Morgunblaðið - 23.12.2001, Blaðsíða 41

sér niðri á Benedict og komast aftur
til valda í Vegas. Með illu ef ekki með
góðu. Carl Reiner leikur fyrrum
svikahrapp og leikara, sem má muna
sinn fífil fegurri. Hann er ráðinn til að
blekkja Benedict í stórum stíl við
spilaborðið. Allt hluti af heildarað-
gerðinni. Ungstjörnurnar Casey Af-
fleck og Scott Caan leika tvíbura-
bræðurna Turk og Virgil. Þeir koma
að ráninu sem afburða ökuþórar.
„Oceańs Eleven er mynd sem
menn einsog John McTiernan, Ste-
ven Spielberg og David Fincher geta
afgreitt með hendurnar bundnar fyr-
ir aftan bak, hvað tækninni viðvíkur,“
segir Soderbergh. „Ekki ég, þetta var
eilíf barátta. Þegar verkið var um það
bil hálfnað fór ég að velta því fyrir
mér hvað ég væri búinn að koma mér
útí. Eitt vandamálið sem blasti við í
upphafi var hversu margar og sein-
legar tökur voru fyrirhugaðar inni í
spilavítunum. Mér er kunnugt að þau
stóru í Vegas hafa ekki leyft kvik-
myndagerðarmönnum að athafna sig
innandyra á öðrum tíma en yfir blá-
nóttina. Þetta reyndist ekki vanda-
málið. T.d. stóð Bellagio okkur jafnan
opið.“
Lykillinn að spilavítunum var
framleiðandinn Jerry Weintraub.
Hann var áberandi í tónlistarbrans-
anum um 1960 og vann með Frank Si-
natra að gerð gömlu myndarinnar.
„Það sem bíógestir komu til að sjá var
Sinatra, Dean Martin, Sammy Davis,
Peter Lawford og Joey Bishop í sömu
myndinni,“ segir Weintraub. „Mynd-
in hefði orðið jafnvinsæl þótt þeir
hefðu verið að lesa símaskrána.“
George Clooney segir að Weintraub
hafi verið stærð sem þeir Soderbergh
þekktu ekki. „Við vissum að hann
setti upp fjölda stórra hljómleika, en
höfðum ekki hugmynd um hæfni hans
sem framleiðandi. Aðeins með því að
ljúka upp öllum dyrum í Vegas vegna
gamallar vináttu og kunningsskapar
sparaði hann okkur milljónir.“
Ástæðuna fyrir að Bellagio var val-
ið bakgrunnur myndarinnar segir
Weintraub vera þá að það sé einfald-
lega fallegasta spilavítið í borginni.
„Það er íburðarmest og mikilvægast.
Aukinheldur var það í eigu vinar míns
þegar framleiðslan hófst, sem seldi
það síðan Kirk Kerkorian, sem
reyndar er einnig gamall vinur. Við
settum allt á annan endann í spilavít-
unum á meðan á tökum stóð. Það varð
að loka bílastæðum dögum saman,
görðum, blómaskálum, gestamót-
tökum, við lögðum jafnvel undir okk-
ur VIP spilasalinn um tíma.“
Soderbergh fékk til liðs við sig
fjölda fyrrum samverkamanna við
Erin Brockovich og Traffic. Þ.á m.,
framleiðslu- og búningahönnuði og
leikmunasmiði. Á þá reynir geysimik-
ið; það þurfti að smíða eftirlíkingar,
skapa hárrétt andrúmsloft fjöl-
margra sviðsmynda þar sem hvert
smáatriði þurfti að hafa rétt yfir-
bragð í lit og stíl. „Oceańs Eleven er
fullkomin andstæða Traffic,“ segir
Soderbergh. „Þar völdum við töku-
staði sem við gátum nánast hafið tök-
ur undirbúningslaust.“ Þá tókst So-
derbergh og Weintraub að skapa
einstakt andrúmsloft manna á milli í
leikhópnum. „Þegar tökur hófust
reyndum við að fá ellefumenningana
til að halda hópinn utan vinnutímans.
Það gekk vel, þar sem þeir smellpöss-
uðu saman. Vináttan blómstraði þeg-
ar tökuvélarnar þögnuðu. Þeir gátu
ekki beðið uns þær rúlluðu á ný, svo
mikla ánægju veitti þeim samvinnan.
Slíkt fær maður ekki keypt fyrir pen-
inga,“ segir Weintraub.
Soderbergh sótti innblástur í aðrar
sígildar ævintýramyndir. „Ég hef
aldrei dregið dul á að Jaws er ein af
mínum eftirlætismyndum. Ég tel
hana sígilda afþreyingu. Ég dái
myndir sem tekst að halda sig við það
sem þeim er ætlað. Fyrir mér er
Oceańs Eleven mitt tækifæri til að
gera mynd sem er ekki ætlað neitt
annað en að skemmta fólki frá upp-
hafi til enda.“ Svo mælir einn athygl-
isverðasti leikstjóri samtímans, og
skemmst frá að segja hefur Oceańs
Eleven hvarvetna farið beinustu leið
á toppinn.
Soderbergh leikstýrir Ocean’s Eleven:
Mitt tækifæri til að gera mynd sem er
ekki ætlað annað en að skemmta fólki
frá upphafi til enda.
MORGUNBLAÐIÐ SUNNUDAGUR 23. DESEMBER 2001 B 41
bíó
LOFUM ÖLLU FÖGRU
H
V
ÍT
A
H
Ú
S
IÐ
/
S
ÍA
mbl.isFRÉTTIR