Morgunblaðið - 21.12.2001, Blaðsíða 2

FRÉTTIR
2 FÖSTUDAGUR 21. DESEMBER 2001 MORGUNBLAÐIÐ
Hannes skrifaði undir
hjá Viking Stavanger / C3
Þórey Edda Elísdóttir
er eftirsótt / C1
8 SÍÐUR Fylgstu
með
nýjustu
fréttum
www.mbl.is
4 SÍÐUR
 Íslenskir jólasveinar / B1
 Rænd æskunni / B2
 Hátíðarborð / B4
 Jólatré í stofu stendur / B4
 Sá einn veit er víða ratar / B6
 Auðlesið efni / B8
Sérblöð í dag
Morgunblaðinu
í dag fylgir
auglýsingablað
frá Nóatúni.
Blaðinu verður
dreift á
Suðurnesjum.
RANNSÓKNARNEFND flugslysa
(RNF) hefur lokið rannsókn sinni á
flugatviki sem þyrla Landhelgisgæsl-
unnar TF-SIF lenti í 25. maí síðastlið-
inn, er þyrlan var í eftirlitsflugi um
Faxaflóa og Breiðafjörð. Orsökin er
talin vera sú að þyrlan flug inn í lá-
réttan vindstrók sem myndaðist í
vindhvörfum við suðurbrún Urðar-
múla á Snæfellsnesi.
Flogið var lágt yfir fjallgarðinn og
þegar þyrlan flaug yfir suðurbrún
Urðarmúla, á sunnanverðu Snæfells-
nesi, raskaðist flug hennar skyndi-
lega. Flugmennirnir brugðust við og
náðu fullri stjórn á þyrlunni eftir um 9
sekúndur samkvæmt upplýsingum úr
hljóðrita þyrlunnar. Strax eftir atvik-
ið urðu flugmennirnir varir við óeðli-
legan titring í þyrlunni og ákváðu þeir
að lenda á sléttu túni skammt frá. Í
ljós kom að þyrlan hafði skemmst
með því að þyrilblöð hennar rákust í
þrjá lóðrétta stélfleti þyrlunnar.
Tafarlausra
viðbragða þörf
Orsök atviksins er sú, að mati
RNF, að þyrlan flug inn í láréttan
vindstrók sem myndaðist í vindhvörf-
um við suðurbrún Urðarmúla þar
sem suðlægir og norðlægir vindar
mættust. Við það raskaðist flug vél-
arinnar þannig að tafarlausra við-
bragða flugmannanna var þörf til að
ná fullri stjórn á henni aftur. Nálægð
við jörðu takmarkaði úrræði flug-
mannanna en ljóst er að þyrilblöðin
og búkur þyrlunnar rákust saman við
raskið og þegar verið var að ná fullri
stjórn á þyrlunni aftur. RNF telur
ólíklegt að þetta atvik hefði átt sér
stað ef flogið hefði verið í meiri hæð
en þarna var.
RNF bendir í skýrslu sinni um at-
vikið á, að flugmenn Landhelgisgæsl-
unnar starfa oft við mjög erfiðar að-
stæður þar sem þeir þurfa að fljúga
við verstu skilyrði og gerir RNF tvær
tillögur í öryggisátt.
Í fyrsta lagi mælir RNF með því að
Landhelgisgæslan yfirfari þjálfunar-
áætlun fyrir flugmenn sína varðandi
lofthreyfifræði fyrir þyrluflug og við-
brögð við óvenjulegum aðstæðum
sem geta skapast vegna ókyrrðar ná-
lægt jörðu.
Í öðru lagi, þar sem ekki virðist
vera fjallað um veðurfræði í símennt-
un flugmanna, mælir RNF með því að
Flugmálastjórn gefi út upplýsinga-
bréf til flugmanna þar sem varað er
við hættulegum vindahvörfum í
ókyrru lofti nálægt jörðu.
Orsök alvarlegs flugatviks sem
TF-SIF lenti í á Snæfellsnesi
Þyrlan flug
inn í láréttan
vindstrók
HÉRAÐSDÓMUR Reykjaness sýknaði í gær
fyrrverandi eigendur íbúðar í fjöleignarhúsi í
Kópavogi af kröfu kaupenda fasteignarinnar um
að þeir hinir fyrrnefndu greiddu kostnað við
framkvæmdir á sameign fasteignarinnar, sem
stofnað var til af húsfélagi fyrir undirritun kaup-
samningsins. Í dómnum kemur fram að kostn-
aður vegna umræddra framkvæmda við bílskúra
fjöleignarhússins hafi orðið til fyrir afhending-
ardag eignarinnar. Þar kemur einnig fram að
kaupendum hafi ekki verið gerð grein fyrir
framkvæmdum við fasteignina þegar salan fór
fram. Á þeirri forsendu m.a. kröfðust stefnend-
ur; kaupendur, að stefndu; seljendur, skyldu
greiða kostnaðinn við framkvæmdirnar, samtals
tæplega 900 þúsund kr.
Keyptu íbúðina í því ástandi
sem hún var í við skoðun
Í niðurstöðum dómsins segir hins vegar m.a.
að líta verði á að kaupendur hafi fest kaup á um-
ræddri íbúð í því ástandi sem hún var í er hún
var skoðuð. „Verður að leggja til grundvallar að
við ákvörðun kaupverðs hafi stefnendur tekið til-
lit til þáverandi ástands eignarinnar, þ.m.t. sam-
eignar. Þeim bar að kynna sér frágang lóðar og
hvort eftir væri að malbika bifreiðastæði og
miða tilboð sitt við það,“ segir í niðurstöðum
dómsins.
Í dómnum er hins vegar tekið fram að hús-
félagssamþykktir lágu fyrir um framkvæmdir
áður en kaup tókust og að seljendur hefðu ekki
upplýst kaupendur um að búið væri að ráðast í
framkvæmdir. Er því fallist á að seljendur hefðu
átt að upplýsa kaupendur um væntanlegar fram-
kvæmdir. Þótti í dómnum því rétt m.a. af þeim
ástæðum að fella niður málskostnað milli aðila.
Gunnar Aðalsteinsson héraðsdómari kvað upp
dóminn.
Kaupendum fasteignar var ekki skýrt frá fyrirhuguðum framkvæmdum
Seljendur sýknaðir af kröfu
um að greiða kostnaðinn
VERÐ á bensíni mun lækka um ára-
mót verði ekki stórvægilegar breyt-
ingar á gengi krónunnar eða heims-
markaðsverði á olíu fram til mánaða-
móta.
Geir Magnússon, forstjóri Olíufé-
lagsins, segir að heimsmarkaðsverð
á olíu sé í dag nokkru lægra en það
var í síðasta mánuði. Eins hafi gengi
krónunnar hækkað á síðustu vikum.
Dollarinn kostaði um 107 krónur
þegar olíufélögin tóku ákvörðun um
verðlagningu bensíns um síðustu
mánaðamót. Hann kostar um 101
krónu í dag. Geir segir að þessi
breyting gefi tilefni til verðlækkun-
ar. Hann treysti sér hins vegar ekki
til að svara því hvað Olíufélagið muni
lækka verðið mikið.
Líkur á
verðlækkun
á bensíni
AÐDRÁTTARAFL söngkonunnar
Bjarkar Guðmundsdóttur draga fá-
ir í efa en hinir fáu efasemdarmenn
sannfærast eflaust er þeir heyra
sögu Amy Zuzuki sem kom gagn-
gert til Íslands frá heimalandi sínu
Japan til að hlýða á tónleika söng-
konunnar sem fram fóru í Laug-
ardalshöll á miðvikudagskvöld.
„Ég ætlaði að sjá Björk í heima-
borg minni Tókýó, en hún hélt
tvenna tónleika þar fyrir
skemmstu. Vandamálið var að mið-
arnir seldust strax upp og fréttist
bara af einum og einum miða til
sölu. Þessir síðustu miðar voru
verðlagðir í samræmi við hvað þeir
voru eftirsóttir og fóru á þúsund
dollara stykkið. Ég hefði alveg ver-
ið til í að borga svo mikið fyrir að
sjá Björk en fékk þrátt fyrir allar
tilraunir ekki miða og missti af tón-
leikunum,“ segir Amy um forsögu
þessa sólarhringsferðalags sem
hún tók sér á hendur í þeim eina til-
gangi að hlýða á goðið sitt. Amy
hefur verið mikill aðdáandi tónlist-
ar Bjarkar allt frá því hún hætti í
Sykurmolunum og gaf úr fyrstu
sólóplötu sína Debut. Tónleikarnir
á miðvikudag voru þó þeir fyrstu
sem hún sækir með goðinu sínu.
„Ólýsanleg upplifun“
Amy kom ein síns liðs til Íslands
og segist ekki sjá eftir neinu, ferða-
lagið yfir hálfan hnöttinn hafi verið
fullkomlega erfiðisins virði og það
megi leggja á sig miklu erfiðari
ferðalög fyrir þá upplifun sem hún
varð fyrir á Bjarkartónleikunum.
„Þetta hefur verið stórkostlegt. Ég
á engin orð til að lýsa tónleikunum
– jú, kannski – nei, þetta var ólýs-
anleg upplifun, Björk var stórkost-
leg.“
Yfir hálfan hnött-
inn til að sjá Björk
Morgunblaðið/Sverrir
Amy Zuzuki segir vert að leggja á sig hvaða ferðalag sem er fyrir Bjarkartónleika.
MAÐUR féll útbyrðis af netabátnum
Hólmsteini GK-20 frá Garði þegar
báturinn var að veiðum úti af Staf-
nesi í gærmorgun. Félagar hans
björguðu manninum um borð en
hann var nokkrar mínútur í sjónum.
Að sögn Júlíusar Guðmundssonar
útgerðarmanns kom kvika undir bát-
inn og kastaðist maðurinn nokkuð
frá bátnum. Áhöfnin þurfti að skera
frá og sigla að manninum og var
hann síðan dreginn upp á spotta.
Sjómaðurinn var ekki í flotbúningi
og fylltust föt hans af sjó og þyngdu
hann. Saup hann talsvert af sjó.
Bátnum var siglt inn til Sandgerð-
is og sjómanninum ekið á Heilbrigð-
isstofnun Suðurnesja til skoðunar.
Júlíus segir að þetta sé ungur og
sprækur maður og auk þess vel
syndur. Hann telur að honum hafi
ekki orðið meint af volkinu.
Bjargað úr
sjónum eftir
fall útbyrðis
HARÐUR árekstur tveggja fólksbif-
reiða varð á gatnamótum Hálsa-
brautar og Krókháls um klukkan
21.23 í gærkvöldi.
Tveir sjúkrabílar og tækjabíll
Slökkviliðs höfuðborgarsvæðisins
komu á vettvang en beita þurfti
klippum til að ná einum farþeganna
úr flaki bílsins. Þrír farþeganna voru
fluttir á slysadeild. Óvíst er um
meiðsli þeirra. Báðir bílarnir voru
fluttir í burtu með kranabíl.
Harður árekstur