Morgunblaðið - 14.12.2001, Blaðsíða 84
MORGUNBLAÐIÐ, KRINGLUNNI 1, 103 REYKJAVÍK, SÍMI 569 1100, SÍMBRÉF 569 1181, PÓSTHÓLF 3040,
ÁSKRIFT-AFGREIÐSLA 569 1122, NETFANG: RITSTJ@MBL.IS, AKUREYRI: KAUPVANGSSTRÆTI 1 FÖSTUDAGUR 14. DESEMBER 2001 VERÐ Í LAUSASÖLU 190 KR. MEÐ VSK.
FORYSTUMENN Samtaka atvinnulífsins og Al-
þýðusambands Íslands undirrituðu í gær sam-
komulag um frestun á endurskoðun launaliðs
kjarasamninga fram í maí á næsta ári og um
samstilltar aðgerðir til að draga úr verðbólgu og
koma á stöðugleika. Ríkisstjórnin gaf samhliða
út yfirlýsingu um aðgerðir í efnahagsmálum, þar
sem lýst er stuðningi við þau markmið sem að-
ilar vinnumarkaðarins hafa náð samkomulagi
um.
Gengi krónunnar styrkist
og vextir lækki í kjölfarið
Forsvarsmenn samtakanna eru sammála um
að aðgerðirnar muni stuðla að hækkun á gengi
krónunnar, draga muni hratt úr verðbólgu á
næstunni og vextir lækka í kjölfarið.
Davíð Oddsson forsætisráðherra sagði á Al-
þingi í gær að menn hefðu af miklum myndug-
leik tekið höndum saman um að treysta und-
irstöður efnahagslífsins og stuðla að því að gengi
krónunnar yrði með þeim hætti er svaraði til
raunveruleikans. Eðlilegt gengi krónunnar
myndi síðan hafa jákvæð áhrif á verðlagsþróun í
landinu.
Í samkomulaginu felst að verði vísitala neyslu-
verðs ekki hærri en 222,5 stig í maí teljist verð-
lagsforsenda kjarasamninga hafa staðist, en það
þýðir að verðbólga á næsta ári verði um eða inn-
an við 3%. Gangi þetta eftir munu vinnuveit-
endur greiða 1% framlag í séreignasjóð launa-
manns án framlags af hálfu launþegans frá og
með 1. júlí 2002.
Þá munu almenn laun hækka um 0,4% umfram
það sem samningar kveða á um 1. janúar 2003. Í
yfirlýsingu ríkisstjórnarinnar felst m.a. að tollar
á nokkrum grænmetistegundum verði felldir nið-
ur og lækkaðir í öðrum tilvikum, tryggingagjald
verður lækkað úr 6% í 5,73% 2003, fylgt verði að-
haldssamri stefnu í ríkisfjármálum og unnið að
breytingu á lánasamsetningu ríkissjóðs.
Mikilvægt að allir taki þátt
í þessari vegferð
Grétar Þorsteinsson, forseti ASÍ, sagði í gær
að forystumenn launþegasamtakanna hefðu fulla
trú á að markmiðin sem menn væru að setja sér
myndu nást og yfirgnæfandi líkur væru á að
samfélagið allt tæki þátt í þessari vegferð. ,,Við
framkvæmdina reynir núna hvað mest á stjórn-
völd og þau eru jú þátttakendur í þessu. Við höf-
um engar efasemdir um að þau ætli að fylgja
málinu eftir. Við munum auðvitað gera það og
Samtök atvinnulífsins munu örugglega gera það
að því leyti sem þau geta, en svo eru ýmsir aðrir
aðilar í þessu samfélagi sem hafa mikil áhrif og
við einfaldlega treystum því að þeir taki þátt í
þessari vegferð,“ sagði hann.
Stuðlar vonandi að friði á vinnumarkaði
Ari Edwald, framkvæmdastjóri SA, gerir sér
vonir um að samkomulagið geti stuðlað að friði á
vinnumarkaði, efnahagslegum stöðugleika og
minni verðbólgu. Mikil áhersla hafi einnig verið
lögð á að niðurstaðan yrði trúverðug, sem gæti
haft áhrif á væntingar til framtíðarþróunar fyrir
fleiri en þá sem að máli komu við gerð sam-
komulagsins. ,,Mér sýnist á viðbrögðunum að
það hafi tekist,“ sagði hann.
Að mati Seðlabankans mun samkomulagið
stuðla að því að gengi krónunnar styrkist og að
spá um hjöðnun verðbólgunnar gangi eftir.
,,Styrkist gengið á næstunni, eins og allar for-
sendur eru til, gæti verðbólga orðið minni. Gangi
þessi þróun eftir mun hún að öðru óbreyttu
skapa forsendur fyrir frekari lækkun vaxta,“
segir í yfirlýsingu bankans í gær.
