Morgunblaðið - 16.12.2001, Blaðsíða 10

Þ
ÆR sögur hafa gengið
fjöllunum hærra und-
anfarnar vikur að lítið
sé verslað í Smáralind-
inni. Verslunarmið-
stöðin í Kópavoginum
standi nánast auð alla
virka daga og þótt þar sé fjöldi um
helgar skýrist hann af því að enn sé
forvitið fólk að skoða þessa stærstu
verslunarbyggingu landsins. For-
svarsmenn Smáralindar, þeir Pálmi
Kristinsson framkvæmdastjóri og
Hannes Smárason stjórnarformað-
ur, segja að þessar sögur séu rangar
og verslun sé í heild yfir þeim áætl-
unum sem forsvarsmenn Smáralind-
ar gerðu áður en húsið var opnað.
Pálmi segir að það eigi við um
Smáralindina eins og aðrar verslun-
armiðstöðvar að þangað sæki fólk
bæði til að sýna sig og sjá aðra og til
að versla. „Á fimm daga opnunarhá-
tíðinni gerðum við okkur til dæmis
grein fyrir að mjög margir voru ekki
komnir til að versla, heldur eingöngu
til að skoða húsið. En á fyrstu tveim-
ur mánuðunum komu hingað um
1.200 þúsund manns, sem samsvarar
að hver landsmaður hafi komið ríf-
lega fjórum sinnum. Þetta er 20%
meiri aðsókn en við gerðum ráð fyrir.
Aðsóknin var mest í upphafi, en um
miðjan nóvember dró tímabundið úr
henni, enda alls staðar deyfð í smá-
söluverslun á þeim árstíma. Núna er
aðsóknin mjög góð.“
Nýjar verslanir náð að hasla sér völl
Því hefur verið haldið fram að ein-
staka fyrirtæki í Smáralind eigi vel-
gengni að fagna, t.d. verslunin Zara
og veitingastaðurinn Friday’s, en
önnur berjist í bökkum. Pálmi segir
þetta rangt. „Vissulega hafa þessi
fyrirtæki gengið miklu betur en
björtustu áætlanir gerðu ráð fyrir, en
það á við um fleiri. Nýjar verslanir
hafa náð að hasla sér völl, ekki ein-
göngu Zara heldur einnig Mango,
Euronics, Miss Selfridge, Bianco,
Benetton og Sisley, svo einhver
dæmi séu nefnd. Verslanir, sem hafa
verið þekktar að góðu hér á landi,
ganga líka vel hér, til dæmis Ey-
mundsson, Vero Moda, Jack & Jon-
es, Top Shop, Nóatún, Skífan og
ýmsar aðrar. Allar átta verslanir
Baugs hafa verið yfir áætlunum,
nema Debenhams, sem er 15% undir
áætlunum, en þar hefur salan þó ver-
ið að aukast nú síðustu vikurnar.
Zara er til dæmis 40% yfir áætlun,
Topshop og Miss Selfridge eru 20%
yfir áætlun, Hagkaup 5% yfir áætlun
og veltan þar 30% meiri en hún var í
stórverslun Hagkaups á Smára-
torgi.“
Fullt hús um helgar
Að sögn Pálma og Hannesar er
verslun í Smáralindinni langmest um
helgar. „Það er rétt, að hérna er ekki
fullt hús virka daga,“ segir Pálmi.
„Smáralind liggur vel við íbúðar-
hverfum og hingað flykkist fólk í frí-
tíma sínum um helgar. Enn sem
komið er liggur verslunarmiðstöðin
ekki eins vel við atvinnusvæðum og
því skreppur fólk ekki hingað virka
daga úr vinnunni í sama mæli og í
aðrar verslanir sem eru meira mið-
svæðis miðað við atvinnusvæði. Þetta
mun breytast með ört vaxandi upp-
byggingu atvinnusvæða í nágrenni
Smáralindar á næstu misserum og
árum.“
Hannes tekur undir þetta og bend-
ir á að Smáralind sé ekki hverfis-
verslunin á horninu, heldur áfanga-
staður sem fólk fer á til að versla og
njóta afþreyingar. „Sunnudagar á Ís-
landi hafa verið litlir verslunardagar
en við höfum gjörbreytt því.“
Þeir Pálmi og Hannes eru sam-
mála um að tveir mánuðir í lífi versl-
unarmiðstöðvar séu skammur tími,
enda sé reiknað með að um 3–4 ár
taki að festa slíka miðstöð í sessi og
koma á jafnvægi í verslun þar. Að
þeim tíma liðnum megi reikna með að
aukning í verslun fylgi almennri
aukningu í einkaneyslu og ríflega
það.
Einhverjir heltast úr lestinni
Pálmi neitar því ekki að dæmi séu
um að verslanir innan Smáralindar
hafi gengið eitthvað verr en forsvars-
menn þeirra höfðu áætlað. „Í svona
stórri verslunarmiðstöð er ekki við
öðru að búast en að einhver fyrirtæki
nái sér ekki á strik. Við hljótum að
reikna með einhverri endurnýjun,
enda á hún sér alltaf stað í öllum
verslunarmiðstöðvum, líkt og al-
mennt í verslun.“
Hönnun hússins er einnig kennt
um að það virki oft tómt, þótt þar sé
ágæt aðsókn í verslanir. Pálmi og
Hannes segja að í Smáralindinni sé
hátt til lofts og vítt til veggja og
vissulega geti mikill fjöldi verið þar
inni án þess að gestir átti sig á fjöl-
menninu. „Þegar aðsóknin var
minnst, um miðjan nóvember komu
samt sem áður um 7.500 manns á
dag,“ segir Pálmi. „Það bendir allt til
að aðsóknin hér á ári hverju verði
meiri en í nokkru öðru húsi hér á
landi.“
Hannes segir að afkastageta húss-
ins sé gríðarleg. „Við getum tekið á
móti 65–70 þúsund manns á dag án
mikilla vandræða,“ segir hann.
„Hérna eru flestar öflugustu smá-
sölukeðjur landsins og flestir stærstu
aðilar í tískuverslun. Húsið stendur
undir öllum væntingum þessara aðila
um aðsókn, verslun og afkastagetu.
Við getum líka boðið fjölbreytta
starfsemi og bryddað upp á ýmsum
nýjungum, s.s. í Vetrargarðinum.“
Forsvarsmenn Smáralindar neita sögusögnum um dræma aðsókn
1,2 milljónir gesta á
Rúmir tveir mánuðir eru
liðnir frá opnun versl-
unarmiðstöðvarinnar
Smáralindar. Forsvarsmenn
Smáralindar sögðu
Ragnhildi Sverrisdóttur
að þrálátur orðrómur um
lítinn áhuga almennings á
verslunarmiðstöðinni ætti
ekki við rök að styðjast og
eru mjög bjartsýnir á fram-
haldið.
Pálmi Kristinsson, fram-
kvæmdastjóri Smáralindar, og
Hannes Smárason, stjórn-
arformaður fyrirtækisins.
Morgunblaðið/Kristinn
10 SUNNUDAGUR 16. DESEMBER 2001 MORGUNBLAÐIÐ