikið eftirlit
og engin króna fer forgörðum.“ Mæðrastyrks-
nefnd starfar allt árið. Í janúar og í rúman mánuð
yfir sumarið er lokað fyrir úthlutun, þar fyrir utan
er opið alla miðvikudaga og Myllan, Nýbrauð og
Ömmubakstur hafa gefið brauðmeti og Mjólkur-
samsalan mjólkurvörur á þessum árstíma. Þá hef-
ur Fiskbúðin okkar gefið fiskmeti. Einn launaður
starfsmaður vinnur fyrir nefndina sem gjaldkeri,
aðrir starfsmenn eru nefndarkonur, kjörnar af
hinum ýmsu aðildarfélögum.
Finnum fyrir geysilegri
samkennd
„Nefndin gæti ekki starfað ef ekki væri fyrir
velvilja fyrirtækja,“ segir Ásgerður Jóna. „Það er
alveg geysileg samkennd sem við finnum fyrir hjá
forsvarsmönnum fyrirtækjanna. Aldrei hefur
nefndin notið jafnmikils velvilja og nú og það virð-
ist vera sem að allir vilji leggja hönd á plóginn með
nefndinni fyrir þessi jól.“ Árlega gefa sömu að-
ilarnir, en á hverju ári bætast nýir við. Ingvar
Helgason gefur 300 kjötlæri og einnig gefur Brim-
borg læri. Rolf Johansen og Bændasamtökin gefa
í ár hangirúllur og Emmessís fyllir daglega ís á
frystikistuna. Þá má geta þess að Ora hefur gefið
nefndinni meðlæti með hangikjötinu sl. 40 ár og
Rydenskaffi á Íslandi lætur 15 krónur af hendi
rakna fyrir hvern seldan Gevalía-pakka.
Örtröðin byrjaði um síðustu mánaðamót og má
búast við yfir 200 skjólstæðingum daglega fram að
jólum. „Það hafa óvenjumargir sótt til okkar frá
því í september miðað við undanfarin ár. Ég er
ansi hrædd um að fleiri eigi eftir að sækja eftir að-
stoð til okkar núna heldur en í fyrra, en það er allt-
af erfitt að segja til um það.“ Ásgerður Jóna segir
aðspurð að hægt sé að neita fólki um styrk ef það
uppfylli ekki ákveðin skilyrði en það kemur sjald-
an fyrir. „Það kemur enginn til okkar nema í neyð.
Láglaunafólk, einstæðar mæður, öryrkjar og þeir
sem eiga af öðrum ástæðum erfitt.“
Mikið beðið um aðstoð Mæðrastyrksnefndar frá því í september
Velvild fyrirtækja lykilatriði

Ertu tilbúin/40
HOLLUSTUYFIRVÖLD í Noregi
hafa neitað Íslendingafélaginu í
Björgvin um að flytja inn 80 kíló af ís-
lenskum þorramat fyrir komandi blót
í febrúar. Félagið fékk undanþágu frá
norska yfirdýralækninum fyrir síð-
asta þorrablót og eftir synjunina nú
hefur verið sótt um undanþágu að
nýju. Búið var að panta 40 kíló af
hangikjöti, 25 kíló af súrmat hvers
konar, 6 kíló af sviðasultu og 4 kíló af
hákarli.
Fjallað var nokkuð um málið í
norskum fjölmiðlum í gær og sjá
mátti fyrirsagnir eins og „Vík-
ingaveisla í Björgvin í hættu“. Meðal
þeirra sem rætt var við var Skaga-
maðurinn Teitur Þórðarson, þjálfari
knattspyrnufélagsins Brann. Einnig
var talað við talsmann Íslendinga-
félagsins í Björgvin sem sagði að
þorrablót án þorramatar væri eins og
fiskveisla án fisks.
Morgunblaðið hafði samband við
Teit og sagði hann það mikla synd ef
ekkert yrði af þorrablótinu, ekki síst
fyrir þá um 100 Íslendinga sem hefðu
jafnan komið saman til að blóta þorra
að íslenskum víkingasið. Teitur sagð-
ist ætla að mæta á blótið ef félagið
fengi undanþágu fyrir innflutn-
ingnum og hann væri ekki með lið sitt
í æfingabúðum, líkt og á síðustu
þorravertíðum sem hann hefði misst
af.
Verra að missa af
jólahangikjötinu
„Ég get vel borðað íslenskt hangi-
kjöt og svið, það er algjört sælgæti,
en súrmat eins og hrútspungum lít ég
ekki við og hákarl get ég ómögulega
etið. Verra finnst mér ef ég get ekki
borðað hangikjöt á jólunum,“ sagði
Teitur. Hann hafði hugsað sér að
mæta með fjölskylduna til Íslands um
jólin en skurðaðgerð á mjöðm, sem
hann fór nýlega í, kom í veg fyrir það.
Ekkert blótað
í Björgvin?
Fylgstu
með
nýjustu
fréttum
www.mbl.isHaukar komnir með
sex stiga forskot / B3
Ensku meistararnir
fóru á kostum / B3
4 SÍÐUR12 SÍÐUR
Sérblöð í dag
VIÐSKIPTABLAÐ MORGUNBLAÐSINS
S É R B L A Ð Á F I M M T U D Ö G U M U M V I Ð S K I P T I , S J Á V A R Ú T V E G & A T H A F N A L Í
HARALDUR Örn Ólafsson komst
til Suðurskautslandsins í gær eftir
nokkra töf vegna veðurs og er
staddur skammt frá Vinson Massif,
hæsta tindi Suðurskautslandsins.
Reiknar Haraldur með að komast í
grunnbúðir fjallsins á næstu dög-
um. Hann mun klífa fjallið ásamt
einum leiðsögumanni síðla í desem-
ber.
Vinson Massif er 4.897 m hátt og
gæti reynst erfitt viðureignar
vegna kulda og storma. Takist Har-
aldi að klífa fjallið verður hann
fyrsti Íslendingurinn til að ná því
marki. Suðurskautslandið er að 98
hundraðshlutum þakið snjó og er
kaldasta svæði veraldar. Fór frostið
niður í 89,2 gráður í júlí 1983. Þá
hefur vindhraði á Suðurskautsland-
inu mælst yfir 300 km á klst. sem
jafngildir 83 m á sekúndu.
Haraldur
kominn til
Suðurskauts-
landsins
HÉRAÐSDÓMUR Reykjaness
sýknaði í gær Niðursuðuverk-
smiðjuna Ora-Kjöt/Rengi af nærri
1,4 milljóna króna skaðabótakröfu
fyrrverandi starfsmanns, sem
meiddist árið 1995 þegar verið var
að hakka rófur í verksmiðjunni.
Ekki var talið að rekja mætti slys-
ið til vanrækslu eða vanbúnaðar
fyrirtækisins en fram kom fyrir
rétti að verkið sem um ræðir hafi
verið unnið með sama hætti síðast-
liðin fjörutíu ár og hafi slys ekki
hlotist af.
Niðursuðu-
verksmiðja
sýknuð af skaða-
bótakröfu
♦ ♦ ♦