Morgunblaðið/Kristinn Ingvarsson
Forystumenn SA og ASÍ takast í hendur að lokinni undirritun samkomulags um kjaramál og samstilltar efnahagsaðgerðir í gær.
Telja verðbólguna munu
minnka hratt á næstunni
Samfélagið/42
Hægt verður á/10
Alþýðusamband Íslands, Samtök atvinnulífsins og ríkisstjórnin ganga frá
þríhliða samkomulagi um kjaramál og efnahagsaðgerðir
"#
TUGIR kvenna í slysavarnadeildum
í Ólafsvík og á Hellissandi hafa
staðið vaktina frá því að Svanborg
SH-404 fórst við Skálasnaga sunn-
an við Öndverðarnes fyrir viku.
Hafa þær skipt með sér verkum og
séð um matseldina á meðan björg-
unarsveitarmenn Slysavarnafélags-
ins Landsbjargar hafa gengið
fjörur í leit að þeim skipverjum sem
saknað er eftir sjóslysið. Leitinni er
stýrt frá björgunarmiðstöðinni
Líkn á Hellissandi og þar hafa kon-
urnar boðið upp á smurt brauð,
kaffi, kökur og heitan mat þá daga
sem leit hefur staðið yfir. Slysa-
varnadeildir kvenna starfa víða um
land og sjá þær m.a. um matargerð-
ina þegar leit eða björgun stendur
yfir.
Um 20 björgunarsveitarmenn
voru við leit í gær auk björg-
unarskipsins Bjargar. Björg-
unarskipið var við leit fram eftir
degi en kallað til hafnar vegna veð-
urs. Þá var sigið í bjargið skammt
norðan strandstaðar í gær og er
ráðgert að leggja meiri áherslu á
þann þátt í leitinni um helgina ef
veður leyfir.
Tugir kvenna
standa vaktina
Morgunblaðið/Alfons
Frá vinstri eru Sigrún Ólafsdóttir, formaður slysavarnafélagsins Sum-
argjafar í Ólafsvík, Albína Gunnarsdótttir, gjaldkeri slysavarnafélags-
ins Helgu Bárðardóttur á Hellissandi, Inga Jóna Guðlaugsdóttir, for-
maður Helgu Bárðardóttur, og Ingi Hans Jónsson, fulltrúi í svæðis-
stjórn björgunarsveitarfélaganna á Snæfellsnesi. Allir eru/6
LÖGREGLUMENN á vegum ríkis-
lögreglustjóra hafa það sem af er
þessu ári fylgt 17 útlendingum úr
landi. 13 þeirra voru hælisleitendur
sem útlendingaeftirlitið hafði neitað
um dvalarleyfi en fjórir þeirra höfðu
lokið afplánun refsidóma.
Útlendingaeftirlitið hafði vísað öll-
um af landi brott en embætti ríkis-
lögreglustjóra hefur það hlutverk að
sjá til þess að viðkomandi yfirgefi í
raun landið.
Smári Sigurðsson, yfirmaður al-
þjóðadeildar ríkislögreglustjóra,
segir að slíkum ferðum hafi fjölgað
talsvert en í fyrra fylgdi lögregla 12
manns úr landi. Þessi fjölgun er í
takt við fjölgun hælisleitenda.
Í síðustu viku var Þjóðverja, sem
hafði smyglað hingað fíkniefnum og
afplánað dóm, fylgt úr landi. Í fyrra-
dag var farið með þrjá Litháa, sem
höfðu verið dæmdir fyrir stórfelldan
þjófnað úr verslunum Hans Peter-
sen og Bræðranna Ormsson, úr
landi. Fjórir lögreglumenn fylgdu
mönnunum til Kaupmannahafnar
þaðan sem flogið var með þá til
Litháen.
Hafa
fylgt 17
útlend-
ingum
úr landi
NETABÁTURINN Happasæll KE
94 var dreginn til Keflavíkur í gær-
kvöld eftir að hann varð vélarvana
15–20 sjómílur frá Garðskaga.
Björgunarskipið Hannes Þ. Hafstein
úr Sandgerði dró Happasæl til hafn-
ar en erfiðlega gekk að koma honum
að bryggju þar sem hvasst var.
Einnig var notast við systurbátinn
Sigga Guðjóns og Guðmundur Rún-
ar Hallgrímsson útgerðarmaður
setti bönd á jeppa sinn og reyndi að
draga bátinn að bryggju. Björgunar-
menn höfðu af því áhyggjur þegar
Happasæll kom inn í höfnina að hann
færi upp í grjótið við höfnina en
menn höfðu á því orð að gæfan hefði
verið mönnum hliðholl.
Happasæll
dreginn
til hafnar
♦ ♦ ♦