Morgunblaðið - 21.12.2001, Blaðsíða 55

FRÉTTIR
MORGUNBLAÐIÐ FÖSTUDAGUR 21. DESEMBER 2001 55
MÆÐRASTYRKSNEFND hefur
fengið margar góðar gjafir að
undanförnu, m.a. tölvur, bleiur
og jólagjafir til handa skjólstæð-
ingum nefndarinnar.
Fyrir skömmu höfðu for-
ráðamenn Tölvutækniskóla Ís-
lands samband við Mæðrastyrks-
nefnd og vildu gefa henni fimm
uppgerðar tölvur ásamt árs netá-
skrift. Ásgerður Jóna Flosadóttir,
formaður Mæðrastyrksnefndar,
segir að nefndinni hafi verið falið
að finna fimm fjölskyldur, sem
mest þyrftu á tölvunum að halda,
og hefðu þær fengið tölvurnar af-
hentar í vikunni.
Börn úr grunnskólanum í
Þykkvabæ og kennarar þeirra
komu færandi hendi í fyrradag
og færðu skjólstæðingum Mæðra-
styrksnefndar marga jólapakka.
Ásgerður Jóna Flosadóttir tók á
móti börnunum ásamt öðrum
nefndarkonum og sagði þeim frá
starfseminni. Að lokum þáði hóp-
urinn veitingar.
Sama dag kom Lúther Guð-
mundsson, framkvæmdastjóri
Friggjar hf., og færði nefndinni
8.000 Libero-barnableiur til skjól-
stæðinga nefndarinnar. Und-
anfarin ár hefur Frigg gefið
Mæðrastyrksnefnd mikið magn af
hreinlætisvörum og gerði það
einnig fyrir þessi jól en bætti um
betur með bleiunum.
Morgunblaðið/Sverrir
Morgunblaðið/Sverrir
Frá afhendingu bleianna. Frá
vinstri: Bryndís Guðmundsdóttir,
Guðrún Magnúsdóttir, Lúther Guð-
mundsson, Ásgerður Jóna Flosa-
dóttir og Unnur Jónasdóttir.
Gjafir til skjól-
stæðinga Mæðra-
styrksnefndarUNDANFARNAR vikur hefur ver-ið unnið að því að gera ráðuneyt-isvefina þannig úr garði að þeir
standist fyrsta viðmið (priority one)
af þeim sem sett eru um aðgengi
fatlaðra að vefsíðum. Þessi viðmið
eru fengin frá World Wide Web
Consortium en þar eru settir fram
staðlar sem tengjast tölvutækni
sem flestir vilja miða sig við.
„Staðan er þannig nú að eftirtalin
ráðuneyti hafa náð þessu marki:
Sameiginlegur vefur ráðuneytanna
(raduneyti.is), vefir forsætisráðu-
neytis, dóms- og kirkjumálaráðu-
neytis, fjármálaráðuneytis, iðnaðar-
og viðskiptaráðuneytis, landbúnað-
arráðuneytis, samgönguráðuneytis,
sjávarútvegsráðuneytis og um-
hverfisráðuneytis. Önnur ráðuneyti
skila sér vonandi fljótlega inn líka
en það markmið var sett að öll
ráðuneytin hefðu náð þessu
snemma á árinu 2002. Sigurður
Davíðsson, vefstjóri Stjórnarráðs-
ins, telur að því verði lokið í jan-
úarmánuði 2002. Hann segir að
jafnframt sé ávallt unnið að ýmsum
endurbótum á vefjum ráðuneytanna
með það að markmiði að bæta al-
mennt aðgengi að þeim upplýsing-
um sem á þeim eru vistaðar, það
nýtist auðvitað öllum notendum
vefjarins,“ segir í frétt frá Öryrkja-
bandalagi Íslands.
Stjórnarráðsvefurinn
Með gott
aðgengi
fyrir fatlaða
ÍSLANDSPÓSTUR minnir lands-
menn á að síðasti skiladagur til að
senda jólakortin innanlands er
föstudagurinn 21. desember svo þau
komi örugglega til viðtakanda fyrir
jól.
Jólafrímerki Íslandspósts fást á
öllum pósthúsum. Auk þess í Bónus,
Hagkaup, Kringlunni og Smáralind
og á bensínstöðvum ESSO, OLÍS og
Shell. Einnig fást þau í öllum helstu
bókabúðum.
Afgreiðslutími pósthúsa
Pósthús á höfuðborgarsvæðinu og
á Akureyri eru opin lengur síðustu
daga fyrir jól, eða eins og hér segir;
föstudaginn 21. desember frá kl. 9–
18. Laugardaginn 22. desember og
sunnudaginn 23. desember frá kl.
10–18. Á aðfangadag 24. desember
verður opið frá kl. 9–12.
Pósthúsið á Akranesi, í Borgar-
nesi, Egilsstöðum, Húsavík, Höfn,
Ísafirði, Keflavík, Sauðárkróki, á
Selfossi og í Vestmannaeyjum eru
opin eins og hér segir; föstudaginn
21. desember frá kl. 9–18. Laug-
ardaginn 22. desember og sunnu-
daginn 23. desember frá kl. 13–16. Á
aðfangadag, 24. desember, verður
opið frá kl. 9–12.
Aðrir afgreiðslustaðir Póstsins
verða með óbreyttan afgreiðslutíma
í desember. Á aðfangadag eru hins
vegar öll pósthús og allir afgreiðslu-
staðir á landinu með opið frá kl. 9–
12, segir í frétt frá Íslandssíma.
