Morgunblaðið - 12.01.2002, Blaðsíða 60
MORGUNBLAÐIÐ, KRINGLUNNI 1, 103 REYKJAVÍK, SÍMI 569 1100, SÍMBRÉF 569 1181, PÓSTHÓLF 3040,
ÁSKRIFT-AFGREIÐSLA 569 1122, NETFANG: RITSTJ@MBL.IS, AKUREYRI: KAUPVANGSSTRÆTI 1 LAUGARDAGUR 12. JANÚAR 2002 VERÐ Í LAUSASÖLU 190 KR. MEÐ VSK.
TVEIR menn létust í umferðarslys-
um í gærkvöldi. Ökumaður lést í bíl-
slysi á Kísilveginum milli Húsavíkur
og Mývatnssveitar og þrír slösuðust.
Farþegi í framsæti fólksbifreiðar
lést í árekstri þriggja bifreiða ofar-
lega í Kömbunum austur af Hellis-
heiði í gærkvöldi. Sjö slösuðust í
árekstrinum, þar af tveir alvarlega,
og voru fluttir á Landspítalann í
Fossvogi með sjúkrabifreiðum og
TF-LÍF, þyrlu landhelgisgæslunn-
ar. Að sögn læknis á slysadeild um
miðnætti í gærkvöldi hafði einn sjúk-
lingur verið lagður inn á gjörgæslu-
deild og innlögn annars sjúklings var
fyrirhuguð. Hinir sem slösuðust
voru lagðir inn á spítalann til eftir-
lits.
Tildrög slyssins voru þau að fólks-
bifreiðinni, sem í voru fimm manns,
var ekið niður Kambana og fór hún
yfir á öfugan vegarhelming í beygju
með þeim afleiðingum að hún rakst
framan á jeppabifreið sem kom úr
gagnstæðri átt upp Kambana. Við
áreksturinn kastaðist jeppabifreiðin
á fólksflutningabifreið sem ekið var
samsíða jeppabifreiðinni á tvöfaldri
akrein. Ekki er ljóst hvað olli slysinu
en krapi var á veginum sem og á
Hellisheiðinni. Í fólksflutningabif-
reiðinni voru fjórtán farþegar auk
ökumanns og sakaði engan. Í jeppa-
bifreiðinni var þrennt. Þau voru flutt
á slysadeild en eru ekki alvarlega
slösuð. Fjórir úr fólksbifreiðinni
slösuðust, þar af ökumaðurinn og
einn farþegi alvarlega. Þyrla Land-
helgisgæslunnar flutti ökumanninn á
Landspítalann í Fossvogi en sjúkra-
bifreiðir önnuðust flutning á öðrum
farþegum.
Tilkynnt var um slysið klukkan
20.28 og var fjölmennt lið lögreglu-
og sjúkraflutningamanna kvatt á
slysstað. Búnaður tækjabifreiðar
Slökkviliðsins í Hveragerði var not-
aður til að ná fólki út úr flaki fólks-
bifreiðarinnar og allt tiltækt sjúkra-
og lögreglulið á Selfossi var kvatt á
vettvang. Þrjár sjúkrabifreiðir frá
Selfossi voru sendar á slysstað og
tvær frá Slökkviliði höfuðborgar-
svæðisins auk neyðarbifreiðar með
lækni frá Reykjavík. Ennfremur var
kallaður út læknir frá Þorlákshöfn til
aðstoðar á vettvangi auk þriðja
læknisins, sem var í áhöfn þyrlunn-
ar.
Suðurlandsvegur var lokaður fyrir
umferð á meðan lögregla og sjúkra-
lið athöfnuðu sig á slysstað og voru
settir upp vegatálmar við hringtorg-
ið í Hveragerði og við gatnamót
Þrengslavegar og Suðurlandsvegar.
Var umferð beint um Þrengslin á
meðan.
Að sögn lögreglunnar á Selfossi
varð síðast banaslys í Kömbunum
fyrir um tveimur áratugum.
Banaslys á Kísilvegi
Annað banaslys varð í gærkvöldi á
Kísilvegi á Hólasandi, milli Mývatns
og Húsavíkur, eftir árekstur fólks-
bíls og jeppabifreiðar á blindhæð.
Ökumaður fólksbifreiðarinnar lést
en farþegarnir, kona og barn, auk
ökumanns jeppans, voru fluttir á
sjúkrahús, fyrst til Húsavíkur og svo
á Fjórðungssjúkrahúsið á Akureyri.
Sjúkrabíll, læknir, lögregla og
björgunarsveit úr Mývatnssveit fóru
á slysstað. Talið er að maðurinn hafi
látist samstundis. Ekki er vitað um
líðan hinna þriggja sem slösuðust en
ekki er talið að fólkið sé í lífshættu.
Morgunblaðið/Júlíus
Fjölmennt björgunarlið var kvatt á slysstað í Kömbunum í gærkvöldi eftir árekstur þriggja bifreiða. Einn lést í árekstrinum og sjö voru fluttir á slysa-
deild Landspítalans í Fossvogi. Tveir hinna slösuðu hlutu alvarleg meiðsl. Lokað var fyrir umferð um Hellisheiði um tíma.
