Morgunblaðið - 13.12.2001, Blaðsíða 68

68 FIMMTUDAGUR 13. DESEMBER 2001 MORGUNBLAÐIÐ






 
 



 
 

 

 
  
  
 
 
  !
 BRÉF
TIL BLAÐSINS
Kringlunni 1 103 Reykjavík  Sími 569 1100
 Símbréf 569 1329  Netfang bref@mbl.is
Allt efni sem birtist í Morgunblaðinu og Lesbók er varðveitt í upplýsinga-
safni þess. Morgunblaðið áskilur sér rétt t i l að ráðstafa efninu þaðan, hvort
sem er með endurbirtingu eða á annan hátt. Þeir sem afhenda blaðinu efni
ti l birtingar teljast samþykkja þetta, ef ekki fylgir fyrirvari hér að lútandi.
VEGNA margvíslegra skrifa og um-
ræðna sem spunnust út af frétta-
myndinni, sem sýnd var nú nýlega í
sjónvarpinu, um
brottkast smá-
fisks, þá langar
mig til að leggja
nokkur orð í þá
umræðu.
Þó ráðamenn
þessara mála
vissu fyrir flest
allt sem þarna var
sýnt, létu þeir
sem þeir kæmu af
fjöllum, viðbrögð þeirra voru svo of-
leikin, að þau minntu helst á sögurnar
um illu konungana og keisarana, sem
létu jafnan lífláta boðbera illra tíð-
inda, en kannski er þeim vorkunn,
þeir urðu jú að sýna myndugleik í svo
alvarlegu máli. Ég held bara að þeir
hafi verið undir áhrifum frá orðræð-
um Bush forseta, sem hann viðhafði
eftir hryðjuverkin þar vestra 11. sept.
sl.
Ég hef nokkrum sinnum skrifað
um kvótakerfið og fiskveiðistjórn-
unina og viljað með því vekja athygli
á því, sem mér finnst miður fara í
þeim málum. Frá því ég fjallaði um
þessi mál síðast hafa skoðanir mínar
ekki breyst.Hér á eftir vil ég reifa
hugmyndir sem ættu að geta útrýmt
brottkasts-áráttunni.
Sama löndunarverð til útgerða og
sjómanna á stórum og smáum fiski er
það markmið sem við verðum að
stefna að. Það markmið ætti að nást
með stjórnunaraðgerðum, á þá leið að
hluti þess veiðileyfagjalds sem virðist
nú vera í uppsiglingu verði notaður til
að hækka verðið á smáþorskinum það
mikið að hverskyns brottkast þýddi
aðeins tap fyrir sjómenn og útgerð.
Með þessum aðgerðum er sjálfsagt
að auka við kvótann um það sem nem-
ur brottkastinu sem margir telja vera
u.þ.b. 10%. Auk þess losna útgerðir
við kostnaðarsamt eftirlit. Þessum
breytingum, ef af yrði, mundu fylgja
nútímalegri fiskmarkaðir sem búnir
væru tæknibúnaði sem til eru, þ.e.
samstæða sem ferskleikaprófar,
flokkar í stærðir, vigtar hvern flokk
fyrir sig, reiknar út veiðileyfagjaldið
á stærstu flokkana. Að því búnu inn í
kælirými, sem markaðurinn hefur að-
gang að. Þetta eru svona meginmark-
mið sem þarf að hafa í huga. Með því
að setja veiðileyfagjaldið á eftir stærð
þorsksins yrði ekki eins mikil ásókn í
hrygningarfiskinn, og ætla mætti að
það yrði jákvætt fyrir hann. Eins
gæti hugsast að þessi aðgerð mundi
hækka þorskverðið úti á landsbyggð-
inni, þar sem minna er um hrygning-
arfisk, vestan, norðan og austanlands.
Þessi aðgerð gæti fært miljarða inn í
þjóðarbúið, sem landsbyggðin mundi
fyrst og fremst hagnast á.
GESTUR GUÐMUNDSSON,
Melabraut 7, Blönduósi.
