Morgunblaðið - 30.12.2001, Blaðsíða 54

FÓLK Í FRÉTTUM
54 SUNNUDAGUR 30. DESEMBER 2001 MORGUNBLAÐIÐ
ÞEGAR horft er eingöngu á þær kvikmyndir sem frum-
sýndar eru á leigumyndbandi hér á landi verður að segj-
ast alveg eins og er að ekki er um ýkja auðugan garð að
gresja. Bróðurparturinn af því efni sem kemur okkur fyrir
sjónir fyrst á myndbandi er nefnilega efni sem einhverra
hluta vegna hefur ekki staðið undir væntingum og því
ekki þótt boðlegt í kvikmyndahúsin eða átti aldrei að rísa
svo hátt að gæðum hvort eð er, þ.e. var framleitt frá rót-
um með leigumyndbandamarkaðinn í huga.
Það eru samt einungis tveir angar af leigumynd-
bandaflórunni, tveir af einum sex sé gróflega flokkað.
Hinir fjórir eru blessunarlega öllu ánægjulegri því hver á
sinn hátt gefa þeir leigumyndböndunum aukna vigt og
gera þau að nauðsynlegum þætti í neyslukeðju kvik-
myndaunnandans ef svo mætti að orði komast. Þessir
fjórir þætti eru eftirfarandi; heimildarmyndir í fullri lengd,
litlar og sjálfstæðar jaðarmyndir, myndir á öðru tungumáli
en engilsaxnesku og sjónvarpsmyndir. Listi myndbanda-
gagnrýnenda Morgunblaðsins yfir bestu myndirnar sem
frumsýndar voru á myndbandi árið 2001 inniheldur, eins
og sannreyna má við nánari athugun, fulltrúa allra þess-
ara fjögurra anga. Listinn inniheldur myndir sem uppúr
standa í huga myndbandagagnrýnenda sem skoðað hafa
vel á þriðja hundrað myndir á árinu – myndir sem hiklaust
er hægt að mæla með fyrir alla víðsýna og leitandi mynd-
bandaunnendur.
Leigumyndbönd ársins 2001
skarpi@mbl.is
1. WIT – Mike Nichols
Snilldarvel gerð sjónvarpsuppfærsla
samnefnds leikrits Margaret Edson,
þar sem fjallað er af innsæi um vits-
munaleg og tilfinningaleg viðbrögð
enskuprófessors við ómannlegu
sjúkdómsferli. Emma Thompson
skilar stórleik í erfiðu hlutverki.
2. THE BOONDOCK SAINTS
– Troy Duffy
Hrein perla sem virðist hafa orðið
undir í offlæði kvikmyndamarkaðar-
ins. Frábærlega vel gerð spennu-
mynd þar sem unnið er með spurn-
ingar um glæpavandann í vestræn-
um samfélögum.
3. CONSPIRACY – Frank Pierson
Magnþrungið sjónvarpsleikrit um
Wansee-fundinn svokallaða, sem
haldinn var meðal ráðamanna í SS
20. janúar 1942 um „lausnir við gyð-
ingavandanum“ á yfirráðasvæðum
nasista. Handrit og leikur með því
vandaðasta sem sést hefur í sjón-
varpi.
4. BEST IN SHOW
– Christopher Guest
Skínandi gamanmynd frá gaman-
smiðnum snjalla Christopher Guest,
sem lýsir vonum og væntingum
stoltra hundaeigenda á leið á hunda-
sýningu. „Heimildarmyndaformið“
er notað hér á snjallan hátt.
5. ONE DAY IN SEPTEMBER
– Kevin Macdonald
Heimildarmynd um gíslatöku palest-
ínskra hryðjuverkamanna á ísr-
aelskum íþróttamönnum á Ólympíu-
leikunum í München árið 1972.
Einkar vel gerð mynd um sögulegan
viðburð sem lifir í margra minni.
6. LAST NIGHT – Don McKellar
Eftirminnileg kanadísk kvikmynd
sem fjallar um hversdagsleikann
andspænis heimsenda. Hér er tekið
á áhugaverðan hátt á tilvistarlegum
spurningum.
7. THE HOUSE OF MIRTH
– Terence Davies
Fáguð kvikmyndaaðlögun á sam-
nefndri skáldsögu Edith Wharton,
um yfirstéttarkonu í New York á
fyrst fjórðungi 20. aldar. Samfélags-
krufningu Wharton er miðlað á
sterkan hátt.