Tveir létust í umferð-
arslysum í gærkvöldi
Tíu manns fluttir á slysadeildir
Reyna að
skipta
fölsuðum
dollurum
LÖGREGLAN er með til rann-
sóknar peningafölsunarmál, en
grunur leikur á að tveir eða þrír
menn hafi í gær reynt að skipta
50 dollaraseðlum fyrir íslenska
peninga. Að sögn Harðar Jó-
hannessonar, yfirlögregluþjóns
hjá lögreglunni í Reykjavík, eru
seðlarnir mjög vel gerðir og erf-
itt að átta sig á að um falsaða
seðla er að ræða.
Mennirnir hafa enn ekki verið
handteknir og sagði Hörður
nauðsynlegt fyrir fólk að vera á
varðbergi gagnvart fölsurunum.
Hann sagði að í 4–5 búðum
hefðu mennirnir keypt vörur
fyrir mjög lágar upphæðir og
fengið greitt til baka í íslenskum
krónum. Vitni segi að um sé að
ræða tvo eða þrjá útlendinga,
líklega frá Austur-Evrópu.
Hörður sagði að mennirnir
hefðu verið á ferð í miðborg
Reykjavíkur í gær og þeirra
væri nú leitað. Hann útilokaði
ekki að mönnunum hefði tekist
að koma seðlum í umferð víðar.
Segir upp
skjólstæð-
ingum
STJÓRN Heilsugæslu Kópavogs
hefur ákveðið að segja upp þeim
skjólstæðingum sínum sem ekki
eru búsettir í bæjarfélaginu. Þetta
segir Halla Halldórsdóttir bæjar-
fulltrúi, sem á sæti í stjórn Heilsu-
gæslunnar.
Að hennar sögn er talið að allt að
6.000 Kópavogsbúar séu án heim-
ilislæknis og því hafi verið gripið til
þessa ráðs. Telur hún að fjöldi
þeirra sem sagt verður upp gæti
verið um 2.000 manns.
Guðmundur Einarsson, forstjóri
Heilsugæslunnar í Reykjavík, seg-
ist ekki leggjast gegn þessum að-
gerðum stjórnar Heilsugæslunnar
í Kópavogi. Ákvörðunin byggist á
því að of fáir læknar séu í bæj-
arfélaginu. Hann leggur þó áherslu
á að þó að skjólstæðingum sé sagt
upp á heilsugæslustöð þýði það
ekki að þeim verði ekki veitt þjón-
usta heldur hætti þeir að vera
skráðir með heimilislækni á stöð-
inni.
Sex þúsund / 14
Heilsugæslan
í Kópavogi
UMTALSVERT magn þorskseiða
verður á næstu dögum flutt frá til-
raunastöð Hafrannsóknastofnunar í
Grindavík norður í Eyjafjörð, en þar
verður þeim komið fyrir í sjókvíum
sem Útgerðarfélag Akureyringa
hefur sett þar upp. Þetta er í fyrsta
sinn sem tilraun er gerð með áfram-
eldi seiða í sjó, en fram til þessa hef-
ur villtur fiskur verið notaður í þessu
skyni.
Seiðaeldisstöð Hafró í Grindavík
framleiddi um 30 þúsund seiði á liðnu
ári og verða um 10 þúsund seiði nú
flutt norður. „Við erum með litla
seiðaeldisstöð við Hauganes og það
sem fyrir okkur vakir er að byggja
upp þekkingu með því að gera til-
raunir með seiðaeldi sem síðar fer
svo í áframeldi úti í sjó,“ sagði Guð-
brandur Sigurðsson, framkvæmda-
stjóri ÚA.
Framtíð þorskeldis á Íslandi var
til umfjöllunar á ráðstefnu Útvegs-
mannafélags Norðurlands og sjávar-
útvegsdeildar Háskólans á Akureyri
í gær. Þar kom fram í máli Agnars
Steinarssonar, líffræðings hjá til-
raunastöð Hafró í Grindavík, að allar
forsendur væru fyrir því að hefja
stórfellt þorskeldi við Ísland. Grund-
vallarþekking á eldinu væri fyrir
hendi, en sýna þyrfti fram á arðsemi
af sjókvíaeldi við Ísland.
Vinna við umfangsmikið þorskeld-
isverkefni er nú hafin og verður það
kynnt víða um land á fundum með
vorinu í samvinnu við atvinnuþróun-
arfélög. Meðal þess sem athugað
verður er hvaða firðir henta til sjó-
kvíaeldis, fóðurrannsóknir fara
fram, þróun markaða verður skoðuð
sem og arðsemi.
Öllum hliðum málsins verður velt
upp í þessu verkefni því mönnum er
umhugað um að sjá hvort Íslending-
ar eiga möguleika á að keppa við
Norðmenn á þessu sviði. Þar í landi
eru mikil áform um uppbyggingu á
sviði fiskeldis og er fyrirhugað að
auka fjárveitingar til rannsókna um
20% frá því sem nú er.
Þorskseiði flutt frá Grindavík í Eyjafjörð á næstu dögum
Fyrsta tilraun með
áframeldi seiða í sjó
Forsendur fyrir/30