Skiladagur jóla-
korta innanlands
SÍMINN býður viðskiptavinum sín-
um 15% afslátt af símtölum til út-
landa á jóladag og annan í jólum.
Tilboðið gildir í tvo sólarhringa,
jóladag og annan í jólum, 25. og 26.
desember. Sama er hvort hringt er
úr almennum talsíma, NMT-síma
eða GSM-síma í áskrift. Tilboðið
gildir ekki þegar hringt er úr
Frelsi.
Viðskiptavinir með heimilissíma
sem eru með Vini & vandamenn í
útlöndum halda sínum 10% afslætti
og fá því 25% afslátt af símtölum
þessa tilteknu daga.
Tilboðið nær hvorki til símtala
sem hringd eru úr GSM Frelsi né
til símtala sem pöntuð eru hjá tal-
sambandi við útlönd (1811), segir í
frétt frá Símanum.
Afsláttur af sím-
tölum til útlanda
FALLEGASTI jóla-
glugginn í miðbæ
Reykjavíkur fyrir
þessi jól er hjá Guð-
brandi Josef Jezorski,
gullsmið á Laugavegi
48. Af því tilefni var
verslunareigandinn
heiðraður sérstaklega
á miðvikudag og
hlaut viðurkenningu
Þróunarfélags mið-
borgarinnar. Þróun-
arfélag miðborg-
arinnar er
hagsmunasamtök
atvinnurekenda og
íbúa í miðborg
Reykjavíkur. Hlutverk félagsins
er að efla miðborg Reykjavíkur
sem miðstöð stjórnsýslu, menn-
ingarlífs, verslunar og þjónustu.
Það voru mæðgurnar Barbara
Haage og Kristín Guðbrands-
dóttir sem skreyttu glugga versl-
unarinnar og tóku við viðurkenn-
ingunni á veitingastaðnum
Horninu.
Í umsögn dómnefndar um
glugga verslunarinnar segir m.a.
að þeir séu erfiðir, langir og mjó-
ir og líkist ekki þeim sýning-
argluggum sem hannaðir eru nú
á dögum. Samt sem áður hafi
Guðbrandi og fjölskyldu tekist að
gera þá óvenjuaðlaðandi, ekki
síst með skreytingum í tilefni
jólanna. Segja megi að allt fari
þar saman í smekkvísi; útstilling,
litir og lýsing.
Gullsmiður með fal-
legasta jólagluggann
UMHVERFISNEFND Eyjafjarð-
arsveitar hefur um 10 ára skeið veitt
viðurkenningar því fólki sem skarað
hefur framúr með fyrirmyndarum-
gengni á býlum sínum. Í ár varð
Ytra-Gil fyrir valinu en þar búa hjón-
in Ingunn Tryggvadóttir og Eiríkur
Helgason ásamt börnum sínum.
Í hófi sem haldið var í Íslandsbæn-
um við Blómaskálann Vín nýlega af-
henti Guðrún Egilsdóttir, formaður
umhverfisnefndar, fjölskyldunni á
Ytra-Gili verðlaunaskjöld sem festur
er á bæjarskiltið við heimreiðina að
bænum.
Bjarni Kristjánsson sveitarstjóri
sagði við þetta tækifæri að það væri
mjög mikilvægt að bændur og aðrir
íbúar sveitarinnar gengju vel um,
enda væri fallegt umhverfi mikil-
vægur þáttur og þá ekki síst með til-
liti til markaðssetningar afurða bú-
anna í sveitarfélaginu. Að sama
skapi væru þeir sem ekki stæðu sig
nægilega vel í þessum efnum að
spilla fyrir sjálfum sér og öðrum.
Ferðaþjónustan á Öngulsstöðum,
Stekkur, Syðri-Tjarnir og sumarbú-
staðurinn Áttan hlutu einnig vður-
kenningar.
Ytra-Gil snyrti-
legasta býlið
Eyjafjarðarsveit. Morgunblaðið.
Ytra-Gil var útnefnt snyrtilegasta býli sveitarinnar í ár.
Morgunblaðið/Benjamín Baldursson
Hjónin á Ytra-Gili, Ingunn Tryggvadóttir og Eiríkur Helgason, og börn
þeirra, Heiðrún og Halldór, sem heldur á verðlaunaskildinum, ásamt
þeim sem einnig fengu viðurkenningu fyrir góða umgengni.
ÁRLEG úthlutun úr Afreks- og
styrktarsjóði Akureyrar fer fram í
hófi sem haldið verður í Íþrótta-
höllinni föstudaginn 28. desember
nk. kl. 16.
Auk úthlutunar úr sjóðnum
verður nokkrum einstaklingum
veitt sérstök viðurkenning og
einnig verður öllum þeim Akureyr-
ingum er unnið hafa til Íslands-
meistaratitils á árinu 2001 afhent-
ur minnispeningur Íþrótta- og
tómstundarráðs. Þá verður og til-
kynnt val Íþróttabandalags Akur-
eyrar á íþróttamanni ársins. Ár-
angur akureyskra íþróttamanna
var góður á árinu. Samkvæmt
þeim upplýsingum sem borist hafa
til stjórnar sjóðsins hafa 242 Ís-
landsmeistaratitlar unnist á árinu
og einnig voru margir Akureyr-
ingar valdir til að leika með lands-
liðum í hinum ýmsu íþróttagrein-
um.
Íþrótta- og tómstundaráðs vonar
að afreksmennirnir og þjálfarar
þeirra sjái sér fært að koma til at-
hafnarinnar.
Afreks- og styrktarsjóður Akureyrar
Úthlutað milli
jóla og nýárs