Milljarða ágóði
Frá Gesti Guðmundssyni:
Gestur
Guðmundsson
GEORG W. Bush forseti innsiglaði
ósigur Bandaríkjamanna, og reyndar
allrar heimsbyggðarinnar, með því að
bera á borð fyrir heiminn helber
ósannindi í því stríði sem nú er háð við
islam. Því að veröldinni er ógnað af
enn einum ismanum, islamismanum,
en ekki af „einhverjum“ hryðjuverka-
mönnum. Er það ekki kaldhæðni að
Osama bin Laden hefur sagt sann-
leikann um stöðu heimsmála en ekki
Bush? Þó segist Bush vera endur-
fæddur kristinn maður. Sumar at-
hafnir hans undirstrika einmitt að svo
sé, t. d. aðgerðir hans til sporna gegn
fóstureyðingum, þökk sé Guði. En „já
yðar já og nei sé nei. Það sem umfram
er, kemur frá hinum vonda.“ (Matt.
5:33, 37.)
Bin Laden talar sannleikann þegar
hann segir: „Islam á í stríði við gyð-
inga og kristna menn.“ Í hverju felst
blekkingin hjá Bush? Í orðum hans:
„Við eigum ekki í stríð við islam, islam
eru friðsöm trúarbrögð.“ Þessi orð
eru ósannindi.
Bin Laden er einfaldlega heitttrú-
aður múslimi. Það heilaga stríð
(jihad) sem hann háir gegn gyðingum
og kristnum mönnum er ekki annað
en það sem gefin eru fyrirmæli um í
Kóraninum, trúarriti múhameðstrú-
armanna. Samkvæmt Kóraninum eru
allir trúaðir múslimar í óendanlegu
stríði við allar þjóðir og einstaklinga
sem ekki eru múslimar. Alls staðar
þar sem islam hefur ekki „tekið yfir“
er vígvöllur þeirra. Berjast skal þar
til sigur hefur unnist.
Um frið má alls ekki semja (nema
auðvitað til bráðabirgða fari músl-
imar halloka, en þegar úr rætist skal
svíkja alla friðarsáttmála við „ekki
múslima“).
Osama bin Laden og Jasser Arafat
eru því báðir góðir og sannir músl-
imar, enda fylgja þeir dyggilega boði
Múhameðs spámanns í hatursfullri
afstöðu til allra annarra en sannra
múslima. Skilaboðin frá Allah til
múslima eru: „Drepið og verið drepn-
ir.“ Framfylgi þeir þessu af heilum
hug tryggir það þeim vist í „Paradís“.
Þess vegna einskorðast vígvöllurinn
ekki við Ísrael. En Ísrael er flösku-
háls sem hindrar áframhaldandi
framrás islams í heiminum.
Flestum múslimum er vorkunn
vegna þess að þeir hafa ekki fengið að
kynnast sönnum kristindómi, jafnvel
ekki þeir sem á Vesturlöndum búa,
því að kristindómur okkar flestra
Vesturlandabúa er lítið annað en
nafnið tómt.
Sumir múslimar eru það líka bara
að nafninu til og þegar þeir eiga í hlut
ættum við að þakka Guði fyrir slæ-
lega eftirfylgd þeirra við bókstaf Kór-
ansins, því að það leiðir til þess að þeir
„nenna“ ekki að standa í hryðjuverk-
um og drápum á saklausu fólki. Á
hinn bóginn má öllum vera augljós sá
mikli stuðningur sem bin Laden nýt-
ur meðal múslima í framgöngu sinni
gegn Bandaríkjunum. Þess vegna
stendur ótölulegur fjöldi sanntrúaðra
múslima gegn friði í heiminum enda
eru „islam ekki friðsöm trúarbrögð“.
GUÐMUNDUR ÖRN
RAGNARSSON,
prestur.
Hryggilegur ósigur
Bandaríkjamanna
Frá Guðmundi Erni Ragnarssyni: