Morgunblaðið - 13.02.2002, Blaðsíða 8
FRÉTTIR
8 MIÐVIKUDAGUR 13. FEBRÚAR 2002 MORGUNBLAÐIÐ
Tilboð
12.990 kr.
Robust 14,4V
Hleðslutími 1 klst. taska
og auka rafhlaða fylgir
Verð áður: 21.355 kr.
Sími 525 3000 • www.husa.is
hleðsluborvél
„VANDINN er sá, að færri sækja
um að komast í leikskólakennara-
nám en við óskum. Við höfum
stundum þurft að hafna umsækj-
endum, en ástæðan hefur eingöngu
verið sú að þeir uppfylltu ekki inn-
tökuskilyrðin og höfum við þó teygt
okkur langt í að meta fyrra nám og
starfsreynslu,“ segir Ólafur Proppé,
rektor Kennaraháskólans.
Í samtali við Morgunblaðið á
sunnudag sagði Ingibjörg Sólrún
Gísladóttir borgarstjóri að á und-
anförnum árum hefði Kennarahá-
skólinn ekki ráðið við að veita öllum
skólavist sem vildu læra til leik-
skólakennara. Borgarstjóri sagði
þetta mjög bagalegt, því fólk fengi
starfsréttindi eftir þetta nám og til-
finnanlega vantaði fleiri leikskóla-
kennara.
„Þetta er á misskilningi byggt,“
segir Ólafur. „Við höfum tekið færri
inn en við höfum óskað og það er
vegna þess að svo fáir hafa sótt um
námið. Fyrir tveimur árum buðum
við í fyrsta skipti upp á nýja 45 ein-
inga námsbraut í leikskólafræðum,
stutta og hagnýta, aðsóknin þar hef-
ur verið góð. Hins vegar hafa færri
sótt í 90 eininga leikskólakennara-
nám, sem tekur þrjú ár, eða fjögur
ár í fjarnámi.“
Ólafur sagði að þegar 45 eininga
námið byrjaði hefðu sextíu verið
teknir inn og þrjátíu til viðbótar sl.
haust. Fyrsti hópurinn útskrifast í
vor og Ólafur sagðist hafa fyrir satt
að flestir ætluðu sér að fá þrjátíu
einingar úr náminu metnar og halda
áfram í níutíu eininga nám.
Áhyggjuefni að mati rektors
„Þarna kemur því nokkuð stór
hópur inn í leikskólakennaranámið,
þótt þetta hafi verið hugsað sem
sjálfstæð námsbraut. Við ætluðum
að fara milliveginn, mennta fólk
sem hefði meiri þekkingu á leik-
skólastarfinu en almennir starfs-
menn, en hefði þó ekki tekið níutíu
einingar til leikskólakennararétt-
inda. Núna ætlum við að gera sér-
stakt átak til að auglýsa leikskóla-
kennaranámið, en þar höfum við
svigrúm til að taka inn sextíu í stað-
bundið nám og þrjátíu í fjarnám.
Síðasta haust tókst okkur ekki að
ná nema um þrjátíu manns í stað-
bundið nám og við náðum ekki þrjá-
tíu í fjarnámið. Ég hef verulegar
áhyggjur af þessu.“
Ólafur segir að lög um háskóla
geri ráð fyrir að hægt sé að taka við
fólki í nám þótt það hafi ekki stúd-
entspróf eða sambærilegt lokapróf.
„Við höfum metið nám og reynslu
fólks, sem er 25 ára og eldra, og
tekið inn fólk sem er ekki með próf
úr framhaldsskólum. Við höfum
þurft að hafna umsækjendum, en þá
eingöngu vegna þess að þeir ná alls
ekki að uppfylla þessi skilyrði. Við
erum með margar starfsmennta-
brautir hér, en lakasta aðsóknin er
að leikskólakennaranáminu.“
Ólafur segir það undir rekstrar-
aðilum leikskólanna komið að meta
45 eininga námið til starfsréttinda
og launa. „Þetta er sjálfstæð náms-
braut og þeir sem ljúka henni gætu
t.d. orðið aðstoðarleikskólakennar-
ar. Við erum að vonast til að sveit-
arfélögin, sem reka flesta leik-
skólana, taki tillit til þess í launum.“
Dræm aðsókn að
leikskólakennaranámi
Átak gegn ofbeldi ungs fólks
Gegn ofbeldi á
víðtækan hátt
UM ÞESSAR mund-ir og að undan-förnu hefur staðið
yfir átak á vegum Rauða
krossins sem miðar að því
að uppræta ofbeldi meðal
ungs fólks. Hér á landi
hefur verið tekið þáttur í
átakinu af miklum áhuga
og dugnaði, einkum á með-
al ungmennahreyfingar
RKÍ.
Á heimasíðu Rauða
krossins er greint frá
átakinu og þar stendur
m.a.: „Ofbeldi er ekki bara
einangrað glæpsamlegt at-
hæfi einstaklinga eða
hópa. Ofbeldi er þjóð-
félagslegt vandamál sem
flestir þekkja. Margir hafa
kynnst ofbeldi af eigin
raun eða orðið vitni að því
og allir hafa lesið eða heyrt um
það í fjölmiðlum. Á meðan á átak-
inu stendur verður unnið mark-
visst að því að vekja athygli á of-
beldisvandanum og afleiðingum
hans sérstaklega meðal ungs
fólks. Það verður gert m.a. með
útgáfu á skýrslu um ofbeldi meðal
ungs fólks og ýmsum uppákomum
s.s. handþrykksátaki, tónleikum
gegn ofbeldi, útgáfu uplýsinga-
bæklings um foreldrarölt, útgáfu
kynningarefnis, ofbeldislausri
helgi, ljósmyndasamkeppni og
umræðufundum. Einnig verður
unnið að því að koma á samvinnu
við hina ýmsu aðila sem vinna að
forvörnum.
