Morgunblaðið - 21.12.2001, Blaðsíða 61
UMRÆÐAN
MORGUNBLAÐIÐ FÖSTUDAGUR 21. DESEMBER 2001 61
BESTA JÓLAGJÖFIN
Rauðarárstíg 14,
sími 551 0400
Kringlunni,
sími 568 0400
Smáralind,
535 0400
www.myndlist.is
— Sif Ægisdóttir —
SYNGJUM við
þennan fallega sálm
um jólin eins og ekk-
ert hafi í skorist?
Syngjum um friðarins
jól og lokum eyrunum
fyrir þrumugný sem
berst frá þessum
heimshluta? Hlustum
e.t.v. á fréttir um hve
margir hafi verið
drepnir síðasta sólar-
hring, á hvern hátt og
hvaða afsökun dráps-
mennirnir tilgreina
fyrir verknaðinum?
Snúum okkur svo að
jólasteikinni, látum
þessar fréttir ekki
raska ró okkar og hugsum um hve
friðsælt var í fjárhúsinu í Betle-
hem fyrir 2000 árum?
Við getum búist við ljósa„dýrð“ í
Betlehem á þessum jólum þegar
sprengjum og eldflaugum rignir
yfir. Foreldrar sem fæða þar börn
þessi jól geta öfundað Jósep og
Maríu af fjárhúsinu. Englakór er
ólíkt fallegri tónlist en sprengjug-
nýr. En sumt hefur ekki breyst.
Það þurfti að fara með Jesúbarnið
í felur til að forða því frá morð-
óðum yfirvöldum og Jesús var að
endingu dæmdur og tekinn af lífi
fyrir að gerast leiðtogi þeirra und-
irokuðu. Leiðtogar þeirra undir-
okuðu eru hundeltir og teknir af
lífi hundruðum saman um þessar
mundir, en án dóms og laga. Lítið
hafa menn lært í 2000 ár!
Við berum ábyrgð
Ísland átti þátt í að stofna Ísr-
aelsríki á palestínsku landi fyrir
hálfri öld. Í nafni Sameinuðu þjóð-
anna var gyðingum frá Evrópu út-
hlutað hálfu landinu gegn vilja íbú-
anna árið 1947. Þeir reyndu að
verja land sitt en voru yfirbugaðir,
drepnir og hraktir á flótta af
hroðalegum hryðjuverkasveitum
undir stjórn manna sem síðar urðu
forystumenn Ísraelsríkis. Nokkr-
um áratugum síðar (1967) hafði
Ísrael hernumið alla Palestínu og
hrakið meirihluta íbúanna á flótta
frá eignum sínum og landi. Betle-
hem er á því hernumda landi.
Það er barist um „landið helga“.
Palestínumenn heyja frelsisstríð
gegn ofurefli. Ástandið virðist fara
versnandi og var þó vont fyrir. Þar
eru unnin hryðjuverk dag hvern
hvað sem líður tali um herferð
stórveldanna gegn hryðjuverkum.
Ríkið Ísrael leggur smám saman
undir sig það sem eftir er af Pal-
estínu og beitir öflugum her og
jarðýtum gegn vopnlausu fólki og
eignum þess. Örvænting og hatur
magnast og grafa undan heima-
stjórn Arafats sem hefur reynt að
leita friðsamlegra leiða. Hún hefur
á síðasta áratug gert marga samn-
inga sem Ísralesmenn hafa svikið.
Í þessu ástandi magnast herskáir
andstöðuhópar Palestínumanna
sem myrtu einn ofstækisfyllsta
ráðherra Ísraels og hafa undanfar-
ið myrt fjölda óbreyttra ísraelskra
borgara. Þó falla nær fjórfalt fleiri
Palestínumenn í þessu ójafna
stríði. Ísraelski herinn hefur drep-
ið nærri þúsund Pal-
estínumenn á rúmu
ári, aðallega óbreytta,
óvopnaða borgara,
þar af nærri tvö
hundruð börn. Þeir
hafa skipulega drepið
nær 70 palestínska
ráðamenn og um 130
palestínska lögreglu-
menn á 14 mánuðum.
Þeir hafa jafnað við
jörðu helstu mann-
virki heimastjórnar
Palestínumanna auk
óteljandi íbúðarhúsa,
akra og ólífutrjáa.
Ólífutré eru kýr
Palestínumanna.
Hvernig yrði okkur Íslendingum
við ef hátæknivæddur her færi um
landið með jarðýtur til að leggja
hús í rúst, gjarna að nóttu til, gæfi
íbúunum 5 mínútur til að koma sér
út, réðist síðan á kýrnar í hag-
anum eða fjósunum og stráfelldi
þær og meinaði sjúkraflutninga-
mönnum að flytja bráðveikt og
sært fólk og konur í barnsnauð á
sjúkrahús?
Styðjum sjálfstæðisbaráttu
Betlehemsbúa
Ég efast um að við Íslendingar
getum ímyndað okkur þau skelfi-
legu kjör sem íbúar „landsins
helga“ hafa þurft að búa við í hálfa
öld, kjör sem okkar stjórnmála-
menn hafa átt þátt í að móta. Nú
tíðkast í okkar heimshluta að veita
fólki áfallahjálp sem lifir af skelfi-
lega atburði. Palestínumenn veita
hver öðrum slíka hjálp og telja
kjark hver í annan að láta ekki
bugast – og umfram allt að láta
ekki hrekja sig brott eins og gerð-
ist um miðja síðustu öld. Líf í
flóttamannabúðum í hálfa öld hef-
ur kennt þeim að það er e.t.v.
skárra að deyja heima en í útlegð.
Á þesum jólum skulum við taka
undir réttláta kröfu íbúanna í
Betlehem um yfirráð yfir eigin
landi og að þeir fái alþjólega vernd
gegn einum öflugasta her veraldar
sem um þessar mundir lýtur
stjórn hryðjuverkamannsins Shar-
ons. Látum Halldór Ásgrímsson
heyra þann vilja okkar. Við viljum
að Ísland taki einarðlega undir
þessar kröfur og láti það ekki á sig
fá þótt Bandaríkjastjórn dragi
lappirnar og hindri með neitunar-
valdi að réttlæti nái fram að
ganga.
Bjart yfir
Betlehem?
Þorvaldur
Örn Árnason
Höfundur er líffræðingur og situr í
stjórn félagsins Ísland-Palestína.
Friður
Líf í flóttamannabúðum
í hálfa öld hefur kennt
þeim, segir Þorvaldur
Örn Árnason, að það er
e.t.v. skárra að deyja
heima en í útlegð.