8. JOE THE KING – Frank Whaley
Áhrifamikil saga um dreng sem fetar
þá braut glötunar sem fyrir honum
liggur. Ólíkt mörgum hliðstæðum
sögum leitar þessi ekki eftir ódýrum
lausnum.
9. ASFALTO – Daniel Calparsoro
Svöl og fersk spænsk spennumynd
um persónur sem hafa lært að
bjarga sér í hörðum heimi Madrid-
borgar.
10. THE FILTH AND THE FURY
– Julien Temple
Áhugaverð heimildarmynd um
bresku pönksveitina Sex Pistols.
Kafað er í bakgrunn sveitarinnar og
uppruna pönksins í Bretlandi.
1. SERIES 7: THE CONTENDERS –
Daniel Minahan
Nútíma dægurmenning fær hér al-
gjört rothögg. Eftir að hafa horft á
þessa mjög svo áleitnu háðsádeilu er
ekki séns að maður geti litið raun-
veruleikasjónvarp á borð við Sur-
vivor og jafnvel Rescue 911 sömu
augum. Við ættum bara öll að
skammast okkar!
2.
ONE DAY IN SEPTEMBER
– Kevin MacDonald
Sérdeilis vel gerð heimildarmynd
um hryðjuverk á Ólympíuleikunum í
München 1972 sem standa óhugnan-
lega nærri hryðjuverkaöldu ársins
sem nú er að líða, 30 árum síðar.
Heimildavinnan er hreint ótrúlega
yfirgripsmikil og framsetning þessa
sögulega efnis er skólabókardæmi
um hvernig hægt er að bera slíkt efni
á borð fyrir almenning á aðgengileg-
an máta.
3. TIGERLAND –
Joel Schumacher
Ótrúlegt en satt.
Góð og innihalds-
rík Víetnammynd
eftir glansmynda-
sérfræðinginn Jo-
el Schumacher!
Gleðilegt að slík-
ur reynslubolti
skuli loksins sjá
ljósið og huga að fleiru en útliti og
stæl.
4. DIRTY PICTURES – Frank Pierson
Frábærlega leikin og virkilega
áhugaverð kapalsjónvarpsmynd um
minnisstæð málaferli út af sýningu á
ljósmyndum Roberts Mapplethorp-
es sem velti upp spurningunum um
tjáningarfrelsi í listum.
5. BUTTERFLY – José Luis Cuerda
Saklaust smábæjarlíf á Spáni
skömmu fyrir borgarastyrjöldina.
Yndisleg mynd sem sýnir alla bestu
eiginleika suður-evrópskrar kvik-
myndagerðar.
6.
THE TAO OF STEVE
– Jennipher Goodman
Smellin og vel skrifuð gamanmynd
um skothelda leið fyrir karla að ná
sér í konur. Donal Logue er karl-
mennskan í hnotskurn með sanna
bjórvömb og mannasiði til eftir-
breytni.
7. WAKING THE DEAD
– Keith Gordon
Óvenju trúverðug ástarsaga með al-
varlegum pólitískum undirtóni. Frá-
bær leikur hins vaxandi Billy
Cudrup og örugg leikstjórn hins
óuppgötvaða leikstjóra Keiths Gord-
ons.
8. KURT & CORTNEY
– Nick Broomfield
Athyglisverð heimildarmynd í meira
lagi eftir hinn umdeilda Nick Broom-
field sem fékk ekki jólakort frá
Courtney Love. Hæpin efnistök en
krassandi stúdía samt sem áður á lífi
og dauða Kurts Cobain.
9. THE BOONDOCK SAINTS
– Troy Duffy
Töffaramynd ársins. Uppfull af frá-
bærum krimmastælum, blóðugum
og óábyrgum. Undir niðri blundar
síðan heilbrigður boðskapur um holl-
ustu og tryggð við sína nánustu.
10. THE YARD
– James Gray
Þétt og gott spennudrama um vand-
kvæði sem geta verið bundin því að
reyna að snúa baki við vafasamri for-
tíð. Leikur Marks Wahlbergs er lág-
stemmdur en lúmskur.
Skarphéðinn
Guðmundsson
Heiða Jóhannsdóttir