Frantz Adolph Pétursson heitir
verkefnisstjóri í hópi sjálfboðaliða
í ungmennahreyfingu RKÍ og
svaraði hann nokkrum spurning-
um Morgunblaðsins um átakið á
dögunum.
Þetta átak ... hvers frumkvæði
er það og hvert er tilefnið?
„Þetta átak byrjaði í Noregi
1995, upphafspunkturinn var þeg-
ar ungur drengur var skotinn til
bana í óvenju hrottalegri líkams-
árás í Osló, vinir hans minntust
hans með kyndilför um götur
borgarinnar og norska Dagblaðið
gerði málinu ítarleg skil. Í kjölfar-
ið birti Dagblaðið svo greinaflokk
um ofbeldi og fylgdi hverri grein
lítið merki með mynd af útréttri
hönd sem undir stóð „Gegn of-
beldi“. Greinaflokkurinn vakti
mikla athygli og þegar þeim skrif-
um lauk gaf Dagblaðið norska
Rauða krossinum þetta merki.
Norski Rauði krossinn hóf í kjöl-
farið víðtækt átak gegn ofbeldi og
er verkefnið nú átaksverkefni
landsfélaga Rauða krossins víða
um heiminn. Hér á landi byrjaði
átakið árið 1999. Meginástæða
þess að við byrjuðum með þetta
verkefni var fyrst og fremst sú
staðreynd að ofbeldisverk hafa sí-
fellt orðið grófari og fleiri og fleiri
tekið þeirri þróun sem gefnum
hlut. Þessu viljum við sporna
gegn.“
Hvernig er þetta átak í fram-
kvæmd?
„Pennasala er hefðbundin fjár-
öflunarleið Rauða kross deilda,
þetta árið eru pennarn-
ir merktir með „Gegn
ofbeldi“-lógóinu og fer
stór hluti teknanna að
þessu sinni til að
styrkja þetta verkefni.
Í dag er í gangi pennasala og
verður sölufólk frá RKÍ að selja
penna víða um land, m.a. í
Reykjavík á laugardag. Við viljum
hvetja fólk til að greiða atkvæði
gegn ofbeldi með því að kaupa
þessa penna.Á þessu ári verður
lögð sérstök áhersla á hugtakið
hversdagsfordóma. Hversdags-
fordómar felast í því að beita aðra
þjóðfélagshópa lúmskum og oft
ómeðvituðum fordómum eins og
þegar litaðir fá verri þjónustu og/
eða eru litnir hornauga, fólk sest
ekki við hliðina á þeim í strætó og
þannig mætti lengi telja. Það er
okkar sannfæring að þetta sé
töluvert vandamál hér á landi og
ég held að flestir geti kannast við
þetta í eigin fari þó í mismiklum
mæli sé“
Hver eru helstu markmið
átaksins?
„Í átakinu felst að vinna gegn
ofbeldi á sem víðtækastan hátt,
hér á landi höfum við verið með
ýmis smærri átaksverkefni eins
og að fá fólk til að taka táknræna
afstöðu gegn ofbeldi með því að
þrykkja handarfari sínu á lérefts-
dúk, kaffihúsakvöld í Hinu hús-
inu, gerð stuttmyndar sem farið
hefur verið með í flestar fé-
lagsmiðstöðvar og ýmsa skóla og
sýnd ásamt umræðum á eftir. Þá
hefur ýmislegt myndefni verið
gert, eins og veggspjöld, bækling-
ar og póstkort, tónleikar í Laug-
ardalshöll í hitteðfyrra og á Ing-
ólfstorgi nú í sumar. Fyrir jólin
vorum við svo með teiknisam-
keppni í grunnskólum og þannig
mætti lengi telja.“
Hvað er átakið umfangsmikið,
hvað stendur það lengi?
„Átakið mun standa að minnsta
kosti út þetta ár og vonandi leng-
ur.“
Átakið snýr nokkuð að skólum.
Er ofbeldi innan veggja þeirra að
aukast eða versna á einhvern
hátt?
„Af framangreindu er ljóst að
svo er ekki, en það er staðreynd
að ofbeldi er orðið mun grófara í
skólum og annars staðar. Sem
dæmi má taka að strákar sem
lentu í slag fyrir sex til átta árum í
skólum og hnoðuðust á gólfinu,
berjast nú með hnúum
og hnefum og ljótum
fantabrögðum, jafnvel
vopnum. Þetta endur-
speglast kannski í
þeirri staðreynd að
samkvæmt nýlegri rannsókn
kemur fram að fjórðungur ung-
linga í 9. og 10. bekk óttast að
verða beittur ofbeldi.“
Hvernig verður fólk helst virkj-
að í þessari baráttu gegn ofbeldi?
„Með því að hafa sýnilegan og
öflugan vettvang þar sem fólk
getur lagt baráttunni lið. Sá vett-
vangur er meðal annars hjá
Rauða krossi Íslands.“
Frantz Adolph Pétursson
Frantz Adolph Pétursson er
fæddur 1982. Nemi í rafvirkjun í
Iðnskóla Reykjavíkur. Hefur ver-
ið í ungmennahreyfingu RKÍ í
sex ár. Er verkefnisstjóri í hópi
sjálfboðaliða í Ungmennahreyf-
ingu Reykjavíkurdeildar RKÍ.
Frantz á unnustu og heitir hún
Karen Sigþórsdóttir.
...og oft
ómeðvitandi
fordómum
Nei, nei, frú, þetta er engin skemmd, þetta er bara beingreiðslu bit.